ᑯᓚᔑᔭᓇ 1:14 - ᐅᔅᑭ ᑎᔅᑌᒥᓐᑦ

¹⁴ ᐊᓇ ᑳ ᐅᒋ ᐋᔮᔭᒃ ᐱᒫᒋᐃᑯᓯᐎᓐ ᐅᒥᑯ ᐅᒋ, ᐁ ᐌᐯᓕᒋᑳᑌᑭ ᒪᒋᑣᐎᓇ ᐅᑎ᙮

ᑯᓚᔑᔭᓇ 1:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᓘᒃ 5:20

ᐃᔅᐱ ᒫᑲ ᐎᐋᐸᑕᒸᑦ ᐅ ᑖᐺᔦᓕᑕᒧᐎᓂᓕᐤ ᑮ ᐃᑌᐤ, ᐃᓕᓕᐤ, ᑭ ᒪᒋᑐᑕᒧᐎᓇ ᑭ ᐁᐯᓕᑕᒫᑲᐎᓐ᙮

ᐊᐸᔅᑕᓚᒃ 10:43

ᐎᓚ ᑎᐹᒋᒥᑯ ᒥᓯᐌ ᐅᑭᔅᑭᐗᐃᑫᐗ, ᐎᓚ ᐅᑦ ᐃᔑᓂᑳᓱᐎᓐ ᐅᒋ ᐱᑯ ᐊᐌᓇ ᑫ ᑖᐺᔦᓕᒫᑴ ᑲᑕ ᒥᓛᑲᓂᐎᐤ ᐊᔐᓇᒫᑫᐎᓐ ᒪᒋᑣᐎᓇ ᐅᒋ᙮

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᑲᓓᔕᐊᓇ 3:13

᙭ ᑭ ᑮ ᐱᒫᒋᐃᑯᓇᐤ ᐅᓚᔓᐌᐎᓂ ᒪᒐᑭᑖᑯᓯᐎᓂᒃ ᐅᒋ, ᐁ ᑮ ᒪᒐᑭᒫᑲᓂᐎᑦ ᑭᓚᓈᓇᐤ ᐅᒋ: ᐌᓴ ᐃᑕᓯᓇᐃᑳᑌᐤ, ᒪᒐᑭᑖᑯᓯᐤ ᒥᓯᐌ ᑕᑐ ᐊᐌᓇ ᒥᔅᑎᑯᒃ ᑳ ᐊᑯᓛᑲᓂᐎᑦ:

ᐃᐱᓯᔭᓇ 1:7

ᐊᓇ ᑳ ᐅᒋ ᐋᔮᔭᒃ ᐱᒫᒋᐃᑯᓯᐎᓐ ᐅᒥᑯ ᐅᒋ, ᐁ ᐌᐯᓕᒋᑳᑌᑭ ᒪᒋᑣᐎᓇ, ᐁ ᐃᔑ ᐌᓗᑕᓂᓕᒃ ᐅ ᔕᐌᓕᒋᑫᐎᓐ;

ᐃᐱᓯᔭᓇ 4:32

ᓀᔥᑕ ᒫᑲ ᑭᔐᐙᑐᑖᑐᒃ, ᐁ ᔕᐎᑌᐁᔦᒃ, ᐁ ᐌᐯᓕᑕᒫᑐᔦᒃ, ᑖᐱᔅᑯᒡ ᑭᒋᒪᓂᑐ ᙭ ᐅᒋ ᐁ ᑮ ᐌᐯᓕᑕᒫᑖᒃ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᑯᓚᔑᔭᓇ 2:13

ᑭᓚᐗᐤ ᒫᑲ, ᐁ ᑮ ᓂᐱᔦᒃ ᑭ ᒪᒋᑣᐎᓂᐙᒃ, ᓀᔥᑕ ᐁᑳ ᐁ ᑮ ᑭᔅᑭᓄᐙᒋᔑᑳᑌᒃ ᑭ ᐎᔮᓯᐗᐤ, ᐊᓯᒋ ᐎᓚ ᑭ ᑮ ᐱᒫᑎᓯᐃᑯᐗᐧ, ᐁ ᑮ ᐌᐯᓕᑕᒫᑖᒃ ᒥᓯᐌ ᐗᓂᑐᑕᒧᐎᓇ;

ᑯᓚᔑᔭᓇ 3:13

ᐁ ᔑᐱᓚᐌᓯᔅᑖᑐᔦᒃ, ᓀᔥᑕ ᐁ ᐌᐯᓕᑕᒫᑐᔦᒃ, ᑮᔥᐱᓐ ᐊᐌᓇ ᐃᑌᓕᑕᒃ ᐁ ᒪᒋᑐᑖᑯᑦ ᐊᐌᓕᐗ: ᑖᐱᔅᑯᒡ ᐁ ᑮ ᐌᐯᓕᑕᒫᑖᒃ ᙭, ᐁᑯ ᑖᐱᔅᑯᒡ ᑐᑕᒧᒃ᙮

ᓂᔥᑕᒻ ᑎᒧᑎ 2:6

ᐊᓇ ᑳ ᑮ ᐸᑭᑎᓂᑎᓱᑦ ᑭᒋ ᑎᐸᐊᒫᑫᔅᑕᒪᐙᑦ ᒥᓯᐌ, ᐁ ᑎᐱᐸᓕᒃ ᐁ ᑭᔑᑳᒃ ᑭᒋ ᑎᐹᑐᒋᑳᑌᒃ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 9:12

ᐁᑳ ᓀᔥᑕ ᑯᑕ ᓀᔥᑕ ᒥᔅᑐᔑᔕ ᐅᒥᑯᓕᐤ ᐅᒋ, ᒫᑲ ᑎᐱᓚᐌ ᐅᒥᑯ, ᐯᔭᑾᐤ ᑮ ᐅᒋ ᐱᑐᑫᐤ ᐃᑕ ᐁ ᐸᓓᑲᓂᓕᒃ, ᐁ ᑮ ᑲᔥᑭᑕᒫᑕᒃ ᑳᑭᑫ ᑎᐸᐊᒫᑫᔅᑕᒫᑫᐎᓂᓕᐤ᙮

ᐦᐃᑉᕉᐗ 9:22

ᓀᔥᑕ ᐅᓚᔓᐌᐎᓂᒃ ᑫᑳᑦ ᒥᓯᐌ ᑫᒀᓇ ᒥᑯ ᐅᒋ ᐸᔦᑭᑖᓂᐗᓋ: ᐁᑳ ᒫᑲ ᐁ ᓯᑲᐃᑳᑌᒃ ᒥᑯ ᓇᒪᐎᓚ ᐃᑕᑾᓐ ᐊᔐᓇᒫᑫᐎᓐ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔥᑕᒻ ᒑᓐ 1:9

ᑮᔥᐱᓐ ᐎᑕᒪᑴ ᑭ ᒪᒋᑐᑕᒧᐎᓂᓇᐗ, ᐎᓚ ᑖᐺᐎᐤ ᓀᔥᑕ ᒀᔭᔅᑭᑎᐤ ᑭᒋ ᐌᐯᓕᑕᒫᑕᒃ ᑭ ᒪᒋᑐᑕᒧᐎᓂᓇᐗ, ᓀᔥᑕ ᑭᒋ ᐹᔦᑭᐃᑕᒃ ᒥᓯᐌ ᒪᒑᑎᓯᐎᓂᒃ ᐅᒋ᙮

ᓂᔥᑕᒻ ᒑᓐ 2:12

ᑭ ᒪᓯᓇᐊᒫᑎᓇᐗᐤ ᐊᐱᔅᑕᐙᔑᔑᑐᒃ, ᐁ ᐌᐯᓕᒋᑳᑌᑭ ᑭ ᒪᒋᑐᑕᒧᐎᓂᐙᐗ ᐎᓚ ᐅᑦ ᐃᔑᓂᑳᓱᐎᓐ ᐅᒋ᙮

ᓂᔥᑕᒻ ᒑᓐ 2:2

ᐎᓚ ᒫᑲ ᑮ ᑎᐸᐃᑫᔅᑕᒻ ᑭ ᒪᒋᑐᑕᒧᐎᓂᓇᐗ; ᓇᒪ ᓀᔥᑕ ᑭᓚᓈᓇᐤ ᐱᑯ, ᒫᑲ ᐊᓯᒋ ᐅ ᒪᒋᑐᑕᒧᐎᓂᐙᐗ ᐊᓂᑭ ᒥᓯᐌ ᐊᔅᑮᒃ ᑳ ᐃᑖᒋᒃ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,

ᑭᔅᑫᓕᑖᑯᑖᑫᐎᓐ 14:4

ᐅᑯ ᐁᐗᒀᓂᑭ ᐁᑳ ᑳ ᑮ ᐎᓂᐃᑯᒋᒃ ᐃᔅᑴᐗ; ᐌᓴ ᐅᔥᑭᓂᑭᐗᒃ; ᐅᑯ ᐁᐗᒀᓂᑭ ᑳ ᓄᔅᐱᓇᑖᒋᒃ ᒫᓂᔥᒑᓂᔑᔕ ᐱᑯ ᐃᑌ ᐁᑐᑌᓕᒋ᙮ ᐅᑯ ᑮ ᐅᒋ ᐱᒫᒋᐋᐗᒃ ᐃᓕᓕᓍᒃ, ᐁ ᐋᐎᓕᒋ ᓂᔥᑕᒻ ᐅ ᓂᑕᐎᑭᑖᑲᓇ ᑭᒋᒪᓂᑐ ᓀᔥᑕ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;