ᑯᓚᔑᔭᓇ 1:23 - ᐅᔅᑭ ᑎᔅᑌᒥᓐᑦ

²³ ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:23 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 16:15

ᑮ ᐃᑌᐤ ᒫᑲ, ᒥᓯᐌ ᐁᔅᐱᑕᔅᑲᒥᑳᒃ ᐃᑐᑌᒃ, ᐙᐎᑕᒫᑯᒃ ᒫᑲ ᒥᓯᐌ ᐯᒫᑎᓯᒋᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᓘᒃ 22:32

ᒫᑲ ᑭ ᑮ ᐋᔭᒥᐁᔅᑕᒫᑎᓐ, ᐁᑳ ᑭᒋ ᓄᑌᐸᓕᒃ ᑭ ᑖᐺᔦᓕᑕᒧᐎᓐ᙮ ᐃᔅᐱ ᒫᑲ ᑮ ᑴᔅᑳᑎᓯᔭᓀ, ᓵᐱᐎᐃᒃ ᑭᒋᔖᓇᒃ᙮

ᐅᐸᓓᑭᔅ ᓘᒃ 6:48

ᓇᔅᐱᑕᐌᐤ ᐃᓕᓕᐗ ᑳ ᐅᔑᑖᓕᒋ ᐙᔅᑳᔨᑲᓂᓕᐤ, ᓀᔥᑕ ᑳ ᒧᓇᐃᑫᓕᒋ ᐊᑖᒥᒃ, ᓀᔥᑕ ᑳ ᒫᒋ ᐅᔑᑖᓕᒋ ᑌᑖᐱᔅᑳᒃ; ᐃᔅᐱ ᒫᑲ ᐱᐁᒋ ᓕᔅᑭᐳᑌᒃ, ᓯᐱ ᐁᓕᑯᒃ ᑮ ᐸᑲᒥᒋᐗᓐ ᐊᓂᒪ ᐙᔅᑳᔨᑲᓂᒃ, ᓇᒪᐎᓚ ᒫᑲ ᑮ ᐋᒋᐸᓕᑖᒪᑲᓐ; ᐌᓴ ᑮ ᒋᒪᑖᓂᐗᓐ ᑌᑖᐱᔅᑳᒃ᙮

ᐅᐸᓓᑭᔅ ᒑᓐ 15:6

ᑮᔥᐱᓐ ᐊᐌᓇ ᐁᑳ ᐱᒋᔅᑲᐎᑌ, ᐌᐱᓈᑲᓂᐎᐤ ᑖᐱᔅᑯᒡ ᐗᑎᑾᓐ, ᓂᐱᐤ ᒫᑲ; ᐁᑯ ᐃᓕᓕᐗᒃ ᒥᔭᐗᒋᑖᒋᒃ, ᓀᔥᑕ ᒣᒎᔅᑌᐌᐱᓇᑭᒃ, ᐃᔥᒀᑌᐗ ᒫᑲ᙮

ᐊᐸᔅᑕᓚᒃ 1:17

ᐌᓴ ᑮ ᐃᑕᑭᒫᑲᓂᐎᐤ ᐊᓯᒋ ᑭᓚᓈᓇᐤ, ᓀᔥᑕ ᑮ ᒥᓛᑲᓂᐎᐤ ᐸᔅᑭ ᐅᒪ ᐋᔭᒥᐋᐎ ᐊᑑᔅᑫᐎᓐ᙮

ᐊᐸᔅᑕᓚᒃ 1:25

ᑭᒋ ᐎᒋᐃᐌᑦ ᐅᒪ ᐋᔭᒥᐋᐎ ᐊᑑᔅᑫᐎᓂᒃ, ᓀᔥᑕ ᐊᐸᔅᑕᓕᐎᐎᓂᒃ, ᑳ ᐅᒋ ᐸᑭᔑᒃ ᒎᑕᔅ, ᒪᒋ ᐋᔨᑎᐎᓐ ᐅᒋ, ᑭᒋ ᐃᑐᑌᑦ ᑎᐱᓚᐌ ᐅ ᑕᔑᑫᐎᓂᒃ᙮

ᐊᐸᔅᑕᓚᒃ 1:8

ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮

ᐊᐸᔅᑕᓚᒃ 11:23

ᐊᓇ, ᐃᔅᐱ ᑳ ᑕᑯᔑᒃ, ᓀᔥᑕ ᑳ ᑮ ᐙᐸᑕᒸᑦ ᑭᒋᒪᓂᑐᐗ ᐅ ᔕᐌᓕᒋᑫᐎᓂᓕᐤ, ᑮ ᓯᑭᓓᓯᐤ, ᓀᔥᑕ ᑮ ᑲᑫᔅᑭᒣᐤ ᒥᓯᐌ, ᐅᑌᐃᓕᒃ ᐅᒋ ᑭᒋ ᒥᒋᒥᓈᓕᒋ ᐅᑎᐯᓕᒋᑫᐗ᙮

ᐊᐸᔅᑕᓚᒃ 14:22

ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 2:5

ᑮ ᑕᔑᑫᐗᒃ ᒫᑲ ᒋᕉᓴᓚᒥᒃ, ᒎᐗᒃ, ᐁ ᐋᔭᒥᐁᐙᑎᓯᐎ ᐃᓕᓕᐎᒋᒃ, ᒥᓯᐌ ᐁ ᑕᑐᔅᑲᓀᓯᓕᒋ ᐃᓕᓕᐗ ᔑᐸ ᑭᒋᑭᔑᑯᒃ ᐅᒋ᙮

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐊᐸᔅᑕᓚᒃ 26:16

ᒫᑲ ᐗᓂᔥᑳ, ᓀᔥᑕ ᓂᐸᐎ ᑭᓯᑎᒃ: ᐌᓴ ᐁᐗᑯ ᐌᒋ ᓄᑯᓰᔅᑖᑖᓐ, ᑭᒋ ᐋᔭᒥᐋᐎᐋᑑᔅᑫᓛᑲᓂᐃᑖᓐ ᓀᔥᑕ ᑭᒋ ᑎᐹᑐᑕᒪᓐ ᑖᐱᔅᑯᒡ ᐅᐅ ᑫᒀᓇ ᑳ ᑮ ᐙᐸᑕᒪᓐ, ᓀᔥᑕ ᐊᓂᐃ ᑫᒀᓇ ᑫ ᐅᒋ ᓄᑯᓰᔅᑖᑖᓐ;

ᐊᐸᔅᑕᓚᒃ 4:12

ᓇᒪᐎᓚ ᑯᑕᒃ ᐊᐌᓇ ᐱᒫᒋᐃᐌᐎᓐ ᐊᔮᐤ; ᐌᓴ ᓇᒪᐎᓚ ᐃᑕᑾᓐ ᑯᑕᒃ ᐃᔑᓂᑳᓱᐎᓐ ᔑᐸ ᑭᔑᑯᒃ ᑳ ᒥᓕᒋᒃ ᐃᓕᓕᐗᒃ, ᑫ ᑮ ᐅᒋ ᐱᒫᒋᐃᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:18

ᒫᑲ ᓂᑦ ᐃᑣᓐ, ᓇᒪ ᓈ ᑮ ᐅᒋ ᐯᑕᒶᒃ? ᐁᐁ, ᑖᐺ, ᐅ ᐯᑖᑯᓯᐎᓂᐗᐤ ᑮ ᐃᔅᐸᓂᓕᐤ ᒥᓯᐌ ᐊᔅᑮᒃ, ᓀᔥᑕ ᐅᑦ ᐋᔭᒥᐎᓂᐙᐗ ᐁ ᐃᔅᒀᔮᒃ ᐊᔅᑮᒃ ᐃᔥᐱᔥ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16

ᑭᒋ ᐋᔭᒥᐙᐎ ᐅᑦ ᐊᑑᔅᑫᓛᑲᓂᒥᑦ ᒋᓴᔅ ᙭ ᐁ ᑮ ᐋᔭᒥᐊᑭᒃ ᒉᓐᑖᐃᓚᒃ, ᐁ ᒫᑎᓇᒶᒃ ᐅ ᒥᓗᐋᒋᒧᐎᓐ ᑭᒋᒪᓂᑐ, ᐁ ᐸᑭᑎᓈᑲᓂᐎᒋᒃ ᒉᓐᑖᐃᓚᒃ ᑭᒋ ᓇᐁᓕᑖᑾᓂᓕᒃ, ᐁ ᑮ ᐸᓓᑭᐋᑲᓂᐎᒋᒃ ᐸᓓᑭ ᐊᒑᑾ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7

ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:5

ᓀᔥᑕ ᐊᔅᐯᓕᒧᐎᓐ ᐁ ᐃᑕᑾᒃ ᓇᒪᐎᓚ ᓇᓀᐯᐎᓯᓋᓂᐗᓐ; ᐌᓴ ᑭᒋᒪᓂᑐ ᐅ ᓵᑭᐃᐌᐎᓐ ᓯᑭᓂᑳᑌᓕᐤ ᑭᑌᐃᓈᒃ ᐸᓓᑭ ᐋᒑᒃ ᐅᒋ ᑳ ᒥᓕᑲᐎᔭᒃ᙮

ᓂᔥᑕᒻ ᑯᕆᓐᑎᐊᓇ 15:58

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮

ᓂᔥᑕᒻ ᑯᕆᓐᑎᐊᓇ 3:5

ᐊᐌᓇ ᒫᑲ ᐹᓪ, ᐊᐌᓇ ᒫᑲ ᐊᐸᓚᔅ, ᐱᑯ ᐋᔭᒥᐋᐎ ᐊᑑᔅᑫᓛᑲᓇᒃ ᑳ ᑮ ᐅᒋ ᑖᐺᔦᓕᑕᒣᒃ, ᐱᑯ ᑳ ᐃᔑ ᒥᓛᑦ ᐅᑎᐯᓕᒋᑫᐤ ᒥᓯᐌ ᑕᑐ ᐃᓕᓕᐗ?

ᓂᔓ ᑯᕆᓐᑎᐊᓇ 10:1

ᓂᓚ ᒫᑲ ᐹᓪ ᑫᒋᐙᒃ ᑭ ᓇᑐᑕᒫᑎᓇᐗᐤ ᐁ ᐃᔑ ᓗᔅᑳᑎᓰᑦ ᓀᔥᑕ ᐯᑳᑖᑎᓯᑦ ᙭, ᐁ ᐃᔑᓈᑯᓯᔮᓐ ᑳ ᒪᒉᓕᑖᑯᓯᔮᓐ ᐃᑕ ᐁ ᐃᑖᔦᒃ, ᒫᑲ ᐁ ᐃᑖᐱᒋᔮᓐ ᑳ ᓴᓱᑭᒧᑐᑖᑕᑾᒃ;

ᓂᔓ ᑯᕆᓐᑎᐊᓇ 11:23

ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮

ᓂᔓ ᑯᕆᓐᑎᐊᓇ 3:6

ᐁᐗᒀᓇ ᓀᔥᑕ ᑳ ᐋᔭᒥᐋᐎ ᐊᑑᔅᑫᓛᑲᓂᐃᔭᒥᑦ ᑭᒋ ᐎᑕᒫᒃ ᐊᓂᒪ ᐅᔥᑭ ᓇᔅᑯᒥᑐᐎᓐ; ᓇᒪᐎᓚ ᑳ ᐃᑗᒪᑲᒃ, ᒫᑲ ᑳ ᐊᒑᑯᐎᒪᑲᒃ; ᐌᓴ ᑳ ᐃᑗᒪᑲᒃ ᓂᐹᔭᐌᒪᑲᓐ, ᒫᑲ ᑳ ᐊᒐᑯᐎᒪᑲᒃ ᒥᓕᐌᒪᑲᓐ ᐱᒫᑎᓯᐎᓐ᙮

ᓂᔓ ᑯᕆᓐᑎᐊᓇ 4:1

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᐋᔭᒥᐋᐎ ᐊᑐᔅᑫᐎᓐ, ᑳ ᑮ ᐃᔑ ᒥᓕᑲᐎᔮᒃ ᔕᐌᓕᒋᑫᐎᓐ, ᓇᒪᐎᓚ ᓂ ᔖᑯᑌᐋᓈᓐ;

ᓂᔓ ᑯᕆᓐᑎᐊᓇ 6:1

ᓂᓚᓈᓐ ᒫᑲ ᐁ ᒫᒪᐄ ᐎᒋᐊᑑᔅᑫᒪᑭᑦ, ᑭ ᓇᑐᑕᒫᑎᓈᓐ ᐁᑳ ᐸᑾᓐᑕᐤ ᑭᒋ ᐅᑎᓇᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ᙮

ᑲᓓᔕᐊᓇ 4:11

ᓂ ᓴᑭᓯᓐ ᑭᓚᐗᐤ ᐅᒋ, ᒫᔅᑯᒡ ᒦᔅᑲᐤ ᔐᔥᒀᑦ ᐁ ᑮ ᐸᑭᑎᓇᒫᑕᑾᒃ ᐊᑑᔅᑫᐎᓐ᙮

ᑲᓓᔕᐊᓇ 5:5

ᐌᓴ ᑭ ᐯᑖᓈᓇᐤ ᐎᓚ ᐊᒑᒃ ᐅᒋ ᒀᔭᔅᑭᑖᑎᓯᐎᓂ ᐊᔅᐯᓕᒧᐎᓐ ᑖᐺᔦᓕᑕᒧᐃᓐ ᐅᒋ᙮

ᑲᓓᔕᐊᓇ 5:7

ᑭ ᑮ ᒥᓗᐱᒥᐸᑖᑕᐗᐤ; ᐊᐌᓇ ᑳ ᑭ ᑭᐌᑎᔕᐅᑖᒃ ᐁᑳ ᑭᒋ ᓇᓇᐃᑕᒣᒃ ᑖᐺᐎᓐ?

ᑲᓓᔕᐊᓇ 6:9

ᐁᑳᐎᓚ ᒫᑲ ᐋᔦᔅᑯᓯᑖᐤ ᐁ ᒥᓗᑐᑖᑫᔭᒃ; ᐌᓴ ᐃᔅᐱ ᓇᐃᐸᓕᑫ ᑭ ᑳ ᒪᐗᒋᒋᑳᓈᓇᐤ, ᐁᑳ ᓄᑌᔑᓂᔮᑫ᙮

ᐃᐱᓯᔭᓇ 1:18

ᐁ ᐅᔥᑭᔑᑯᒪᑲᒃ ᑭ ᓂᓯᑐᑕᒧᐎᓂᐗᐤ ᐁ ᐙᔅᑌᓂᑳᑌᒃ; ᑭᒋ ᑭᔅᑫᓕᑕᒣᒃ ᑫᒀᓐ ᑳ ᐊᐯᓕᒧᓈᓂᐗᒃ ᐁ ᓇᑐᑫᑦ, ᓀᔥᑕ ᐁ ᐃᔑ ᐌᓗᒋ ᑭᔅᑌᓕᑖᑾᓂᓕᒃ ᐅ ᑎᐱᓚᐌᐎᓯᐎᓐ ᑫ ᐋᔮᓕᒋ ᐅᐸᓓᑭᓴ;

ᐃᐱᓯᔭᓇ 2:21

ᐎᓚ ᑳ ᐅᒋ ᒀᔭᔉ ᐃᔑᑖᓂᐗᒃ ᒥᓯᐌ ᒫᒪᐎ ᐅᔑᑖᑲᓐ ᑳ ᐊᑎ ᓂᑕᐎᑭᒪᑲᒃ ᑭᒋ ᐋᐗᓂᓕᒃ ᐅᑎᐯᓕᒋᑫᐤ ᐅ ᐸᓓᑭ ᑭᒋᐋᔭᒥᐁᐎᑲᒥᒃ:

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᐃᐱᓯᔭᓇ 4:16

ᐊᓇ ᒥᓯᐌ ᒥᔭᐤ ᑳ ᐅᒋ ᒥᓗ ᒫᒪᐗᒧᑖᑲᓂᐗᒃ ᓀᔥᑕ ᐋᓕᑕᐱᑳᑌᒃ ᐊᓂᒪ ᐅᒋ ᑳ ᒥᓕᐌᒪᑲᒃ ᒥᓯᐌ ᐁ ᐊᔮᓂᔅᑳᓂᐗᒃ ᒥᔭᐤ ᐁ ᐃᔑ ᑖᐺ ᐋᐸᑎᓯᒪᑲᒃ ᒥᓯᐌ ᐁ ᓇᓈᑲᐗᒃ, ᑭᒋ ᓚᑭᑭᒪᑲᒃ ᒥᔭᐤ, ᑭᒋ ᓚᑭᐃᑎᓱᒪᑲᒃ ᓵᑭᐃᐌᐎᓂᒃ᙮

ᑯᓚᔑᔭᓇ 1:25

ᐁᐗᑯ ᑳ ᐅᒋ ᐋᔭᒥᐊᐎ ᐊᑑᒃᑫᓛᑲᓂᐃᑲᐎᔮᓐ, ᑖᐱᔅᑯᒡ ᑳ ᐃᑕᔅᑌᓕᒃ ᐅ ᒫᑎᓇᒫᑫᐎᓐ ᑭᒋᒪᓂᑐ, ᑳ ᒥᓕᑲᐎᔮᓐ ᑭᓚᐗᐤ ᐅᒋ, ᑭᒋ ᑎᐱ ᑲᑫᔅᑭᒥᐌᐗᒃ ᐅᑦ ᐋᔭᒥᐎᓐ ᑭᒋᒪᓂᑐ;

ᑯᓚᔑᔭᓇ 2:7

ᐎᓚ ᐃᔑ ᐁ ᐅᒉᐱᑭᐎᔦᒃ ᓀᔥᑕ ᐁ ᐋᔨᒋᑳᐸᐎᔦᒃ, ᐁ ᒪᔥᑳᐎᑳᐸᐎᔦᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᑳ ᑮ ᐃᔑ ᑭᔅᑭᓄᐊᒫᑲᐎᔦᒃ, ᐁᑯᑕ ᐁ ᒥᔕᑭᓯᔦᒃ ᐁ ᓇᓈᔅᑯᒧᔦᒃ ᓀᔥᑕ᙮

ᓂᔥᑕᒻ ᑌᓴᓗᓂᔭᓇ 3:3

ᐁᑳᐎᓚ ᐊᐌᓇ ᐃᓕᓕᐤ ᑭᒋ ᒥᑯᔥᑳᑎᔥᑳᑯᑦ ᐅᐅ ᑲᒀᑕᑭᓯᐎᓇ: ᐌᓴ ᑭᓚᐗᐤ ᑭ ᑭᔅᑫᓕᑌᓇᐗᐤ ᐁᑯᑕ ᐁ ᐸᑭᑌᓕᑖᑯᓯᔭᒃ᙮

ᓂᔥᑕᒻ ᑌᓴᓗᓂᔭᓇ 3:5

ᐌᐗᑯ ᐅᒋ, ᐃᔅᐱ ᐁᑳ ᑫᔮᐸᒡ ᐁ ᑮ ᑭᐱᒋᔮᓐ, ᓂ ᑮ ᐃᔑᑎᔕᐅᐙᓐ ᑭᒋ ᑭᔅᑫᓕᑕᒫᓐ ᑭ ᑖᐺᔦᓕᑕᒧᐎᓂᐗᐤ, ᒫᔅᑯᒡ ᓈᓐᑕᐤ ᐃᔑ ᑳ ᑲᑴᒋᐃᑖᑴ ᐅᑲᑴᒋᐃᐌᐤ, ᓀᔥᑕ ᐸᑾᓐᑕᐤ ᑭᒋ ᐊᑑᔅᑫᔮᒃ᙮

ᓂᔥᑕᒻ ᑌᓴᓗᓂᔭᓇ 5:8

ᒫᑲ ᐁᑯᔑ ᑭᓚᓈᓇᐤ ᐁ ᑭᔑᑳᒃ ᑳ ᑎᐯᓕᑖᑯᓯᔭᒃ ᐯᑳᑖᑎᓯᑕᐤ, ᐁ ᐳᔅᑎᔅᑲᒪᒃ ᑖᐺᔦᓕᑕᒧᐎᓂ ᓀᔥᑕ ᓵᑭᐃᐌᐎᓂ ᒥᔅᑳᔅᑭᑲᓈᐱᔉ; ᓀᔥᑕ ᑭᒋ ᓇᑐᐸᓕᐎ ᐊᔅᑐᑎᓂᔦᒃ ᐱᒫᒋᐃᐌᐎᓂ ᐊᔅᐯᓕᒧᐎᓐ:

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᓂᔥᑕᒻ ᑎᒧᑎ 1:12

ᓀᔥᑕ ᒫᑲ ᓂ ᓇᓈᔅᑯᒫᐤ ᙭ ᒋᓴᔅ ᑭ ᑎᐯᓕᒋᑫᒥᓇᐤ, ᑳ ᑮ ᑲᔥᑭᑕᒥᐃᑦ, ᒀᔭᔅᑭᑎᐤ ᐁ ᑮ ᐃᑕᑭᒥᑦ, ᐁ ᐸᑭᑎᓂᑦ ᐋᔭᒥᐋᐎ ᐊᑑᔅᑫᐎᓂᒃ;

ᓂᔥᑕᒻ ᑎᒧᑎ 2:7

ᐁᐗᑯ ᑳ ᐅᒋ ᐹᑳᓂᐃᑲᐎᔮᓐ ᑭᒋ ᑲᑫᔅᑭᒥᐌᔮᓐ ᓀᔥᑕ ᑭᒋ ᐊᐸᔅᑕᓕᐌᔮᓐ, ᙭ᑎᒃ ᓂᑦ ᐋᔭᒥᓐ ᑖᐺᐎᓐ, ᓇᒪ ᓀᔥᑕ ᓂ ᑭᓛᔅᑭᓐ, ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ ᑖᐺᔦᓕᑕᒧᐎᓂᒃ ᓀᔥᑕ ᑖᐺᐎᓂᒃ᙮

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᑕᐃᑕᔅ 3:7

ᐁ ᑮ ᒀᔭᔅᑭᑖᑎᓯᐃᑯᐗᒃ ᐅ ᔕᐌᓕᒋᑫᐎᓐ, ᑭᒋ ᐋᓂᔅᑫ ᐋᔮᔭᒃ, ᐊᔅᐯᓕᒧᐎᓐ ᐅᒋ, ᑳᑭᑫ ᐱᒫᑎᓯᐎᓐ᙮

ᐦᐃᑉᕉᐗ 10:38

ᑳ ᒀᔭᔅᑭᑎᒋᒃ ᒫᑲ ᑖᐺᔦᓕᑕᒧᐎᓐ ᑲᑕ ᐅᒋ ᐱᒫᑎᓯᐗᒃ; ᒫᑲ ᑮᔥᐱᓐ ᐊᐌᓇ ᐃᓕᓕᐤ ᐊᔐᑳᐸᐎᑌ, ᓇᒪᐎᓚ ᑲᑕ ᓵᐯᓕᒥᑯ ᓂᑦ ᐊᒑᑾ᙮

ᐦᐃᑉᕉᐗ 3:14

ᐌᓴ ᑭ ᑮ ᐅᑎᓈᓇᐤ ᙭, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᑭ ᒫᒋ ᑫᒋᓇᐅᐎᓂᓇᐤ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 4:14

ᐁ ᓄᑾᒃ ᒫᑲ ᐁ ᐋᔭᐗᒃ ᑫᔅᑎᓯᑦ ᑭᒋ ᓵᓵᑭᐎᓕᐌᐎᓕᓕᐤ, ᐊᓇ ᑭᒋᑭᔑᑯᒃ ᑳ ᐃᑐᑌᑦ, ᒋᓴᔅ ᑭᒋᒪᓂᑐ ᐅᑯᓯᓴ, ᐁᑯᔑ ᒥᒋᒥᓈᑕᐤ ᑭᑦ ᐃᑣᓱᐎᓂᓇᐤ᙮

ᐦᐃᑉᕉᐗ 6:19

ᐁᐗᑯ ᐊᔅᐯᓕᒧᐎᓐ ᑳ ᐋᔮᔭᒃ ᐁ ᐅ ᒋᔅᑖᐸᓱᓂᔭᒃ ᑭᑦ ᐊᒑᑯᓈᒃ, ᐁ ᑫᒋᓇᐅᒪᑲᒃ ᓀᔥᑕ ᐁ ᒪᔥᑲᐗᔅᑌᒃ, ᓀᔥᑕ ᑳ ᐱᑐᑫᒪᑲᒃ ᐱᒋ ᐊᑯᐃᑲᓂᒃ;

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᓂᔥᑕᒻ ᐱᑕᕐ 1:5

ᑭᒋᒪᓂᑐ ᐅ ᑲᔥᑭᐅᐎᓐ ᑳ ᐅᒋ ᑲᓇᐌᓕᒥᑲᐎᔦᒃ ᐁ ᑖᐺᔦᓕᑕᒣᒃ ᐱᒫᒋᐃᐌᐎᓂᒃ ᐃᔑ ᑳ ᐋᔦᔅᑯᐗᒃ ᒫᒋᒡ ᐁ ᑭᔑᑳᑭ ᑭᒋ ᓄᑯᑖᓂᐗᒃ᙮

ᓂᔥᑕᒻ ᒑᓐ 2:27

ᒫᑲ ᐊᓂᒪ ᑐᒥᓂᑯᓯᐎᓐ ᑳ ᑮ ᒥᓕᑖᒃ ᑭ ᐱᒋᔅᑳᑯᓇᐗᐤ, ᓇᒪᐎᓚ ᒫᑲ ᑭ ᓇᑕᐌᓕᑌᓇᐗᐤ ᐊᐌᓇ ᐃᓕᓕᐤ ᑭᒋ ᑭᔅᑭᓄᐊᒫᑖᒃ; ᒫᑲ ᐊᓂᒪ ᑐᒥᓂᑯᓯᐎᓐ ᐁ ᐃᔑ ᑭᔅᑭᓄᐊᒫᑯᔦᒃ ᒥᓯᐌ ᑫᒀᓇ, ᓀᔥᑕ ᐁ ᑖᐺᒪᑲᒃ, ᓀᔥᑕ ᐁᑳ ᐁ ᑭᓛᔅᑭᒪᑲᒃ, ᓀᔥᑕ ᒣᒋ ᑳ ᑮ ᐃᔑ ᑭᔅᑭᓄᐊᒫᑯᔦᒃ, ᐁᑯ ᑫ ᐃᔑ ᐱᒋᔅᑲᐌᒃ᙮

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮