ᐊᐸᔅᑕᓚᒃ 6:7 - ᐅᔅᑭ ᑎᔅᑌᒥᓐᑦ

⁷ ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮

ᐊᐸᔅᑕᓚᒃ 6:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 19:30

ᒫᑲ ᒥᒉᑦ ᑳ ᓂᔥᑕᒻ ᐃᑌᓕᑖᑯᓯᒋᒃ, ᑲᑕ ᒫᒋᒡ ᐃᑌᓕᑖᑯᓯᐗᒃ, ᓀᔥᑕ ᑳ ᒦᒋᒡ ᐃᑌᓕᑖᑯᓯᒋᒃ ᑲᑕ ᓃᔥᑕᒻ ᐃᑌᓕᑖᑯᓯᐗᒃ᙮

ᐅᐸᓓᑭᔅ ᓘᒃ 2:34

ᓯᒥᔭᓐ ᒫᑲ ᑮ ᒥᓦᑭᒧᐤ, ᓀᔥᑕ ᑮ ᐃᑌᐤ ᒣᕆᐊ ᐅᑳᐎᔭ, ᒫᑎᑲ, ᐊᐗ ᐊᐙᔑᔥ ᐸᑭᑎᓇᐤ ᑭᒋ ᐅᒋ ᐸᑭᔑᑭᒃ ᓀᔥᑕ ᒥᓇ ᑭᒋ ᐗᓂᔥᑳᒋᒃ ᒥᒉᑦ ᐃᔅᕃᐃᓕᒃ; ᓀᔥᑕ ᑖᐱᔅᑯᒡ ᑭᔅᑭᓄᐙᒋ ᐙᐸᑎᓕᐌᐎᓐ ᑫ ᒪᒋ ᐋᓕᒧᒋᑳᑌᒃ᙮

ᐅᐸᓓᑭᔅ ᒑᓐ 12:42

ᐁᓕᐌᒃ ᒫᑲ ᒥᒉᑦ ᐅᑎᐯᓕᒋᑫᐗᒃ ᑮ ᑖᐺᔦᓕᒣᐗᒃ; ᒫᑲ ᐹᕋᓯᔭ ᐅᒋ ᓇᒪᐎᓚ ᑮ ᐎᑕᒶᒃ, ᐁᑳ ᑭᒋ ᐗᓚᐎᑎᔑᓈᑲᓂᐎᒋᒃ ᐋᔭᒥᐁᐎᑲᒥᑯᒃ ᐅᒋ᙮

ᐊᐸᔅᑕᓚᒃ 12:24

ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᑮ ᓂᑕᐎᑭᒪᑲᓂᓕᐤ ᓀᔥᑕ ᑮ ᓚᑭᐆᒪᑲᓂᓕᐤ᙮

ᐊᐸᔅᑕᓚᒃ 13:8

ᐃᓕᒪᔅ ᒫᑲ ᑳ ᒥᑌᐎᓖᓖᐎᑦ (ᐌᓴ ᐁᐗᒀᓂᒪ ᐁ ᐃᔑᓂᑳᑎᑦ ᐁ ᓈᐃᒧᓈᓂᐗᒃ) ᑮ ᓈᔅᑯᔥᑖᐌᐤ, ᐁ ᓇᑕᐌᓕᑕᒃ ᑭᒋ ᑴᔅᑭᓈᑦ ᐊᓂᐃ ᐅᑭᒫᐗ ᑖᐺᔦᓕᑕᒧᐎᓂᓕᐤ ᐅᒋ᙮

ᐊᐸᔅᑕᓚᒃ 14:22

ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 19:20

ᐁ ᑮ ᐃᔅᐱᒋ ᓲᑲ ᑭᓕᐱᑭᓂᓕᒃ ᑭᒋᒪᓂᑐ ᐅᑦ ᐋᔭᒥᐎᓐ, ᓀᔥᑕ ᔖᑯᒋᐃᐌᒪᑲᓂᓕᒃ᙮

ᐊᐸᔅᑕᓚᒃ 2:47

ᐁ ᒫᒥᒋᒫᒋᒃ ᑭᒋᒪᓂᑐᐗ, ᓀᔥᑕ ᐁ ᐎ ᐙᑯᒥᑯᒋᒃ ᒥᓯᐌ ᐃᓕᓕᐗ᙮ ᐅᑎᐯᓕᒋᑫᐤ ᒫᑲ ᑕᑣᐤ ᐁ ᑭᔑᑳᒃ ᑮ ᑕᑯᐁᐤ ᒫᒪᐎᐋᔭᒥᐋᐗ ᐊᓂᐃ ᑫ ᐱᒪᒋᐋᑲᓂᐎᓕᒋ᙮

ᐊᐸᔅᑕᓚᒃ 21:20

ᐃᔅᐱ ᒫᑲ ᐱᐁᑕᑭᒃ, ᑮ ᑭᔅᑖᒋᒣᐗᒃ ᐅᑎᐯᓕᒋᑫᐗ, ᓀᔥᑕ ᑮ ᐃᑌᐗᒃ, ᑭ ᐙᐸᑌᓐ, ᓂᒋᔖᓂᓈᓐ, ᐁᔅᐱᒋ ᒥᒉᑡᐤ ᒥᑖᑐᒥᑖᓇᐤ ᐁ ᐃᑕᓯᒋᒃ ᒎᐗᒃ ᑳ ᑖᐺᑕᑭᒃ; ᒥᓯᐌ ᐁ ᐃᑕᓯᒋᒃ ᒫᑲ ᒪᔥᑲᐌᓕᑕᒶᒃ ᐅᓚᔓᐌᐎᓂᓕᐤ:

ᐊᐸᔅᑕᓚᒃ 6:1

ᒣᒀᒡ ᒫᑲ ᐊᓂᐃ ᑭᔑᑳᐗ, ᐃᔅᐱ ᐊᓂᑭ ᑭᔅᑭᓄᐊᒪᐙᑲᓇᒃ ᑳ ᑮ ᒥᒉᑎᒋᒃ, ᐊᓂᑭ ᒃᕆᓯᔮᓇᒃ ᑮ ᒥᑕᐎᒣᐗᒃ ᐊᓂᐃ ᐦᐃᑉᕉᐊ, ᐌᓴ ᑳ ᑭᐙᑎᓯᓕᒋ ᐅᑦ ᐃᔅᑴᒥᐙᐗ ᓇᒪ ᐅᒋ ᐱᓯᔅᑫᓕᒫᑲᓂᐎᓕᐗ ᐃᔅᐱ ᑳ ᐅᒋᔅᑕᒫᑫᓈᓂᐗᓂᓕᒃ ᑕᑡᐤ ᑳᔑᑳᓕᑭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:5

ᐁᐗᑯ ᐊᐗ ᑳ ᑮ ᐅᒋ ᒥᓕᑲᐎᔭᒃ ᔕᐌᓕᒋᑫᐎᓐ ᓀᔥᑕ ᐊᐸᔅᑕᓕᐎᐎᓐ, ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ, ᐅᑦ ᐃᔑᓇᑳᓱᐎᓐ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᑲᓓᔕᐊᓇ 1:23

ᒫᑲ ᐱᑯ ᑮ ᐯᑕᒶᒃ, ᐊᓇ ᐌᔅᑲᒡ ᑳ ᑮ ᑲᑾᑕᑭᐃᑕᒃ, ᐊᓄᒡ ᑲᑫᔅᑭᒥᐌᐤ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᐌᔅᑲᒡ ᑳ ᑮ ᓂᔑᐗᓈᒋᑖᑦ᙮

ᑲᓓᔕᐊᓇ 6:10

ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᓂᔓ ᑌᓴᓗᓂᔭᓇ 1:8

ᐁ ᐙᓚᑌᒃ ᐃᔥᑯᑌᒃ, ᐁ ᐊᑯᓚᐌᓰᔅᑕᐙᑦ ᐊᓂᐃ ᐁᑳ ᑳ ᑭᔅᑫᓕᒫᓕᒋ ᑭᒋᒪᓂᑐᐗ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᐅ ᒥᓗᐋᒋᒧᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔓ ᑎᒧᑎ 2:9

ᐃᑕ ᐁ ᐃᔑ ᐊᓕᒥᐃᑲᐎᔮᓐ ᑖᐱᔅᑯᒡ ᐊᐌᓇ ᑳ ᒪᒋᑐᑕᒃ, ᐁ ᒫᒫᒋᒀᐱᓱᔮᓐ: ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᓇᒪᐎᓚ ᒫᒫᒋᑯᐱᑌᓕᐤ᙮

ᐦᐃᑉᕉᐗ 11:8

ᑖᐺᔦᓕᑕᒧᐎᓐ ᐅᒋ ᐁᑉᕃᐋᒻ, ᐃᔅᐱ ᓀᑐᒫᑲᓂᐎᑦ ᑭᒋ ᐃᑐᑌᑦ ᐃᑕ ᐁᔥᑾ ᑫ ᒥᓛᑲᓂᐎᑦ ᑭᒋ ᑎᐱᓚᐌᐎᓯᑦ, ᑮ ᑖᐺᑕᒻ; ᑮ ᐗᓚᐎᐃᑐᑌᐤ ᒫᑲ, ᐁᑳ ᐁ ᑭᔅᑫᓕᑕᒃ ᑖᓐᑌ ᐁ ᐃᑐᑌᑦ᙮

ᐦᐃᑉᕉᐗ 5:9

ᓀᔥᑕ ᒫᑲ ᐁ ᑮ ᒥᑐᓂᐎᐋᑲᓂᐎᑦ, ᑮ ᐊᑎ ᑎᐯᓕᑕᒪᐌᐤ ᐱᒫᒋᐃᐌᐎᓂᓕᐤ ᒥᓯᐌ ᐊᓂᐃ ᑳ ᓇᓇᐃᑖᑯᑦ;

ᒎᑦ 1:20

ᒫᑲ ᑭᓚᐗᐤ, ᓯᐋᑭᐃᑕᑾᒃ ᐁ ᐋᔨᒋᑳᐸᐎᐃᑎᓱᔦᒃ ᑭ ᒪᐗᒋ ᐸᓓᑭ ᑖᐺᔦᓕᑕᒧᐎᓂᐙᒃ, ᐁ ᐋᔭᒥᐋᔦᑳ ᐸᓓᑭ ᐊᒑᑯᒃ,

ᒎᑦ 1:3

ᓯᐋᑭᐃᑕᑾᒃ, ᐃᔅᐱ ᓈᔅᐱᒡ ᒥᐋᒥᑐᓀᓕᑕᒫᓐ ᑭᒋ ᒪᓯᓇᐊᒫᑕᑾᒃ ᐁ ᐋᓕᒧᑕᒫᓐ ᒫᒪᐎ ᐱᒫᒋᐃᐌᐎᓐ, ᑮ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ ᑭᒋ ᔑᑭᒥᑕᑾᒃ ᐁᓕᑯᒃ ᑭᒋ ᐎ ᑲᑴ ᑲᓇᐁᓕᑕᒣᒃ ᐊᓂᒪ ᑖᐺᔦᓕᑕᒧᐎᓐ ᐯᔭᑾᐤ ᑳ ᑮ ᐸᑭᑎᓇᒪᐙᑲᓂᐎᒋᒃ ᐅᐸᓓᑭᓴᒃ᙮