ᑯᓚᔑᔭᓇ 2:11 - ᐅᔅᑭ ᑎᔅᑌᒥᓐᑦ

¹¹ ᐊᓇ ᑭᓚᐗᐤ ᓀᔥᑕ ᑳ ᐅᒋ ᑭᔅᑭᓄᐙᒋᔓᑲᐎᔦᒃ ᐊᓂᒪ ᑭᔅᑭᓄᐙᒋᔓᐎᓐ ᐅᒋ ᐁᑳ ᒥᒋᒋᔭ ᑳ ᐅᒋ ᐅᔑᑖᓂᐗᒃ, ᐁ ᐃᑲᑌᔅᑖᔦᒃ ᐁ ᐎᔭᐎᒪᑲᑭ ᐎᔮᓯᐎᓂ ᒪᒋᑣᐎᓇ, ᐅ ᑭᔅᑭᓄᐙᒋᔔᐃᓐ ᙭ ᐅᒋ:

ᑯᓚᔑᔭᓇ 2:11 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 14:58

ᓂ ᑮ ᐯᑕᐙᓈᓐ ᐁ ᐃᑗᑦ, ᓂ ᑳ ᓂᔑᐗᓈᒋᑖᓐ ᐅᒪ ᑭᒋᐋᔭᒥᐁᐎᑲᒥᒃ ᒥᒋᒋᔭ ᑳ ᐅᒋ ᐅᔑᒋᑳᑌᒃ, ᐃᔥᐱᔥ ᒫᑲ ᓂᔅᑐ ᐁ ᑭᔑᑳᑭ ᑯᑕᒃ ᓂ ᑳ ᐅᔑᑖᓐ ᐁᑳ ᒥᒋᒋᔭ ᑫ ᐅᒋ ᐅᔑᒋᑳᑌᒃ᙮

ᐅᐸᓓᑭᔅ ᓘᒃ 2:21

ᐃᔅᐱ ᒫᑲ ᑳ ᑎᐱᐸᓕᑭ ᔭᓇᓀᐤ ᑭᔑᑳᐗ ᑭᒋ ᑭᔅᑭᓄᐙᒋᔣᑲᓂᐎᑦ ᐊᓇ ᐊᐙᔑᔥ, ᒋᓴᔅ ᑮ ᐃᔑᓂᑳᑕᐤ, ᒬᒋ ᑳ ᑮ ᐃᔑ ᐎᓕᑯᑦ ᐁᓐᒐᓚ ᐸᒧᔑ ᐊᔮᑯᑦ ᐅᑳᐎᔭ ᐅᔅᐹᔮᓕᒃ᙮

ᐊᐸᔅᑕᓚᒃ 17:24

ᑭᒋᒪᓂᑐ ᑳ ᑮ ᐅᔑᑖᑦ ᐊᔅᑭᓕᐤ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑕᑾᓕᓕᑭ ᐁ ᐗᐸᒋᑳᑌᒃ ᐎᓚ ᐁ ᑎᐯᓕᒋᑫᑦ ᑭᒋᑭᔑᑯᒃ ᓀᔥᑕ ᐊᔅᑭᒃ, ᓇᒪᐎᓚ ᑕᔑᑫᐤ ᐱᒋ ᐋᔭᒥᐁᐎᑲᒥᑾ ᑳ ᐅᔑᒋᑳᑌᑭ ᒥᒋᒋᔭ ᐅᒋ;

ᐊᐸᔅᑕᓚᒃ 7:48

ᐁᓕᐌᒃ ᒫᑲ ᑳ ᒫᐗᒋ ᑭᔅᑌᓕᑖᑯᓯᑦ ᓇᒪᐎᓚ ᑕᔑᑳᑌᒻ ᐋᔭᒥᐁᐎᑲᒥᑾ ᑳ ᐅᔑᒋᑲᑌᓕᑭ ᒥᒋᒋᔭ ᐅᒋ; ᑖᐱᔅᑯᒡ ᑳ ᐃᑗᑯᐸᓀ ᐅᑭᔅᑭᐗᐃᑫᐤ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:29

ᒫᑲ ᐁᐗᑯ ᑖᐺ ᒎᐎᐤ, ᐊᓇ ᐅᑎ ᐱᒋ ᐁ ᐃᔑᓈᑯᓯᑦ; ᓀᔥᑕ ᑭᔅᑭᓄᐙᒋᔓᐎᓐ ᐁᐗᑯ ᒥᑌᐃᒃ ᑳ ᐃᑐᒋᑳᑌᒃ, ᐊᒑᑯᒃ, ᓇᒪᐎᓚ ᒫᑲ ᐁ ᐃᑕᓯᓇᐃᑳᑌᒃ; ᐁᑳ ᑲ ᒫᒪᑖᑯᑕᑭᒃ ᐃᓕᓕᐗᒃ, ᒫᑲ ᐱᑯ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:6

ᐅᒪ ᐁ ᑭᔅᑫᓕᑕᒪᒃ ᑭ ᑳᔮᔥ ᐃᓕᓕᐎᐎᓂᓇᐤ ᑳ ᒋᔅᑖᔅᑾᐃᑳᑌᒃ ᐊᓯᒋ ᐎᓚ, ᒪᒋᑣᐎᓂ ᒥᔭᐤ ᑭᒋ ᓂᔑᐗᓈᑕᒃ, ᐁᑯᔅᐱ ᐅᒋ ᐁᑳ ᑭᒋ ᐊᑑᔅᑫᔅᑕᒪᒃ ᒪᒋᑣᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:24

ᐅ ᑭᑎᒫᑭᓯᐎ ᐃᓕᓕᐤ! ᐊᐌᓇ ᑫ ᐎᑾᒋᐃᑦ ᐅᒪ ᓂᐱᐎᓂ ᒥᔭᐤ ᐅᒋ?

ᓂᔓ ᑯᕆᓐᑎᐊᓇ 5:1

ᐌᓴ ᑭ ᑭᔅᑫᓕᑌᓋᓇᐤ ᑮᔥᐱᓐ ᑭᑦ ᐊᔅᑭᐎ ᑭᑭᓇᐤ ᐅᒪ ᒥᑭᐙᒻ ᑮ ᐱᑯᐸᓕᒃ, ᑭᑦ ᐋᔮᓈᓇᐤ ᐅ ᐙᔅᑳᔨᑫᐎᓐ ᑭᒋᒪᓂᑐ, ᐙᔅᑳᔨᑲᓐ ᐁᑳ ᒥᒋᒋᒃ ᑳ ᐅᒋ ᐅᔑᒋᑳᑌᒃ, ᑳᑭᑫ ᑭᒋᑭᔑᑯᒃ ᑳ ᐃᑌᑾᒃ᙮

ᓂᔓ ᑯᕆᓐᑎᐊᓇ 5:17

ᐁᐗᑯ ᐅᒋ ᑮᔥᐱᓐ ᐊᐌᓇ ᐃᓕᓕᐤ ᐁᑕᑴ ᙭ᑎᒃ, ᐅᔥᑭ ᐅᔑᐋᑲᓂᐎᐤ: ᑳᔮᔥ ᑫᒀᓐ ᐌᐱᐸᓕᐗ; ᒫᑎᑲ, ᒥᓯᐌ ᑫᒀᓇ ᐊᑎ ᐅᔥᑲᐗ᙮

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᑲᓓᔕᐊᓇ 5:24

ᐊᓂᑭ ᒫᑲ ᑳ ᑎᐯᓕᒥᑯᒋᒃ ᙭ᑕ, ᑮ ᒋᔅᑖᔅᒀᑕᒶᒃ ᐎᔭᓯᐎᐎᓕᓕᐤ, ᐊᓯᒋ ᓀᔥᑕ ᐁ ᐃᔑ ᒪᒋ ᐃᑌᓕᑕᒧᒪᑲᓂᓕᒃ ᓀᔥᑕ ᐁ ᐃᔑ ᓇᑕᐌᓕᑕᒧᒪᑲᓂᓕᒃ᙮

ᐃᐱᓯᔭᓇ 4:22

ᑭᒋ ᑫᒋᑾᓇᒣᒃ ᑭ ᑳᔮᔥ ᐃᔑᐱᒫᑎᓯᐎᓂᐗᐤ ᐊᓂᒪ ᑳᔮᔥ ᐃᑖᑎᓯᐎᓐ, ᑳ ᒫᓛᑕᒃ, ᑖᐱᔅᑯᒡ ᐁ ᐃᔑ ᐙᔦᔑᐃᐌᒪᑲᑭ ᒪᒋ ᓇᑕᐌᓕᑕᒧᐎᓇ;

ᐱᓕᐱᔭᓇ 3:3

ᐌᓴ ᑭᓚᓈᓇᐤ ᑭᔅᑭᓄᐙᒋᔓᐎᓐ ᑭᑦ ᐋᔮᓈᓇᐤ, ᑳ ᓇᐗᑭᔥᑕᐗᒃ ᑭᒋᒪᓂᑐ ᐊᒑᑯᐎᓂᒃ, ᓀᔥᑕ ᑳ ᒥᓚᐙᑕᔭᒃ ᙭ ᒋᓴᔅ, ᓀᔥᑕ ᐁᑳ ᐊᔅᐯᓕᒧᑐᑕᒪᒃ ᐎᔮᓯᐎᐎᓂᒃ:

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᐦᐃᑉᕉᐗ 9:11

ᒫᑲ ᙭ ᐁ ᑮ ᑕᑯᔑᒃ, ᐊᓇ ᑭᒋ ᓵᓵᑭᐎᓕᐌᐎᓕᓕᐤ ᐊᓂᐃ ᒥᓗ ᑫᒀᓇ ᐅᒋ ᑫ ᐅᑎᒋᐸᓕᑭ, ᐊᐙᓯᑌ ᑫᔅᑌᓕᑖᑾᒃ ᓀᔥᑕ ᐯᔅᑭᓛᑫᒃ ᐋᔭᒥᐋᐎ ᒥᑭᐙᒥᒃ, ᐁᑳ ᒥᒋᒋᔭ ᑳ ᐅᒋ ᐅᔑᑖᓂᐗᒃ, ᐁᐗᑯ, ᐁᑳ ᐅᒪ ᐁ ᐃᔑ ᐅᔑᑖᓂᐗᒃ;

ᐦᐃᑉᕉᐗ 9:24

ᐌᓴ ᙭ ᓇᒪᐎᓚ ᑮ ᐱᑐᑫᐤ ᐃᑕ ᑳ ᐸᓓᑲᑭ ᒥᒋᒋᔭ ᑳ ᐅᒋ ᐅᔑᑖᓂᐗᑭ, ᑳ ᓇᔅᐱᑕᒧᒪᑲᑭ ᐃᑕ ᑖᐺ ᑳ ᐸᓓᑲᒃ; ᒫᑲ ᑭᒋᑭᔑᑯᒃ ᑫᒋᐙᒃ ᐁᑯᑕ ᐊᓄᒡ ᑭᒋ ᓄᑯᓯᔅᑕᒫᑕᒃ ᐅᑎᔥᑲᐤ ᑭᒋᒪᓂᑐᐗ: