ᐊᐸᔅᑕᓚᒃ 28:4 - ᐅᔅᑭ ᑎᔅᑌᒥᓐᑦ

⁴ ᐃᔅᐱ ᒫᑲ ᒫᓐᑌᐗᒃ ᐎᐋᐸᒫᒋᒃ ᐱᒋᐳᓕᐌᐎ ᑭᓀᐱᑾ ᐁ ᐊᑾᒧᓕᒋ ᐅᒋᒋᓕᒃ, ᑮ ᐃᑎᑐᐗᒃ, ᑭᔅᑎᓈᒡ ᐊᐗ ᐃᓕᓕᐤ ᐅᓂᐹᔨᐌᔅᑭᐤ, ᐊᓇ ᐋᑕ ᑭᒋᑲᒥᒃ ᐁ ᑮ ᐅᒋ ᐱᒫᒋᐅᑦ, ᐁᓕᐌᒃ ᒫᑲ ᐋᔅᑯᒋᐃᐌᐎᓂᓕᐤ ᓇᒪᐎᓚ ᐃᓕᓈᑯ ᑭᒋ ᐱᒫᑎᓰᑦ᙮

ᐊᐸᔅᑕᓚᒃ 28:4 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 23:35

ᑭᒋ ᐅᑎᑎᑯᔦᒃ ᒥᓯᐌ ᒀᔭᔅᑭᑖᑎᓯᐎ ᒥᑯ ᑳ ᑮ ᓯᑲᐃᑳᑌᒃ ᐊᔅᑮᒃ, ᐅᒀᔭᔅᑭᑖᑎᓯᐤ ᐁᐱᓪ ᐅᒥᑯ ᐅᒋ, ᐱᓕᔥ ᐅᒥᑯ ᓵᑲᕌᔭᔅ ᑖᕋᑲᔭᔅ ᐅᑯᓯᓴ, ᑳ ᑮ ᓂᐹᔦᒃ ᑕᔅᑕᐎᒡ ᑭᒋ ᐋᔭᒥᐁᐃᑲᒥᑯᒃ ᓀᔥᑕ ᐸᑭᒋᑲᓈᐱᔅᑯᒃ᙮

ᐅᐸᓓᑭᔅ ᒫᑎᐤ 27:25

ᐁᑯ ᓀᔥᑴᐗᔑᐃᐌᒋᒃ ᒥᓯᐌ ᐃᓕᓕᐗᒃ, ᑮ ᐁᑗᐗᒃ ᒫᑲ, ᐁᑯᔑ ᐅᒥᑯ ᓂ ᑳ ᐅᑎᑎᑯᐙᓈᓐ ᓀᔥᑕ ᓂᑦ ᐊᐙᔑᒥᔑᓈᓇᒃ᙮

ᐅᐸᓓᑭᔅ ᓘᒃ 13:2

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑭᑦ ᐃᑌᓕᒪᐙᐗᒃ ᓈ ᐅᑯ ᑳᓕᓕᐎᓕᓕᐗᒃ ᐊᐙᓯᑌ ᐁ ᑮ ᒪᒋᑣᒋᒃ ᐃᔥᐱᔥ ᒥᓯᐌ ᑳᓕᓕᐎᓕᓕᐗᒃ ᐅᒪ ᐁ ᑮ ᐃᔑ ᐎᓴᑫᓕᑕᑭᒃ?

ᐅᐸᓓᑭᔅ ᓘᒃ 13:4

ᓀᔥᑕᐱᑯ ᐊᓂᑭ ᔭᓇᓀᐅᔖᑉ ᑳ ᒫᑕᑲᐅᑯᒋᒃ ᐊᔕᐙᐱᐎᑲᒥᑯᓕᐤ ᓴᐃᓗᐊᒥᒃ, ᓀᔥᑕ ᑳ ᓂᐹᐃᑯᒋᒃ, ᑭᑦ ᐃᑌᓕᒫᐙᐗᒃ ᓈ ᐊᐙᓯᑌ ᐁ ᑮ ᒪᒋᑣᒋᒃ ᐃᔥᐱᔥ ᒥᓯᐌ ᐃᓕᓕᐗ ᑳ ᐃᑖᓕᒋ ᒋᕉᓴᓚᒥᒃ?

ᐅᐸᓓᑭᔅ ᒑᓐ 7:24

ᐁᑳᐎᓚ ᑎᐹᔅᑯᓂᑫᒃ ᐁ ᐃᔑᓈᑯᓯᓈᓂᐗᒃ, ᒫᑲ ᑎᐹᔅᑯᓂᑫᒃ ᒀᔭᔅᑭᑖᑎᓯᐎ ᑎᐹᔅᑯᓂᑫᐎᓐ᙮

ᐊᐸᔅᑕᓚᒃ 28:2

ᒫᓐᑌᐗᒃ ᒫᑲ ᓈᔅᐱᒡ ᓂ ᑮ ᑭᔐᐙᑐᑖᑯᓈᓇᒃ: ᐌᓴ ᑮ ᑰᑕᐌᐗᒃ, ᓀᔥᑕ ᒥᓯᐌ ᐁ ᐃᑕᔑᔭᒃ ᓂ ᑮ ᐱᑐᑲᐃᑯᓈᓇᒃ, ᐌᓴ ᑮ ᑭᒥᐗᓐ ᓀᔥᑕ ᑮ ᑕᑳᔭᐤ᙮

ᐊᐸᔅᑕᓚᒃ 28:3

ᐃᔅᐱ ᒫᑲ ᐹᓪ ᑳ ᑮ ᒧᔕᑭᓇᒃ ᐯᔭᑾᓰᓂᑲ ᒥᔅᑎᑯᔕ, ᓀᔥᑕ ᑳ ᑮ ᒪᒍᔅᑌᐊᒃ, ᐁᑯᑕ ᐃᔥᑯᑌᒃ ᑮ ᐯᒋ ᐅᑐᑌᐤ ᑭᓀᐱᒃ, ᓀᔥᑕ ᑮ ᐊᑾᒧ ᐅᒋᒋᒃ᙮

ᐊᐸᔅᑕᓚᒃ 28:5

ᐃᔥᑯᑌᒃ ᒫᑲ ᑮ ᐃᔑ ᐌᐱᓀᐤ ᑭᓀᐱᑾ, ᓇᒪᐎᓚ ᐙᔦᔥ ᒫᑲ ᑮ ᐃᑕᒪᒋᐅ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮