ᐊᐸᔅᑕᓚᒃ 6:14 - ᐅᔅᑭ ᑎᔅᑌᒥᓐᑦ

¹⁴ ᐌᓴ ᓂ ᑮ ᐯᑕᐗᓈᓐ ᐁ ᐃᑗᑦ, ᐊᐗ ᒋᓴᔅ ᓈᓴᕆᑎᒃ ᑳ ᐅᒌᑦ ᑲᑕ ᓂᔑᐗᓈᒋᑕᐤ ᐅᒣᓕᐤ ᐃᑖᐎᓂᓕᐤ, ᓀᔥᑕ ᑲᑕ ᑴᔅᑭᓇᒻ ᐊᓂᐃ ᐃᔑᑣᐎᓇ ᒧᓯᔅ ᑳ ᑮ ᐸᑭᑎᓇᒫᑕᒃ᙮

ᐊᐸᔅᑕᓚᒃ 6:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 26:61

ᑮ ᐃᑗᐗᒃ ᒫᑲ, ᐊᐗ ᐅᒪ ᑮ ᐃᑗᐤ, ᓂ ᑲᔥᑭᑖᓐ ᑭᒋ ᓂᔑᐗᓈᒋᑖᐗᒃ ᑭᒋᒪᓂᑐ ᐅ ᑭᒋᐋᔭᒥᐁᐎᑲᒥᒃ, ᑭᒋ ᐅᔑᑖᔮᓐ ᒫᑲ ᑮ ᓂᔅᑐ ᑭᔑᑳᑭ᙮

ᐅᐸᓓᑭᔅ ᒫᕐᒃ 14:58

ᓂ ᑮ ᐯᑕᐙᓈᓐ ᐁ ᐃᑗᑦ, ᓂ ᑳ ᓂᔑᐗᓈᒋᑖᓐ ᐅᒪ ᑭᒋᐋᔭᒥᐁᐎᑲᒥᒃ ᒥᒋᒋᔭ ᑳ ᐅᒋ ᐅᔑᒋᑳᑌᒃ, ᐃᔥᐱᔥ ᒫᑲ ᓂᔅᑐ ᐁ ᑭᔑᑳᑭ ᑯᑕᒃ ᓂ ᑳ ᐅᔑᑖᓐ ᐁᑳ ᒥᒋᒋᔭ ᑫ ᐅᒋ ᐅᔑᒋᑳᑌᒃ᙮

ᐅᐸᓓᑭᔅ ᓘᒃ 21:24

ᑲᑕ ᐅᒋ ᐸᑭᔑᓋᒃ ᒫᑲ ᐁ ᑳᔕᓕᒃ ᔑᒫᑲᓂᓕᐤ, ᓀᔥᑕ ᑲᑕ ᑭᑐᑕᐋᐗᒃ ᑭᒋ ᐊᐗᑳᓂᐎᒋᒃ ᐃᑕ ᐁ ᐃᑖᓕᒋ ᒥᓯᐌ ᐁ ᐃᑕᔅᑳᓀᓯᓕᒋ ᐃᓕᓕᐗ: ᒋᕉᓴᓚᒻ ᒫᑲ ᑲᑕ ᑕᑕᑯᔅᑳᑕᒶᒃ ᒉᓐᑖᐃᓚᒃ, ᐹᑎᒫ ᑎᐱᐸᓕᓕᑾᐌ ᒉᓐᑖᐃᓚᒃ ᐅ ᑭᔑᑳᒥᐙᐗ᙮

ᐅᐸᓓᑭᔅ ᓘᒃ 21:6

ᐅᐅ ᑫᒀᓇ ᑳ ᐙᐸᑕᒣᒃ, ᐅᑎᒋᐸᓕᐗ ᑭᔑᑳᐗ, ᐃᔅᐱ ᐁᑳ ᑫ ᐃᔥᑯᓈᑲᓂᐎᑦ ᐯᔭᒃ ᐊᓯᓂ ᐁ ᑌᑕᐱᑦ ᑯᑕᑭᔭ ᐁᑳ ᑫ ᓂᒋᐌᐱᓈᑲᓂᐎᑦ᙮

ᐅᐸᓓᑭᔅ ᒑᓐ 2:19

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᓂᔑᐗᓈᒋᑖᒃ ᐅᒪ ᑭᒋᐊᔭᒥᐁᐎᑲᒥᒃ, ᑮ ᓂᔅᑐ ᑭᔑᑳᑫ ᒫᑲ ᓂ ᑳ ᐗᓂᔥᑳᓀᓐ᙮

ᐅᐸᓓᑭᔅ ᒑᓐ 4:21

ᒋᓴᔅ ᐃᑌᐤ, ᐃᔅᑴᐤ, ᑖᐺᑖᐎᓐ, ᑎᐹᔨᑲᓐ ᐱᓯᒧᑳᓂᒃ ᐹᐸᓕᐤ, ᐃᔅᐱ ᐁᑳ ᐅᑕ ᐗᒌᒃ, ᐁᑳ ᓀᔥᑕ ᒋᕉᓴᓚᒥᒃ ᑫ ᐋᔭᒥᐁᔅᑕᐌᒃ ᐅᑖᐎᒪᐤ᙮

ᐊᐸᔅᑕᓚᒃ 15:1

ᐊᑎᑦ ᒫᑲ ᐃᓕᓕᐗᒃ ᑳ ᑮ ᐯᒋ ᐅᑐᑌᒋᒃ ᒎᑎᐊᐃᒃ ᑮ ᑭᔅᑭᓄᐊᒪᐌᐗᒃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑗᐗᒃ, ᑮᔥᐱᓐ ᐁᑳ ᑭᔅᑭᓄᐙᒋᔓᑲᐎᔦᑴ ᑳ ᐃᔑ ᑲᑫᔅᑭᒥᐌᑦ ᒧᓯᔅ, ᓇᒪᐎᓚ ᑭ ᑳ ᑮ ᐱᒫᒋᐅᓈᐙᐤ᙮

ᐊᐸᔅᑕᓚᒃ 21:21

ᑮ ᐎᑕᒪᐙᑲᓂᐎᐗᒃ ᒫᑲ ᑭᓚ ᐅᒋ ᐁ ᑭᔅᑭᓄᐊᒪᐗᒋᒃ ᒥᓯᐌ ᒎᐗᒃ ᑳ ᐃᑖᒋᒃ ᒣᑴᔭᔥ ᒉᓐᑖᐃᓚ ᑭᒋ ᐌᐱᓈᒋᒃ ᒣᓯᓴ, ᐁ ᐃᑗᔭᓐ ᐁᑳ ᑭᒋ ᑭᔅᑭᓄᐙᒋᔣᒋᒃ ᐅᑦ ᐊᐙᔑᒥᔑᐙᐗ, ᐁᑳ ᓀᔥᑕ ᑭᒋ ᓄᔅᐱᓇᑕᑭᒃ ᐊᓂᐃ ᐋᔨᑎᐎᓇ᙮

ᐊᐸᔅᑕᓚᒃ 25:8

ᒣᒀᒡ ᒫᑲ ᑳ ᓇᔥᑴᐗᔑᑕᒫᓱᑦ, ᓇᒪᐎᓚ ᐅᑦ ᐅᓚᔓᐌᐎᓂᐗᐤ ᒎᐗᒃ, ᓇᒪ ᓀᔥᑕ ᑭᒋᐋᔭᒥᐁᐎᑲᒥᒃ, ᓇᒪ ᓀᔥᑕ ᓯᓴᕐ ᐅᒋ, ᐙᔦᔥ ᓂ ᑮ ᐙᓂᑐᑌᓐ᙮

ᐊᐸᔅᑕᓚᒃ 26:3

ᒫᑲ ᐅᓵᒻ ᐁ ᑭᔅᑫᓕᒥᑖᓐ ᐁ ᓇᐃᑭᔅᑫᓕᑕᒪᓐ ᒥᓯᐌ ᐅᑦ ᐋᔨᑎᐎᓂᐙᐗ ᓀᔥᑕ ᐅ ᑲᑴᒋᑫᒧᐎᓂᐙᐗ ᒎᐗᒃ: ᐁᐗᑯ ᐌᒋ ᐸᑯᓭᓕᒥᑖᓐ ᔑᐱᓚᐌᓯᐎᓂᒃ ᑭᒋ ᓇᑐᑖᐎᔭᓐ᙮

ᐊᐸᔅᑕᓚᒃ 28:17

ᑮ ᐃᑭᓐ ᒫᑲ, ᑳ ᐳᓂᐸᓕᑭ ᓂᔅᑐ ᑭᔑᑳᐗ ᐹᓪ ᑮ ᒫᒪᐎ ᓇᑐᒣᐤ ᑳ ᓂᑳᓀᓕᑖᑯᓯᓕᒋ ᒎᐗ: ᐃᔅᐱ ᒫᑲ ᑳ ᒫᒪᐎ ᐯᒋ ᐃᑐᑌᓕᒋ, ᑮ ᐃᑌᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᐋᑕ ᐁᑳ ᑫᒀᓐ ᐁ ᑮ ᐗᓂᑐᑕᐗᑭᒃ ᐃᓕᓕᐗᒃ, ᓀᔥᑕᐱᑯ ᐅᑦ ᐃᑖᑎᓯᐎᓂᐙᐗ ᑯᑖᐎᓈᐗᒃ, ᐁᓕᐌᒃ ᒫᑲ ᓂ ᑮ ᐸᑭᑎᓂᑳᐎᓐ ᐁ ᑭᐸᐙᑲᓂᔮᓐ ᐅᒋᒋᐙᒃ ᕈᒥᐎᓕᓕᐗᒃ᙮

ᑲᓓᔕᐊᓇ 3:19

ᑖᓂ ᒫᑲ ᐁᑖᐸᑕᒃ ᐅᓚᔓᐌᐎᓐ? ᑮ ᑕᑯᑖᑲᓂᐗᓐ ᒪᒋ ᐋᔨᑎᐎᓇ ᐅᒋ, ᐹᑎᒪ ᑕᑯᔑᒃ ᐅᑯᓯᓯᒪᐤ ᑳ ᑮ ᒥᓛᑲᓂᐎᑦ ᐊᓂᐁᓕᐤ ᐊᔓᑕᒫᑫᐎᓂᓕᐤ: ᑮ ᐙᐌᓚᔅᑕᐗᒃ ᒫᑲ ᐁᓐᒐᓚᒃ ᐅᒋᒋᓕᒃ ᐅᑖᔭᒥᔅᑕᒫᑫᐗ᙮

ᑲᓓᔕᐊᓇ 3:23

ᒫᑲ ᐸᒧᔑ ᑕᑯᔑᓄᒪᑲᒃ ᑖᐺᔦᓕᑕᒧᐎᓐ, ᑭ ᑮ ᒥᒋᒥᓂᑲᐼᓈᓇᐤ ᐅᓚᔓᐌᐼᓂᒃ, ᐁ ᑭᐸᐃᑳᓱᔭᒃ ᑖᐺᔦᓕᑕᒧᐎᓐ ᐃᔑ ᐁᔥᑾ ᑫ ᑭᔅᑫᓕᑖᑯᑖᓂᐗᑭᐸᓐ᙮