ᐊᐸᔅᑕᓚᒃ 3:13 - ᐅᔅᑭ ᑎᔅᑌᒥᓐᑦ

¹³ ᐅ ᑭᒋᒪᓂᑐᒪ ᐃᑉᕃᐊᒻ, ᐋᐃᓴᒃ, ᓀᔥᑕ ᒉᑲᑉ, ᐅ ᑭᒋᒪᓂᑐᒥᐗᐗ ᑯᑖᐎᓇᐗᒃ, ᑮ ᑭᔅᑌᓕᑖᑯᐁᐤ ᐅᑯᓯᓴ ᒋᓴᓴ: ᐊᓇ ᑳ ᑮ ᐙᔦᔑᐸᑭᑎᓀᒃ, ᓀᔥᑕ ᑳ ᑮ ᐋᓉᑕᐌᒃ ᐁ ᐅᑎᔥᑲᐎᑳᐸᐎᔅᑕᐌᒃ ᐹᐃᓚᑦ, ᐃᔅᐱ ᑳ ᑫᔅᑎᓈᑌᓕᑕᒃ ᑭᒋ ᐸᑭᑎᓈᑦ᙮

ᐊᐸᔅᑕᓚᒃ 3:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:27

ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ, ᐎᓚ ᐱᑯ ᐅᑖᐎᒪᐤ; ᓇᒪ ᓀᔥᑕ ᐊᐌᓇ ᑭᔅᑫᓕᒣᐤ ᐅᑖᐎᒫᐗ, ᐎᓚ ᐱᑯ ᐅᑯᓯᓯᒪᐤ, ᐊᓂᐃ ᓀᔥᑕ ᐅᑯᓯᓯᒪᐤ ᑫ ᐙᐸᑎᓛᑴ᙮

ᐅᐸᓓᑭᔅ ᒫᑎᐤ 20:19

ᑲᑕ ᐸᑭᑎᓂᑯ ᒫᑲ ᒉᓐᑖᐃᓚ ᐅᒋᒋᓕᒃ ᑭᒋ ᐋᔭᓵᒋᐃᑯᑦ, ᓀᔥᑕ ᑭᒋ ᐸᐸᓴᔅᑌᐅᑯᑦ, ᓀᔥᑕ ᑭᒋ ᒌᔅᑖᔅᑾᐅᑯᑦ: ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮

ᐅᐸᓓᑭᔅ ᒫᑎᐤ 22:32

ᓂᓚ ᓂᑦ ᐋᐎᓐ ᐁᑉᕃᐋᒻ ᐅ ᑭᒋᒪᓂᑐᒪ, ᓀᔥᑕ ᐋᐃᓯᒃ ᐅ ᑭᒋᒪᓂᑐᒪ, ᓀᔥᑕ ᒉᑲᑉ ᐅ ᑭᒋᒪᓂᑐᒪ? ᑭᒋᒪᓂᑐ ᓇᒪᐎᓚ ᐅ ᑭᒋᒪᓂᑐᒥᐙᐗ ᑳ ᓂᐱᒋᒃ, ᒫᑲ ᑳ ᐱᒫᑎᓯᒋᒃ᙮

ᐅᐸᓓᑭᔅ ᒫᑎᐤ 27:2

ᐃᔅᐱ ᒫᑲ ᑳ ᑮ ᒫᒫᒋᑯᐱᑖᒋᒃ, ᑮ ᑭᑐᑕᐁᐗᒃ, ᑮ ᐸᑭᑎᓇᒪᐌᐗᒃ ᒫᑲ ᐸᓐᑎᔭᔅ ᐹᐃᓚᑕ ᐅᑎᐯᓕᒋᑫᐗ᙮

ᐅᐸᓓᑭᔅ ᒫᑎᐤ 28:18

ᒋᓴᔅ ᒫᑲ ᑮ ᐯᒋ ᐋᔭᒥᐁᐤ, ᐁ ᐃᑗᑦ, ᒥᓯᐌ ᑲᔥᑭᐅᐎᓐ ᓂ ᒥᓕᑳᐎᓐ ᑭᒋᑭᔑᑯᒃ ᓀᔥᑕ ᐅᑕ ᐊᔅᑮᒃ᙮

ᐅᐸᓓᑭᔅ ᒫᕐᒃ 15:11

ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᑮ ᔑᑭᒣᐗᒃ ᐃᓕᓕᐗ ᑭᒋ ᓇᑐᑕᒫᓕᒋ ᑭᒋ ᐸᑭᑎᓇᒫᑯᒋᒃ ᐸᕋᐸᓴ᙮

ᐅᐸᓓᑭᔅ ᓘᒃ 22:57

ᑮ ᐋᓉᑕᒻ ᒫᑲ, ᐁ ᐃᑗᑦ, ᐃᔅᑴᐤ, ᓇᒪᐎᓚ ᓂ ᑭᔅᑫᓕᒪᐤ᙮

ᐅᐸᓓᑭᔅ ᓘᒃ 23:4

ᐁᑯ ᐹᐃᓚᑦ ᐁᑖᑦ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐃᓕᓕᐗ, ᓇᒪᐎᓚ ᓂ ᒥᔅᑲᒸᓐ ᒪᒋᑣᐎᓂᓕᐤ ᐁ ᐋᔮᑦ ᐊᐗ ᐃᓕᓕᐤ᙮

ᐅᐸᓓᑭᔅ ᓘᒃ 6:37

ᐁᑳᐎᓚ ᑎᐹᔅᑯᓂᑫᒃ, ᐁᑯ ᐁᑳ ᑫ ᑎᐹᔅᑯᓂᑲᐎᔦᒃ: ᐁᑳᐎᓚ ᓂᔑᐗᓈᒋᒥᐌᒃ, ᐁᑯ ᐁᑳ ᑫ ᓂᔑᐗᓈᒋᒥᑲᐎᔦᒃ: ᐌᐯᓕᑕᒫᑫᒃ, ᐁᑯ ᒫᑲ ᑫ ᐌᐯᓕᑕᒫᑲᐎᔦᒃ᙮

ᐅᐸᓓᑭᔅ ᒑᓐ 12:16

ᐅᐅ ᑫᒀᓇ ᐱᑕᒫ ᓇᒪᐎᓚ ᐅᒋ ᓂᓯᑐᑕᒥᓕᐗ ᐅ ᑭᔅᑭᓄᐊᒪᐙᑲᓇ: ᒫᑲ ᐃᔅᐱ ᑳ ᑭᔅᑕᑭᒫᑲᓂᐎᑦ ᒋᓴᔅ, ᐁᑯ ᑫᔅᑭᓯᓕᒋ ᐅᐅ ᑫᒀᓇ ᐎᓚ ᐁ ᑮ ᐅᒋ ᒪᓯᓇᐃᑳᑌᓕᑭ, ᓀᔥᑕ ᐁ ᑮ ᑐᑕᐙᒋᒃ ᐅᐅ ᑫᒀᓇ᙮

ᐅᐸᓓᑭᔅ ᒑᓐ 18:40

ᐁᑯ ᒥᓇ ᒥᓯᐌ ᑎᐁᐺᒋᒃ, ᐁ ᐃᑗᒋᒃ, ᓇᒪᐎᓚ ᐊᐗ ᐃᓕᓕᐤ, ᒫᑲ ᐹᕌᐸᔅ᙮ ᑮ ᒪᔅᑲᑗᔅᑭᐤ ᒫᑲ ᐸᕌᐸᔅ᙮

ᐅᐸᓓᑭᔅ ᒑᓐ 19:11

ᒋᓴᔅ ᑮ ᓇᔥᑴᐗᔑᐃᐌᐤ, ᓇᒪᐎᓚ ᑭ ᑳ ᐋᔮᑖᔾ ᑲᔥᑭᐅᐎᓐ ᐙᔦᔥ ᑭᒋ ᑐᑕᐎᔭᓐ, ᑮᔥᐱᓐ ᐁᑳ ᒥᓕᑲᐎᔭᓐ ᐃᔥᐱᒥᒃ ᐅᒋ: ᐁᐗᑯ ᐌᒋ ᐊᓇ ᑳ ᑮ ᐸᑭᑎᓂᑦ ᑭᒋᒋᒃ ᐊᐙᓯᑌ ᒥᔖᓕᐤ ᐅ ᒪᒋᑐᑕᒧᐎᓐ᙮

ᐅᐸᓓᑭᔅ ᒑᓐ 19:12

ᐁᑯᔅᐱ ᒫᑲ ᐅᒋ ᐹᐃᓚᑦ ᑮ ᑯᒋ ᐸᑭᑎᓀᐤ: ᒫᑲ ᒎᐗᒃ ᑮ ᑌᐺᐗᒃ, ᐁ ᐃᑗᒋᒃ, ᑮᔥᐱᓐ ᐸᑭᑎᓇᑌ ᐊᐗ ᐃᓕᓕᐤ, ᓇᒪᐎᓚ ᑭᑦ ᐅᑐᑌᒥᒪᐤ ᓯᓴᕐ: ᑕᑐ ᐊᐌᓇ ᑳ ᑭᒋᐅᑭᒫᑳᑎᓱᑦ, ᓇᔅᐹᒡ ᐃᔑ ᐋᓕᒧᒣᐤ ᓯᓴᕋ᙮

ᐅᐸᓓᑭᔅ ᒑᓐ 19:15

ᒫᑲ ᑮ ᑌᐺᐗᒃ, ᑭᑐᑖᔾ, ᑭᑐᑖᔾ, ᒌᔅᑖᔅᑾᐤ᙮ ᐹᐃᓚᑦ ᐃᑌᐤ, ᓂ ᑳ ᒌᔅᑖᔅᑾᐗᐤ ᓈ ᑭ ᑭᒋᐅᑭᒫᒥᐗᐤ? ᑭᒋ ᓵᓵᑭᐎᓕᐌᐎᓕᓕᐗᒃ ᑮ ᓇᔥᑴᐗᔑᐃᐌᐗᒃ, ᓇᒪᐎᓚ ᑯᑕᒃ ᑭᒋᐅᑭᒪᐤ ᓂᑦ ᐋᔭᐙᓈᓐ ᐱᑯ ᓯᓴᕐ᙮

ᐅᐸᓓᑭᔅ ᒑᓐ 7:39

(ᒫᑲ ᐅᒣᓕᐤ ᑮ ᐃᑗᐤ ᐁ ᐋᓕᒧᒫᑦ ᐊᒑᑾ ᑫ ᒥᓛᑲᓂᐎᓕᒋ ᐊᓂᐃ ᑳ ᑖᐺᔦᓕᒥᑯᑦ: ᐌᓴ ᐯᓓᑭᓯᑦ ᐊᒑᒃ ᓇᒪᐎᓚ ᐁᔥᑾ ᐅᒋ ᒥᓕᐙᓂᐎᐤ; ᐁᑳ ᐁᔥᑾ ᐁ ᑮ ᑭᔅᑌᓕᑖᑯᐋᑲᓂᐎᑦ ᒋᓴᔅ᙮)

ᐊᐸᔅᑕᓚᒃ 22:14

ᑮ ᐃᑗᐤ ᒫᑲ, ᐊᓇ ᐅ ᑭᒋᒪᓂᑐᒥᐙᐗ ᑯᑖᐎᓈᐗᒃ ᑭ ᑮ ᐙᐌᓛᐸᒥᒃ, ᑭᒋ ᑭᔅᑫᓕᑕᒶᑦ ᐅᑦ ᐃᑌᓕᑕᒧᐎᓐ, ᓀᔥᑕ ᑭᒋ ᐙᐸᒪᑦ ᐊᓇ ᐅᒀᔭᔅᑭᑎᐤ, ᓀᔥᑕ ᑭᒋ ᐯᑕᒶᑦ ᐅ ᐯᑖᑯᓯᐎᓐ ᐅᑐᓂᒃ᙮

ᐊᐸᔅᑕᓚᒃ 24:14

ᒫᑲ ᐅᒪ ᑭ ᐙᐎᑕᒫᑌᓐ, ᐊᓂᒪ ᐃᔑ ᐎᓚᐗᐤ ᓇᔅᐹᒡ ᐋᔭᒥᐋᐎᓐ ᑳ ᐃᔑᓂᑳᑕᑭᒃ, ᐁᑯ ᐁ ᐃᔑ ᓇᐗᑮᔅᑕᐅᒪᒃ ᐅ ᑭᒋᒪᓂᑐᒥᐙᐗ ᓄᑖᐎᔭᒃ, ᐁ ᑖᐺᑕᒫᓐ ᒥᓯᐌ ᑫᒀᓇ ᑳ ᒪᓯᓇᐃᑳᑌᑭ ᐅᓚᔓᐌᐎᓂᒃ ᓀᔥᑕ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ:

ᐊᐸᔅᑕᓚᒃ 3:12

ᐃᔅᐱ ᒫᑲ ᐲᑕᕐ ᐅᒪ ᐎᐋᐸᑕᒃ, ᑭᑮ ᓇᔥᑴᐗᔑᐁᐤ ᐊᓂᐃ ᐃᓕᓕᐗ, ᑭᓚᐗᐤ ᑳ ᐃᔅᕃᐃᓕᐎᓕᓕᐎᔦᒃ, ᑕᓀᑭ ᐌᒋ ᐅᒪ ᓈᔅᐱᒡ ᒫᒪᔅᑳᑌᓕᑕᒣᒃ? ᓀᔥᑕᐱᑯ ᑕᓀᑭ ᐌᒋ ᓱᑳ ᑲᓇᐙᐸᒥᔮᒃ, ᑖᐱᔅᑯᒡ ᓂᓚᓇᓐ ᑎᐱᓚᐌ ᓂ ᑲᔥᑭᐅᐎᓂᓈᓐ ᓀᔥᑕᐱᑯ ᓂ ᐸᓓᑭᓯᐎᓂᓇᓐ ᐁ ᑮ ᐅᒋ ᑐᑕᐗᑭᑦ ᐊᐗ ᐃᓕᓕᐤ ᑭᒋ ᐱᒧᑌᑦ?

ᐊᐸᔅᑕᓚᒃ 3:26

ᑭᓚᐗᐤ ᐅᒋ ᓃᔥᑕᒻ ᑭᒋᒪᓂᑐ, ᐁ ᑮ ᐗᓂᔥᑳᓇᑦ ᐅᑯᓯᓴ ᒋᓴᓴ, ᑮ ᐃᔑᑎᔕᐌᐤ ᑭᒋ ᒥᓦᑭᒥᑖᒃ, ᐁ ᑴᔅᑭᓂᑖᒃ ᑕᑐ ᐁ ᐃᑕᔑᔦᒃ ᑭ ᒪᒑᑎᓯᐎᓂᐙᒃ ᐅᒋ᙮

ᐊᐸᔅᑕᓚᒃ 4:27

ᐌᓴ ᑖᐺ ᐁ ᐎ ᓄᑎᓈᒋᒃ ᑳ ᐸᓓᑭᓯᓕᒋ ᑭᑦ ᐊᐙᔑᒥᔕ ᒋᓴᔅ, ᑳ ᑮ ᑕᒪᔅᑯᓇᑦ, ᑖᐱᔅᑯᒡ ᐦᐁᕋᑦ, ᓀᔥᑕ ᐸᓐᑎᔭᔅ ᐹᐃᓚᑦ ᐊᓯᒋ ᒉᓐᑖᐃᓚᒃ, ᓀᔥᑕ ᐃᔅᕃᐃᓕᐎᓕᓕᐗᒃ ᑮ ᒫᐗᒋᐃᑐᐗᒃ,

ᐊᐸᔅᑕᓚᒃ 4:30

ᐁ ᔓᐎᓂᔅᑫᓕᔭᓐ ᑭᒋ ᒥᓇᐙᒋᐃᐌᔭᓐ; ᑭᔅᑭᓄᐗᒋᒋᑲᓇ ᒫᑲ ᓀᔥᑕ ᒫᒪᑖᐎ ᐙᐸᑎᓕᐌᐎᓇ ᑭᒋ ᑮ ᑑᒋᑳᑌᑭ ᐅᑦ ᐃᔑᓂᑳᓱᐎᓐ ᐅᒋ ᑭ ᐸᓓᑭ ᐊᐙᔑᔑᒻ ᒋᓴᔅ᙮

ᐊᐸᔅᑕᓚᒃ 7:32

ᐁ ᐃᑗᑦ, ᓂᓚ ᐁᐗᑯ ᐅ ᑭᒋᒪᓂᑐᒥᐗᐗ ᑯᑖᐎᔭᒃ, ᐅ ᑭᒋᒪᓂᑐᒪ ᐁᑉᕃᐊᒻ, ᐅ ᑭᒋᒪᓂᑐᒪ ᐋᐃᓯᒃ ᒫᑲ, ᓀᔥᑕ ᐅ ᑭᒋᒪᓂᑐᒪ ᒉᑲᑉ᙮ ᐁᑯ ᒧᓯᔅ ᑳ ᓇᓂᑭᐸᓕᑦ, ᓇᒪᐎᓚ ᒫᑲ ᑮ ᑲᓇᐙᐱᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:5

ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮

ᐦᐃᑉᕉᐗ 2:9

ᒫᑲ ᑭ ᐙᐸᒫᓇᐤ ᒋᓴᔅ, ᐊᓇ ᐋᐱᔑᔥ ᑳ ᑮ ᑖᐸᑌᓕᑖᑯᐋᑲᓂᐎᑦ ᐃᔥᐱᔥ ᐁᓐᒐᓚ ᑭᒋ ᐎᓴᑫᓕᑕᒃ ᓂᐱᐎᓂᓕᐤ, ᐁ ᐳᔅᑕᔅᑐᑎᓂᐋᑲᓂᐎᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ; ᐎᓚ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ ᑭᒋ ᑯᒋᔅᑕᒪᐙᑦ ᓂᐱᐎᓂᓕᐤ ᒥᓯᐌ ᑕᑐ ᐃᓕᓕᐗ᙮

ᑭᔅᑫᓕᑖᑯᑖᑫᐎᓐ 1:18

ᓂᓚ ᐁᐗᑯ ᑳ ᐱᒫᑎᓯᔮᓐ, ᓀᔥᑕ ᑳ ᑭ ᓂᐱᔮᓐ; ᒫᑎᑲ, ᒫᑲ, ᓂ ᓈᔅᐱᒋ ᐱᒫᑎᓰᓐ, ᐁᒣᓐ; ᓂᑦ ᐋᔮᓐ ᒫᑲ ᑳᑭᑫ ᐃᔥᑯᑌᐤ ᓀᔥᑕ ᓂᐱᐎᓐ ᐎᑯᑕᐃᑲᓇ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,