ᐊᐸᔅᑕᓚᒃ 4:29 - ᐅᔅᑭ ᑎᔅᑌᒥᓐᑦ

²⁹ ᐊᓄᒡ ᒫᑲ, ᑌᐯᓕᒋᑫᔭᓐ, ᐙᐸᑕᒻ ᐅ ᑭᓯᔅᑕᑭᐎᓂᐗᐤ: ᒥᓕᒃ ᒫᑲ ᑭᑦ ᐋᑐᔅᑫᓛᑲᓇᒃ, ᒥᓯᐌ ᓱᑫᓕᒧᐎᓂᒃ ᑭᒋ ᑮ ᐋᓕᒧᑕᑭᒃ ᑭᑦ ᐋᔭᒥᐎᓂᓕᐤ᙮

ᐊᐸᔅᑕᓚᒃ 4:29 ပူးပေါင်းရင်းမြစ်များ

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐊᐸᔅᑕᓚᒃ 14:3

ᐁᐗᑯ ᐅᒋ ᑭᓉᔥ ᑭ ᑕᔑᑫᐗᒃ ᐁ ᓱᑭᑌᐁᐎ ᐋᔭᒥᒋᒃ ᐅᑎᐯᓕᒋᑫᒃ, ᑳ ᑮ ᐋᑐᑕᒃ ᐅ ᔕᐌᓕᒋᑫᐎᓂ ᐋᔭᒥᐎᓐ, ᐁ ᑮ ᒥᓕᐌᑦ ᒫᑲ ᑭᔅᑭᓄᐗᒋᒋᑲᓇ ᓀᔥᑕ ᒫᒪᔅᑲᒋᐃᓯᒋᑫᐎᓇ ᑭᒋ ᑐᒋᑲᑌᓕᒋ ᐅᒋᒋᓕᒃ ᐅᒋ᙮

ᐊᐸᔅᑕᓚᒃ 19:8

ᑮ ᐱᑐᑫᐤ ᒫᑲ ᐋᔭᒥᐁᐎᑲᒥᑯᒃ, ᓀᔥᑕ ᑮ ᓱᑫᓕᒧᐎᐊᔭᒥᐤ ᓂᔅᑐ ᐱᓯᒶ ᐃᔥᐱᔥ, ᐁ ᐗᐎᑕᒪᑫᑦ, ᓀᔥᑕ ᐁ ᔑᑭᒥᐌᑦ ᐊᓂᐃ ᑫᒀᓇ ᐅᒋ ᑳ ᐃᑕᑾᓂᓕᑭ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 26:26

ᐌᓴ ᑭᒋᐅᑭᒪᐤ ᑭᔅᑫᓕᑕᒻ ᐅᐅ ᑫᒀᓇ, ᐎᓚ ᐁ ᑖᔅᑕᒪᐱᑦ ᒧᔑᔐ ᑳ ᐋᔭᒥᔮᓐ: ᐌᓴ ᓂ ᑫᒋᓇᐅᓐ ᐁᑳ ᐙᐙᒡ ᐯᔭᒃ ᐅᐅ ᑫᒀᓇ ᐁ ᑳᑕᐙᑲᓂᐎᑦ; ᐌᓴ ᐅᒪ ᓇᒪᐎᓚ ᐁ ᐃᔑ ᑭᑫᔮᒃ ᑮ ᐃᑐᒋᑳᑌᐤ᙮

ᐊᐸᔅᑕᓚᒃ 28:31

ᐁ ᐙᐎᑕᒸᑦ ᐅᑦ ᐅᑭᒫᐎᐎᓂᓕᐤ ᑭᒋᒪᓂᑐᐗ, ᓀᔥᑕ ᐁ ᑭᔅᑭᓄᐊᒫᑫᑦ ᐊᓂᐃ ᑫᒀᓇ ᐁ ᐃᔑ ᐋᓕᒧᒥᒥᒋ ᐅᑎᐯᓕᒋᑫᐗ ᒋᓴᔅ ᙭, ᒥᓯᐌ ᓱᑭᑌᐁᐎ ᐋᔭᒥᐎᓂᒃ, ᐁᑳ ᐁ ᑭᑕᐊᒫᑯᑦ ᐊᐌᓕᐗ᙮

ᐊᐸᔅᑕᓚᒃ 4:13

ᐁᑯ ᐃᔅᐱ ᐎᐋᐸᑕᑭᒃ ᐅ ᓱᑭᑌᐁᐎᓂᓕᐤ ᐊᓂᐃ ᐱᑕᕋ ᓀᔥᑕ ᒑᓇ, ᓀᔥᑕ ᐁ ᑭᔅᑫᓕᑕᑭᒃ ᐁᑳ ᐁ ᑭᔅᑫᓕᑕᒪᐎᓯᓕᒋ ᓀᔥᑕ ᐁᑳ ᐁ ᑭᔅᑭᓄᐊᒫᑯᓯᓕᒋ ᐃᓕᓕᐗ ᒫᑲ, ᑮ ᒫᒪᔅᑳᑕᒶᒃ; ᓀᔥᑕ ᑮ ᓇᓈᑲᑕᐌᓕᒣᐗᒃ ᐁ ᑮ ᐎᒉᐙᒋᒃ ᒋᓴᓴ᙮

ᐊᐸᔅᑕᓚᒃ 4:21

ᐃᔅᐱ ᒫᑲ ᐊᐙᓯᑌ ᑳ ᔮᑳᒥᐋᒋᒃ, ᑮ ᐸᑭᑎᓀᐗᒃ, ᐁᑳ ᑫᒀᓕᐤ ᐁ ᒥᔅᑲᑭᒃ ᑫ ᑮ ᐅᒋ ᓇᓀᑳᒋᐋᒋᒃ ᐊᓂᐃ ᐃᓕᓕᐗ ᐅᒋ, ᐌᓴ ᒥᓯᐌ ᐃᓕᓕᐗᒃ ᑮ ᑭᔅᑖᒋᒣᐗᒃ ᑭᒋᒪᓂᑐᐗ ᐊᓂᐁᓕᐤ ᑳ ᑮ ᑐᒋᑳᑌᓕᒃ ᐅᒋ᙮

ᐊᐸᔅᑕᓚᒃ 4:31

ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᐃᑕ ᑳ ᐃᔑ ᒫᐗᒋᐃᑐᒋᒃ ᑮ ᓇᓇᒥᐸᓕᐤ; ᒥᓯᐌ ᒫᑲ ᑮ ᓵᑲᔅᑭᓀᔅᑳᑯᐗᒃ ᐸᓓᑭ ᐊᒑᑾ, ᓀᔥᑕ ᑮ ᐋᓕᒨᑕᒶᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᒥᓯᐌ ᓱᑫᓕᒧᐎᓂᒃ᙮

ᐊᐸᔅᑕᓚᒃ 9:27

ᒫᑲ ᐹᕐᓇᐸᔅ ᑮ ᐅᑎᓀᐤ ᓀᔥᑕ ᑮ ᐯᑐᐌᐤ ᐊᓂᐃ ᐊᐸᔅᑎᓚ, ᑮ ᐎᑕᒪᐌᐤ ᒫᑲ ᑖᓂ ᑳ ᐃᔑ ᐙᐸᒫᑦ ᐅᑎᐯᓕᒋᑫᐗ ᐊᓐᑕ ᒣᔅᑲᓈᒃ, ᐁ ᑮ ᐋᔭᒥᐃᑯᑦ ᒫᑲ, ᓀᔥᑕ ᑳ ᑮ ᐃᔑ ᓱᑫᓕᒧᐎ ᐙᐎᑕᒸᓕᒋᑦ ᐊᓐᑕ ᑕᒫᔅᑲᓯᒃ ᒋᓴᓴ ᐅᑦ ᐃᔑᓂᑳᓱᐎᓂᓕᒃ᙮

ᐊᐸᔅᑕᓚᒃ 9:28

ᓀᔥᑕ ᑮ ᐗᐎᒉᐌᐤ ᐁ ᐸᐱᑐᑫᓕᒋ ᓀᔥᑕ ᐁ ᐙᐗᓚᐎᓕᒋ ᐊᓐᑕ ᒋᕉᓴᓚᒥᒃ᙮

ᓂᔥᑕᒻ ᑯᕆᓐᑎᐊᓇ 14:13

ᐁᑯᔑ ᒫᑲ ᐊᓇ ᑳ ᐋᔮᒥᑦ ᐁᑳ ᑳ ᑭᔅᑫᓕᑖᑾᒃ ᐃᔑᑭᔗᐎᓂᒃ, ᑲᑕ ᐸᑯᓭᓕᑕᒻ ᑭᒋ ᐃᑗᔅᑕᒃ᙮

ᓂᔓ ᑯᕆᓐᑎᐊᓇ 3:12

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᑐᐎ ᐊᔅᐯᓕᒧᐎᓐ, ᓂ ᓱᑭᑌᐁᐎ ᐋᔭᒥᓈᓐ:

ᐱᓕᐱᔭᓇ 1:14

ᓀᔥᑕ ᒥᒉᑦ ᐎᒋᔖᓂᒪᐗᒃ ᐅᑎᐯᓕᒋᑫᒃ, ᐁ ᐊᑎ ᑫᒋᓇᑌᐁᒋᒃ ᐁ ᒫᒫᒋᒀᐱᓱᔮᓐ, ᓈᔅᐱᒡ ᐊᐙᓯᑌ ᓱᑭᑌᐁᐗᒃ ᑭᒋ ᐎᑐᑭᒃ ᐋᔭᒥᐎᓂᓕᐤ ᐁᑳ ᐁ ᑯᔅᑖᒋᒋᒃ᙮

ᓂᔥᑕᒻ ᑌᓴᓗᓂᔭᓇ 2:2

ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮

ᓂᔓ ᑎᒧᑎ 4:17

ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮