ᐊᐸᔅᑕᓚᒃ 9:20 - ᐅᔅᑭ ᑎᔅᑌᒥᓐᑦ

²⁰ ᑣᔦᒃ ᒫᑲ ᑮ ᑲᑫᔅᑭᒥᐌᐤ ᐱᒋ ᐋᔭᒥᐁᐎᑲᒥᑾ ᐊᓂᐃ ᙭ᑕ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ᙮

ᐊᐸᔅᑕᓚᒃ 9:20 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 27:43

ᑮ ᒪᒥᔑᑐᑕᐌᐤ ᑭᒋᒪᓂᑐᐗ: ᐁᑯᔑ ᐊᓄᒡ ᑲᑕ ᐱᒫᒋᐃᑯ, ᑮᔥᐱᓐ ᓀᑕᐌᓕᒥᑯᑴ: ᐌᓴ ᑮ ᐃᑗᐤ, ᓂᓚ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒫᑎᐤ 27:54

ᐃᔅᐱ ᒫᑲ ᓇᑐᐸᓕᐎᑭᒪᐤ, ᓀᔥᑕ ᐊᓂᐃ ᑳ ᐎᒉᐎᑯᑦ, ᐁ ᓈᓈᑲᑕᐙᐸᒫᒋᒃ ᒋᓴᓴ, ᐎᐋᐸᑕᑭᒃ ᐁ ᑶᑾᓂᓕᒃ, ᓀᔥᑕ ᐊᓂᐃ ᑫᒀᓇ ᑳ ᑐᒋᑳᑌᓕᑭ, ᓈᔅᐱᒡ ᑮ ᓭᑭᓯᐗᒃ, ᐁ ᐃᑗᒋᒃ, ᑖᐺ ᐊᐗ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒫᑎᐤ 4:3

ᐃᔅᐱ ᒫᑲ ᐅᑲᑴᒋᐃᐌᐗ ᐱᐁᒋ ᓈᑎᑯᑦ, ᑮ ᐃᑎᑯ, ᑮᔥᐱᓐ ᑭᒋᒪᓂᑐ ᐌᑯᓯᓯᒥᔅᑴ, ᐃᑕᔓᐌ ᐅᑯ ᐊᓯᓂᔭᒃ ᑭᒋ ᐊᓚᑯᓇᐎᒋᒃ᙮

ᐅᐸᓓᑭᔅ ᒑᓐ 1:49

ᓇᑕᓂᔭᓪ ᐁ ᓇᔥᑴᐗᔑᐋᑦ, ᐃᑌᐤ, ᕌᐸᐃ, ᑭᓚ ᑭᑦ ᐅᑯᓯᓯᒥᒃ ᑭᒋᒪᓂᑐ; ᑭᓚ ᐃᔅᕃᐃᓪ ᐅ ᑭᒋᐅᑭᒫᒪ᙮

ᐅᐸᓓᑭᔅ ᒑᓐ 19:7

ᒎᐗᒃ ᑮ ᓇᔥᑴᐗᔑᐁᐗᒃ ᓂᑦ ᐋᔮᓈᓐ ᐅᓚᔓᐌᐎᓐ, ᓀᔥᑕ ᓂᑦ ᐅᓚᔓᐌᐎᓂᓈᓐ ᐅᒋ ᑲᑕ ᓂᐱᐸᓐ, ᐌᓴ ᑭᒋᒪᓂᑐ ᐅᑯᓯᓴ ᑮ ᐃᑌᓕᑖᑯᐃᑎᓱ᙮

ᐅᐸᓓᑭᔅ ᒑᓐ 20:28

ᐁᑯ ᑕᑎᔅ ᓀᔥᑴᐗᔑᐃᐌᑦ ᓀᔥᑕ ᐁᑖᑦ, ᓂ ᑎᐯᓕᒋᑫᒻ ᓀᔥᑕ ᓂ ᑭᒋᒪᓂᑐᒻ᙮

ᐅᐸᓓᑭᔅ ᒑᓐ 20:31

ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮

ᐊᐸᔅᑕᓚᒃ 13:14

ᐃᔅᐱ ᒫᑲ ᑳ ᑭᑐᑌᒋᒃ ᐸᕐᑲᐃᒃ ᐅᒋ, ᑮ ᐯᒋ ᐃᑐᑌᐗᒃ ᐋᓐᑎᐊᑭᒃ ᐱᓯᑎᐊᐃᒃ ᑳ ᐃᑕᒀᒃ, ᓀᔥᑕ ᑮ ᐱᑐᑫᐗᒃ ᐋᔭᒥᐁᐎᑳᒥᑯᒃ ᐁ ᐋᔭᒥᐁᑭᔑᑳᓕᒃ, ᑮ ᓇᐊᐱᐗᒃ ᒫᑲ᙮

ᐊᐸᔅᑕᓚᒃ 13:33

ᑭᒋᒪᓂᑐ ᐁ ᑮ ᑎᐱᐸᓕᑕᒫᑕᒃ ᐊᓂᒪ ᑭᓚᓈᓈᐤ ᐅᑦ ᐊᐙᔑᒥᔑᐙᐗ, ᒥᓇ ᐁ ᑮ ᐗᓂᔥᑲᓈᑦ ᒋᓴᓴ: ᒬᒋ ᓀᔥᑕ ᐁ ᐃᔑ ᒪᓯᓇᐃᑲᑌᓕᒃ ᓂᔓ ᓂᑲᒧᐎᓂᒃ, ᑭᓚ ᓂᑯᓯᔅ ᐊᓄᒡ ᐁ ᑭᔑᑳᒃ ᑭ ᑮ ᓂᑕᐎᑭᐃᑎᓐ᙮

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐊᐸᔅᑕᓚᒃ 13:5

ᐃᔅᐱ ᒫᑲ ᑳ ᐃᑖᒋᒃ ᐊᓐᑕ ᓵᓚᒥᓯᒃ, ᑮ ᐙᐎᑕᒬᐗᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᐱᒋ ᒎᐗ ᐅᑦ ᐋᔭᒥᐁᐎᑲᒥᑯᓕᒃ; ᑮ ᐊᔮᐌᐗᒃ ᒫᑲ ᐊᓂᐃ ᒑᓇ ᐊᓯᒋ ᑭᒋ ᐊᑑᔅᑫᔅᑳᑯᒋᒃ᙮

ᐊᐸᔅᑕᓚᒃ 14:1

ᑮ ᐃᑭᓐ ᒫᑲ ᐊᓐᑕ ᐋᐃᑯᓂᐊᒥᒃ, ᑖᐱᔅᑯᒡ ᐁ ᑮ ᐱᑐᑫᒋᒃ ᒎᐗ ᐅᑦ ᐋᔭᒥᐁᐎᑲᒥᑯᓕᒃ ᓀᔥᑕ ᐁ ᑮ ᐃᔑ ᐊᔭᒥᒋᒃ, ᓈᔅᐱᒡ ᒥᒉᑦ ᑳ ᒪᐗᒋᐃᑐᓕᒋ, ᑖᐱᔅᑯᒡ ᒎᐗ ᓀᔥᑕ ᒃᕆᑲ ᑳ ᐅᒋ ᑖᐺᑕᒥᓕᒋ᙮

ᐊᐸᔅᑕᓚᒃ 16:13

ᐁ ᐋᔭᒥᐁᑭᔑᑳᒃ ᒫᑲ ᓂ ᑮ ᐗᓚᐎᓈᓐ ᐃᑖᐎᓂᒃ ᐅᒋ ᓛᓕ ᓯᐱᒃ, ᐃᑕ ᑳ ᐃᔑ ᓂᑕ ᐋᔭᒥᐋᓂᐗᒃ; ᓂ ᑮ ᓇᐊᐱᓇᓐ ᒫᑲ, ᓀᔥᑕ ᓂ ᑮ ᐋᔭᒥᐋᓈᓇᒃ ᐊᓂᑭ ᐃᔅᑴᐗᒃ ᐊᓐᑕ ᑳ ᐯᒋ ᐃᑐᑌᒋᒃ᙮

ᐊᐸᔅᑕᓚᒃ 17:10

ᑳ ᐎᒋᔖᓂᑐᒋᒃ ᒫᑲ ᑣᔦᒃ ᑮ ᑭᒋᑎᔕᐌᐗᒃ ᐹᓚ ᓀᔥᑕ ᓵᐃᓚᓴ ᓂᐹᑎᐱᔉ ᐱᕇᐊᐃᒃ ᐃᔑ: ᐊᓂᑭ ᐁ ᐯᒋ ᑕᑯᔑᑭᒃ ᐊᓐᑕ ᑮ ᐱᑐᑫᐗᒃ ᒎᐗ ᐅᑦ ᐋᔭᒥᐁᐎᑲᒥᑯᓕᒃ᙮

ᐊᐸᔅᑕᓚᒃ 17:17

ᐁᐗᑯ ᐅᒋ ᑮ ᐋᔭᒥᐁᐤ ᐊᓂᐃ ᒎᐗ ᐱᒋ ᐊᔭᒥᐁᐎᑲᒥᑯᒃ, ᓀᔥᑕ ᐊᓂᐃ ᑳ ᐊᔭᒥᐁᐙᑎᓯᓕᒋ ᐃᓕᓕᐗ, ᓀᔥᑕ ᐱᒋ ᐊᓐᑕ ᑳ ᐃᔑ ᐊᑖᒥᑐᓇᓂᐗᒃ ᑕᑣᐤ ᑳᔑᑳᓕᒃ ᐊᓂᐃ ᐊᓐᑕ ᑳ ᓇᑭᔥᑳᑯᑦ᙮

ᐊᐸᔅᑕᓚᒃ 17:2

ᐹᓪ ᒫᑲ, ᑖᐱᔅᑯᒡ ᒧᔕᒃ ᑳ ᐃᔑ ᑐᑕᒃ, ᑮ ᐱᑐᑲᐌᐤ, ᓀᔥᑕ ᓂᔅᑐ ᐋᔭᒥᐁᑭᔑᑳᐗ ᑮ ᐎᒋᐋᔭᒥᒣᐤ ᑭᒋᒪᓯᓇᐃᑫᐎᓂᒃ ᐅᒋ,

ᐊᐸᔅᑕᓚᒃ 18:19

ᑮ ᐯᒋ ᐃᑐᑌᐤ ᒫᑲ ᐃᐱᓴᓯᒃ, ᓀᔥᑕ ᐁᑯᑕ ᑮ ᓇᑲᑌᐤ: ᒫᑲ ᐎᓚ ᐱᑯ ᑮ ᐱᑐᑫᐤ ᐋᔭᒥᐁᐎᑲᒥᑯᒃ, ᓀᔥᑕ ᑮ ᐎᒋᐊᔮᒥᒣᐤ ᐊᓂᐃ ᒎᐗ᙮

ᐊᐸᔅᑕᓚᒃ 18:4

ᑮ ᐋᔭᒥᐤ ᒫᑲ ᐊᓐᑕ ᐋᔭᒥᐁᐎᑲᒥᑯᒃ ᑕᑣᐤ ᐁ ᐋᔭᒥᐁᑭᔑᑲᓕᒃ, ᓀᔥᑕ ᑮ ᔑᑭᒣᐤ ᒎᐗ ᓀᔥᑕ ᒃᕆᑲ᙮

ᐊᐸᔅᑕᓚᒃ 19:8

ᑮ ᐱᑐᑫᐤ ᒫᑲ ᐋᔭᒥᐁᐎᑲᒥᑯᒃ, ᓀᔥᑕ ᑮ ᓱᑫᓕᒧᐎᐊᔭᒥᐤ ᓂᔅᑐ ᐱᓯᒶ ᐃᔥᐱᔥ, ᐁ ᐗᐎᑕᒪᑫᑦ, ᓀᔥᑕ ᐁ ᔑᑭᒥᐌᑦ ᐊᓂᐃ ᑫᒀᓇ ᐅᒋ ᑳ ᐃᑕᑾᓂᓕᑭ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 8:36

ᒣᒀᒡ ᒫᑲ ᐁ ᐊᑎ ᐱᒧᑌᒋᒃ, ᑮ ᐅᑎᑕᒶᒃ ᐃᑕ ᐁ ᐃᑕᒀᓂᓕᒃ ᓂᐱᓕᐤ: ᐊᓇ ᔫᓇᒃ ᒫᑲ ᑮ ᐃᑗᐤ, ᐗᐸᑕ, ᐅᑕ ᐃᑕᒀᓐ ᓂᐱ; ᑫᒀᓐ ᑫ ᐅᒋᐃᑯᔮᓐ ᑭᒋ ᓯᑲᐊᑖᑲᐎᔮᓐ?

ᐊᐸᔅᑕᓚᒃ 8:37

ᐱᓕᑉ ᒫᑲ ᑮ ᐃᑗᐤ, ᑮᔥᐱᓐ ᑎᐋᐺᑕᒧᐗᓀ ᒥᓯᐌ ᑭᑌᐃ ᐅᒋ ᑭ ᑳ ᑮ ᑐᑕᑲᐎᓐ᙮ ᑮ ᓇᔥᑴᐗᔑᐃᐌᐤ ᒫᑲ ᓀᔥᑕ ᑮ ᐃᑗᐤ, ᓂ ᑖᐺᑌᓐ ᐊᓇ ᒋᓴᔅ ᙭ ᐁ ᐋᐎᑦ ᑭᒋᒪᓂᑐ ᐅᑯᓯᓴ᙮

ᐊᐸᔅᑕᓚᒃ 9:22

ᒫᑲ ᓵᓪ ᐋᒋᐱᑯ ᑮ ᐊᑎ ᓵᐱᐤ, ᓀᔥᑕ ᑮ ᐙᐙᓀᓕᑕᒥᐁᐤ ᐊᓂᐃ ᒎᐗ ᑳ ᑖᔑᑫᓕᒋ ᑕᒫᔅᑲᓯᒃ, ᐁ ᑫᒋᓇᔦᓕᑖᑯᑕᒃ ᐅᐅ ᑖᐺ ᐁ ᐋᐎᓕᒋ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:4

ᐁ ᑮ ᐃᑖᑲᓂᐎᑦ ᒫᑲ ᑭᒋ ᐅᑯᓯᓯᒥᑯᑦ ᑭᒋᒪᓂᑐᐗ ᓱᑳᑎᓯᐎᓂᒃ, ᐸᓓᑭᓯᐎᓂ ᐊᒑᑾ ᐃᔑ, ᐁ ᑮ ᐗᓂᔥᑳᓈᑦ ᐅᓂᐱᐗ ᐅᒋ:

ᑲᓓᔕᐊᓇ 1:16

ᑭᒋ ᑭᔅᑫᓕᑕᒥᐃᑦ ᐅᑯᓯᓴ, ᑭᒋ ᑎᐹᒋᒥᒪᒃ ᐃᑕ ᐁ ᐃᑖᒋᒃ ᐁᑳ ᑳ ᐋᔭᒥᐋᒋᒃ; ᓇᒪᐎᓚ ᐱᑕ ᓂ ᑮ ᓇᑕᐌᓕᑌᓐ ᐎᔮᔅ ᓀᔥᑕ ᒥᑯ ᑭᒋ ᑲᑫᔅᑭᒥᑯᔮᓐ;

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᑭᔅᑫᓕᑖᑯᑖᑫᐎᓐ 2:18

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᑕᐃᔭᑖᐃᕋᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᓕᐗ ᑭᒋᒪᓂᑐ ᐅᑯᓯᓴ, ᐊᓇ ᑖᐱᔅᑯᒡ ᐁ ᐗᓚᑌᒃ ᐃᔥᑯᑌᐤ ᑳ ᐃᔑᓈᑾᓂᓕᑭ ᐅᔅᑭᔑᑾ, ᓀᔥᑕ ᐅᓯᑕ ᑖᐱᔅᑯᒡ ᑳ ᒥᓨᔑᒃ ᐅᓵᐙᐱᔉ;