ᐊᐸᔅᑕᓚᒃ 3:22 - ᐅᔅᑭ ᑎᔅᑌᒥᓐᑦ

²² ᐌᓴ ᒧᓯᔅ ᑖᐺ ᑮ ᐃᑌᐤ ᐌᔅᑲᒡ ᐅᑖᐎᒫᐗ, ᐅᑭᔅᑭᐗᐃᑫᐗ ᐅᑎᐯᓕᒋᑫᐤ ᑭ ᑭᒋᒪᓂᑐᒥᐗᐤ ᑭ ᑳ ᐸᓯᑯᓇᒫᑯᐗᐤ ᑭᒋᔖᓂᐗᐙ ᐅᒋ, ᑫ ᓇᔅᐱᑕᐎᑦ; ᐁᐗᑯ ᑫ ᐱᔑᒋᐁᒃ ᒥᓯᐌ ᑫᒀᓇ ᐅᒋ, ᐱᑯ ᑫ ᐃᔑ ᐎᑕᒫᑖᒃ᙮

ᐊᐸᔅᑕᓚᒃ 3:22 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 21:11

ᒥᔮᒪᐎᒥᒉᑎᒋᒃ ᐃᓕᓕᐗᒃ ᑫ ᐃᑗᐗᒃ, ᐁᐗᑯ ᐊᐗ ᒋᓴᔅ ᐅᑭᔅᑭᐙᐃᑫᐤ ᓈᓴᕆᑎᒃ ᐅᒋ ᑳᓕᓕᒃ᙮

ᐅᐸᓓᑭᔅ ᓘᒃ 13:33

ᐁᓕᐌᒃ ᒫᑲ, ᓂ ᑳ ᐱᒧᑖᓐ ᐊᓄᒡ ᐁ ᑭᔑᑳᒃ ᓀᔥᑕ ᑫ ᐙᐸᒃ, ᓀᔥᑕ ᒥᓇ ᐊᑎ ᑭᔑᑳᑫ: ᐌᓴ ᓇᒪᐎᓚ ᑲᑕ ᑮ ᐃᑭᓐ ᑭᒋ ᓂᔑᐗᓈᑎᓰᑦ ᐅᑭᔅᑭᐙᐃᑫᐤ ᐱᑯ ᒋᕉᓴᓚᒥᒃ᙮

ᐅᐸᓓᑭᔅ ᓘᒃ 24:19

ᑮ ᐃᑌᐤ ᒫᑲ, ᑫᑯ ᑫᒀᓇ? ᑮ ᐃᑌᐗᒃ ᒫᑲ, ᒋᓴᔅ ᐅᒋ ᓈᓴᕋᑎᒃ ᑳ ᐅᒌᑦ, ᑳ ᑮ ᐅᑭᔅᑭᐙᐃᑫᐎᑦ ᐁ ᓱᑳᑎᓰᑦ ᐋᔨᑎᐎᓂᒃ ᓀᔥᑕ ᐋᔭᒥᐎᓂᒃ, ᐁ ᐙᐸᒥᑯᑦ ᑭᒋᒪᓂᑐᐗ ᓀᔥᑕ ᒥᓯᐌ ᐃᓕᓕᐗ:

ᐅᐸᓓᑭᔅ ᒑᓐ 1:17

ᐌᓴ ᐅᓚᔓᐌᐎᓐ ᑮ ᒥᓕᐙᓂᐗᓐ ᒧᓯᔅ ᐅᒋ, ᒫᑲ ᒋᓴᔅ ᙭ ᑮ ᐯᑕᐤ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 12:46

ᓂ ᐯᒋ ᐃᑐᑖᓐ ᑭᒋ ᐙᔅᑌᐎᓂᔮᓐ ᐊᔅᑮᒃ, ᒥᓯᐌ ᐊᐌᓇ ᑳ ᑖᐺᔦᓕᒥᑦ ᐁᑳ ᐗᓂᑎᐱᔅᑭᓯᐎᓂᒃ ᑭᒋ ᐃᑖᑦ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 8:12

ᐁᑯ ᒋᓴᔅ ᒥᓇ ᐁᔭᒥᐋᑦ, ᐁ ᐃᑗᑦ, ᓂᓚ ᐁᐗᑯ ᑳ ᐅᒋ ᐋᔅᑌᒃ ᐊᔅᑭ: ᐊᓇ ᑳ ᓄᔅᐱᓇᔑᑦ ᓇᒪᐎᓚ ᑲᑕ ᐱᒧᑌᐤ ᐗᓂᑎᐱᔅᑭᓯᐎᓂᒃ, ᒫᑲ ᑲᑕ ᐊᔮᐤ ᐱᒫᑎᓯᐎᓂ ᐙᓭᔮᓯᐎᓂᓕᐤ᙮

ᐊᐸᔅᑕᓚᒃ 7:37

ᐁᐗᑯ ᐊᓇ ᒧᓯᔅ ᑳ ᑮ ᐃᑖᑦ ᐃᔅᕃᐃᓪ ᐅᑦ ᐊᐙᔑᒥᔑᓕᐗ, ᐅᑭᔅᑭᐗᐃᑫᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒥᐗᐤ ᑭ ᑳ ᐸᓯᑯᓇᒫᑯᐗᐤ ᑭᒋᔕᓂᐙᐗ ᐅᒋ, ᐁ ᓇᔅᐱᑖᐎᑦ, ᐎᓚ ᑭ ᑳ ᐱᔑᒋᐋᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:5

ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮

ᑲᓓᔕᐊᓇ 4:4

ᒫᑲ ᐃᔅᐱ ᒥᑐᓂᐌᑎᒋᐸᓕᒃ, ᑭᒋᒪᓂᑐ ᑮ ᑭᒋᑎᔕᐌᐤ ᐅᑯᓯᓴ, ᐃᔅᑴᒃ ᑳ ᐅᒋ ᓂᑕᐎᑭᓕᒋ, ᐁ ᓂᑕᐎᑭᓕᒋ ᐁᔥᑾ ᐁ ᐊᓕᑕᓂᓕᒃ ᐅᓚᔓᐌᐎᓂᓕᐤ;

ᐦᐃᑉᕉᐗ 2:1

ᐁᐗᑯ ᒫᑲ ᐅᒋ, ᐊᐙᓯᑌ ᑭ ᑳ ᓈᑲᑕᐌᓕᑌᑖᓇᐤ ᐊᓂᐃ ᑫᒀᓇ ᑳ ᑮ ᐯᑕᒪᒃ, ᐁᑳ ᐎᔅᑳᑦ ᑭᒋ ᔓᔥᑯᓇᒪᒃ᙮

ᐦᐃᑉᕉᐗ 5:9

ᓀᔥᑕ ᒫᑲ ᐁ ᑮ ᒥᑐᓂᐎᐋᑲᓂᐎᑦ, ᑮ ᐊᑎ ᑎᐯᓕᑕᒪᐌᐤ ᐱᒫᒋᐃᐌᐎᓂᓕᐤ ᒥᓯᐌ ᐊᓂᐃ ᑳ ᓇᓇᐃᑖᑯᑦ;

ᑭᔅᑫᓕᑖᑯᑖᑫᐎᓐ 1:1

ᐅ ᑭᔅᑫᓕᑖᑯᑖᑫᐎᓐ ᒋᓴᔅ ᙭, ᑳ ᑮ ᒥᓕᑯᑦ ᑭᒋᒪᓂᑐᐗ, ᑭᒋ ᐙᐸᑎᓛᑦ ᐅᑦ ᐊᑑᔅᑫᓛᑲᓂᒪ ᑫᒀᓇ ᐎᐸᒡ ᑫ ᐯᒋ ᐅᑎᒋᐸᓕᑭ; ᑮ ᐃᔑᑎᔕᐊᒪᐌᐤ ᒫᑲ, ᓀᔥᑕ ᑮ ᐋᓕᒧᑕᒪᐌᐤ ᐅᑦ ᐊᑑᔅᑫᓚᑲᓂᒪ ᒑᓇ, ᐅᑦ ᐁᓐᒐᓕᒪ ᐅᒋ;