17 ᒥᓯᐌ ᑫᒀᓇ ᒫᑲ ᓂᑳᓂᔥᑲᒻ, ᐎᓚ ᐅᒋ ᓀᔥᑕ ᒥᓯᐌ ᑫᒀᓇ ᐃᑕᑾᓋ᙮
ᐁᑯ ᒫᑲ, ᐅ ᓄᑖ, ᑭᔅᑌᓕᑖᑯᐃᓐ ᐊᓯᒋ ᑭᓚ ᓀᔥᑕ, ᐊᓂᒪ ᑭᔅᑌᓕᑖᑯᓯᐎᓐ ᐅᒋ ᑳ ᑮ ᐋᔮᔮᓐ ᐁᔥᑾ ᐁ ᐎᒋᑕᔑᑫᒥᑖᓐ ᐸᒧᔑ ᐃᑕᑾᒃ ᐊᔅᑭ᙮
ᒋᓴᔅ ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓇᐗᐤ, ᐸᒧᔑ ᐃᑖᑦ ᐁᑉᕃᐋᒻ, ᓂ ᑮ ᐃᑖᓐ᙮
ᐌᓴ ᐎᓚ ᐅᒋ ᑭ ᐱᒫᑎᓯᓈᓇᐤ, ᓀᔥᑕ ᑭᑦ ᐋᔮᒋᓈᓇᐤ, ᓀᔥᑕ ᑭᑦ ᐃᑕᓈᓇᐤ; ᑖᐱᔅᑯᒡ ᐊᑎᑦ ᓀᔥᑕ ᑎᐱᓚᐌ ᑭ ᑎᐸᒋᒧᐎᓕᓕᒥᐗᐗᒃ ᑳ ᑮ ᐃᑗᒋᒃ, ᐌᓴ ᑭᓚᓈᓇᐤ ᐊᓯᒋ ᐁᐗᒀᓂᐃ ᐅ ᓂᑖᐎᑭᐋᑲᓇ᙮
ᒫᑲ ᑭᓚᓈᓇᐤ ᐅᒋ ᐯᔭᑯ ᐱᑯ ᑭᒋᒪᓂᑐ, ᐊᓇ ᐌᐅᑖᐎᒫᐎᑦ, ᑳ ᐅᒋᐸᓕᑭ ᒥᓯᐌ ᑫᒀᓇ, ᓀᔥᑕ ᑭᓚᓈᓇᐤ ᐊᓇ ᑳ ᐅᒋ ᐃᑖᔭᒃ᙮
ᐊᓇ ᑳ ᓇᔅᐱᑕᐙᑦ ᐁᑳ ᑳ ᓄᑯᓯᓕᒋ ᑭᒋᒪᓂᑐᐗ, ᐊᓇ ᑳ ᓂᔥᑕᒧᔖᓂᐎᑦ ᒥᓯᐌ ᑳ ᐅᔑᐃᒥᑦ:
ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;
ᒋᓴᔅ ᙭ ᒧᔕᒃ ᑖᐱᔅᑯᒡ ᐋᔭᐤ, ᐅᑖᑯᔑᒃ, ᓀᔥᑕ ᐊᓄᒡ ᐁ ᑭᔑᑳᒃ, ᓀᔥᑕ ᑳᑭᑫ᙮
ᐁ ᐃᑗᒪᑲᒃ, ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ: ᓀᔥᑕ, ᑫᒀᓐ ᑳ ᐋᐸᑕᒪᓐ, ᒪᓯᓇᐊ ᒪᓯᓇᐃᑲᓂᒃ, ᐃᔑᑎᔕᐊᒪᐎᒃ ᒫᑲ ᐊᓂᑭ ᓂᔂᔅ ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ; ᐊᓐᑕ ᐁᐱᓴᓯᒃ, ᓀᔥᑕ ᐊᓐᑕ ᔅᒪᕐᓇᐃᒃ, ᓀᔥᑕ ᐊᓐᑕ ᐸᕐᑲᒪᓯᒃ, ᓀᔥᑕ ᐊᓐᑕ ᑕᐃᔭᑖᕋᐃᒃ, ᓀᔥᑕ ᐊᓐᑕ ᓵᕐᑎᓯᒃ, ᓀᔥᑕ ᐊᓐᑕ ᐱᓕᑌᓪᐱᔭᐃᒃ, ᓀᔥᑕ ᐊᓐᑕ ᓓᐅᑕᓯᔭᐃᒃ᙮
ᐃᔅᐱ ᒫᑲ ᐎᐋᐸᒪᒃ, ᓂ ᑮ ᐸᑭᔑᓂᓐ ᐅᓯᑎᒃ ᑖᐱᔅᑯᒡ ᐁ ᓂᐱᔮᓐ᙮ ᓀᔥᑕ ᒫᑲ ᐅ ᑭᒋᓂᔉ ᓂ ᑮ ᐅᒋ ᓵᒥᓂᒃ, ᐁ ᐃᔑᑦ, ᐁᑳᐎᓚ ᑯᔅᑖᒋ: ᓂᓚ ᐁᐗᑯ ᓂᔥᑕᒻ ᓀᔥᑕ ᒫᒋᒡ:
ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ, ᐃᑗᐤ ᐅᑎᐯᓕᒋᑫᐤ, ᑳ ᐃᑖᑦ, ᓀᔥᑕ ᑳ ᑭ ᐃᑖᑦ, ᓀᔥᑕ ᑫ ᑕᑯᔑᒃ, ᒥᓯᐌ ᓯᔪᑳᑎᓰᑦ᙮
ᐊᓇ ᐁᓐᒐᓪ ᒫᑲ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᔅᒪᕐᓇᐃᒃ ᒪᓯᓇᐊᒪᐤ; ᐅᐅ ᑫᒀᓇ ᐃᑗᐤ ᐊᓇ ᓃᔥᑕᒻ ᓀᔥᑕ ᒫᒋᒡ, ᐊᓇ ᑳ ᑮ ᓂᐱᑦ, ᓀᔥᑕ ᑳ ᐱᒫᑎᓰᑦ:
