ᐊᐸᔅᑕᓚᒃ 9:31 - ᐅᔅᑭ ᑎᔅᑌᒥᓐᑦ

³¹ ᐁᑯ ᐁ ᐋᔮᒋᒃ ᐊᓜᐱᐎᓂᓕᐤ ᒫᒪᐎᐊᔭᒥᐋᐗᒃ ᒥᓯᐌ ᒎᑎᐊᐃᒃ ᓀᔥᑕ ᑳᓚᓕᒃ ᓀᔥᑕ ᓵᒣᕆᔭᐃᒃ, ᓀᔥᑕ ᑮ ᑭᔅᑭᓄᐊᒪᐗᑲᓂᐎᐗᒃ; ᐁ ᐱᒧᑌᒋᒃ ᒫᑲ ᐅᑎᐯᓕᒋᑫᐗ ᐅ ᓇᓂᒌᔅᑖᑯᓯᐎᓂᓕᒃ, ᓀᔥᑕ ᐸᓓᑭ ᐊᒑᑾ ᐅ ᑳᑭᒋᐃᐌᐎᓂᓕᒃ, ᑮ ᐊᑎ ᒥᒉᑎᐗᒃ᙮

ᐊᐸᔅᑕᓚᒃ 9:31 ပူးပေါင်းရင်းမြစ်များ

ᐊᐸᔅᑕᓚᒃ 12:24

ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᑮ ᓂᑕᐎᑭᒪᑲᓂᓕᐤ ᓀᔥᑕ ᑮ ᓚᑭᐆᒪᑲᓂᓕᐤ᙮

ᐊᐸᔅᑕᓚᒃ 16:5

ᐁᑯ ᒫᑲ ᒫᒪᐎᐋᔭᒥᐊᐗᒃ ᑳ ᒫᔥᑲᐎᐋᑲᓂᐎᒋᒃ ᑖᐺᔦᓕᑕᒧᐎᓂᒃ, ᓀᔥᑕ ᑮ ᓚᑭᐅᐗᒃ ᐁ ᐃᑕᓯᒋᒃ ᑕᑡᐤ ᐁ ᑭᔑᑳᓕᒃ᙮

ᐊᐸᔅᑕᓚᒃ 2:47

ᐁ ᒫᒥᒋᒫᒋᒃ ᑭᒋᒪᓂᑐᐗ, ᓀᔥᑕ ᐁ ᐎ ᐙᑯᒥᑯᒋᒃ ᒥᓯᐌ ᐃᓕᓕᐗ᙮ ᐅᑎᐯᓕᒋᑫᐤ ᒫᑲ ᑕᑣᐤ ᐁ ᑭᔑᑳᒃ ᑮ ᑕᑯᐁᐤ ᒫᒪᐎᐋᔭᒥᐋᐗ ᐊᓂᐃ ᑫ ᐱᒪᒋᐋᑲᓂᐎᓕᒋ᙮

ᐊᐸᔅᑕᓚᒃ 20:32

ᐊᓄᒡ ᒫᑲ, ᓂᒋᔖᓂᑐᒃ, ᑭ ᐸᑭᑌᓕᒥᑎᓇᐗᐤ ᑭᒋᒪᓂᑐ, ᓀᔥᑕ ᐅ ᔕᐌᓕᒋᑫᐎ ᐋᔭᒥᐎᓂᒃ, ᐊᓂᒪ ᑳ ᑲᔥᑭᑖᒪᑲᒃ ᑭᒋ ᓂᑕᐎᑭᐃᑯᔦᒃ, ᓀᔥᑕ ᑭᒋ ᒥᓕᑯᔦᒃ ᑎᐯᓕᒋᑫᐎᓐ ᐃᑕ ᒥᓯᐌ ᒫᒪᐤ ᑳ ᐃᑖᒋᒃ ᑳ ᐸᓓᑭᐊᑲᓂᐎᒋᒃ᙮

ᐊᐸᔅᑕᓚᒃ 5:11

ᑭᒋ ᓭᑭᓯᐎᓂᓕᐤ ᒫᑲ ᑮ ᐅᑎᑎᑯᐗᒃ ᒥᓯᐌ ᒫᒪᐎᐋᔭᒥᐋᐗᒃ ᓀᔥᑕ ᑕᑐ ᐊᓂᑭ ᑳ ᐯᑕᑭᒃ ᐅᐅ ᑫᒀᓇ᙮

ᐊᐸᔅᑕᓚᒃ 6:7

ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮

ᐊᐸᔅᑕᓚᒃ 8:1

ᓵᓪ ᒫᑲ ᑮ ᓇᔅᑯᒧ ᑭᒋ ᓂᐸᐃᒥᒋ᙮ ᐁᑯᔅᐱ ᒫᑲ ᓈᔅᐱᒡ ᑮ ᓇᓀᑲᒋᐋᑲᓂᐎᐙᒃ ᒫᒪᐎᐋᔭᒥᐋᐗᒃ ᒋᕉᓴᓚᒥᒃ ᑳ ᐃᑖᒋᒃ; ᓀᔥᑕ ᒥᓯᐌ ᑮ ᐗᓴᓶᑎᔕᐗᑲᓂᐎᐗᒃ ᒥᓯᐌ ᐁᔅᐱᔖᒃ ᒍᑎᐊᐃᒃ, ᓀᔥᑕ ᓵᒣᕆᔭᐃᒃ, ᐱᑯ ᐊᓂᑭ ᐊᐸᔅᑕᓚᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:19

ᐁᑯᔑ ᒫᑲ ᓄᔅᐱᓇᑖᑕᐤ ᐊᓂᐃ ᑫ ᐅᒋ ᐅᑕᑾᒃ ᑳᔮᒣᓕᑕᒧᐎᓐ, ᓀᔥᑕ ᐊᓂᐃ ᐊᐌᓇ ᑫ ᑮ ᐅᒋ ᑭᔅᑭᓄᐊᒪᐙᑦ ᑯᑕᑭᔭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:5

ᓀᔥᑕ ᐊᔅᐯᓕᒧᐎᓐ ᐁ ᐃᑕᑾᒃ ᓇᒪᐎᓚ ᓇᓀᐯᐎᓯᓋᓂᐗᓐ; ᐌᓴ ᑭᒋᒪᓂᑐ ᐅ ᓵᑭᐃᐌᐎᓐ ᓯᑭᓂᑳᑌᓕᐤ ᑭᑌᐃᓈᒃ ᐸᓓᑭ ᐋᒑᒃ ᐅᒋ ᑳ ᒥᓕᑲᐎᔭᒃ᙮

ᓂᔥᑕᒻ ᑯᕆᓐᑎᐊᓇ 14:12

ᐁᑯ ᑖᐱᔅᑯᒡ ᑭᓚᐗᐤ, ᓈᔅᐱᒡ ᐁ ᓇᑕᐌᓕᑕᒣᒃ ᐊᒑᑯᐎ ᒥᓕᐌᐎᓇ, ᓈᓇᑕᐌᓕᑕᒧᒃ ᑭᒋ ᐃᔑ ᐸᔅᑭᓛᑫᔦᒃ ᑭᒋ ᑭᔅᑭᓄᐊᒪᐌᑾᒃ ᒫᒪᐎᐋᔭᒥᐋᐗᒃ᙮

ᓂᔥᑕᒻ ᑯᕆᓐᑎᐊᓇ 14:26

ᑖᓐ ᐁᔑ ᐃᑭᒃ, ᓂᒋᔖᓂᑐᒃ? ᐃᔅᐱ ᐯᒋ ᒪᐗᒋᐃᑐᔦᒃ, ᑕᑐ ᐁ ᐃᑕᔑᔦᒃ ᐋᔭᐤ ᓂᑲᒧᐎᓐ, ᐋᔭᐤ ᑭᔅᑭᓄᐊᒫᑫᐎᓐ, ᐋᔭᐤ ᐃᔑᑭᔗᐎᓐ, ᐋᔭᐤ ᑭᔅᑫᓕᑖᑯᑖᑫᐎᓐ, ᐋᔭᐤ ᐃᑗᔅᑕᒫᑫᐎᓐ᙮ ᐁᑯᔑ ᒥᓯᐌ ᑫᒀᓇ ᑲᑕ ᑐᒋᑳᑌᐤ ᑭᒋ ᐃᔑ ᑭᔅᑭᓄᐊᒫᑳᓂᐗᒃ᙮

ᓂᔓ ᑯᕆᓐᑎᐊᓇ 10:8

ᐌᓴ ᐋᑕ ᓂ ᑳ ᒫᒪᑖᑯᒧᑖᔾ ᓂ ᑎᐯᓕᒋᑫᐎᓂᓈᓐ ᐅᒋ, ᑳ ᑮ ᒥᓕᐃᔭᒥᑦ ᐅᑎᐯᓕᒋᑫᐤ ᑭᒋ ᑲᑫᔅᑭᒥᑕᑾᒃ ᓇᒪ ᒫᑲ ᑭᒋ ᓂᔑᐗᓈᒋᐃᑕᑾᒃ, ᓇᒪᐎᓚ ᓂ ᑳ ᓇᓀᐯᐎᓯᑖᐤ:

ᓂᔓ ᑯᕆᓐᑎᐊᓇ 12:19

ᒥᓇ, ᑭᑦ ᐃᑌᓕᑌᓇᐗᐤ ᓈ ᐁ ᐎ ᒫᒥᓄᒥᑎᓯᔅᑖᑕᑾᒃ? ᐅᑎᔥᑲᐤ ᑭᒋᒪᓂᑐ ᙭ᑎᒃ ᓂᑦ ᐋᔭᒥᓈᓐ: ᒫᑲ ᒥᓯᐌ ᑫᒀᓇ ᓂ ᑐᑌᓈᓐ, ᑫᒋ ᓵᑭᐃᑕᑾᒃ, ᑭᓚᐗᐤ ᑭᒋ ᑭᔅᑭᓄᐊᒫᑲᐎᔦᒃ᙮

ᓂᔓ ᑯᕆᓐᑎᐊᓇ 13:10

ᐁᐗᑯ ᐌᒋ ᐅᐅ ᒪᓯᓇᐊᒫᓐ, ᐁ ᐃᑖᐱᒋᔮᓐ, ᒫᔅᑯᒡ ᐁᑖᔮᓂ ᐃᑕ ᐁ ᐃᑖᔦᒃ ᓂ ᑳ ᑭᓯᐗᐊᔭᒥᑖᔾ, ᑳ ᐃᑕᔅᑌᒃ ᐊᓂᒪ ᑲᔥᑭᐅᐎᓐ ᑳ ᑮ ᒥᓕᑦ ᐅᑎᐯᓕᒋᑫᐤ, ᑭᒋ ᑭᔅᑭᓄᐊᒫᑫᔮᓐ, ᓇᒪ ᒫᑲ ᑭᒋ ᓂᔑᐗᓈᒋᐃᐌᔮᓐ᙮

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᐃᐱᓯᔭᓇ 4:12

ᑭᒋ ᒥᑐᓂᐎᐋᑲᓂᐎᒋᒃ ᐅᐸᓓᑭᓴᒃ, ᑭᒋ ᐋᔭᒥᐋᐎ ᐊᑑᔅᑫᒋᒃ, ᑭᒋ ᐅᒋ ᓚᑭᑭᓂᓕᒃ ᙭ ᐎᔭᐤ:

ᐃᐱᓯᔭᓇ 4:16

ᐊᓇ ᒥᓯᐌ ᒥᔭᐤ ᑳ ᐅᒋ ᒥᓗ ᒫᒪᐗᒧᑖᑲᓂᐗᒃ ᓀᔥᑕ ᐋᓕᑕᐱᑳᑌᒃ ᐊᓂᒪ ᐅᒋ ᑳ ᒥᓕᐌᒪᑲᒃ ᒥᓯᐌ ᐁ ᐊᔮᓂᔅᑳᓂᐗᒃ ᒥᔭᐤ ᐁ ᐃᔑ ᑖᐺ ᐋᐸᑎᓯᒪᑲᒃ ᒥᓯᐌ ᐁ ᓇᓈᑲᐗᒃ, ᑭᒋ ᓚᑭᑭᒪᑲᒃ ᒥᔭᐤ, ᑭᒋ ᓚᑭᐃᑎᓱᒪᑲᒃ ᓵᑭᐃᐌᐎᓂᒃ᙮

ᐃᐱᓯᔭᓇ 4:29

ᐁᑳᐎᓚ ᒪᒋ ᐋᔭᒥᐎᓐ ᑲᑕ ᐅᒋᐸᓕᐤ ᑭᑐᓂᐙᒃ, ᒫᑲ ᐊᓂᒪ ᑳ ᒥᓨᔑᒃ ᐁ ᐃᑖᐸᑕᒃ ᑭᒋ ᑭᔅᑭᓄᐊᒫᑫᒪᑲᒃ, ᑭᒋ ᑮ ᒥᓗᑐᑖᑯᒋᒃ ᐊᓂᑭ ᑳ ᐯᑕᑭᒃ᙮

ᐃᐱᓯᔭᓇ 5:21

ᐁ ᑕᐸᑌᓕᒥᑎᓱᔅᑖᑐᔦᒃ ᐅ ᓇᓂᒌᔅᑖᑯᓯᐎᓂᒃ ᑭᒋᒪᓂᑐ᙮

ᐱᓕᐱᔭᓇ 2:1

ᑮᔥᐱᓐ ᒫᑲ ᐃᑕᑾᒃ ᑲᑭᒋᐃᐌᐎᓐ ᙭ᑎᒃ, ᑮᔥᐱᓐ ᐃᑕᑾᒃ ᒥᓜᓕᒧᐎᓐ ᓵᑭᐃᐌᐎᓂᒃ ᑮᔥᐱᓐ ᐃᑕᑾᒃ ᐅ ᐎᒉᐎᐌᐎᓐ ᐊᒑᒃ, ᑮᔥᐱᓐ ᐃᑕᑾᑭ ᒧᔑᑕᒧᐎᓇ ᓀᔥᑕ ᔕᐌᓕᒋᑫᐎᓇ,

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᓂᔥᑕᒻ ᑌᓴᓗᓂᔭᓇ 5:11

ᐁᐗᑯ ᐅᒋ, ᒫᒪᐎ ᑳᑭᒋᐃᑐᒃ, ᓀᔥᑕ ᑭᔅᑭᓄᐊᒫᑐᒃ, ᑖᐱᔅᑯᒡ ᓀᔥᑕ ᑳ ᐃᔑ ᑐᑕᒣᒃ᙮

ᓂᔥᑕᒻ ᑎᒧᑎ 1:4

ᐁᑳ ᓀᔥᑕ ᑭᒋ ᐱᓯᔅᑫᓕᑕᑭᒃ ᑭᓛᔅᑭᐙᒋᒧᐎᓇ ᓀᔥᑕ ᐁᑳ ᐎᔅᑳᑦ ᑳ ᐳᓂᐸᓕᑭ ᐊᔮᓂᔅᑫᐋᔭᒥᐎᓇ, ᑳ ᐅᒋ ᐅᒋᐸᓕᑭ ᑲᑴᒋᒥᑐᐎᓇ ᐊᐙᓯᑌ ᐃᔥᐱᔥ ᒪᓂᑐᐎ ᑭᔅᑭᓄᐊᒫᑫᐎᓐ ᑖᐺᔦᓕᑕᒧᐎᓂᒃ ᑳ ᐃᑕᑾᒃ᙮

ᐦᐃᑉᕉᐗ 4:9

ᐁᐗᑯ ᐅᒋ ᐃᑕᑾᓐ ᐋᓜᓯᐎᓐ ᑫ ᐋᔮᓕᒋ ᐅᑦ ᐃᓕᓕᒪ ᑭᒋᒪᓂᑐ᙮

ᒎᑦ 1:20

ᒫᑲ ᑭᓚᐗᐤ, ᓯᐋᑭᐃᑕᑾᒃ ᐁ ᐋᔨᒋᑳᐸᐎᐃᑎᓱᔦᒃ ᑭ ᒪᐗᒋ ᐸᓓᑭ ᑖᐺᔦᓕᑕᒧᐎᓂᐙᒃ, ᐁ ᐋᔭᒥᐋᔦᑳ ᐸᓓᑭ ᐊᒑᑯᒃ,