ᐊᐸᔅᑕᓚᒃ 28:31 - ᐅᔅᑭ ᑎᔅᑌᒥᓐᑦ

³¹ ᐁ ᐙᐎᑕᒸᑦ ᐅᑦ ᐅᑭᒫᐎᐎᓂᓕᐤ ᑭᒋᒪᓂᑐᐗ, ᓀᔥᑕ ᐁ ᑭᔅᑭᓄᐊᒫᑫᑦ ᐊᓂᐃ ᑫᒀᓇ ᐁ ᐃᔑ ᐋᓕᒧᒥᒥᒋ ᐅᑎᐯᓕᒋᑫᐗ ᒋᓴᔅ ᙭, ᒥᓯᐌ ᓱᑭᑌᐁᐎ ᐋᔭᒥᐎᓂᒃ, ᐁᑳ ᐁ ᑭᑕᐊᒫᑯᑦ ᐊᐌᓕᐗ᙮

ᐊᐸᔅᑕᓚᒃ 28:31 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 4:23

ᒋᓴᔅ ᒫᑲ ᑮ ᐸᐹᐃᑐᑌᐤ ᒥᓯᐌ ᑳᓖᓖᒃ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓖᒃ, ᐁ ᐙᐎᑕᒫᑫᑦ ᒫᑲ ᑭᒋᑭᔑᑳᐎ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓂᓕᐤ ᓀᔥᑕ ᒥᓯᐌ ᓇᓈᑲᐤ ᑳ ᐃᑖᔅᐱᓀᓕᒋ ᐃᓕᓕᐗ᙮

ᐅᐸᓓᑭᔅ ᒫᕐᒃ 1:14

ᐃᔅᐱ ᒫᑲ ᒑᓐ ᑳ ᐃᔑ ᐌᐱᓈᑲᓂᐎᑦ ᑭᐸᐅᑐᐎᑲᒥᑯᒃ, ᒋᓴᔅ ᑮ ᐯᒋ ᐃᑐᑌᐤ ᑳᓕᓕᒃ, ᐁ ᐙᐎᑕᒃ ᒥᓗᐋᒋᒧᐎᓂᓕᐤ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᑳ ᐅᒋᐸᓕᓕᒃ,

ᐅᐸᓓᑭᔅ ᓘᒃ 8:1

ᑮ ᐃᑭᓐ ᒫᑲ ᐹᑎᒪ, ᑮ ᐊᑭᓀᔥᑲᒻ ᒥᓯᐌ ᐃᑖᐎᓇ ᓀᔥᑕ ᐃᑖᐎᓂᔕ, ᐁ ᑲᑫᔅᑭᒥᐌᑦ, ᓀᔥᑕ ᐁ ᐙᐸᑎᓕᐌᑦ ᑭᒋᒪᓂᑐ ᐅᑦ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ: ᑮ ᐎᒉᐎᑯ ᒫᑲ ᐊᓂᐃ ᓂᔓᔖᑉ᙮

ᐊᐸᔅᑕᓚᒃ 1:3

ᐊᓂᐃ ᓀᔥᑕ ᑳ ᑮ ᓄᑯᓰᔅᑕᐙᑦ ᐁ ᐱᒫᑎᓰᑦ ᑳ ᐄᔥᑾ ᐎᓴᑫᓕᑕᒃ, ᒥᒉᑦ ᑫᒋᓈᔦᓕᑕᒧᐎᓇ ᐅᒋ, ᐁ ᑮ ᐙᐸᒥᑯᑦ ᓀᒥᑕᓇᐤ ᑭᔑᑳᐗ, ᓀᔥᑕ ᐁ ᐋᓕᒧᑕᒃ ᐊᓂᐃ ᑳ ᑎᐯᓕᑖᑾᓂᓕᑭ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᒃ᙮

ᐊᐸᔅᑕᓚᒃ 20:25

ᐊᓄᒡ ᒫᑲ, ᒫᑎᑲ, ᓂ ᑭᔅᑫᓕᑌᓐ ᒥᓯᐌ ᑭᓚᐗᐤ, ᑳ ᑮ ᐸᐹ ᐊᓕᒧᑕᒫᑕᑾᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓇᒪᐎᓚ ᒥᓇ ᑭ ᑳ ᐙᐸᑌᓇᐗᐤ ᓂᑖᔅᑕᒥᒃ᙮

ᐊᐸᔅᑕᓚᒃ 23:11

ᐊᓂᐁᓕᐤ ᒫᑲ ᐁ ᑎᐱᔅᑳᓕᒃ ᑮ ᐎᒋᑳᐸᐎᔅᑖᑯ ᐅᑎᐯᓕᒋᑫᐗ, ᑮ ᐃᑎᑯ ᒫᑲ, ᒥᓜᓕᑕ, ᐹᓪ: ᐌᓴ ᑖᐱᔅᑯᒡ ᑳ ᑮ ᐃᑖᒋᒥᔭᓐ ᒋᕉᓴᓚᒥᒃ, ᐁᑯ ᓀᔥᑕ ᑫ ᐃᑖᒋᒧᔭᓐ ᕈᒥᒃ᙮

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᐊᐸᔅᑕᓚᒃ 28:30

ᐹᓪ ᒫᑲ ᓂᔓ ᐱᐴᓋ ᐃᓕᑯᒃ ᑮ ᑕᔑᑫᐤ ᑎᐱᓚᐌ ᐎᑭᒃ, ᓀᔥᑕ ᑮ ᐱᑐᑲᐁᐤ ᒥᓯᐌ ᑳ ᐯᒋ ᓈᑎᑯᑦ,

ᐊᐸᔅᑕᓚᒃ 4:29

ᐊᓄᒡ ᒫᑲ, ᑌᐯᓕᒋᑫᔭᓐ, ᐙᐸᑕᒻ ᐅ ᑭᓯᔅᑕᑭᐎᓂᐗᐤ: ᒥᓕᒃ ᒫᑲ ᑭᑦ ᐋᑐᔅᑫᓛᑲᓇᒃ, ᒥᓯᐌ ᓱᑫᓕᒧᐎᓂᒃ ᑭᒋ ᑮ ᐋᓕᒧᑕᑭᒃ ᑭᑦ ᐋᔭᒥᐎᓂᓕᐤ᙮

ᐊᐸᔅᑕᓚᒃ 4:31

ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᐃᑕ ᑳ ᐃᔑ ᒫᐗᒋᐃᑐᒋᒃ ᑮ ᓇᓇᒥᐸᓕᐤ; ᒥᓯᐌ ᒫᑲ ᑮ ᓵᑲᔅᑭᓀᔅᑳᑯᐗᒃ ᐸᓓᑭ ᐊᒑᑾ, ᓀᔥᑕ ᑮ ᐋᓕᒨᑕᒶᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᒥᓯᐌ ᓱᑫᓕᒧᐎᓂᒃ᙮

ᐊᐸᔅᑕᓚᒃ 5:42

ᑖᑡᐤ ᑳᔑᑳᒃ ᒫᑲ ᐱᒋ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᐱᒋ ᑕᑐ ᐙᔅᑲᔨᑲᓇ, ᓇᒪᐎᓚ ᐅᒋ ᐳᓂᑖᐗᒃ ᐁ ᑭᔅᑭᓄᐊᒫᑫᒋᒃ ᓀᔥᑕ ᐁ ᐋᓕᒧᒫᒋᒃ ᒋᓴᔅ ᙭ᑕ᙮

ᐊᐸᔅᑕᓚᒃ 8:12

ᒫᑲ ᐃᔅᐱ ᑎᐋᐺᑕᐙᒋᒃ ᐱᓕᐸ ᐁ ᐙᐎᑕᒥᓕᒋ ᐊᓂᐃ ᑫᒀᓇ ᑳ ᐃᑕᔅᑌᓕᑭ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᒃ, ᓀᔥᑕ ᐅᑦ ᐃᔑᓂᑳᓱᐎᓂᓕᐤ ᐊᓇ ᒋᓴᔅ ᙭, ᑮ ᓯᑳᐊᑕᐙᑲᓂᐎᐙᒃ, ᑖᐱᔅᑯᒡ ᓈᐯᐗᒃ ᓀᔥᑕ ᐃᔅᑴᐗᒃ᙮

ᐱᓕᐱᔭᓇ 1:14

ᓀᔥᑕ ᒥᒉᑦ ᐎᒋᔖᓂᒪᐗᒃ ᐅᑎᐯᓕᒋᑫᒃ, ᐁ ᐊᑎ ᑫᒋᓇᑌᐁᒋᒃ ᐁ ᒫᒫᒋᒀᐱᓱᔮᓐ, ᓈᔅᐱᒡ ᐊᐙᓯᑌ ᓱᑭᑌᐁᐗᒃ ᑭᒋ ᐎᑐᑭᒃ ᐋᔭᒥᐎᓂᓕᐤ ᐁᑳ ᐁ ᑯᔅᑖᒋᒋᒃ᙮

ᓂᔓ ᑎᒧᑎ 2:9

ᐃᑕ ᐁ ᐃᔑ ᐊᓕᒥᐃᑲᐎᔮᓐ ᑖᐱᔅᑯᒡ ᐊᐌᓇ ᑳ ᒪᒋᑐᑕᒃ, ᐁ ᒫᒫᒋᒀᐱᓱᔮᓐ: ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᓇᒪᐎᓚ ᒫᒫᒋᑯᐱᑌᓕᐤ᙮

ᓂᔓ ᑎᒧᑎ 4:17

ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮