ᑯᓚᔑᔭᓇ 1:7 - ᐅᔅᑭ ᑎᔅᑌᒥᓐᑦ

⁷ ᑖᐱᔅᑯᒡ ᓀᔥᑕ ᑳ ᑮ ᐃᔑ ᑭᔅᑭᓄᐊᒫᑖᒃ ᐃᐸᑉᕌᔅ, ᑳ ᓵᑭᐊᑭᑦ ᓂᒋ ᐊᑑᔅᑫᓛᑲᓂᓈᓐ, ᐊᓇ ᑭᓚᐗᐤ ᐅᒋ ᑳ ᐋᐎᑦ ᑳ ᒀᔭᔅᑭᑎᑦ ᐅᑦ ᐊᔭᒥᐊᐎ ᐊᑑᔅᑫᓛᑲᓂᒪ ᙭;

ᑯᓚᔑᔭᓇ 1:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 18:29

ᐎᒋᐊᑑᔅᑫᓛᑲᓇ ᒫᑲ ᑮ ᐸᑭᔑᓂᓕᐗ ᐅᓯᑎᒃ, ᑭ ᓇᑐᑕᒫᑯ ᒫᑲ, ᐁ ᐃᑎᑯᑦ, ᐁᔑᓇᐙᐃᓐ, ᐁᑯ ᒫᑲ ᒥᓯᐌ ᑫ ᑎᐸᐊᒫᑖᓐ᙮

ᐅᐸᓓᑭᔅ ᒫᑎᐤ 24:45

ᐊᐌᓇ ᒫᑲ ᑳ ᒀᔭᔅᑭᑎᑦ ᓀᔥᑕ ᑲᑫᑕᐌᓕᑕᒃ ᐊᑑᔅᑫᓛᑲᓐ, ᑳ ᑮ ᑎᐯᓕᑕᒥᐃᑯᑦ ᐅᑦ ᐅᑭᒫᒪ ᐊᓂᐃ ᑳ ᐃᑖᓕᒋ ᐅ ᐙᔅᑳᔨᑲᓂᒥᓕᒃ, ᑭᒋ ᐊᔕᒫᑦ ᐌᑎᒋᐸᓕᓕᑭ?

ᐅᐸᓓᑭᔅ ᒫᑎᐤ 25:21

ᑮ ᐃᑎᑯ ᒫᑲ ᐅᑦ ᐅᑭᒫᒪ, ᐁᑯᔖᓂ, ᑭᓚ ᒥᓗ ᐊᑑᔅᑫᓛᑲᓐ ᐁ ᒀᔭᔅᑭᑎᔭᓐ; ᑭ ᑮ ᒀᔭᔅᑯᑐᑌᓐ ᐋᑎᑦ ᑫᒀᓇ, ᑭ ᑳ ᑎᐯᓕᑕᒥᐃᑎᓐ ᒥᒉᑦ ᑫᒀᓇ; ᐱᑐᑫᐤ ᑭᑦ ᐅᑭᒫᒻ ᐅ ᒧᒋᑫᓕᑕᒧᐎᓂᒃ᙮

ᓂᔥᑕᒻ ᑯᕆᓐᑎᐊᓇ 4:17

ᐅᒪ ᐅᒋ ᓀᔥᑕ ᑭ ᑮ ᐃᔑᑎᔕᐊᒫᑎᓇᐗᐤ ᑎᒧᑎᔭᔅ, ᐊᓇ ᑳ ᓵᑭᐊᒃ ᓂᑯᓯᔅ, ᓀᔥᑕ ᑳ ᑳᔭᔅᑭᑎᔅᑕᐙᑦ ᐅᑎᐯᓕᑭᑫᐗ, ᑫ ᑭᔅᑭᓯᑐᑕᒫᑖᒃ ᓂᑦ ᐃᔑᑣᐎᓇ ᑳ ᐃᑕᑾᑭ ᙭ᑎᒃ, ᐁ ᐃᔑ ᑭᔅᑭᓄᐊᒫᑫᔮᓐ ᒥᓯᐌ ᐃᑕ ᒣᑴᔭᔥ ᒥᓯᐌ ᒫᒪᐎᐋᔭᒥᐋᐗ᙮

ᓂᔥᑕᒻ ᑯᕆᓐᑎᐊᓇ 4:2

ᓀᔥᑕ ᒫᑲ ᓇᑕᐌᓕᑖᑯᓯᐗᒃ ᑲᓇᐌᓕᑎᓛᑲᓇᒃ, ᐃᓕᓕᐤ ᑭᒋ ᒥᔅᑲᐙᑲᓂᐎᑦ ᐁ ᒀᔭᔅᑭᑎᑦ᙮

ᓂᔥᑕᒻ ᑯᕆᓐᑎᐊᓇ 7:25

ᐅᔥᑭᓂᑭᔅᑴᐗᒃ ᐅᒋ ᒫᑲ, ᓇᒪᐎᓚ ᓂ ᑮ ᐃᑕᔓᒥᒃ ᑭᒋᒪᓂᑐ: ᐁᓕᐌᒃ ᒫᑲ ᓂ ᐎᑌᐤ ᑳ ᐃᑌᓕᑕᒫᓐ, ᑖᐱᔅᑯᒡ ᐊᐌᓇ ᑳ ᑮ ᒥᓕᑯ ᔕᐌᓕᒋᑫᐎᓂᓕᐤ ᐅᑎᐯᓕᒋᑫᐗ ᑭᒋ ᒀᔭᔅᑭᑎᑦ᙮

ᓂᔓ ᑯᕆᓐᑎᐊᓇ 11:23

ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮

ᐃᐱᓯᔭᓇ 5:21

ᐁ ᑕᐸᑌᓕᒥᑎᓱᔅᑖᑐᔦᒃ ᐅ ᓇᓂᒌᔅᑖᑯᓯᐎᓂᒃ ᑭᒋᒪᓂᑐ᙮

ᐱᓕᐱᔭᓇ 2:25

ᐁᓕᐌᒃ ᒫᑲ ᔮᓕᑌᓐ ᓂ ᑮ ᐃᑌᓕᑌᑖᔾ ᑭᒋ ᐃᑎᔕᐊᒫᑕᑾᒃ ᐃᐹᑉᕈᑖᐃᑕᔅ, ᓂᒋᔖᓐ, ᓀᔥᑕ ᓂ ᐎᒋᐙᑲᓐ ᐊᑑᔅᑫᐎᓂᒃ, ᓀᔥᑕ ᓂᒋᓇᑐᐸᓕᐎᓕᓕᒻ, ᒫᑲ ᑭᑦ ᐃᔑᑎᔕᐙᑲᓂᐗᐤ, ᐊᓇ ᓀᔥᑕ ᑳ ᑮ ᐅᒋᔅᑕᒫᑫᑦ ᓂ ᑶᑕᒧᐎᓇ᙮

ᑯᓚᔑᔭᓇ 4:12

ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮

ᑯᓚᔑᔭᓇ 4:7

ᒥᓯᐌ ᐁ ᐋᔭᑎᔮᓐ ᑎᑭᑲᔅ ᑭ ᑳ ᐎᑕᒫᑯᐗᐤ, ᑳ ᓵᑭᐋᑲᓂᐎᑦ ᐎᒋᔖᓂᒪᐤ, ᓀᔥᑕ ᐁ ᒀᔭᔅᑭᑎᑦ ᐋᔭᒥᐊᐎ ᐊᑑᔅᑫᓛᑲᓐ, ᓀᔥᑕ ᐎᒋᐊᑑᔅᑫᓛᑲᓐ ᐅᑎᐯᓕᒋᑫᒃ:

ᑯᓚᔑᔭᓇ 4:9

ᐊᓯᒋ ᐅᓂᓯᒪᔅ, ᑳ ᒀᔭᔅᑭᑎᑦ ᓀᔥᑕ ᓵᑭᐋᑲᓂᐎᑦ ᐎᒋᔖᓇᒪᐤ, ᐁᐗᑯ ᐯᔭᒃ ᑭᓚᐗᐤ ᐅᒋ᙮ ᐎᓚᐗᐤ ᑭ ᑳ ᑭᔅᑫᓕᑕᒥᐃᑯᐗᐤ ᒥᓯᐌ ᑫᒀᓇ ᐅᑕ ᑳ ᐋᔨᑐᒋᑳᑌᑭ᙮

ᓂᔥᑕᒻ ᑎᒧᑎ 4:6

ᑮᔥᐱᓐ ᐅᐅ ᑭᔅᑭᓯᑐᑕᒥᐊᑡᐌ ᐎᒋᔖᓂᒪᐗᒃ, ᑭ ᑳ ᒥᓗ ᐋᔭᒥᐊᐎ ᐊᑑᔅᑫᓛᑲᓂᒥᒥᒃ ᒋᓴᔅ ᙭, ᐁ ᐅᐱᑭᔭᓐ ᑖᐺᔦᓕᑕᒧᐎᓂ ᐋᔭᒥᐎᓂᒃ ᓀᔥᑕ ᒥᓗ ᑭᔅᑭᓄᐊᒫᑫᐎᓂᒃ, ᐁᐗᑯ ᑳ ᑮ ᓄᔅᐱᓈᑕᒪᓐ᙮

ᓂᔓ ᑎᒧᑎ 2:2

ᐊᓂᐃ ᒫᑲ ᑳ ᑮ ᐯᑕᐎᔭᓐ ᐁ ᐊᔨᑖᒋᒧᔮᓐ ᐊᓯᒋ ᒥᒉᑦ ᐅᑎᐹᒋᒧᐗᒃ, ᐁᐗᒀᓂᐃ ᐸᑭᑎᓇᒪᐎᒃ ᑳ ᒀᔭᔅᑭᑎᒋᒃ ᐃᓕᓕᐗᒃ, ᑫ ᑲᔥᑭᑖᒋᒃ ᑯᑕᑭᔭ ᓀᔥᑕ ᑭᒋ ᑭᔅᑭᓄᐊᒪᐙᒋᒃ᙮

ᐹᐃᓕᒪᓐ 1:23

ᐅᑯ ᑭᑦ ᐊᑕᒥᔅᑳᑾᒃ ᐁᐸᑉᕌᔅ, ᓂᒋᑭᐸᐙᑲᓐ ᙭ ᒋᓴᓯᒃ;

ᐦᐃᑉᕉᐗ 2:17

ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮

ᐦᐃᑉᕉᐗ 3:2

ᐊᓇ ᑳ ᒀᔭᔅᑯᑐᑕᐙᑦ ᐊᓂᐃ ᑳ ᑮ ᐅᓚᑭᒥᑯᑦ, ᑖᐱᔅᑯᒡ ᒧᓯᔅ ᑳ ᑮ ᐃᔑ ᒀᔭᔅᑭᑎᑦ ᑳ ᐃᑕᔑᑦ ᐎᑭᒃ᙮