ᐊᐸᔅᑕᓚᒃ 28:28 - ᐅᔅᑭ ᑎᔅᑌᒥᓐᑦ

²⁸ ᐁᐗᑯ ᐅᒋ ᑭᔅᑫᓕᑕᒧᒃ, ᑭᒋᒪᓂᑐ ᐅ ᐱᒫᒋᐃᐌᐎᓐ ᐁ ᐃᔑᑎᔕᐊᒫᒋᒃ ᒉᓐᑖᐃᓚᒃ, ᐎᓚᐗᐤ ᓀᔥᑕ ᑲᑕ ᓇᑐᑕᒬᐗᒃ᙮

ᐊᐸᔅᑕᓚᒃ 28:28 ပူးပေါင်းရင်းမြစ်များ

ᐅᐸᓓᑭᔅ ᓘᒃ 3:6

ᒥᓯᐌ ᒫᑲ ᑳ ᐎᔮᓯᒋᒃ ᑲᑕ ᐙᐸᑕᒬᐗᒃ ᑭᒋᒪᓂᑐᐗ ᐅ ᐱᒫᒋᐃᐌᐎᓂᓕᐤ᙮

ᐊᐸᔅᑕᓚᒃ 11:18

ᐃᔅᐱ ᐱᐯᑕᑭᒃ ᐅᐅ ᑫᒀᓇ, ᑭ ᑭᐱᑐᐌᐗᒃ, ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ ᐁ ᐃᑗᒋᒃ, ᐁᑴᒋᑲ ᑭᒋᒪᓂᑐ ᓀᔥᑕ ᑳ ᒥᓛᑦ ᐊᓂᐃ ᒉᓐᑖᐃᓚ ᑴᔅᑳᑎᓯᐎᓂᓕᐤ ᐱᒫᑎᓯᐎᓂᒃ ᐃᔑ᙮

ᐊᐸᔅᑕᓚᒃ 13:26

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑳ ᐅᑦ ᐊᐙᔑᒥᔑᒥᑖᒃ ᐊᓇ ᐁᑉᕃᐋᒻ, ᓀᔥᑕᐱᑯ ᐊᐌᓇ ᐁ ᐃᑕᔑᔦᒃ ᑳ ᓇᓂᒋᔅᑕᐙᑴ ᑭᒋᒪᓂᑐᐗ, ᑭᓚᐗᐤ ᐃᓴ ᑭᑦ ᐃᔑᑎᔕᐊᒪᑲᐎᓇᐗᐤ ᐅᒪ ᐱᒫᒋᐃᐌᐎᓂ ᐋᔭᒥᐎᓐ᙮

ᐊᐸᔅᑕᓚᒃ 13:38

ᐁᐗᑯ ᐅᒋ ᑭᔅᑫᓕᑕᒧᒃ ᑭᓚᐗᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᐊᐗ ᐃᓕᓕᐤ ᐅᒋ ᐁ ᐎᑕᒫᑲᐎᔦᒃ ᐁ ᐌᐯᓕᒋᑳᑌᑭ ᒪᒋᑣᐎᓇ᙮

ᐊᐸᔅᑕᓚᒃ 14:27

ᐃᔅᐱ ᒫᑲ ᑳ ᑕᑯᔑᑭᒃ, ᓀᔥᑕ ᑳ ᒫᒪᐎ ᒫᐗᒋᐋᒋᒃ ᒫᒪᐎᐋᔭᒥᐋᐗ ᑮ ᑎᐹᑐᑕᒶᒃ ᒥᓯᐌ ᑭᒋᒪᓂᑐᐗ ᑳ ᑮ ᑐᑕᒫᑯᒋᒃ, ᓀᔥᑕ ᑳ ᐃᔑ ᐋᐸᐊᒪᐙᑦ ᑖᐯᔦᓕᑕᒧᐎᓂ ᐃᔥᒀᑌᒥᓕᐤ ᐊᓂᐃ ᒉᓐᑖᐃᓚ᙮

ᐊᐸᔅᑕᓚᒃ 15:14

ᓯᒥᔭᓐ ᑮ ᐙᐎᑕᒪᒻ ᑭᒋᒪᓂᑐ ᓃᔥᑕᒻ ᑳ ᐃᔑ ᒫᐗᑎᑖᑦ ᐊᓂᐃ ᒉᓐᑖᐃᓚ, ᐁᐗᒀᓂᐃ ᑭᒋ ᐅᒋ ᐅᑎᓈᑦ ᐃᓕᓕᐗ ᐅᑦ ᐃᔑᓂᑳᓱᐎᓐ ᐅᒋ᙮

ᐊᐸᔅᑕᓚᒃ 15:17

ᐊᓂᑭ ᐃᓕᓕᐗᒃ ᑳ ᑮ ᐃᔥᑯᐸᓕᒋᒃ ᑭᒋ ᑮ ᓇᓈᑐᓇᐗᒋᐤ ᐅᑎᐯᓕᒋᑫᐗ, ᓀᔥᑕ ᒥᓯᐌ ᐊᓂᑭ ᒉᓐᑖᐃᓚᒃ ᑳ ᐃᔑᓂᑳᑖᑲᓂᐎᒋᒃ ᐁ ᐃᔑᓂᑳᓱᔮᓐ, ᐃᑗᐤ ᐅᑎᐯᓕᒋᑫᐤ, ᐊᓇ ᑳ ᑐᑕᒃ ᒥᓯᐌ ᐅᐅ ᑫᒀᓇ᙮

ᐊᐸᔅᑕᓚᒃ 18:6

ᐃᔅᐱ ᒫᑲ ᑳ ᐋᓉᑖᑫᒋᒃ, ᓀᔥᑕ ᐁ ᐸᐸᔅᑖᒧᒋᒃ, ᑮ ᐸᐸᐎᐸᓕᑕᐤ ᐅ ᐎᓚᒋᑲᓐ, ᑮ ᐃᑌᐤ ᒫᑲ, ᑭᒥᑯᐙᐤ ᑲᑕ ᐊᔅᑌᐤ ᑎᐯᓚᐌ ᑭᔅᑎᒀᓂᐙᒃ: ᓂᓚ ᓂ ᐸᔦᑭᓯᓐ: ᐊᓄᒡ ᐅᒋ ᓂ ᑳ ᓈᑖᐗᒃ ᐊᓂᑭ ᒉᓐᑖᐃᓚᒃ᙮

ᐊᐸᔅᑕᓚᒃ 2:14

ᐱᑕᕐ ᒫᑲ, ᐁ ᐎᒋᑲᐸᐎᔅᑕᐙᑦ ᐊᓂᐃ ᐯᔭᑯᔕᑉ, ᐁ ᑭᔗᐌᑦ, ᑮ ᐃᑌᐤ, ᑭᓚᐗᐤ ᐃᓕᓕᑐᒃ ᒎᑎᐊᐃᒃ ᐅᒋ, ᓀᔥᑕ ᒥᓯᐌ ᑭᓚᐗᐤ ᑳ ᑕᔑᑫᔦᒃ ᒋᕉᓴᓚᒥᒃ, ᐅᒪ ᑭᔅᑫᓕᑕᒧᒃ, ᓀᔥᑕ ᐯᑕᒧᒃ ᓂᑦ ᐋᔭᒥᐎᓇ:

ᐊᐸᔅᑕᓚᒃ 22:21

ᓂ ᑮ ᐃᑎᒃ ᒫᑲ, ᑭᑐᑌ: ᐌᓴ ᐙᓚᐤ ᑭ ᑳ ᐃᔑᑎᔕᐅᑎᓐ ᑭᒋ ᓈᑕᒋᒃ ᒉᓐᑖᐃᓚᒃ᙮

ᐊᐸᔅᑕᓚᒃ 28:29

ᐃᔅᐱ ᒫᑲ ᐅᐅ ᐋᔭᒥᐎᓇ ᑳ ᑮ ᐃᑗᑦ, ᒎᐗᒃ ᑭ ᑭᑐᑌᐗᒃ, ᓀᔥᑕ ᓈᔅᐱᒡ ᑮ ᐊᔨᐋᓕᒧᑕᒫᑐᐗᒃ᙮

ᐊᐸᔅᑕᓚᒃ 4:10

ᑭᔅᑫᓕᑕᒧᒃ ᒥᓯᐌ ᑳ ᐃᑕᔑᔦᒃ, ᓀᔥᑕ ᒥᓯᐌ ᐃᓕᓕᐗᒃ ᐃᔅᕃᐃᓕᒃ ᑳ ᐃᑖᒋᒃ, ᐅᑦ ᐃᔑᓂᑳᓱᐎᓐ ᐅᒋ ᐊᓇ ᒋᓴᔅ ᙭, ᓈᓴᕋᑎᒃ ᑳ ᐅᒌᑦ, ᑳ ᑮ ᒋᔅᑖᔅᑾᐌᒃ, ᑭᒋᒪᓂᑐ ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᐋᐳᒋᑲ ᐎᓚ ᐅᒋ ᐊᐗ ᐃᓕᓕᐤ ᑭᑦ ᐅᑎᔥᑳᐎᑳᐸᐎᔅᑖᑯᐗᐤ ᐁ ᒥᓗ ᐊᔮᑦ᙮

ᐊᐸᔅᑕᓚᒃ 9:15

ᒫᑲ ᐅᑎᐯᓕᒋᑫᐤ ᑮ ᐃᑌᐤ, ᒫᒑ ᐃᓴ; ᐌᓴ ᓂ ᑮ ᐙᐌᓛᐸᒪᐤ ᑭᒋ ᐃᔑᐎᑖᑦ ᓂᑦ ᐃᔑᓂᑳᓱᐎᓂᓕᐤ ᐅᑎᔥᑲᐤ ᐊᓂᐃ ᒉᓐᑖᐃᓚ, ᓀᔥᑕ ᑭᒋᐅᑭᒪᐗ; ᓀᔥᑕ ᐃᔅᕃᐃᓪ ᐅᑦ ᐊᐙᔑᒥᔕ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:11

ᓂᑦ ᐃᑣᓐ ᒫᑲ, ᑮ ᐱᔓᓯᓋᒃ ᓈ ᑭᒋ ᐸᑭᔑᑭᒃ? ᓇᒪᐎᓚ ᑲᑕ ᐎ ᐃᑭᓐ: ᒫᑲ ᐊᐙᓯᑌ ᐅ ᐸᑭᔑᓂᐎᓂᐗᐤ ᐅᒋ ᐱᒫᒋᐃᐌᐎᓂᓕᐤ ᑮ ᐅᑎᑎᑯᐗᒃ ᒉᓐᑖᐃᓚᒃ, ᑭᒋ ᐅᒋ ᐅᑌᓕᑕᒥᐋᑲᓂᐎᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:11

ᑮ ᒥᓛᑲᓇᐎᐤ ᒫᑲ ᑭᔅᑭᓄᐙᒋᔓᐎᓂᓕᐤ ᑭᒋ ᑭᔅᑫᓕᑕᒥᐗᑲᓂᐎᑦ ᐁ ᒀᔭᔅᑳᑎᓯᒪᑲᓂᓕᒃ ᐅ ᑖᐺᔦᓕᑕᒧᐎᓐ ᑳ ᑮ ᐋᔮᑦ ᐁᔥᑾ ᐁᑳ ᐁ ᑭᔅᑭᓄᐙᒋᔡᑲᓂᐎᑦ: ᑭᒋ ᐅᑦ ᐊᐙᔑᒥᔑᒥᒫᑦ ᒥᓯᐌ ᐊᓂᐃ ᑳ ᑖᐺᑕᒥᓕᒋ, ᐗᑕ ᐁᑳ ᐁ ᑭᔅᑭᓄᐙᒋᔣᑲᓂᐎᓕᒋ; ᒀᔭᔅᑭᑖᑎᓯᐎᓂᓂᐤ ᑭᒋ ᐃᑕᑭᑕᒪᐙᑲᓂᐎᓕᒋ ᐊᓂᐃ ᐊᓯᒋ: