ᐊᐸᔅᑕᓚᒃ 4:34 - ᐅᔅᑭ ᑎᔅᑌᒥᓐᑦ

³⁴ ᓇᒪ ᐎᓚ ᓀᔥᑕ ᐊᐌᓇ ᐁ ᐃᑕᓯᒋᒃ ᐅᒋ ᒪᓀᓯᐤ: ᐌᓴ ᑕᑐ ᑳ ᑮ ᑎᐱᓚᐌᐎᓯᒋᒃ ᐊᔅᑭᓕᐤ ᓀᔥᑕᐱᑯ ᐙᔅᑳᔨᑲᓇ, ᑮ ᐊᑖᐙᑫᐗᒃ, ᓀᔥᑕ ᑮ ᐯᑖᐗᒃ ᐃᔥᐱᔥ ᑳ ᐆᑎᓯᒋᒃ ᐊᓂᐃ ᑫᒀᓇ ᑳ ᑮ ᐋᑕᐙᑫᒋᒃ,

ᐊᐸᔅᑕᓚᒃ 4:34 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 19:21

ᒋᓴᔅ ᑮ ᐃᑌᐤ, ᑮᔥᐱᓐ ᐙ ᒥᑐᓂᐎᓯᐗᓀ, ᓇᑕᐎ ᐊᑖᐗᑫ ᐊᓂᒪ ᑳ ᐋᔮᔭᓐ, ᒥᓕᒃ ᒫᑲ ᐅᑭᑎᒫᑭᓯᐗᒃ, ᐁᑯ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ; ᐯᒋ ᐃᑐᑌ ᒫᑲ ᑭᒋ ᓄᔅᐱᓇᔑᔭᓐ᙮

ᐅᐸᓓᑭᔅ ᒫᕐᒃ 10:21

ᐁᑯ ᒋᓴᔅ, ᐁ ᑲᓇᐙᐸᒫᑦ, ᑮ ᓵᑭᐁᐤ, ᓀᔥᑕ ᑮ ᐃᑌᐤ, ᐯᔭᒃ ᑫᒀᓐ ᑮ ᓄᑌᐸᓕᓐ: ᑭᐌ, ᐊᑖᐗᑫ ᐱᑯ ᑫᒀᓐ ᑳ ᐋᔮᔭᓐ, ᒥᓕᒃ ᒫᑲ ᐅᑭᑎᒫᑭᓯᐗᒃ, ᐁᑯ ᒫᑲ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ: ᓀᔥᑕ ᒫᑲ ᐯᒋ ᐃᑐᑌ, ᐅᑎᓇ ᐋᔑᑌᐋᑎᒃ, ᓄᔅᐱᓇᔑᓐ ᒫᑲ᙮

ᐅᐸᓓᑭᔅ ᓘᒃ 12:33

ᐊᑖᐙᑫᒃ ᐊᓂᒪ ᑳ ᐋᔮᔦᒃ, ᒥᓕᐌᒃ ᒫᑲ; ᐅᑎᓇᒫᓱᒃ ᒫᑲ ᒥᐗᑕ ᐁᑳ ᑳ ᐊᑎ ᑳᔮᔑᐗᑭ, ᒥᔕᑭᓯᐎᓐ ᑭᒋᑭᔑᑯᒃ ᐁᑳ ᑫ ᑮ ᒣᔅᑎᓂᑳᑌᒃ, ᐃᑕ ᑭᒧᑎᔉ ᐁᑳ ᐁ ᐯᔣᐸᑕᒃ, ᐁᑳ ᓀᔥᑕ ᒪᓂᒍᔥ ᐁ ᓂᔑᐗᓈᒋᑖᑦ᙮

ᐅᐸᓓᑭᔅ ᓘᒃ 16:9

ᑭᑦ ᐃᑎᓇᐗᐤ ᒫᑲ, ᐅᔑᑕᒪᓱᒃ ᐊᐌᓂᑭ ᑭᒋ ᐅᑐᑌᒥᒥᑖᑾᒃ ᒥᔭᓛᑕᒃ ᒥᔕᑭᓯᐎᓐ ᐅᒋ; ᓄᑌᐸᓕᔦᑴ ᑭᒋ ᐱᑐᑲᐃᑖᑾᒃ ᑳᑭᑫ ᑫ ᐃᔑ ᐎᑭᔦᒃ᙮

ᐅᐸᓓᑭᔅ ᓘᒃ 22:35

ᑮ ᐃᑌᐤ ᒫᑲ, ᐃᔅᐱ ᑳ ᑭᒋᑎᔕᐅᑕᑾᒃ ᐁᑳ ᐁ ᐋᔮᔦᒃ ᔔᓕᐊᓂᐗᑦ, ᓀᔥᑕ ᒥᒋᒥᐗᑦ, ᓀᔥᑕ ᒪᔅᑭᓯᓇ, ᑭ ᑮ ᐙᐙᓂᓯᓇᐗᐤ ᓈ ᑫᒀᓐ? ᑮ ᐃᑗᐗᒃ ᒫᑲ, ᓇᒪ ᑫᒀᓐ᙮

ᐊᐸᔅᑕᓚᒃ 2:45

ᑮ ᐊᑖᐌᐗᒃ ᒫᑲ ᐅ ᑎᐱᓚᐌᐎᓯᐎᓂᐙᐗ, ᓀᔥᑕ ᐅᑦ ᐊᔮᓂᐙᐗ, ᑮ ᒫᑎᓇᒪᐌᐗᒃ ᒫᑲ ᒥᓯᐌ ᐃᓕᓕᐗ, ᐱᑯ ᐁ ᐃᔑ ᒪᓀᓯᓕᒋ ᑕᑐ ᐃᓕᓕᐗ᙮

ᐊᐸᔅᑕᓚᒃ 4:37

ᐁ ᐊᔮᑦ ᐊᔅᑭᓕᐤ ᑮ ᐊᑖᐙᑫᐤ, ᓀᔥᑕ ᑮ ᐯᔑᐌᐤ ᔓᓕᔮᓇ, ᑮ ᐸᑭᑎᓀᐤ ᒫᑲ ᐊᐸᔅᑕᓚ ᐅᓯᑎᓕᒃ᙮

ᓂᔓ ᑯᕆᓐᑎᐊᓇ 8:14

ᒫᑲ ᑭᒋ ᐃᔑ ᑖᐱᔅᑯᒋᐸᓕᒃ, ᐊᓄᒡ ᐁᑯᔅᐱ, ᑭ ᐌᓗᑎᓯᐎᓂᐗᐤ ᑭᒋ ᐅᒋ ᐋᔮᒋᒃ ᑳ ᓄᑌᐸᓚᒋᒃ, ᓀᔥᑕ ᐅ ᐌᓗᑎᓯᐎᓂᐙᒃ ᑭᒋ ᐅᒋ ᐋᔭᔦᒃ ᑳ ᓄᑌᐸᓕᔦᒃ, ᐁᑯ ᑭᒋ ᐃᔑ ᑖᐱᔅᑯᒋᐸᓕᒃ;

ᓂᔥᑕᒻ ᑌᓴᓗᓂᔭᓇ 4:12

ᑭᒋ ᒀᔭᔅᑯ ᐱᒧᑌᔅᑕᐌᑾᒃ ᐊᓂᑭ ᐗᓚᐎᑎᒥᒃ ᑳ ᐃᑖᒋᒃ, ᓀᔥᑕ ᐁᑳ ᑫᒀᓐ ᑭᒋ ᑶᑕᒫᔦᒃ᙮

ᓂᔥᑕᒻ ᑎᒧᑎ 6:19

ᐁ ᒥᓗ ᐊᔅᑖᒋᑫᔅᑕᒫᓱᒋᒃ ᒥᓗ ᐊᔅᑕᒋᑲᓂᓕᐤ ᐊᓂᒪ ᐁ ᑭᔑᑳᒃ ᐅᒋ ᑫ ᐅᑎᒋᐸᓕᒃ, ᑭᒋ ᑮ ᒫᒋᑯᓇᑭᒃ ᑳᑭᑫ ᐱᒫᑎᓯᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:27

ᐊᓂᒪ ᐋᔭᒥᐋᐎᓐ ᑳ ᐃᑌᓕᑕᒃ ᑭᒋᒪᓂᑐ ᐌᐅᑖᐎᒫᐎᑦ ᐁ ᒀᔭᔅᑾᓂᓕᒃ ᓀᔥᑕ ᐸᓓᑲᓂᓕᒃ, ᐁᐗᑯ ᐅᒪ, ᐊᐌᓇ ᑭᒋ ᒪᐗᑎᑖᑦ ᐁᑳ ᑳ ᐅᑖᐎᓕᒋ ᓀᔥᑕ ᐃᔅᑴᐗ ᑳ ᓂᐱᓕᒋ ᐅ ᓈᐯᒥᓕᐗ ᐅᑦ ᐊᓕᒥᓯᐎᓂᓕᒃ, ᓀᔥᑕ ᑭᒋ ᑲᓇᐌᓕᒥᑎᓱᑦ ᐁᑳ ᒥᑐᓂ ᑭᒋ ᐎᓕᐱᐃᑯᑦ ᐊᔅᑭᓕᐤ᙮