ᐊᐸᔅᑕᓚᒃ 3:16 - ᐅᔅᑭ ᑎᔅᑌᒥᓐᑦ

¹⁶ ᐎᓚ ᒫᑲ ᐅᑦ ᐃᔑᓂᑳᓱᐎᓇ, ᐁ ᑖᐺᔦᓕᒋᑳᑌᒃ ᐅᑦ ᐃᔑᓂᑲᓱᐎᓂᒃ ᑮ ᐅᒋ ᑐᑕᐙᑲᓂᐎᐤ ᐊᐗ ᐃᓕᓕᐤ ᑭᒋ ᓵᐱᑦ, ᑳ ᑲᓇᐙᐸᒣᒃ ᓀᔥᑕ ᑳ ᑭᔅᑫᓕᒣᒃ; ᐁᐁ ᐊᓂᒪ ᑖᐺᔦᓕᑕᒧᐎᓐ ᐎᓚ ᐅᒋ ᑳ ᐅᒋᒪᑲᒃ ᑮ ᒥᓕᑯ ᐊᐗ ᒥᑐᓂ ᑭᒋ ᒥᓗᐊᔮᑦ ᐅᑕ ᐅᑎᔥᑲᐤ ᒥᓯᐌ ᐁ ᐃᑕᔑᔦᒃ᙮

ᐊᐸᔅᑕᓚᒃ 3:16 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 14:29

ᑮ ᐃᑗᐤ ᒫᑲ, ᐋᔅᑕᒻ᙮ ᐃᔅᐱ ᒫᑲ ᐱᑕᕐ ᓈᐱᒀᓂᒃ ᑳ ᑮ ᐅᒋ ᓂᔖᑕᐎᑦ, ᑮ ᐱᒧᑌᐤ ᓂᐲᒃ, ᑭᒋ ᓈᑖᑦ ᒋᓴᓴ᙮

ᐅᐸᓓᑭᔅ ᒫᑎᐤ 9:22

ᒫᑲ ᒋᓴᔅ ᑮ ᑴᔅᑭᑳᐸᐎᐤ, ᐃᔅᐱ ᒫᑲ ᐎᐋᐸᒫᑦ, ᑮ ᐃᑗᐤ, ᓂᑖᓂᔅ, ᒥᓜᓕᑕ ᐃᓴ; ᑭ ᑖᐺᔦᓕᑕᒧᐎᓐ ᑭ ᑮ ᒥᓇᐙᒋᐃᑯᓐ᙮ ᐊᓇ ᐃᔅᑴᐤ ᒫᑲ ᑭ ᒥᓇᐙᒋᐊᐤ ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ᙮

ᐅᐸᓓᑭᔅ ᒑᓐ 14:12

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᑖᐺᔦᓕᒥᑦ, ᐋᔨᑎᐎᓇ ᑳ ᑐᑕᒶᒃ ᐎᓚ ᓀᔥᑕ ᑲᑕ ᑐᑐᒻ; ᓀᔥᑕ ᑲᑕ ᑐᑕᒻ ᐋᔨᑎᐎᓇ ᐊᐙᓯᑌ ᐁ ᐃᑌᓕᑖᑾᓂᓕᑭ ᐃᔥᐱᔥ ᐅᐅ; ᐁ ᓈᑕᒃ ᓄᑖᐎ᙮

ᐅᐸᓓᑭᔅ ᒑᓐ 7:23

ᑮᔥᐱᓐ ᐃᓕᓕᐤ ᐁ ᐋᔭᒥᐁᑭᔑᑳᓕᒃ ᑫᔅᑭᓄᐙᒋᔣᑲᓂᐎᑴ ᐁᑳ ᑭᒋ ᐱᑯᐱᒋᑳᑌᓕᒃ ᒧᓯᔅ ᐅᑦ ᐅᓚᔓᐌᐎᓐ; ᑭ ᐗᓯᔅᑕᐌᓕᒥᓇᐗᐤ ᓈ ᒥᑐᓂ ᐁ ᑮ ᒥᓇᐙᒋᐊᒃ ᐃᓕᓕᐤ ᐁ ᐋᔭᒥᐁᑭᔑᑳᓕᒃ?

ᐊᐸᔅᑕᓚᒃ 14:9

ᐁᐗᑯ ᑮ ᐯᑕᐌᐤ ᐹᓚ ᐁ ᐋᔭᒥᓕᒋ: ᓲᑲ ᑳ ᑲᓇᐙᐸᒥᑯᑦ, ᓀᔥᑕ ᐁ ᓂᓯᑖᐎᓈᑯᑦ ᐁ ᐊᔮᑦ ᑖᐺᔦᓕᑕᒧᐎᓂᓕᐤ ᑭᒋ ᒥᓇᐗᒋᐋᑲᓂᐎᑦ,

ᐊᐸᔅᑕᓚᒃ 16:18

ᐅᒣᓕᐤ ᒫᑲ ᑮ ᑐᑕᒻ ᒥᒉᑦ ᑭᔑᑳᐗ᙮ ᐹᓪ ᒫᑲ, ᐁ ᒪᒥᔕᒣᓕᑕᒃ, ᑮ ᑴᔅᑭᑳᐸᐎᐤ, ᓀᔥᑕ ᑮ ᐃᑌᐤ ᐊᓂᐃ ᐊᒑᑾ, ᑭᑦ ᐃᑕᔓᐙᑎᑎᓐ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐯᒋ ᐗᓚᐎᔭᓐ ᐎᔭᐎᒃ ᐅᒋ᙮ ᑮ ᐯᒋ ᐗᓚᐎᐤ ᒫᑲ ᐊᓂᒪ ᑎᐸᐃᑲᓐ ᐱᓯᒧᑳᓂᒃ᙮

ᐊᐸᔅᑕᓚᒃ 3:6

ᐁᑯ ᒫᑲ ᐱᑕᕐ ᑳ ᐃᑖᑦ, ᔔᓕᐋᓇᐱᔉ ᓀᔥᑕ ᐅᓴᐎᔔᓕᐊᓇᐱᔉ ᓇᒪᐎᓚ ᓂᑦ ᐊᔭᐗᐤ; ᐱᑯ ᒫᑲ ᐁ ᐃᔑ ᐊᔮᔮᓐ ᑭ ᒥᓕᑎᓐ: ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭ ᓈᓴᕋᑎᒃ ᑳ ᐅᒌᑦ, ᐸᓯᑰ ᓀᔥᑕ ᐱᒧᑌ᙮

ᐊᐸᔅᑕᓚᒃ 3:8

ᐎᓚ ᒫᑲ ᐁ ᐸᓯᑯᔑᐸᓕᑦ ᑮ ᓂᐸᐎᐤ, ᓀᔥᑕ ᑮ ᐱᒧᑌᐤ, ᑮ ᐎᒋᐱᑐᑫᒣᐤ ᒫᑲ ᑭᒋᐊᔭᒥᐁᐎᑲᒥᑯᒃ, ᐁ ᐱᒧᑌᑦ, ᐁ ᒀᔅᑯᑎᑦ, ᓀᔥᑕ ᐁ ᒫᒥᒋᒫᑦ ᑭᒋᒪᓂᑐᐗ᙮

ᐊᐸᔅᑕᓚᒃ 4:10

ᑭᔅᑫᓕᑕᒧᒃ ᒥᓯᐌ ᑳ ᐃᑕᔑᔦᒃ, ᓀᔥᑕ ᒥᓯᐌ ᐃᓕᓕᐗᒃ ᐃᔅᕃᐃᓕᒃ ᑳ ᐃᑖᒋᒃ, ᐅᑦ ᐃᔑᓂᑳᓱᐎᓐ ᐅᒋ ᐊᓇ ᒋᓴᔅ ᙭, ᓈᓴᕋᑎᒃ ᑳ ᐅᒌᑦ, ᑳ ᑮ ᒋᔅᑖᔅᑾᐌᒃ, ᑭᒋᒪᓂᑐ ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᐋᐳᒋᑲ ᐎᓚ ᐅᒋ ᐊᐗ ᐃᓕᓕᐤ ᑭᑦ ᐅᑎᔥᑳᐎᑳᐸᐎᔅᑖᑯᐗᐤ ᐁ ᒥᓗ ᐊᔮᑦ᙮

ᐊᐸᔅᑕᓚᒃ 4:30

ᐁ ᔓᐎᓂᔅᑫᓕᔭᓐ ᑭᒋ ᒥᓇᐙᒋᐃᐌᔭᓐ; ᑭᔅᑭᓄᐗᒋᒋᑲᓇ ᒫᑲ ᓀᔥᑕ ᒫᒪᑖᐎ ᐙᐸᑎᓕᐌᐎᓇ ᑭᒋ ᑮ ᑑᒋᑳᑌᑭ ᐅᑦ ᐃᔑᓂᑳᓱᐎᓐ ᐅᒋ ᑭ ᐸᓓᑭ ᐊᐙᔑᔑᒻ ᒋᓴᔅ᙮

ᐊᐸᔅᑕᓚᒃ 4:7

ᐃᔅᐱ ᒫᑲ ᑳ ᐸᑭᑎᓈᒋᒃ ᐊᓐᑕ ᑌᑖᐎᒡ, ᑮ ᑲᑴᒋᒣᐗᒃ, ᑫᑯ ᓲᑳᑎᓯᐎᓐ, ᓀᔥᑕ ᑫᑯ ᐃᔑᓂᑳᓱᐎᓐ, ᑳ ᑮ ᐅᒋ ᑐᑕᒣᒃ ᐅᒪ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:22

ᐋᐳᒋᑲ ᐅᒀᔭᔅᑭᑖᑎᓯᐎᓐ ᑭᒋᒪᓂᑐ ᐁ ᑖᐺᔦᓕᒫᑲᓂᐎᑦ ᒋᓴᔅ ᙭ ᒥᓯᐌ ᑫ ᐋᔮᒋᒃ ᓀᔥᑕ ᑫ ᓛᔑᐸᓕᔅᑖᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᐌᓴ ᓇᒪᐎᓚ ᐊᐌᓇ ᐱᑐᔐᓕᒪᐤ:

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮