ᐊᐸᔅᑕᓚᒃ 3:26 - ᐅᔅᑭ ᑎᔅᑌᒥᓐᑦ

²⁶ ᑭᓚᐗᐤ ᐅᒋ ᓃᔥᑕᒻ ᑭᒋᒪᓂᑐ, ᐁ ᑮ ᐗᓂᔥᑳᓇᑦ ᐅᑯᓯᓴ ᒋᓴᓴ, ᑮ ᐃᔑᑎᔕᐌᐤ ᑭᒋ ᒥᓦᑭᒥᑖᒃ, ᐁ ᑴᔅᑭᓂᑖᒃ ᑕᑐ ᐁ ᐃᑕᔑᔦᒃ ᑭ ᒪᒑᑎᓯᐎᓂᐙᒃ ᐅᒋ᙮

ᐊᐸᔅᑕᓚᒃ 3:26 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:21

ᑲᑕ ᐅᑯᓯᓯᐤ ᒫᑲ, ᓀᔥᑕ ᒋᓴᔅ ᑭ ᑳ ᐃᔑᓂᑳᑎᒪᐗ: ᐌᓴ ᑲᑕ ᐱᒫᒋᐁᐤ ᐅᑦ ᐃᓕᓕᒪ ᐅ ᒪᒋᑣᐎᓂᓕᒃ ᐅᒋ᙮

ᐅᐸᓓᑭᔅ ᒫᑎᐤ 15:24

ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᓂ ᑮ ᐯᒋᑎᔕᐅᑳᐎᓐ ᑭᒋ ᓈᑕᑭᒃ ᑳ ᐗᓂᔑᑭᒃ ᒫᓂᔥᒑᓂᔕᒃ ᐅ ᐙᔅᑳᔨᑲᓂᒃ ᐃᔅᕃᐃᓪ ᑳ ᐅᒋᒋᒃ᙮

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᒑᓐ 4:22

ᑭᑦ ᐋᔭᒥᐃᔅᑌᓇᐗᐤ ᐊᓂᒪ ᐁᑳ ᑳ ᑭᔅᑫᓕᑕᒣᒃ; ᓂᓚᓈᓐ ᓂ ᑭᔅᑫᓕᑌᓈᓐ ᐊᓂᒪ ᑳ ᐋᔭᒥᐁᔅᑕᒫᒃ: ᐌᓴ ᐱᒫᒋᐃᐌᐎᓐ ᒎᐗᒃ ᐁᑯᑕ ᐌᒋᒪᑲᒃ᙮

ᐊᐸᔅᑕᓚᒃ 1:8

ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮

ᐊᐸᔅᑕᓚᒃ 13:26

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑳ ᐅᑦ ᐊᐙᔑᒥᔑᒥᑖᒃ ᐊᓇ ᐁᑉᕃᐋᒻ, ᓀᔥᑕᐱᑯ ᐊᐌᓇ ᐁ ᐃᑕᔑᔦᒃ ᑳ ᓇᓂᒋᔅᑕᐙᑴ ᑭᒋᒪᓂᑐᐗ, ᑭᓚᐗᐤ ᐃᓴ ᑭᑦ ᐃᔑᑎᔕᐊᒪᑲᐎᓇᐗᐤ ᐅᒪ ᐱᒫᒋᐃᐌᐎᓂ ᐋᔭᒥᐎᓐ᙮

ᐊᐸᔅᑕᓚᒃ 2:24

ᑭᒋᒪᓂᑐ ᒫᑲ ᒥᓇ ᑮ ᐗᓂᔥᑳᓀᐤ, ᐁ ᑮ ᐋᐸᐊᒪᐙᑦ ᓂᐱᐎ ᐎᓴᑫᓕᑕᒧᐎᓇ; ᐌᓴ ᓇᒪᐎᓚ ᑲᑕ ᑮ ᐃᑭᓐ ᑭᒋ ᑮ ᒥᒋᒥᓂᑯᑦ᙮

ᐊᐸᔅᑕᓚᒃ 2:32

ᐅᐅ ᒋᓴᓴ ᒫᑲ ᑭᒋᒪᓂᑐ ᒥᓇ ᑮ ᐗᓂᔥᑳᓀᐤ, ᐁᐗᒀᓂᒪ ᒫᑲ ᒥᓯᐌ ᐁ ᐃᑕᔑᔮᒃ ᓂ ᑎᐸᑐᑌᓈᓐ᙮

ᐊᐸᔅᑕᓚᒃ 26:20

ᒫᑲ ᓃᔥᑕᒻ ᓂ ᑮ ᐙᐸᑎᓛᐗᒃ ᐊᓂᑭ ᑎᒫᔅᑲᓯᒃ ᑳ ᐃᑖᒋᒃ ᓀᔥᑕ ᒋᕉᓴᓚᒥᒃ, ᓀᔥᑕ ᒥᓯᐌ ᐙᔅᑲ ᒎᑎᐊᐃᒃ, ᐁᑯ ᓀᔥᑕ ᒉᓐᑖᐃᓚᒃ, ᑭᒋ ᑴᔅᑳᑎᓯᒋᒃ ᓀᔥᑕ ᑭᒋ ᑴᔅᑭᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑐᑕᑭᒃ ᐁ ᐃᔑ ᐊᑑᔅᑫᒪᑲᒃ ᑴᔅᑳᑎᓯᐎᓐ᙮

ᐊᐸᔅᑕᓚᒃ 3:13

ᐅ ᑭᒋᒪᓂᑐᒪ ᐃᑉᕃᐊᒻ, ᐋᐃᓴᒃ, ᓀᔥᑕ ᒉᑲᑉ, ᐅ ᑭᒋᒪᓂᑐᒥᐗᐗ ᑯᑖᐎᓇᐗᒃ, ᑮ ᑭᔅᑌᓕᑖᑯᐁᐤ ᐅᑯᓯᓴ ᒋᓴᓴ: ᐊᓇ ᑳ ᑮ ᐙᔦᔑᐸᑭᑎᓀᒃ, ᓀᔥᑕ ᑳ ᑮ ᐋᓉᑕᐌᒃ ᐁ ᐅᑎᔥᑲᐎᑳᐸᐎᔅᑕᐌᒃ ᐹᐃᓚᑦ, ᐃᔅᐱ ᑳ ᑫᔅᑎᓈᑌᓕᑕᒃ ᑭᒋ ᐸᑭᑎᓈᑦ᙮

ᐊᐸᔅᑕᓚᒃ 3:15

ᑭ ᑮ ᓂᐸᐋᐗᐤ ᒫᑲ ᐊᓇ ᑳ ᑎᐯᓕᑕᒃ ᐱᒫᑎᓯᐎᓂᓕᐤ, ᐊᓇ ᑭᒋᒪᓂᑐᐗ ᑳ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ; ᐁᐗᒀᓇ ᑳ ᑎᐸᒋᒪᑭᑦ᙮

ᐊᐸᔅᑕᓚᒃ 3:20

ᑲᑕ ᐯᒋᑎᔕᐌᐤ ᒫᑲ ᒋᓴᔅ ᙭ᑕ, ᐊᓇ ᐋᔕᔾ ᑳ ᑮ ᐋᓕᒧᑕᒫᑲᐎᔦᒃ:

ᐊᐸᔅᑕᓚᒃ 3:22

ᐌᓴ ᒧᓯᔅ ᑖᐺ ᑮ ᐃᑌᐤ ᐌᔅᑲᒡ ᐅᑖᐎᒫᐗ, ᐅᑭᔅᑭᐗᐃᑫᐗ ᐅᑎᐯᓕᒋᑫᐤ ᑭ ᑭᒋᒪᓂᑐᒥᐗᐤ ᑭ ᑳ ᐸᓯᑯᓇᒫᑯᐗᐤ ᑭᒋᔖᓂᐗᐙ ᐅᒋ, ᑫ ᓇᔅᐱᑕᐎᑦ; ᐁᐗᑯ ᑫ ᐱᔑᒋᐁᒃ ᒥᓯᐌ ᑫᒀᓇ ᐅᒋ, ᐱᑯ ᑫ ᐃᔑ ᐎᑕᒫᑖᒃ᙮

ᐊᐸᔅᑕᓚᒃ 3:25

ᑭᓚᐗᐤ ᐌᑕᐙᔑᒥᔑᒥᑖᑾᒃ ᐅᑭᔅᑭᐗᐃᑫᐗᒃ, ᓀᔥᑕ ᐊᓂᒪ ᓇᔅᑯᒥᑐᐎᓐ ᑭᒋᒪᓂᑐ ᑳ ᑮ ᐎᑕᒪᐙᑦ ᐊᓂᐃ ᑯᑕᐎᓇᐗ, ᐁ ᐃᑖᑦ ᐁᑉᕃᐊᒪ, ᑭᓚ ᑭᑦ ᐊᐙᔑᒥᔕᒃ ᐅᒋ ᑲᑕ ᒥᓦᑭᒪᑲᓂᐎᐗᒃ ᒥᓯᐌ ᑳ ᐱᒪᑎᓯᒋᒃ ᐅᑕ ᐊᔅᑭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:29

ᐌᓴ ᓂ ᑫᒋᓇᐅᓐ, ᐃᔅᐱ ᐯᒋ ᐅᑎᑎᑕᑾᐗ, ᓂ ᑳ ᑕᑯᔑᓂᓐ ᐁ ᐃᔑ ᑭᔅᑌᓕᑖᑯᓯᐎ ᔕᐌᓕᑖᑾᓂᓕᒃ ᐅ ᒥᓗᐋᒋᒧᐎᓐ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:8

ᓂᑦ ᐃᑣᓐ ᒫᑲ ᒋᓴᔅ ᙭ ᐁ ᑮ ᐊᑑᔅᑫᔅᑕᒃ ᑭᔅᑭᓄᐙᒋᔓᐎᓂᓕᐤ ᐅ ᑖᐺᐎᓐ ᑭᒋᒪᓂᑐ ᐅᒋ, ᑭᒋ ᐋᔨᒋᑖᓂᐗᑭ ᐊᓂᐃ ᐊᔓᑕᒫᑫᐎᓇ ᑳ ᑮ ᐊᔓᑕᒫᒋᒃ ᐅᑖᐎᒪᐗᒃ:

ᐃᐱᓯᔭᓇ 1:3

ᑲᑕ ᐎ ᒥᓦᑭᑖᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑳ ᑮ ᐸᑭᑎᓇᒫᑕᒃ ᒥᓯᐌ ᐊᒑᑯᐎ ᔕᐌᓕᑖᑯᓯᐎᓇ ᑭᒋᑭᔑᑳᐎ ᑫᒀᓇ ᐃᔑ ᙭ᑎᒃ:

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᓂᔥᑕᒻ ᐱᑕᕐ 3:9

ᐁᑳ ᐁ ᒪᒋᑐᑖᑫᔦᒃ ᒦᔅᑯᒡ ᐁ ᒪᒋᑐᑖᑲᐎᔦᒃ, ᐁᑳ ᓀᔥᑕ ᐁ ᑭᑳᒥᐌᔦᒃ ᐁ ᑭᑳᒥᑲᐎᔭᒃ: ᒫᑲ ᐋᔑᑌ ᒥᓦᑭᒥᐌᒃ; ᐁ ᑭᔅᑫᓕᑕᒣᒃ ᐅᒪ ᐁ ᐅᒋ ᓇᑐᒥᑲᐎᔦᒃ ᑭᒋ ᐊᑎ ᐋᔮᔦᒃ ᒥᓦᑭᒥᑯᓯᐎᓐ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,