ᐊᐸᔅᑕᓚᒃ 5:11 - ᐅᔅᑭ ᑎᔅᑌᒥᓐᑦ

¹¹ ᑭᒋ ᓭᑭᓯᐎᓂᓕᐤ ᒫᑲ ᑮ ᐅᑎᑎᑯᐗᒃ ᒥᓯᐌ ᒫᒪᐎᐋᔭᒥᐋᐗᒃ ᓀᔥᑕ ᑕᑐ ᐊᓂᑭ ᑳ ᐯᑕᑭᒃ ᐅᐅ ᑫᒀᓇ᙮

ᐊᐸᔅᑕᓚᒃ 5:11 ပူးပေါင်းရင်းမြစ်များ

ᐊᐸᔅᑕᓚᒃ 19:17

ᐅᒣᓕᐤ ᒫᑲ ᑮ ᑭᔅᑫᓕᑕᒶᒃ ᒥᓯᐌ ᐊᓂᑭ ᒎᐗᒃ ᓀᔥᑕ ᒃᕆᑲᒃ ᐊᓯᒋ ᑳ ᑖᔑᑫᒋᒃ ᐃᐱᓴᓯᒃ; ᓭᑭᓯᐎᓂᓕᐤ ᒫᑲ ᑮ ᐅᑎᑎᑯᐗᒃ ᒥᓯᐌ ᐁ ᐃᑕᓯᒋᒃ, ᓀᔥᑕ ᐅᑦ ᐃᔑᓂᑲᓱᐎᓐ ᐅᑎᐯᓕᒋᑫᐤ ᒋᓴᔅ ᑮ ᑭᔅᑌᓕᑕᑯᑕᓂᐗᓂᓕᐤ᙮

ᐊᐸᔅᑕᓚᒃ 2:43

ᒥᓯᐌ ᑕᑐ ᐊᐌᓇ ᒫᑲ ᑮ ᐅᑎᑎᑯᐗᒃ ᓭᑭᓯᐎᓂᓕᐤ; ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᒫᑲ ᓀᔥᑕ ᒫᒪᑖᐎ ᐙᐸᑎᓕᐌᐎᓇ ᑮ ᑐᑕᒶᒃ ᐊᓂᑭ ᐊᐸᔅᑕᓚᒃ᙮

ᐊᐸᔅᑕᓚᒃ 5:5

ᐋᓇᓈᐃᐊᔅ ᒫᑲ ᐁ ᐯᑕᒃ ᐅᐅ ᐋᔭᒥᐎᓇ ᑮ ᐸᑭᔑᓐ, ᑮ ᓂᐱᐤ ᒫᑲ; ᓀᔥᑕ ᑭᒋ ᓭᑭᓯᐎᓂᓕᐤ ᑮ ᐅᑎᑎᑯᐗᒃ ᒥᓯᐌ ᑳ ᐯᑕᑭᒃ ᐅᐅ ᑫᒀᓇ᙮

ᐊᐸᔅᑕᓚᒃ 9:31

ᐁᑯ ᐁ ᐋᔮᒋᒃ ᐊᓜᐱᐎᓂᓕᐤ ᒫᒪᐎᐊᔭᒥᐋᐗᒃ ᒥᓯᐌ ᒎᑎᐊᐃᒃ ᓀᔥᑕ ᑳᓚᓕᒃ ᓀᔥᑕ ᓵᒣᕆᔭᐃᒃ, ᓀᔥᑕ ᑮ ᑭᔅᑭᓄᐊᒪᐗᑲᓂᐎᐗᒃ; ᐁ ᐱᒧᑌᒋᒃ ᒫᑲ ᐅᑎᐯᓕᒋᑫᐗ ᐅ ᓇᓂᒌᔅᑖᑯᓯᐎᓂᓕᒃ, ᓀᔥᑕ ᐸᓓᑭ ᐊᒑᑾ ᐅ ᑳᑭᒋᐃᐌᐎᓂᓕᒃ, ᑮ ᐊᑎ ᒥᒉᑎᐗᒃ᙮

ᐱᓕᐱᔭᓇ 2:12

ᐁᐗᑯ ᐅᒋ, ᓯᐋᑭᐃᑕᑾᒃ, ᑖᐱᔅᑯᒡ ᒧᔕᒃ ᑳ ᑮ ᓇᓇᐃᑕᒣᒃ, ᓇᒪᐎᓚ ᐱᑯ ᐁ ᑲᓇᐙᐸᒥᑕᑾᒃ, ᒫᑲ ᐊᓄᒡ ᓈᔅᐱᒡ ᐊᐙᓯᑌ ᐁ ᐃᑖᐱᒋᔮᓐ, ᑎᐱᑐᑕᒪᒃ ᑎᐱᓚᐌ ᑭ ᐱᒫᒋᐃᑯᓯᐎᓂᐗᐤ ᓭᑭᓯᐎᓂᒃ ᓀᔥᑕ ᓇᓂᑭᐸᓕᐎᓂᒃ:

ᐦᐃᑉᕉᐗ 11:7

ᑖᐺᔦᓕᑕᒧᐎᓐ ᐅᒋ ᓄᐊ, ᐁ ᔮᒀᒥᒥᑯᑦ ᑭᒋᒪᓂᑐᐗ ᐊᓂᐃ ᑫᒀᓇ ᐅᒋ ᐁᑳ ᐁᔥᑾ ᑳ ᓄᑾᓂᓕᑭ, ᐁ ᔮᒀᒥᓯᑦ, ᑮ ᐋᔦᔅᑲᐎᑕᐤ ᐋᕐᑯᓕᐤ, ᑭᒋ ᐅᒋ ᐱᒫᒋᐋᑦ ᑳ ᐃᑕᔑᑦ; ᐊᐗᑯ ᓀᔥᑕ ᑳ ᑮ ᐅᒋ ᓂᔑᐗᓈᒋᑕᒃ ᐊᔅᑭᓕᐤ, ᓀᔥᑕ ᑳ ᑮ ᐊᑎ ᐋᔮᑦ ᒀᔭᔅᑭᑖᑎᓯᐎᓂᓕᐤ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮

ᐦᐃᑉᕉᐗ 12:15

ᐁ ᑭᓯᓴᐎᓯᐎ ᐊᔕᐙᐱᔦᒃ, ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐸᑭᔑᒃ ᐅ ᔕᐌᓕᒋᑫᐎᓂᓕᐤ ᑭᒋᒪᓂᑐᐗ ᐅᒋ; ᐁᑳ ᐁ ᐅᒉᐱᑭᐗᒃ ᐎᓴᑯᐅᐌᐎᓐ ᐁ ᓵᑭᑭᒃ ᑭᒋ ᒥᑯᔥᑳᒋᐃᑯᔦᒃ, ᑫ ᐅᒋ ᐎᓂᐅᒋᒃ ᑳ ᒥᒉᑎᑭᒃ;

ᐦᐃᑉᕉᐗ 12:28

ᐁᐗᑯ ᐅᒋ ᑭᓚᓈᓇᐤ ᐁ ᒥᓕᑲᐎᔭᒃ ᐅᑭᒪᐎᐎᓐ ᐁᑳ ᑫ ᑮ ᐋᔭᒡ ᐊᔅᑖᓂᐗᒃ, ᐁᑯᔑ ᒥᒋᒥᓈᑕᐤ ᔕᐌᓕᒋᑫᐎᓐ, ᐊᓂᒪ ᑫ ᐅᒋ ᒀᔮᔉ ᐊᑑᔅᑫᔅᑕᐗᒃ ᑭᒋᒪᓂᑐ ᑭᔅᑌᓕᑕᒧᐎᓂᒃ ᓀᔥᑕ ᒪᓂᑐᐎ ᓇᓂᒋᐎᓂᒃ;

ᐦᐃᑉᕉᐗ 4:1

ᐁᑯᔑ ᒫᑲ ᑯᔅᐹᓀᓕᑖᑕᐤ, ᐋᑕ ᐁ ᑮ ᐊᔓᑕᒫᑲᐎᔭᒃ ᑭᒋ ᐱᑐᑫᐗᒃ ᐅᑦ ᐋᓜᓯᐎᓂᒃ ᐊᐌᓂᑳᓇᒃ ᐁ ᐃᑕᔑᔦᒃ ᑭᒋ ᓄᑌᔥᑲᑭᒃ᙮

ᓂᔥᑕᒻ ᐱᑕᕐ 1:17

ᑮᔥᐱᓐ ᒫᑲ ᓈᓇᑕᒣᑴ ᐌᐅᑕᐎᒪᐎᑦ, ᐊᓇ ᐁᑳ ᐹᐱᑐᔥ ᑳ ᐃᑌᓕᒫᑦ ᐃᓕᓕᐗ ᑳ ᑎᐹᔅᑯᓇᒸᑦ ᐁ ᐃᔑᓈᑾᓂᓕᒃ ᒥᓯᐌ ᑕᑐ ᐃᓕᓕᐗ ᐅᑦ ᐊᑑᔅᑫᐎᓂᓕᐤ, ᒣᒀᒡ ᐅᑕ ᐁ ᑕᔑᑫᔦᒃ ᐱᒫᑎᓰᒃ ᓇᓂᒋᐎᓂᒃ:

ᑭᔅᑫᓕᑖᑯᑖᑫᐎᓐ 15:4

ᐊᐌᓇ ᐁᑳ ᑫ ᓇᓂᒌᔅᑖᔉ, ᐅ ᑌᐯᓕᒋᑫᔭᓐ, ᓀᔥᑕ ᑭᔅᑖᒋᑕᒃ ᑭᑦ ᐃᔑᓂᑳᓱᐎᓂᓕᐤ? ᐌᓴ ᑭᓚ ᐱᑯ ᑮ ᐸᓓᑭᓯᓐ: ᐌᓴ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑮ ᑳ ᐯᒋ ᓇᐗᑮᔅᑖᑾᒃ; ᐌᓴ ᑮ ᑎᐹᔅᑯᓂᑫᐎᓇ ᐹᔭᑌ ᓄᑯᑖᓂᐗᓋ᙮