ᐊᐸᔅᑕᓚᒃ 7:38 - ᐅᔅᑭ ᑎᔅᑌᒥᓐᑦ

³⁸ ᐁᐗᑯ ᐊᐗ ᑳ ᑮ ᐃᑖᑦ ᐋᔭᒥᐁᐎᑲᒥᑯᒃ ᐊᓐᑕ ᐸᑾᑕᔅᑲᒥᑳᒃ, ᐊᓯᒋ ᐊᓂᐃ ᐁᓐᒐᓚ ᑳ ᑮ ᐋᔭᒥᐃᑯᑦ ᐊᓐᑕ ᓵᐃᓈᐃ ᐗᒋᒃ, ᓀᔥᑕ ᑯᑖᐎᓇᐗᒃ ᑖᐱᔅᑯᒡ; ᐊᓇ ᑳ ᑮ ᒥᓛᑲᓂᐎᑦ ᐱᒫᑎᓯᐎ ᐅᓚᔓᐌᐎᓇ ᑭᒋ ᒥᓕᑕᒃ:

ᐊᐸᔅᑕᓚᒃ 7:38 ပူးပေါင်းရင်းမြစ်များ

ᐅᐸᓓᑭᔅ ᒑᓐ 1:17

ᐌᓴ ᐅᓚᔓᐌᐎᓐ ᑮ ᒥᓕᐙᓂᐗᓐ ᒧᓯᔅ ᐅᒋ, ᒫᑲ ᒋᓴᔅ ᙭ ᑮ ᐯᑕᐤ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 6:63

ᐊᒑᒃ ᐁᐗᑯ ᑳ ᐱᒫᑎᓯᐃᐌᑦ: ᐎᔮᔅ ᓇᒪ ᐙᔦᔥ ᐃᑖᐸᑕᓐ: ᐋᔭᒥᐎᓇ ᑳᐎᑕᒫᑕᑾᒃ, ᐊᒑᑯᐗᓋ, ᓀᔥᑕ ᐱᒫᑎᓯᐎᓂᐗᓋ᙮

ᐊᐸᔅᑕᓚᒃ 7:30

ᐃᔅᐱ ᒫᑲ ᓀᒥᑕᓇᐤ ᐱᐳᓋ ᑳ ᐃᔥᒀᐸᓕᑭ, ᑮ ᓄᑯᓯᔅᑖᑯ ᐊᓐᑕ ᐁ ᐸᑾᑕᔅᑲᒥᑳᒃ ᓵᐃᓈᐃ ᐗᒋᒃ ᑳ ᑎᐯᓕᒋᑫᑦ ᐅᑦ ᐁᓐᒐᓕᒪ, ᐱᒋ ᐃᔥᑯᑌᒃ ᐁ ᐗᓚᑌᓕᒃ ᐱᔅᑯᑯᐹᒃ᙮

ᐊᐸᔅᑕᓚᒃ 7:35

ᐊᐗ ᒧᓯᔅ, ᑳ ᑮ ᐋᑕᐌᓕᒫᒋᒃ, ᐁ ᐃᑌᒋᒃ, ᐊᐌᓇ ᑳ ᐃᔑᐃᔉ ᑭᒋ ᑎᐯᓕᒋᑫᔭᓐ ᓀᔥᑕ ᑭᒋ ᑎᐹᔅᑯᓂᑫᔭᓐ? ᐁᐗᒀᓂᐃ ᑭᒋᒪᓂᑐ ᑮ ᐃᔑᑎᔕᐌᐤ ᑭᒋ ᑎᐯᓕᒋᑫᓕᒋ ᓀᔥᑕ ᑭᒋ ᐱᒫᒋᐃᐌᓕᑭ ᐅᒋᒋᓕᐤ ᐅᒋ ᐊᓇ ᐁᓐᒐᓪ ᑳ ᑮ ᓄᑯᓯᔅᑖᑯᑦ ᐱᔅᑯᑯᐹᒃ᙮

ᐊᐸᔅᑕᓚᒃ 7:53

ᑳ ᑮ ᐅᑎᓇᒣᒃ ᐅᓚᔓᐌᐎᓐ ᐁᓐᒐᓚᒃ ᐁ ᑮ ᒥᓕᐌᒋᒃ, ᐁᑳ ᒫᑲ ᑳ ᑮ ᑲᓇᐌᓕᑕᒣᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:2

ᒥᔅᑕᐃ ᒥᓯᐌ ᐃᔑ: ᒫᑲ ᐅᓵᒻ, ᐁ ᑮ ᐊᑭᑎᓇᒪᐙᑲᓂᐎᒋᒃ ᑭᒋᒪᓂᑐ ᐅ ᐸᓓᑭ ᒪᓯᓇᐃᑫᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:4

ᐊᓂᑭ ᑳ ᐃᔅᕃᐃᓚᐃᑎᐎᒋᒃ; ᑳ ᑮ ᒥᓛᑲᓂᐎᒋᒃ ᐅᑦ ᐊᐙᔑᒥᔑᒥᑯᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᐊᓂᐃ ᓇᔅᑯᒥᑐᐎᓇ, ᓀᔥᑕ ᐁ ᒥᓕᐙᓂᐗᓂᓕᒃ ᐅᓚᔓᐌᐎᓂᓕᐤ, ᓀᔥᑕ ᐁ ᐊᑐᔅᑲᐙᑲᓂᐎᑦ ᑭᒋᒪᓂᑐ, ᓀᔥᑕ ᐊᔓᑕᒫᑫᐎᓇ;

ᑲᓓᔕᐊᓇ 3:19

ᑖᓂ ᒫᑲ ᐁᑖᐸᑕᒃ ᐅᓚᔓᐌᐎᓐ? ᑮ ᑕᑯᑖᑲᓂᐗᓐ ᒪᒋ ᐋᔨᑎᐎᓇ ᐅᒋ, ᐹᑎᒪ ᑕᑯᔑᒃ ᐅᑯᓯᓯᒪᐤ ᑳ ᑮ ᒥᓛᑲᓂᐎᑦ ᐊᓂᐁᓕᐤ ᐊᔓᑕᒫᑫᐎᓂᓕᐤ: ᑮ ᐙᐌᓚᔅᑕᐗᒃ ᒫᑲ ᐁᓐᒐᓚᒃ ᐅᒋᒋᓕᒃ ᐅᑖᔭᒥᔅᑕᒫᑫᐗ᙮

ᐦᐃᑉᕉᐗ 2:2

ᐌᓴ ᑮᔥᐱᓐ ᐊᓂᒪ ᐊᔭᒥᐎᓐ ᑳ ᑮ ᐃᑗᒋᒃ ᐁᓐᒐᓚᒃ ᑮ ᒪᔥᑲᐗᔅᑌᒃ, ᓀᔥᑕ ᒥᓯᐌ ᑕᑐ ᐗᓂᑐᑕᒧᐎᓐ ᓀᔥᑕ ᔑᐱᑕᒧᐎᓐ ᑮ ᐅᑎᓇᒧᒪᑲᒃ ᑳ ᐃᔑ ᑲᔥᑭᑕᒫᓱᒪᑲᒃ ᑎᐸᐊᒫᑫᐎᓐ;

ᐦᐃᑉᕉᐗ 4:12

ᐌᓴ ᑭᒋᒪᓂᑐ ᐅᑦ ᐋᔭᒥᐎᓐ ᐱᒫᑎᓯᒪᑲᓂᓕᐤ, ᓀᔥᑕ ᓱᑳᑎᓯᒪᑲᓂᓕᐤ, ᓀᔥᑕ ᐊᐙᓯᑌ ᑳᔖᓕᐤ ᐃᔥᐱᔥ ᐁ ᓂᔓᐱᔅᑲᒧᑭ ᔑᒫᑲᓐ, ᐁ ᔖᐳᐸᓕᓕᒃ ᐃᔥᐱᔥ ᑮ ᐅᒋ ᓀᓇᐎᓂᑳᑌᒃ ᐊᒑᒃ ᓀᔥᑕ ᒥᑐᓀᓕᒋᑲᓐ, ᓀᔥᑕ ᐋᓂᔅᑲᐎᑲᓇᓇ ᓀᔥᑕ ᐅᔅᑲᓂᐱᒥ, ᓀᔥᑕ ᓂᓯᑕᐌᓕᑕᒧᒪᑲᓂᓕᐤ ᑳ ᒥᑐᓀᓕᒋᑳᑌᒃ ᓀᔥᑕ ᑳ ᐃᑌᓕᒋᑳᑌᒃ ᒥᑌᐃᒃ᙮

ᐦᐃᑉᕉᐗ 5:12

ᐌᓴ ᐃᔅᐱ ᐌᑎᒋᐸᓕᒃ ᑭᒋ ᑭᔅᑭᓄᐊᒫᑫᔦᒃ, ᑭ ᓇᑕᐌᓕᑖᑯᓯᓇᐗᐤ ᐊᐌᓇ ᒥᓇ ᑭᒋ ᑭᔅᑭᓄᐊᒫᑖᒃ, ᐊᓂᐃ ᑳ ᓂᑳᓀᓕᑖᑾᑭ ᐅᑦ ᐃᑕᔓᐌᐎᓇ ᑭᒋᒪᓂᑐ; ᓀᔥᑕ ᑭ ᓇᔅᐱᑕᐗᐗᐗᒃ ᐊᓂᑭ ᑳ ᓇᑕᐌᓕᑕᑭᒃ ᒍᒍᔑᒫᐳᓕᐤ, ᓇᒪ ᒫᑲ ᑳ ᒪᔥᑲᐙᓕᒃ ᒥᒋᒥᓕᐤ᙮

ᓂᔥᑕᒻ ᐱᑕᕐ 4:11

ᑮᔥᐱᓐ ᐊᐌᓇ ᐋᔭᒥᑌ, ᐁᑯᔑ ᑲᑕ ᐋᔭᒥᐤ ᑖᐱᔅᑯᒡ ᑭᒋᒪᓂᑐ ᐅᑦ ᐋᔭᒥᐎᓇ: ᑮᔥᐱᓐ ᐊᐌᓇ ᐋᔭᒥᐋᐎ ᐊᑑᔅᑫᑌ, ᐁᑯᔑ ᑲᑕ ᑐᑕᒻ ᐃᔥᐱᔥ ᐁ ᒥᓕᑯᑦ ᑲᔥᑭᐅᐎᓂᓕᐤ ᑭᒋᒪᓂᑐᐗ; ᒥᓯᐌ ᑫᒀᓇ ᑭᒋ ᐅᒋ ᑭᔅᑌᓕᑖᑯᐋᑲᓂᐄᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭; ᑫ ᐎ ᒫᒥᒋᒫᑲᓂᐎᑦ ᓀᔥᑕ ᑎᐯᓕᒋᑫᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮