ᑯᓚᔑᔭᓇ 1:5 - ᐅᔅᑭ ᑎᔅᑌᒥᓐᑦ

⁵ ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᑯᓚᔑᔭᓇ 1:5 ပူးပေါင်းရင်းမြစ်များ

ᐅᐸᓓᑭᔅ ᓘᒃ 12:33

ᐊᑖᐙᑫᒃ ᐊᓂᒪ ᑳ ᐋᔮᔦᒃ, ᒥᓕᐌᒃ ᒫᑲ; ᐅᑎᓇᒫᓱᒃ ᒫᑲ ᒥᐗᑕ ᐁᑳ ᑳ ᐊᑎ ᑳᔮᔑᐗᑭ, ᒥᔕᑭᓯᐎᓐ ᑭᒋᑭᔑᑯᒃ ᐁᑳ ᑫ ᑮ ᒣᔅᑎᓂᑳᑌᒃ, ᐃᑕ ᑭᒧᑎᔉ ᐁᑳ ᐁ ᐯᔣᐸᑕᒃ, ᐁᑳ ᓀᔥᑕ ᒪᓂᒍᔥ ᐁ ᓂᔑᐗᓈᒋᑖᑦ᙮

ᐊᐸᔅᑕᓚᒃ 10:36

ᐊᓂᒪ ᐋᔭᒥᐎᓐ ᑭᒋᒪᓂᑐ ᑳ ᑮ ᐃᔑᑎᔕᐊᒪᐙᑦ ᐃᔅᕃᐃᓪ ᐅᑦ ᐊᐙᔑᒥᔕ, ᐁ ᐙᐎᑕᒃ ᑳᔭᒣᓕᑕᒧᐎᓂᓕᐤ ᐎᓚ ᐅᒋ ᒋᓴᔅ ᙭; ᐊᓇ ᒥᓯᐌ ᑳ ᑎᐯᓕᒋᑫᑦ᙮

ᐊᐸᔅᑕᓚᒃ 13:26

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑳ ᐅᑦ ᐊᐙᔑᒥᔑᒥᑖᒃ ᐊᓇ ᐁᑉᕃᐋᒻ, ᓀᔥᑕᐱᑯ ᐊᐌᓇ ᐁ ᐃᑕᔑᔦᒃ ᑳ ᓇᓂᒋᔅᑕᐙᑴ ᑭᒋᒪᓂᑐᐗ, ᑭᓚᐗᐤ ᐃᓴ ᑭᑦ ᐃᔑᑎᔕᐊᒪᑲᐎᓇᐗᐤ ᐅᒪ ᐱᒫᒋᐃᐌᐎᓂ ᐋᔭᒥᐎᓐ᙮

ᐊᐸᔅᑕᓚᒃ 23:6

ᒫᑲ ᐃᔅᐱ ᐹᓪ ᐯᓯᔅᑫᓕᑕᒃ ᐋᑎᑦ ᐁ ᓵᑦᔪᓯᐎᓕᒋ, ᓀᔥᑕ ᑯᑕᑭᔭ ᐁ ᐹᕋᓯᐎᓕᒋ, ᑮ ᑌᐺᐤ ᐊᓐᑕ ᐁ ᐃᔑ ᒪᐗᒋᐃᑐᓕᒋ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂᓚ ᓂ ᐹᕋᓯᐎᓐ, ᐁ ᐅᑯᓯᓯᒥᑦ ᓀᔥᑕ ᐹᕋᓯ: ᐅᑦ ᐊᔅᐯᓕᒧᐎᓂᐗᐤ ᓀᔥᑕ ᐅ ᐗᓂᔥᑲᐎᓂᐗᐤ ᐊᓂᑭ ᑳ ᓂᐱᒋᒃ ᐅᒋ ᓂ ᑎᐹᔅᑯᓂᑳᐎᓐ᙮

ᐊᐸᔅᑕᓚᒃ 24:15

ᓀᔥᑕ ᓂᑦ ᐊᔅᐯᓕᒧᑐᑕᐗᐤ ᑭᒋᒪᓂᑐ, ᐎᓚᐗᐤ ᓀᔥᑕ ᑳ ᑲᓇᐌᓕᑕᑭᒃ, ᑭᒋ ᐗᓂᔥᑳᒋᒃ ᐅᓂᐱᐗᒃ, ᑖᐱᔅᑯᒡ ᐊᓂᑭ ᑳ ᒀᔭᔅᑭᑎᒋᒃ ᓀᔥᑕ ᐁᑳ ᑳ ᒀᔭᔅᑭᑎᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:8

ᒫᑲ ᑖᓐ ᐁᑗᒪᑲᒃ? ᐊᓂᒪ ᐋᔭᒥᐎᓐ ᑭ ᐯᔛᐸᒥᑯᓐ, ᑭᑐᓂᒃ ᐅᑎ, ᓀᔥᑕ ᑭᑌᐃᒃ: ᐁᐗᑯ, ᐊᓂᒪ ᑖᐺᔦᓕᑕᒧᐎᓂ ᐋᔭᒥᐎᓐ, ᑳ ᐙᐎᑕᒫᒃ;

ᓂᔥᑕᒻ ᑯᕆᓐᑎᐊᓇ 13:13

ᐊᓄᒡ ᒫᑲ ᐃᑕᑾᓋ ᑖᐺᔦᓕᑕᒧᐎᓐ, ᐊᔅᐯᓕᒧᐎᓐ, ᓵᑭᐃᐌᐎᓐ, ᐅᐅ ᓂᔅᑐ; ᒫᑲ ᐊᓂᒪ ᑳ ᒪᐗᒋ ᑭᔅᑌᓕᑖᑾᒃ ᐁᐗᑯ ᓵᑭᐃᐌᐎᓐ᙮

ᓂᔥᑕᒻ ᑯᕆᓐᑎᐊᓇ 15:19

ᑮᔥᐱᓐ ᐅᒪ ᐱᒫᑎᓯᐎᓂᒃ ᐱᑯ ᑭᑦ ᐊᔅᐯᓕᒧᑐᑕᐙᓇᐤ ᙭, ᒥᓯᐌ ᐁ ᐃᑕᓯᒋᒃ ᐃᓕᓕᐗᒃ ᑭᓚᓈᓇᐤ ᒪᐗᒡ ᑭ ᑭᑎᒫᑭᓯᓋᓇᐤ᙮

ᓂᔓ ᑯᕆᓐᑎᐊᓇ 5:19

ᑭᒋᒪᓂᑐ ᐁ ᑮ ᐱᒋᔅᑲᐙᑦ ᙭ᑕ, ᐁ ᐅᑐᑌᒥᔅᑕᒫᓯᑦ ᐊᔅᑭ, ᐁᑳ ᐁ ᐃᑕᑭᑕᒪᐙᑦ ᐅ ᒪᒋᑐᑕᒧᐎᓂᓕᐗ; ᓀᔥᑕ ᐁ ᑮ ᐸᑭᑎᓇᒫᑕᒃ ᐅᑐᑌᒥᐃᐌᐎ ᐋᔭᒥᐎᓂᓕᐤ᙮

ᓂᔓ ᑯᕆᓐᑎᐊᓇ 6:7

ᑖᐺᐎᓂ ᐋᔭᒥᐎᓂᒃ, ᑭᒋᒪᓂᑐ ᐅ ᑲᔥᑭᐅᐎᓂᒃ, ᐁ ᑭᑭᔥᑲᒫᒃ ᓇᑐᐸᓕᐎ ᐋᐸᒋᑖᐎᓇ ᒀᔭᔅᑭᑖᑎᓱᐎᓂᒃ ᑳ ᐅᒋᐸᓕᑭ ᑭᒋᓂᔅᑮᒃ ᐃᑌᑫ ᓀᔥᑕ ᓇᒪᑎᓂᔅᑭᒃ ᐃᑌᑫ,

ᑲᓓᔕᐊᓇ 2:14

ᒫᑲ ᐃᔅᐱ ᐎᐋᐸᑕᒫᓐ ᐁᑳ ᒀᔭᔉ ᐁ ᐃᔑ ᐱᒧᑌᒋᒃ, ᑳ ᐃᑕᔅᑌᒃ ᑖᐺᐎᓐ ᒥᓗᐋᒋᒧᐃᓂᒃ, ᓂ ᑮ ᐃᑕᐤ ᐱᑕᕐ, ᐅᑎᔥᑲᐤ ᒥᓯᐌ ᐁ ᐃᑕᓯᒋᒃ, ᑮᔥᐱᓐ ᑭᓚ ᐁ ᒎᐎᔭᓐ, ᐃᔑ ᐱᒫᑎᓯᔭᓐ ᑖᐱᔅᑯᒡ ᒉᓐᑖᐃᓚᒃ, ᓇᒪᐎᓚ ᒫᑲ ᑖᐱᔅᑯᒡ ᒎᐗᒃ; ᑕᓀᑭ ᐌᒋ ᔖᑯᒋᐊᒋᒃ ᒉᓐᑖᐃᓚᒃ ᑭᒋ ᐃᔑ ᐱᒫᑎᓯᒋᒃ ᑖᐱᔅᑯᒡ ᒎᐗ?

ᑲᓓᔕᐊᓇ 2:5

ᐁᑯ ᒫᑲ ᓇᒪᐎᓚ ᓂ ᑮ ᐸᑭᑎᓂᑎᓱᔅᑕᐙᓈᓐ, ᓇᒪᐎᓚ ᐃᔥᐱᔥ ᐯᔭᒃ ᑎᐹᔨᑲᓐ ᐱᓯᒧᑳᓂᒃ; ᒥᓗᐋᒋᒧᐎᓂ ᑖᐺᐎᓐ ᑫᔮᐸᒡ ᑭᒋ ᐋᔮᔦᒃ᙮

ᑲᓓᔕᐊᓇ 5:5

ᐌᓴ ᑭ ᐯᑖᓈᓇᐤ ᐎᓚ ᐊᒑᒃ ᐅᒋ ᒀᔭᔅᑭᑖᑎᓯᐎᓂ ᐊᔅᐯᓕᒧᐎᓐ ᑖᐺᔦᓕᑕᒧᐃᓐ ᐅᒋ᙮

ᐃᐱᓯᔭᓇ 1:13

ᐊᓇ ᑭᓚᐗᐤ ᓀᔥᑕ ᑳ ᑮ ᒪᒥᔑᑐᑕᐌᒃ, ᐹᑎᒫ ᑳ ᑮ ᐯᑕᒣᒃ ᐊᓂᒪ ᑕᐺᐎᓂ ᐋᔭᒥᐎᓐ, ᐊᓂᒪ ᒥᓗᐋᒋᒧᐎᓐ ᑳ ᐅᒋᐸᓕᒃ ᑭ ᐱᒫᒋᐃᑯᓯᐎᓂᐗᐤ; ᐊᓇ ᓀᔥᑕ, ᐹᑎᒪ ᑳ ᑮ ᑖᐺᑕᒣᒃ, ᑳ ᐅᒋ ᑭᔅᑭᓄᐙᒋᐃᑖᒃ ᐊᓇ ᐊᔓᑕᒫᑫᐎᓂ ᐸᓓᑭ ᐊᒑᒃ,

ᐃᐱᓯᔭᓇ 4:21

ᑮᔥᐱᓐ ᑳ ᐯᑕᐙᐌᑴ, ᓀᔥᑕ ᑳ ᑭᔅᑭᓄᐊᒫᑖᑾ, ᑳ ᐃᔑ ᐙᐸᑎᓕᐌᑦ ᑖᐺᐎᓂᓕᐤ ᒋᓴᔅ:

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᑯᓚᔑᔭᓇ 3:16

ᐁᑯᔑ ᙭ ᐅᑦ ᐋᔭᒥᐎᓐ ᑭ ᑳ ᐌᓗᒋ ᐱᒋᔅᑳᑯᐙᓇᐗᐤ ᒥᓯᐌ ᑲᑫᑕᐌᓕᑕᒧᐎᓂᒃ; ᐁ ᑭᔅᑭᓄᐊᒫᑐᔦᒃ ᓀᔥᑕ ᑲᑫᔅᑭᒥᑐᔦᒃ ᓵᓪᒥᒃ, ᓀᔥᑕ ᐋᔭᒥᐋᐎ ᓂᑲᒧᐎᓂᒃ, ᓀᔥᑕ ᐊᒑᑯᐎ ᓂᑲᒧᐎᓂᒃ, ᐁ ᓂᑲᒧᔅᑕᐌᒃ ᐅᑎᐯᓕᒋᑫᐤ ᐁ ᐃᑕᑾᒃ ᓇᓈᔅᑯᒧᐎᓐ ᑭᑌᐃᐙᒃ᙮

ᓂᔥᑕᒻ ᑌᓴᓗᓂᔭᓇ 2:13

ᐅᒪ ᐅᒋ ᓀᔥᑕ ᓇᒪᐎᓚ ᓂ ᐳᓂᓇᓈᔅᑯᒫᓈᓐ ᑭᒋᒪᓂᑐ, ᐌᓴ ᐃᔅᐱ ᐌᑎᓇᒬᒃ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑮ ᐯᑕᒬᒃ ᓂᓚᓈᓐ ᐅᒋ, ᑭ ᑮ ᐅᑎᓀᓇᐗᐤ ᓇᒪᐎᓚ ᑖᐱᔅᑯᒡ ᐅᑦ ᐋᔭᒥᐎᓂᐗᐤ ᐃᓕᓕᐗᒃ, ᒫᑲ, ᑳ ᐃᔑ ᑖᐺᐎᓂᐗᒃ ᑭᒋᒪᓂᑐ ᐅᑦ ᐋᔭᒥᐎᓐ, ᐱᒋᓛᒃ ᑳ ᑲᔥᑭᐅᐎ ᐊᑐᔅᑳᑯᔦᒃ ᑭᓚᐗᐤ ᑳ ᑖᐺᑕᒣᒃ᙮

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᓂᔥᑕᒻ ᑎᒧᑎ 1:15

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᐦᐃᑉᕉᐗ 7:19

ᐌᓴ ᐅᓚᔓᐌᐎᓐ ᓇᒪᐎᓚ ᑫᒀᓐ ᑮ ᒥᑐᓂᐎᑖᒪᑲᓐ, ᒫᑲ ᑮ ᐃᑭᓐ ᐊᐙᓯᑌ ᑳ ᒥᓨᔑᒃ ᐊᔅᐯᓕᒧᐎᓐ ᐁ ᑮ ᐯᑖᓂᐗᒃ; ᐊᓂᒪ ᑳ ᐅᒋ ᐯᔣᐸᒪᒃ ᑭᒋᒪᓂᑐ᙮

ᓂᔥᑕᒻ ᐱᑕᕐ 2:2

ᑖᐱᔅᑯᒡ ᑳ ᐅᔥᑭ ᓂᑕᐎᑭᒋᒃ ᐊᐱᔅᑕᐙᔑᔕᒃ, ᓇᑕᐌᓕᑕᒧᒃ ᑖᐺ ᒍᒍᒋᒫᐳ ᐋᔭᒥᐎᓂᒃ ᑳ ᐅᒋᐸᓕᒃ, ᑭᒋ ᐅᒋ ᐅᐱᑭᔦᒃ;

ᓂᔥᑕᒻ ᐱᑕᕐ 3:15

ᒫᑲ ᐸᓓᑫᓕᒥᒃ ᑭᒋᒪᓂᑐ ᑭᑌᐃᐙᒃ: ᒧᔕᒃ ᓀᔥᑕ ᐋᔦᔅᑲᐎᓯᒃ ᑭᒋ ᓇᔥᑴᐗᔑᐁᐤ ᒥᓯᐌ ᑕᑐ ᐃᓕᓕᐤ ᑳ ᑲᑴᒋᒥᑖᒃ ᐌᒋ ᐋᔮᔦᒃ ᐊᓂᒪ ᐊᔅᐯᓕᒧᐎᓐ ᑳ ᐱᒋᔅᑳᑯᔦᒃ ᓗᔅᑳᑎᓯᐎᓂᒃ ᓀᔥᑕ ᓇᓂᒋᐎᓂᒃ:

ᓂᔓ ᐱᑕᕐ 1:12

ᐁᐗᑯ ᐅᒋ ᓇᒪᐎᓚ ᓂ ᑳ ᐋᔮᒌᔅᑕᐌᓕᑌᓐ ᑭᒋ ᑭᔅᑭᓯᐃᑖᑾᒃ ᐅᐅ ᑫᒀᓇ, ᐋᑕ ᐁ ᑭᔅᑫᓕᑕᒣᒃ, ᓀᔥᑕ ᐁ ᐋᔨᒋᑳᐸᐎᔦᒃ ᐊᓄᒡ ᑖᐺᐎᓂᒃ᙮

ᓂᔥᑕᒻ ᒑᓐ 3:3

ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮