ᐊᐸᔅᑕᓚᒃ 26:29 - ᐅᔅᑭ ᑎᔅᑌᒥᓐᑦ

²⁹ ᐹᓪ ᒫᑲ ᑮ ᐃᑗᐤ, ᓂ ᐸᑯᓭᓕᒪᐤ ᑭᒋᒪᓂᑐ, ᓇᒪᐎᓚ ᑭᓚ ᐱᑯ, ᒫᑲ ᐊᓯᒋ ᒥᓯᐌ ᐊᓂᑭ ᑳ ᐯᑖᐎᒋᒃ ᐊᓄᒡ ᐁ ᑭᔑᑳᒃ ᒫᒪᐤ ᑫᑳᑦ ᑭᒋ ᐃᑎᒋᒃ, ᓀᔥᑕ ᒥᑐᓂ ᑖᐱᔅᑯᒡ ᐁ ᐃᑎᔮᓐ, ᐱᑯ ᐅᐅ ᒫᒫᒋᑯᐱᓱᐎᓇ᙮

ᐊᐸᔅᑕᓚᒃ 26:29 ပူးပေါင်းရင်းမြစ်များ

ᐅᐸᓓᑭᔅ ᒑᓐ 5:34

ᓇᒪᐎᓚ ᒫᑲ ᓂᑦ ᐅᑎᓀᓐ ᑎᐹᒋᒧᐎᓐ ᐃᓕᓕᒃ ᐅᒋ: ᒫᑲ ᐅᐅ ᑫᒀᓇ ᓂᑦ ᐃᑣᓐ ᑭᒋ ᐱᒫᒋᐃᑲᐎᔦᒃ᙮

ᐊᐸᔅᑕᓚᒃ 12:6

ᐃᔅᐱ ᒫᑲ ᐦᐁᕋᑦ ᑳ ᐎ ᐯᒋ ᐗᓚᐎᑕᐋᔅᐸᓐ, ᐊᓂᒪ ᐁ ᑎᐱᔅᑳᒃ ᐲᑕᕐ ᑮ ᓂᐸᐤ ᐁ ᐃᑕᐎᔑᓄᔅᑖᑯᑦ ᓂᔓ ᒪᔑᑫᐎᓕᓕᐗ, ᐁ ᒫᒫᒋᑯᐱᓱᑦ ᓂᔓ ᐱᐙᐱᔅᑴᐋᐱᐊ ᐅᒋ; ᐊᓂᑭ ᒫᑲ ᑳ ᑲᓇᐌᓕᑕᑭᒃ ᐗᓚᐎᑎᒥᒃ ᐃᔥᒀᑌᒥᒃ ᑮ ᑲᓇᐌᓕᑕᒶᒃ ᑭᐹᐅᑐᐎᑲᒥᑯᓕᐤ᙮

ᐊᐸᔅᑕᓚᒃ 21:33

ᐁᑯ ᑭᒋ ᓇᑐᐸᓕᐎᑭᒪᐤ ᐱᐁᒋ ᐃᑐᑌᑦ, ᓀᔥᑕ ᑮ ᐅᑎᓀᐤ, ᓀᔥᑕ ᑮ ᐃᑕᔓᐌᐤ ᓂᔓ ᐱᐙᐱᔅᑴᔮᐱᔭ ᑭᒋ ᐅᒋ ᒫᒪᒋᒀᐱᓱᓕᒋ; ᑮ ᑲᑴᒋᑫᒧ ᒫᑲ ᐊᐌᓇ ᐁ ᐋᐎᓕᒋ ᓀᔥᑕ ᑫᒀᓕᐤ ᑳ ᑮ ᑐᑕᒥᓕᒋ᙮

ᐊᐸᔅᑕᓚᒃ 25:14

ᐃᔅᐱ ᒫᑲ ᐊᓐᑕ ᑳ ᑮ ᐃᑖᒋᒃ ᒥᒉᑐ ᑭᔑᑳᐗ, ᐯᔅᑕᔅ ᑮ ᐎᑕᒪᐌᐤ ᑭᒋᐅᑭᒫᐗ ᐹᓚ ᐁ ᐃᑎᓕᒋ, ᐁ ᐃᑗᑦ, ᐅᑕ ᐃᑖᐤ ᐯᔭᒃ ᐃᓕᓕᐤ ᑳ ᓇᑲᑎᑯᑦ ᐱᓕᒃᓴ ᐁ ᒫᒫᒋᑯᐱᓱᑦ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:1

ᓂᒋᔖᓂᑐᒃ ᐁ ᐃᔑ ᐸᑯᓭᓕᒧᔮᓐ ᓂᑌᐃᒃ, ᓀᔥᑕ ᑳ ᐃᔑ ᐋᔭᒥᐁᔅᑕᐗᒃ ᑭᒋᒪᓂᑐ, ᐁ ᐋᔭᒥᐁᔅᑕᒪᐗᑭᒃ ᐃᔅᕃᐃᓪ, ᐁᐗᒀᓂᒪ ᑭᒋ ᐱᒫᒋᐋᑲᓂᐎᒋᒃ᙮

ᓂᔥᑕᒻ ᑯᕆᓐᑎᐊᓇ 4:8

ᐊᓄᒡ ᑭ ᑭᔥᐳᓇᐗᐤ, ᐊᓄᒡ ᑭ ᒥᔕᑭᓯᓇᐗᐤ, ᑭ ᑮ ᑎᐯᓕᒋᑳᓇᐗᐤ ᑖᐱᔅᑯᒡ ᑭᒋᐅᑭᒪᐗᒃ ᐋᑕ ᐁᑳ ᐁ ᐎᒉᐎᑖᒃ; ᓐᑕᒫᑕ ᓀᔥᑕ ᑖᐺ ᑎᐯᓕᒋᑫᔦᒃ, ᓂᓚᓈᓐ ᐊᓯᒋ ᑭᓚᐗᐤ ᑭᒋ ᑎᐯᓕᒋᑫᔮᒃ᙮

ᓂᔥᑕᒻ ᑯᕆᓐᑎᐊᓇ 7:7

ᐌᓴ ᓇᑕᒫ ᒥᓯᐌ ᐃᓕᓕᐗᒃ ᐃᔑᓈᑯᓯᒋᒃ ᐁ ᐃᔑᓈᑯᓯᔮᓐ ᓂᓚ᙮ ᒫᑲ ᒥᓯᐌ ᑕᑐ ᐃᓕᓕᐤ ᐋᔭᐤ ᑎᐱᓚᐌ ᐅ ᒥᓕᑯᓯᐎᓐ ᑳ ᐃᔑ ᒥᓕᑯᑦ ᑭᒋᒪᓂᑐᐗ, ᐯᔭᒃ ᐊᐌᓇ ᐅᒪ ᐃᔑ, ᑯᑕᒃ ᒫᑲ ᐱᑐᔥ ᐃᔑ᙮

ᓂᔓ ᑯᕆᓐᑎᐊᓇ 11:1

ᓇᑕᒫ ᑮ ᔑᐱᓚᐌᓯᔅᑕᐎᔦᒃ ᒫᓐᔑᔥ ᓂ ᑲᑫᐹᑎᓯᐎᓂᒃ: ᑖᐺ ᐃᓴ ᔑᐱᓚᐌᓰᔅᑕᐎᒃ᙮

ᐃᐱᓯᔭᓇ 6:20

ᐊᓂᒪ ᑳ ᐅᒋ ᐃᔑᑎᔕᐗᑲᓂᔮᓐ ᐁ ᒫᒫᒋᒀᐱᔅᑳᐅᑲᐎᔮᓐ: ᐁᐗᑯ ᑭᒋ ᑮ ᑎᐹᑐᑕᒫᓐ ᐁ ᓱᑭᑌᐁᔮᓐ ᑫ ᐃᔑ ᑎᐹᑐᑕᒫᐸᓐ᙮

ᑯᓚᔑᔭᓇ 1:28

ᐊᓇ ᑳ ᑲᑫᔅᑭᒥᐌᔮᓐ, ᐁ ᔭᒀᒥᒪᑭᑦ ᒥᓯᐌ ᑕᑐ ᐃᓕᓕᐤ, ᓀᔥᑕ ᐁ ᑭᔅᑭᓄᐊᒪᐗᑭᑦ ᒥᓯᐌ ᑕᑐ ᐃᓕᓕᐤ, ᒥᓯᐌ ᑲᑫᑕᐌᓕᑕᒧᐎᓂᒃ; ᒥᓯᐌ ᑕᑐ ᐃᓕᓕᐤ ᒥᑐᓂ ᐁ ᒥᓦᑎᓯᑦ ᑭᒋ ᐸᑭᑎᓇᒫᐗᑭᑦ ᙭ ᒋᓴᔅ: