ᐊᐸᔅᑕᓚᒃ 26:23 - ᐅᔅᑭ ᑎᔅᑌᒥᓐᑦ

²³ ᙭ ᑭᒋ ᐙᐎᓴᑫᓕᑕᒃ, ᓀᔥᑕ ᐎᓚ ᓃᔥᑕᒻ ᐅᓂᐱᐗ ᑭᒋ ᐅᒋ ᐗᓂᔥᑳᑦ, ᓀᔥᑕ ᑭᒋ ᐙᐸᑎᓛᑦ ᐙᓭᔮᓯᐎᓂᓕᐤ ᐃᓕᓕᐗ, ᐊᓯᒋ ᓀᔥᑕ ᒉᓐᑖᐃᓚ᙮

ᐊᐸᔅᑕᓚᒃ 26:23 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 26:24

ᐃᓕᓕᐎᑯᓯᓵᓐ ᑭᑐᑌᐤ ᐁ ᐃᔑ ᒪᓯᓇᐃᑳᑌᓕᒃ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐋᔦᔑᐸᑭᑎᓈᑦ ᐃᓕᓕᐎᑯᓯᓵᓇ! ᑲᑕ ᑮ ᒥᓨᔑᓂᓕᐸᓐ ᐊᓇ ᐃᓕᓕᐤ ᑮᔥᐱᓐ ᐁᑳ ᑮ ᐅᒋ ᓂᑖᐎᑭᑦ᙮

ᐅᐸᓓᑭᔅ ᒫᑎᐤ 27:53

ᑮ ᐯᒋ ᐗᓚᐎᐗᒃ ᒫᑲ ᒋᐹᔨᑲᒥᑯᒃ ᐅᒋ ᐃᔅᐱ ᑳ ᑮ ᐗᓂᔥᑳᓕᒋ, ᐸᓓᑭ ᐃᑖᐎᓂᒃ ᒫᑲ ᐁ ᐃᑐᑌᒋᒃ, ᒥᒉᑦ ᑮ ᓄᑯᓰᔅᑕᐌᐗᒃ᙮

ᐅᐸᓓᑭᔅ ᓘᒃ 2:32

ᐙᓭᔮᓯᐎᓐ ᑭᒋ ᐙᔅᑌᓇᒫᑯᒋᒃ ᒉᓐᑖᐃᓚᒃ, ᓀᔥᑕ ᐊᓂᒪ ᑫ ᐅᒋ ᑭᔅᑌᓕᑖᑯᓯᒋᒃ ᑭᑦ ᐃᓕᓕᒪᒃ ᐃᔅᕃᐃᓪ᙮

ᐅᐸᓓᑭᔅ ᓘᒃ 24:26

ᓇᒪ ᓈ ᙭ ᑲᑕ ᑮ ᐎᓴᑫᓕᑕᒧᐸᓐ ᐅᐅ ᑫᒀᓇ, ᐁᑯ ᑭᒋ ᐱᑐᑫᑦ ᐅ ᑭᔅᑌᓕᑖᑯᓯᐎᓂᒃ?

ᐅᐸᓓᑭᔅ ᓘᒃ 24:46

ᑮ ᐃᑌᐤ ᒫᑲ, ᐅᒪ ᐃᑕᓯᓇᐃᑳᑌᐤ, ᐁᑯ ᓀᔥᑕ ᔮᓕᑌᓪ ᐁᑌᓕᑖᑯᓯᑦ ᙭ ᑭᒋ ᐎᓴᑫᓕᑕᒃ, ᓀᔥᑕ ᑭᒋ ᐗᓂᔥᑳᑦ ᐅᓂᐱᐗ ᐅᒋ ᐁ ᓂᔅᑐ ᑭᔑᑳᓕᒃ;

ᐅᐸᓓᑭᔅ ᒑᓐ 10:18

ᓇᒪᐎᓚ ᐊᐌᓇ ᓂ ᒪᔅᑲᒥᒃ, ᒫᑲ ᓂ ᐱᒥᑎᑖᓐ ᓂᓚ ᑫᒋᐙᒃ᙮ ᓂᑦ ᐋᔮᓐ ᑲᔥᑭᐅᐎᓐ ᑭᒋ ᐱᒥᑎᑖᔮᓐ, ᓀᔥᑕ ᓂᑦ ᐋᔮᓐ ᑲᔥᑭᐅᐎᓐ ᒥᓇ ᑭᒋ ᐅᑎᓇᒫᓐ᙮ ᐅᒪ ᐅᓚᔓᐌᐎᓐ ᓂ ᑮ ᒥᓕᒃ ᓄᑖᐎ᙮

ᐅᐸᓓᑭᔅ ᒑᓐ 11:25

ᒋᓴᔅ ᑮ ᐃᑌᐤ, ᓂᓚ ᐁᐗᑯ ᐅᐗᓂᔥᑳᓂᐌᐤ, ᓀᔥᑕ ᑳ ᐋᐎᔮᓐ ᐱᒫᑎᓯᐎᓐ: ᐊᓇ ᑳ ᑖᐺᔦᓕᒥᑦ, ᐋᑕ ᐁ ᓂᐱᑦ, ᐁᓕᐌᒃ ᒫᑲ ᑲᑕ ᐱᒫᑎᓯᐤ:

ᐊᐸᔅᑕᓚᒃ 13:34

ᐊᓂᒪ ᒫᑲ ᐅᒋ ᐁ ᑮ ᐗᓂᔥᑲᓈᑦ ᐅᓂᐱᐗ ᐅᒋ, ᐁᑯ ᐁᑳ ᒥᓇ ᑭᒋ ᑭᐌᓈᑕᒃ ᓂᔑᐗᓈᑎᓯᐎᓂᓕᐤ, ᐅᒪ ᑮ ᐃᑗᐤ, ᑭ ᑳ ᒥᓕᑎᓇᐗᐤ ᐅ ᑖᐺ ᔕᐌᓕᒋᑫᐎᓇ ᐊᓇ ᑌᐱᑦ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐊᐸᔅᑕᓚᒃ 26:8

ᑫᒀᓐ ᑫ ᐅᒋ ᐃᑌᓕᑕᒣᒃ ᐁᑳ ᑭᒋ ᑖᐺᑕᒣᒃ, ᑭᒋᒪᓂᑐ ᑭᒋ ᐗᓂᔥᑳᓈᑦ ᐅᓂᐱᐗ?

ᐊᐸᔅᑕᓚᒃ 3:18

ᐊᓂᐃ ᑫᒀᓇ ᒫᑲ, ᑭᒋᒪᓂᑐ ᓂᔮᑲᓇ ᑳ ᑮ ᐗᐸᑎᓕᐌᑦ ᐅᑐᓂᐙᒃ ᐅᒋ ᒥᓯᐌ ᐅᑭᔅᑭᐗᐃᑫᐎᓕᓕᒪ, ᙭ ᑭᒋ ᐎᓴᑫᓕᑕᒃ, ᐎᓚ ᐅᒪ ᐃᔑ ᑮ ᑎᐱᐸᓕᑖᐤ᙮

ᐊᐸᔅᑕᓚᒃ 3:24

ᐁᐁ, ᓀᔥᑕ ᒥᓯᐌ ᐅᑭᔅᑭᐗᐃᑫᐗᒃ ᓵᒻᔪᐃᓪ ᐅᒋ, ᓀᔥᑕ ᐊᓂᑭ ᐹᑎᒪ ᑳ ᓄᔅᐱᓇᔑᐌᒋᒃ, ᐱᑯ ᑕᑐ ᑳ ᑮ ᐋᔭᒥᒋᒃ, ᐅᐅ ᑭᔑᑳᐗ ᓀᔥᑕ ᓂᔮᑲᓇ ᑮ ᑎᐸᑐᑕᒶᒃ᙮

ᓂᔥᑕᒻ ᑯᕆᓐᑎᐊᓇ 15:3

ᐌᓴ ᓃᔥᑕᒻ ᑭ ᑮ ᐸᑭᑎᓇᒫᑎᓇᐊᐤ ᐊᓂᒪ ᑳ ᑮ ᑭᔅᑫᓕᑕᒥᐃᑳᐎᔮᓐ, ᙭ ᐁ ᑮ ᓂᐱᑦ ᑭ ᒪᒋᑣᐎᓂᓇᐗ ᐅᒋ ᐁ ᐃᔑ ᐃᑗᒪᑲᑭ ᑭᒋ ᒪᓯᓇᐃᑫᐎᓇ;

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᑯᓚᔑᔭᓇ 1:18

ᐎᓚ ᒫᑲ ᐁᐗᒀᓇ ᑳ ᑎᐯᓕᑕᒃ ᒥᔭᐎᓕᐤ, ᒫᒪᐎᐋᔮᒥᐊᐗ ᐅᑎ: ᐁᐗᑯ ᓃᔥᑕᒻ ᑳ ᑮ ᐃᑖᑦ, ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ: ᒥᓯᐌ ᐃᔑ ᑭᒋ ᒪᐗᒋ ᑭᔅᑌᓕᑖᑯᓯᑦ᙮

ᐦᐃᑉᕉᐗ 2:10

ᐌᓴ ᑮ ᐃᑕᔅᑌᓕᐤ, ᐊᓇ ᑳ ᐅᒋ ᐃᑕᑾᑭ ᒥᓯᐌ ᑫᒀᓇ, ᓀᔥᑕ ᑳ ᐅᒋᐸᓕᑭ ᒥᓯᐌ ᑫᒀᓇ, ᐁ ᐯᔑᐙᑦ ᒥᒉᑦ ᐅᑯᓯᓯᒪᐗ ᑭᔅᑌᓕᑖᑯᓯᐎᓂᒃ ᐃᔑ, ᑭᒋ ᒥᑐᓂᐎᐗᑦ ᐊᓂᐃ ᑳ ᑎᐯᓕᑕᒥᓕᒋ ᐅ ᐱᒫᒋᐃᑯᓯᐎᓂᐗᐤ ᐎᓴᑫᓕᑕᒧᐎᓇ ᐅᒋ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,