ᐊᐸᔅᑕᓚᒃ 3:25 - ᐅᔅᑭ ᑎᔅᑌᒥᓐᑦ

²⁵ ᑭᓚᐗᐤ ᐌᑕᐙᔑᒥᔑᒥᑖᑾᒃ ᐅᑭᔅᑭᐗᐃᑫᐗᒃ, ᓀᔥᑕ ᐊᓂᒪ ᓇᔅᑯᒥᑐᐎᓐ ᑭᒋᒪᓂᑐ ᑳ ᑮ ᐎᑕᒪᐙᑦ ᐊᓂᐃ ᑯᑕᐎᓇᐗ, ᐁ ᐃᑖᑦ ᐁᑉᕃᐊᒪ, ᑭᓚ ᑭᑦ ᐊᐙᔑᒥᔕᒃ ᐅᒋ ᑲᑕ ᒥᓦᑭᒪᑲᓂᐎᐗᒃ ᒥᓯᐌ ᑳ ᐱᒪᑎᓯᒋᒃ ᐅᑕ ᐊᔅᑭᒃ᙮

ᐊᐸᔅᑕᓚᒃ 3:25 ပူးပေါင်းရင်းမြစ်များ

ᐅᐸᓓᑭᔅ ᓘᒃ 1:72

ᑭᒋ ᑎᐱᐸᓕᑖᑦ ᐊᓂᐁᓕᐤ ᔖᐌᓕᒋᑫᐎᓂᓕᐤ ᑳ ᑮ ᐃᑖᑦ ᑯᑖᐎᓇᐗ, ᓀᔥᑕ ᑭᒋ ᑲᓄᑭᔅᑭᓯᑦ ᐅ ᐸᓓᑭ ᓇᔅᑯᒥᐌᐎᓐ;

ᐊᐸᔅᑕᓚᒃ 13:26

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑳ ᐅᑦ ᐊᐙᔑᒥᔑᒥᑖᒃ ᐊᓇ ᐁᑉᕃᐋᒻ, ᓀᔥᑕᐱᑯ ᐊᐌᓇ ᐁ ᐃᑕᔑᔦᒃ ᑳ ᓇᓂᒋᔅᑕᐙᑴ ᑭᒋᒪᓂᑐᐗ, ᑭᓚᐗᐤ ᐃᓴ ᑭᑦ ᐃᔑᑎᔕᐊᒪᑲᐎᓇᐗᐤ ᐅᒪ ᐱᒫᒋᐃᐌᐎᓂ ᐋᔭᒥᐎᓐ᙮

ᐊᐸᔅᑕᓚᒃ 2:39

ᐌᓴ ᑭᓚᐙᐤ ᑭ ᒥᓕᑲᐎᓈᐗᐤ ᐊᓂᒪ ᐊᔓᑕᒫᑫᐎᓐ, ᓀᔥᑕ ᑭᑦ ᐊᐙᔑᒥᔑᐗᐗᒃ, ᓀᔥᑕ ᒥᓯᐌ ᐊᓂᑭ ᐙᓚᐤ ᑳ ᐃᑖᒋᒃ, ᐱᓕᔥ ᑕᑐ ᐊᓂᑭ ᑫ ᓇᑐᒥᑯᒋᒃ ᐅᑎᐯᓕᒋᑫᐗ ᑭ ᑭᒋᒪᓂᑐᒥᓇᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:8

ᓂᑦ ᐃᑣᓐ ᒫᑲ ᒋᓴᔅ ᙭ ᐁ ᑮ ᐊᑑᔅᑫᔅᑕᒃ ᑭᔅᑭᓄᐙᒋᔓᐎᓂᓕᐤ ᐅ ᑖᐺᐎᓐ ᑭᒋᒪᓂᑐ ᐅᒋ, ᑭᒋ ᐋᔨᒋᑖᓂᐗᑭ ᐊᓂᐃ ᐊᔓᑕᒫᑫᐎᓇ ᑳ ᑮ ᐊᔓᑕᒫᒋᒃ ᐅᑖᐎᒪᐗᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:13

ᐌᓴ ᐊᓂᐁᓕᐤ ᐎᑕᒫᑯᓯᐎᓂᓕᐤ, ᑭᒋ ᐋᓂᔅᑫ ᐋᔮᑦ ᐊᔅᑭᓕᒃ, ᓇᒪᐎᓚ ᑮ ᐅᒋ ᒥᓛᑲᓂᐎᐤ ᐁᑉᕃᐊᒻ, ᓀᔥᑕᐱᑯ ᐅᑦ ᐊᐙᔑᒥᔕ ᐅᓚᔓᐌᐎᓂᒃ ᐅᒋ, ᒫᑲ ᐁ ᒀᔭᔅᑲᑎᓱᒪᑲᓂᓕᒃ, ᑖᐺᔦᓕᑕᒧᐎᓐ ᐅᒋ᙮

ᑲᓓᔕᐊᓇ 3:16

ᐁᑦᕃᐊᒻ ᒫᑲ ᓀᔥᑕ ᐅᑦ ᐊᐙᔑᒥᔕ ᑮ ᒥᓛᑲᓂᐎᐗᒃ ᐊᓂᐃ ᐊᔓᑕᒫᑫᐎᓇ᙮ ᓇᒪᐎᓚ ᐃᑗᐤ, ᓀᔥᑕ ᑭᑦ ᐊᐙᔑᒥᔕᒃ, ᑖᐱᔅᑯᒡ ᒥᒉᑦ ᐁ ᐃᑖᓕᒋ, ᒫᑲ ᑖᐱᔅᑯᒡ ᐯᔭᒃ ᐱᑯ, ᓀᔥᑕ ᑭᑦ ᐊᐙᔑᒥᔥ, ᐁᐗᑯ ᙭᙮

ᑲᓓᔕᐊᓇ 3:29

ᑮᔥᐱᓐ ᒫᑲ ᑎᐯᓕᒥᑯᔦᑭ ᙭, ᐁᑯ ᐌᑕᐗᔑᒥᔑᒥᑖᒃ ᐁᑉᕃᐊᒻ, ᓀᔥᑕ ᑫ ᐊᑎ ᑎᐱᓚᐌᐎᓯᔦᒃ ᐁ ᐃᑕᔅᑌᒃ ᐊᓂᒪ ᐊᔓᑕᒫᑫᐎᓐ᙮

ᑲᓓᔕᐊᓇ 3:8

ᓀᔥᑕ ᒪᓯᓇᐃᑫᐎᓐ, ᓂᑳᓐ ᐁ ᐙᐸᑕᒧᒪᑲᒃ ᑭᒋᒪᓂᑐ ᑭᒋ ᒀᔭᔅᑳᑎᓯᐋᑦ ᐁᑳ ᑳ ᐋᔭᒥᐋᓕᒋ ᑖᐺᔦᓕᑕᒧᐎᓐ ᐅᒋ, ᓂᑳᓐ ᒥᓗᐋᒋᒧᐎᓂᓕᐤ ᑮ ᑲᑫᔅᑭᒥᑯ ᐁᑉᕃᐊᒻ, ᐁ ᐃᑎᑯᑦ, ᑭᓚ ᐅᒋ ᑲᑕ ᒥᓦᑭᒪᐗᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 14:6

ᓂ ᑮ ᐙᐸᒪᐤ ᒫᑲ ᑯᑕᒃ ᐁᓐᒐᓪ ᐁ ᔖᐳᓛᑦ ᑭᔑᑯᒃ, ᐁ ᐋᔮᑦ ᑳᑭᑫ ᒥᓗᐋᒋᒧᐎᓂᓕᐤ ᑭᒋ ᑲᑫᔅᑭᒫᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᓀᔥᑕ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ, ᓀᔥᑕ ᑳ ᑕᑐᑌᐎᓯᓕᒋ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᐃᓕᓕᐗ,

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;

ᑭᔅᑫᓕᑖᑯᑖᑫᐎᓐ 7:9

ᑳ ᐳᓂᐸᓕᒃ ᐅᒪ ᓂ ᑮ ᐙᐸᑌᓐ, ᒫᑎᑲ ᒫᑲ ᓈᔅᐱᒡ ᐁ ᒥᒉᑎᒋᒃ ᐃᓕᓕᐗᒃ ᐁᑳ ᑳ ᑮ ᐊᑭᒥᑯᒋᒃ ᐊᓂᐁᓕᐗ, ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ ᐅᒋ, ᓀᔥᑕ ᐁ ᐃᑕᑐᑌᐎᓯᒋᒃ ᐃᓕᓕᐗᒃ, ᓀᔥᑕ ᐹᐱᑐᔥ ᐃᓕᓕᐗᒃ, ᓀᔥᑕ ᐹᐱᑐᔥ ᐁ ᐃᔑᑭᔗᒋᒃ, ᑮ ᓂᐸᐎᐗᒃ ᐅᑎᔥᑲᐤ ᐅᑭᒪᐗᐱᐎᓂᓕᐤ, ᓀᔥᑕ ᐅᑎᔥᑲᐤ ᒫᓂᔥᒑᓂᔑᔕ, ᐁ ᑭᑭᔥᑲᑭᒃ ᐙᐱ ᐊᑲᐅᓇ, ᓀᔥᑕ ᐁ ᑕᑯᓇᑭᒃ ᐹᒻ ᐗᑎᑾᓇ;