ᐊᐸᔅᑕᓚᒃ 26:18 - ᐅᔅᑭ ᑎᔅᑌᒥᓐᑦ

¹⁸ ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐊᐸᔅᑕᓚᒃ 26:18 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 4:10

ᐁᑯ ᒋᓴᔅ ᐁᑖᑦ, ᐊᐗᔅ ᒫᒑ, ᓭᑖᓐ: ᐌᓴ ᐃᑕᓯᓇᐃᑳᑌᐤ, ᑭ ᑳ ᓇᐗᑮᔅᑕᐗᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ, ᐎᓚ ᓀᔥᑕ ᐱᑯ ᑭ ᑳ ᐊᑑᔅᑫᔅᑕᐗᐤ᙮

ᐅᐸᓓᑭᔅ ᒫᑎᐤ 4:16

ᐊᓂᑭ ᐃᓕᓕᐗᒃ ᑳ ᐊᐱᒋᒃ ᐃᑕ ᐁ ᐗᓂᑎᐱᔅᑳᓕᒃ ᑮ ᐙᐸᑕᒶᒃ ᑭᒋ ᐙᔅᑌᐎᓂᓕᐤ; ᐊᓂᑭ ᓀᔥᑕ ᑳ ᐊᐱᒋᒃ ᐊᔅᑮᒃ ᐃᑕ ᐁ ᑎᑳᔅᑌᔅᑳᑯᒋᒃ ᓂᐱᐎᓂᓕᐤ, ᐙᔅᑌᐎᓂᓕᐤ ᑫᑕᑐᐌ ᐅᑎᑎᑯᐗᒃ᙮

ᐅᐸᓓᑭᔅ ᓘᒃ 1:77

ᑭᒋ ᑭᔅᑫᓕᑕᒧᐃᒪᑦ ᐱᒫᒋᐃᐌᐎᓂᓕᐤ ᐅᑦ ᐃᓕᓕᒪ, ᑭᒋ ᐅᒋ ᐊᔐᓇᒪᐙᑲᓂᐎᓕᒋ ᐅ ᒪᒋᑐᑕᒧᐎᓂᓕᐙ,

ᐅᐸᓓᑭᔅ ᓘᒃ 1:79

ᑭᒋ ᐙᔅᑌᓇᒫᑯᒋᒃ ᐊᓂᑭ ᑳ ᐗᓂᑎᐱᔅᑲᐱᒋᒃ, ᓀᔥᑕ ᐊᓐᑕ ᐁ ᑎᑳᔅᑌᔅᑳᑯᒋᒃ ᓂᐱᐎᓂᓕᐤ ᑭᒋ ᑭᔅᑭᓄᑖᑖᑦ ᑭᓯᑎᓇᐗ ᑳᔮᒣᓕᑕᒧᐎᓂᒃ ᐃᔑ᙮

ᐅᐸᓓᑭᔅ ᓘᒃ 2:32

ᐙᓭᔮᓯᐎᓐ ᑭᒋ ᐙᔅᑌᓇᒫᑯᒋᒃ ᒉᓐᑖᐃᓚᒃ, ᓀᔥᑕ ᐊᓂᒪ ᑫ ᐅᒋ ᑭᔅᑌᓕᑖᑯᓯᒋᒃ ᑭᑦ ᐃᓕᓕᒪᒃ ᐃᔅᕃᐃᓪ᙮

ᐅᐸᓓᑭᔅ ᓘᒃ 24:45

ᐁᑯ ᐃᐋᐸᐊᒸᑦ ᐅ ᓂᓯᑐᑕᒧᐎᓂᓕᐤ, ᑭᒋ ᓂᓯᑐᑕᒥᓕᒋ ᑭᒋ ᒪᓯᓇᐃᑫᐎᓇ,

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᓘᒃ 4:18

ᐅᑎᐯᓕᒋᑫᐤ ᐅᑦ ᐊᒑᑾ ᓂ ᑭᑭᔥᑳᑯᓕᐗ, ᐌᓴ ᓂ ᑮ ᑕᒪᔅᑯᓂᒃ ᑭᒋ ᑎᐹᒋᒧᔅᑕᐗᑭᒃ ᒥᓗᐋᒋᒧᐎᓂᓕᐤ ᐊᓂᑭ ᑳ ᑭᑎᒫᑭᓯᒋᒃ; ᓂ ᑮ ᐯᒋᑎᔕᐅᒃ ᑭᒋ ᒥᓇᐋᒋᐊᑭᒃ ᐊᓂᑭ ᑳ ᐱᑯᑌᐁᒋᒃ, ᑭᒋ ᑎᐹᒋᒧᔅᑕᐗᑭᒃ ᐋᐸᐊᒫᑫᐎᓂᓕᐤ ᐊᓂᑭ ᑳ ᐋᐗᑳᓂᐎᒋᒃ, ᓀᔥᑕ ᐙᐱᐎᓂᓕᐤ ᐊᓂᑭ ᐁᑳ ᑳ ᐙᐱᒋᒃ, ᑭᒋ ᐋᐸᐗᑭᒃ ᐊᓂᑭ ᑳ ᐅᑐᑭᓯᒋᒃ,

ᐅᐸᓓᑭᔅ ᒑᓐ 17:17

ᑭ ᑖᐺᐎᓂᓕᐤ ᐅᒋ ᐸᓓᑭᐃᒃ: ᑭᑦ ᐋᔭᒥᐎᓐ ᑖᐺᐎᓂᐗᓐ᙮

ᐅᐸᓓᑭᔅ ᒑᓐ 3:19

ᐁᐗᑯ ᐅᒪ ᒫᑲ ᓂᔑᐗᓈᒋᑕᒧᐎᓐ, ᐙᔅᑌᐎᓐ ᐁ ᑮ ᑕᑯᔑᓄᒪᑲᒃ ᐊᔅᑮᒃ, ᐃᓕᓕᐗᒃ ᒫᑲ ᐊᐙᓯᑌ ᑮ ᓵᑭᑖᐗᒃ ᐗᓂᑎᐱᔅᑭᓯᐎᓂᓕᐤ ᐃᔥᐱᔥ ᐙᔅᑌᐎᓂᓕᐤ, ᐁ ᒫᓛᑕᓂᓕᑭ ᐅᑦ ᐋᔨᑎᐎᓂᐗᐗ᙮

ᐅᐸᓓᑭᔅ ᒑᓐ 4:10

ᒋᓴᔅ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑮᔥᐱᓐ ᑭ ᑭᔅᑫᓕᑕᒧᐙᐸᓀ ᑭᒋᒪᓂᑐ ᐅ ᒥᓕᐌᐎᓐ, ᓀᔥᑕ ᐊᐌᓇ ᐊᓇ ᑳ ᐃᑎᔉ, ᒥᓇᐃᓐ; ᑭ ᑳ ᑮ ᓇᑐᑕᒪᐙᑖᔾ, ᑭ ᑳ ᑮ ᒥᓕᑯᑖᔾ ᒫᑲ ᐱᒪᑎᓯᐎ ᓂᐱᓕᐤ᙮

ᐅᐸᓓᑭᔅ ᒑᓐ 4:14

ᒫᑲ ᑕᑐ ᐊᐌᓇ ᑫ ᒥᓂᑴᑦ ᐊᓂᐁᓕᐤ ᓂᐱᓕᐤ ᑫ ᒥᓚᒃ ᓇᒪᐎᔅᑳᑦ ᑲᑕ ᓄᑌᔮᐸᑴᐤ; ᒫᑲ ᓂᐱᓕᐤ ᑫ ᒥᓚᒃ ᑲᑕ ᐱᒋᔅᑳᑯ ᐁ ᒧᓇᐃᐹᓂᐗᓂᓕᒃ, ᐁ ᒧᔅᑭᒋᐗᓂᓕᒃ ᑭᒋ ᐅᒋ ᑳᑭᑫ ᐱᒫᑎᓰᑦ᙮

ᐅᐸᓓᑭᔅ ᒑᓐ 8:12

ᐁᑯ ᒋᓴᔅ ᒥᓇ ᐁᔭᒥᐋᑦ, ᐁ ᐃᑗᑦ, ᓂᓚ ᐁᐗᑯ ᑳ ᐅᒋ ᐋᔅᑌᒃ ᐊᔅᑭ: ᐊᓇ ᑳ ᓄᔅᐱᓇᔑᑦ ᓇᒪᐎᓚ ᑲᑕ ᐱᒧᑌᐤ ᐗᓂᑎᐱᔅᑭᓯᐎᓂᒃ, ᒫᑲ ᑲᑕ ᐊᔮᐤ ᐱᒫᑎᓯᐎᓂ ᐙᓭᔮᓯᐎᓂᓕᐤ᙮

ᐅᐸᓓᑭᔅ ᒑᓐ 9:39

ᒋᓴᔅ ᒫᑲ ᑮ ᐃᑗᐤ, ᑎᐹᔅᑯᓂᑫᐎᓐ ᐁᐗᑯ ᐌᒋ ᑮ ᐯᒋ ᐃᑐᑌᔮᓐ ᐅᑕ ᐊᔅᑮᒃ, ᐊᓂᑭ ᐁᑳ ᑳ ᐙᐱᒋᒃ ᑭᒋ ᐙᐱᒋᒃ; ᓀᔥᑕ ᐊᓂᑭ ᑳ ᐙᐱᒋᒃ ᑭᒋ ᐃᔑ ᑐᑕᐙᑲᓂᐎᒋᒃ ᐁᑳ ᑭᒋ ᐙᐱᒋᒃ᙮

ᐅᐸᓓᑭᔅ ᒑᓐ 9:5

ᐃᔥᐱᔥ ᐁ ᐃᑖᔮᓐ ᐊᔅᑮᒃ, ᓂᓚ ᐅᒋ ᐙᔅᑌᐤ ᐊᔅᑭ᙮

ᐊᐸᔅᑕᓚᒃ 10:43

ᐎᓚ ᑎᐹᒋᒥᑯ ᒥᓯᐌ ᐅᑭᔅᑭᐗᐃᑫᐗ, ᐎᓚ ᐅᑦ ᐃᔑᓂᑳᓱᐎᓐ ᐅᒋ ᐱᑯ ᐊᐌᓇ ᑫ ᑖᐺᔦᓕᒫᑴ ᑲᑕ ᒥᓛᑲᓂᐎᐤ ᐊᔐᓇᒫᑫᐎᓐ ᒪᒋᑣᐎᓇ ᐅᒋ᙮

ᐊᐸᔅᑕᓚᒃ 13:47

ᐌᓴ ᐁᑯ ᑳ ᐃᔑ ᐅᓚᔓᐗᔑᔭᒥᑦ ᐅᑎᐯᓕᒋᑫᐤ, ᐁ ᐃᑗᑦ, ᑭ ᑮ ᐸᑭᑎᓂᑎᓐ ᑭᒋ ᐙᔅᑌᓇᒪᐗᒋᒃ ᒉᓐᑖᐃᓚᒃ, ᑭᓚ ᑭᒋ ᐱᒫᒋᐃᐌᐎᓂᐎᔭᓐ ᐁᔅᑾᔅᑲᒥᑳᒃ ᐃᔅᑯ᙮

ᐊᐸᔅᑕᓚᒃ 15:9

ᐁᑳ ᒫᑲ ᐱᑐᔥ ᐁ ᑐᑖᑕᒃ ᑭᓚᓈᓇᐤ ᓀᔥᑕ ᐎᓚᐙᐤ, ᐁ ᐸᓓᑭᑕᐙᑦ ᐅᑌᐃᓖᐗ ᑖᐺᔦᓕᑕᒨᐎᓂᓕᐤ ᐅᒋ᙮

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᐊᐸᔅᑕᓚᒃ 20:32

ᐊᓄᒡ ᒫᑲ, ᓂᒋᔖᓂᑐᒃ, ᑭ ᐸᑭᑌᓕᒥᑎᓇᐗᐤ ᑭᒋᒪᓂᑐ, ᓀᔥᑕ ᐅ ᔕᐌᓕᒋᑫᐎ ᐋᔭᒥᐎᓂᒃ, ᐊᓂᒪ ᑳ ᑲᔥᑭᑖᒪᑲᒃ ᑭᒋ ᓂᑕᐎᑭᐃᑯᔦᒃ, ᓀᔥᑕ ᑭᒋ ᒥᓕᑯᔦᒃ ᑎᐯᓕᒋᑫᐎᓐ ᐃᑕ ᒥᓯᐌ ᒫᒪᐤ ᑳ ᐃᑖᒋᒃ ᑳ ᐸᓓᑭᐊᑲᓂᐎᒋᒃ᙮

ᐊᐸᔅᑕᓚᒃ 26:19

ᐁᐗᑯ ᐅᒋ, ᐅ ᑭᒋᐅᑭᒪᐤ ᐋᒃᕆᐸ, ᓇᒪᐎᓚ ᓂ ᑮ ᐋᓉᑌᓐ ᐊᓂᒪ ᑭᒋᑭᔑᑳᐎ ᐃᔑᓇᒧᐎᓐ:

ᐊᐸᔅᑕᓚᒃ 26:23

᙭ ᑭᒋ ᐙᐎᓴᑫᓕᑕᒃ, ᓀᔥᑕ ᐎᓚ ᓃᔥᑕᒻ ᐅᓂᐱᐗ ᑭᒋ ᐅᒋ ᐗᓂᔥᑳᑦ, ᓀᔥᑕ ᑭᒋ ᐙᐸᑎᓛᑦ ᐙᓭᔮᓯᐎᓂᓕᐤ ᐃᓕᓕᐗ, ᐊᓯᒋ ᓀᔥᑕ ᒉᓐᑖᐃᓚ᙮

ᐊᐸᔅᑕᓚᒃ 3:19

ᐁᐗᑯ ᐅᒋ ᒥᒋᓚᐌᔦᓕᑕᒧᒃ, ᑴᔅᑳᑎᓰᒃ ᒫᑲ, ᑭ ᒪᒋᑖᐎᓂᐙᐗ ᑭᒋ ᑮ ᑳᓯᐃᑳᑌᑭ, ᐃᔅᐱ ᐹᐸᓕᓕᑫ ᑭᒋ ᒥᓜᓕᒧᓇᓂᐗᒃ ᐅᑎᔥᑲᐤ ᐅᑎᐯᓕᒋᑫᐤ ᐅᒋ;

ᐊᐸᔅᑕᓚᒃ 5:31

ᐁᐗᒀᓂᐃ ᑭᒋᒪᓂᑐ ᑳ ᑮ ᑭᔅᑌᓕᑖᑯᐋᑦ ᐅ ᑭᒋᓂᔉ ᐅᒋ ᑭᒋ ᐅᑭᒪᐎᓕᑭ ᓀᔥᑕ ᑭᒋ ᐱᒫᒋᐃᐌᓕᒋ, ᑭᒋ ᒥᓛᑦ ᑴᔅᑳᑎᓯᐎᓂᓕᐤ ᐃᔅᕃᐃᓚ ᓀᔥᑕ ᐁ ᐌᐯᓕᒋᑲᑌᓕᑭ ᒪᒋᑣᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17

ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑯᕆᓐᑎᐊᓇ 1:2

ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓂᐃ ᑳ ᐸᓓᑭᐋᑲᓂᐎᓕᒋ ᙭ ᒋᓴᓯᒃ, ᑳ ᑮ ᓇᑐᒫᑲᓂᐎᓕᒋ ᑭᒋ ᐅᐸᓓᑭᓯᐎᓕᒋ, ᐊᓯᒋ ᒥᓯᐌ ᐃᑌ ᑳ ᑌᑆᑕᒸᓕᒋ ᐅᑦ ᐃᔑᓂᑳᓱᐎᓂᓕᐤ ᒋᓴᔅ ᙭ᑕ ᑭ ᑎᐯᓕᒋᑫᒥᓇᐗ, ᐊᓇ ᑳ ᑎᐯᓕᒫᑦ ᐊᓂᐃ ᓀᔥᑕ ᑭᓚᓈᓇᐤ᙮

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᓂᔓ ᑯᕆᓐᑎᐊᓇ 6:14

ᐁᑳᐎᓚ ᓇᔅᐹᒡ ᑭ ᑳ ᐊᓯᒋᐱᓱᓇᐗᐤ ᐊᓂᑭ ᐁᑳ ᑳ ᑖᐺᑕᑭᒃ: ᐌᓴ ᑖᓂ ᑫ ᐃᔑ ᐎᒉᑐᒪᑲᒃ ᒀᔭᔅᑭᑖᑎᓯᐎᓐ ᐊᓯᒋ ᒪᒑᑎᓯᐎᓐ? ᓀᔥᑕ ᑖᓂ ᑫ ᐃᔑ ᐎᒉᑐᒪᑲᒃ ᐙᓭᔮᓯᐎᓐ ᐊᓯᒋ ᐗᓂᑎᐱᔅᑭᓯᐎᓐ?

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᑲᓓᔕᐊᓇ 3:14

ᐊᓂᒪ ᐅ ᒥᓦᑭᒥᑯᓯᐎᓐ ᐁᑉᕃᐋᒻ ᑭᒋ ᐅᑎᑎᑯᐗᒃ ᒉᓐᑖᐃᓚᒃ, ᐎᓚ ᐅᒋ ᒋᓴᔅ ᙭: ᑭᒋ ᑮ ᐋᔭᐗᒃ ᐊᒑᒃ ᐊᔓᑕᒫᑫᐎᓐ ᑖᐺᔦᓕᑕᒧᐎᓐ ᐅᒋ᙮

ᑲᓓᔕᐊᓇ 3:2

ᐅᒪ ᐱᑯ ᑭ ᓇᑕᐌᓕᒥᑎᓇᐗᐤ ᑭᒋ ᑫᔅᑫᓕᑕᒥᐃᔦᒃ; ᑭ ᑮ ᒥᓕᑲᐎᓇᐗᐤ ᓈ ᐊᒑᒃ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᓀᔥᑕᐱᑯ ᐁ ᑮ ᐯᑕᒣᒃ ᑖᐺᔦᓕᑕᒧᐎᓐ?

ᐃᐱᓯᔭᓇ 1:11

ᐊᓇ ᓀᔥᑕ ᑳ ᑮ ᐅᒋ ᐋᔮᔭᒃ ᑎᐱᓚᐌᐎᓯᐎᓐ, ᐁ ᓂᑳᓂᑭᔅᑭᓇᐌᓕᒥᑲᐎᔭᒃ ᐁ ᐃᔑ ᑫᒋᓀᓕᑕᒃ ᐊᓇ ᑳ ᐋᔨᑐᑕᒃ ᒥᓯᐌ ᑫᒀᓇ ᐁ ᐃᔑ ᑲᑫᔅᑭᒥᐌᒪᑲᓂᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ:

ᐃᐱᓯᔭᓇ 1:14

ᐁᐗᑯ ᑫᒋᓇᐅᐎᓐ ᑭᒋ ᐋᔮᔭᒃ ᑭ ᑎᐱᓚᐌᐎᓯᐎᓂᓇᐤ ᐱᓕᔥ ᑎᐸᐊᒫᑫᔅᒋᑳᑌᒃ ᐊᓂᒪ ᐌᑎᓂᑳᑌᒃ ᑎᐯᓕᑕᒧᐎᓐ, ᑫ ᐅᒋ ᒫᒥᒋᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ᙮

ᐃᐱᓯᔭᓇ 1:18

ᐁ ᐅᔥᑭᔑᑯᒪᑲᒃ ᑭ ᓂᓯᑐᑕᒧᐎᓂᐗᐤ ᐁ ᐙᔅᑌᓂᑳᑌᒃ; ᑭᒋ ᑭᔅᑫᓕᑕᒣᒃ ᑫᒀᓐ ᑳ ᐊᐯᓕᒧᓈᓂᐗᒃ ᐁ ᓇᑐᑫᑦ, ᓀᔥᑕ ᐁ ᐃᔑ ᐌᓗᒋ ᑭᔅᑌᓕᑖᑾᓂᓕᒃ ᐅ ᑎᐱᓚᐌᐎᓯᐎᓐ ᑫ ᐋᔮᓕᒋ ᐅᐸᓓᑭᓴ;

ᐃᐱᓯᔭᓇ 1:7

ᐊᓇ ᑳ ᐅᒋ ᐋᔮᔭᒃ ᐱᒫᒋᐃᑯᓯᐎᓐ ᐅᒥᑯ ᐅᒋ, ᐁ ᐌᐯᓕᒋᑳᑌᑭ ᒪᒋᑣᐎᓇ, ᐁ ᐃᔑ ᐌᓗᑕᓂᓕᒃ ᐅ ᔕᐌᓕᒋᑫᐎᓐ;

ᐃᐱᓯᔭᓇ 2:8

ᐌᓴ ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ ᑖᐺᔦᓕᑕᒧᐎᓐ ᐅᒋ; ᓇᒪᐎᓚ ᒫᑲ ᑭᓚᐗᐤ ᑎᐱᓚᐌ ᐅᒋ; ᐁᐗᑯ ᑭᒋᒪᓂᑐ ᐅ ᒥᓕᐌᐎᓐ:

ᐃᐱᓯᔭᓇ 4:18

ᐁ ᑎᐱᔅᑭᓯᒪᑲᓂᓕᒃ ᐅ ᓂᓯᑐᑕᒧᐎᓂᐗᐤ, ᐁᑳ ᐁ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅᑦ ᐃᔑᐱᒫᑎᓯᐎᓂᓕᐤ ᑲᑫᐹᑎᓯᐎᓂᓕᐤ ᐅᒋ ᑳ ᐱᒋᔅᑳᑯᒋᒃ, ᐁ ᒪᔥᑲᐎᑌᐁᒋᒃ:

ᐃᐱᓯᔭᓇ 5:11

ᐁᑳᐎᓚ ᒫᑲ ᐎᒉᐙᑲᓂᑕᒪᒃ ᐊᓂᐃ ᐁᑳ ᑳ ᒥᓂᔑᐗᑭ ᐗᓂᑎᐱᔅᑭᓯᐎ ᐊᑑᔅᑫᐎᓇ, ᒫᑲ ᐊᐙᓯᑌ ᑭᑐᑕᒧᒃ᙮

ᐃᐱᓯᔭᓇ 5:14

ᐁᐗᑯ ᐌᒋ ᐃᑗᑦ, ᑯᔅᑯᓯ, ᑭᓚ ᑳ ᓂᐹᔭᓐ, ᐗᓂᔥᑳ ᐅᓂᐱᐗ ᐅᒋ, ᙭ ᒫᑲ ᑭ ᑳ ᒥᓕᒃ ᐙᔅᑌᐎᓂᓕᐤ᙮

ᐃᐱᓯᔭᓇ 5:8

ᐌᓴ ᐌᔅᑲᒡ ᑭ ᑮ ᐗᓂᑎᐱᔅᑭᓯᓇᐗᐤ, ᐊᓄᒡ ᒫᑲ ᑭ ᐙᔅᑌᐎᓇᐗᐤ ᐅᑎᐯᓕᒋᑫᒃ: ᐱᒧᑌᒃ ᑖᐱᔅᑯᒡ ᐙᔅᑌᐎᓂ ᐊᐙᔑᔕᒃ᙮

ᐃᐱᓯᔭᓇ 6:12

ᐌᓴ ᓇᒪᐎᓚ ᑭ ᒫᔑᑖᓈᓇᐤ ᐎᔮᔅ ᓀᔥᑕ ᒥᑯ, ᒫᑲ ᑎᐯᓕᒋᑫᐎᓇ, ᓀᔥᑕ ᓱᑳᑎᓯᐎᓇ, ᐊᓂᑭ ᓀᔥᑕ ᑳ ᑎᐯᓕᑕᑭᒃ ᐗᓂᑎᐱᔅᑭᓯᐎᓂᓕᐤ ᐅᑕ ᐊᔅᑮᒃ, ᐊᒑᑯᐎ ᒪᒋᑣᐎᓐ ᐃᑕ ᐁ ᐃᔅᐯᓕᑖᑾᒃ᙮

ᓂᔓ ᑎᒧᑎ 2:26

ᑭᒋ ᑯᔅᑯᓯᒋᒃ ᓀᔥᑕ ᒪᒋᒪᓂᑐᐗ ᐅ ᓇᒀᑲᓂᓕᒃ ᐅᒋ, ᐊᓂᑭ ᐅᑦ ᐃᑌᓕᑕᒧᐎᓂᓕᒃ ᑳ ᐊᐗᑳᑎᑯᒋᒃ᙮

ᐦᐃᑉᕉᐗ 10:10

ᐊᓂᒪ ᐃᑌᓕᑕᒧᐎᓂᒃ ᑭ ᐸᓓᑭᐃᑲᐎᓈᓇᐤ, ᐁ ᑮ ᐸᑭᑎᓂᑳᑌᓕᒃ ᒋᓴᔅ ᙭ ᐎᔭᐤ ᐯᔭᑾᐤ ᐱᑯ ᐁ ᑌᐱᐸᓕᓕᒃ᙮

ᐦᐃᑉᕉᐗ 10:14

ᐌᓴ ᐯᔭᒃ ᐸᑭᑎᓂᑫᐎᓂᓕᐤ ᑮ ᐅᒋ ᒥᑐᓂᐎᐁᐤ ᐊᓂᐃ ᑳ ᐸᓓᑭᐋᑲᓂᐎᓕᒋ᙮

ᐦᐃᑉᕉᐗ 11:6

ᐁᑳ ᒫᑲ ᐁ ᐃᑕᑾᒃ ᑖᐺᔦᓕᑐᒧᐎᓐ ᓇᒪᐎᓚ ᑲᑕ ᑮ ᐃᑭᓐ ᑭᒋ ᓇᐃᓚᐌᐋᑲᓂᐎᑦ ᑭᒋᒪᓂᑐ: ᐌᓴ ᐊᓇ ᑳ ᐯᒋ ᓈᑖᑦ ᑭᒋᒪᓂᑐᐗ ᑲᑕ ᑖᐺᑕᒻ ᐁ ᐃᑖᓕᒋ, ᓀᔥᑕ ᐁ ᑎᐸᐊᒪᐙᓕᒋ ᐊᓂᐃ ᓱᑲ ᑳ ᓈᓇᑕᐌᓕᒥᑯᓕᒋ᙮

ᐦᐃᑉᕉᐗ 9:15

ᐁᐗᑯ ᐅᒋ ᐎᓚ ᐁᐗᒀᓇ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓂᐱᐎᓂᓕᐤ ᐁ ᐅᒋ ᑎᐸᐊᒃ ᐊᓂᐃ ᐗᓂᑐᑕᒧᐎᓇ ᑳ ᑮ ᑐᒋᑳᑌᑭ ᒣᒀᒡ ᓃᔥᑕᒻ ᓇᔅᑯᒥᑐᐎᓐ ᑳ ᑮ ᐃᑕᑾᒃ, ᐊᓂᑭ ᑳ ᓇᑐᒫᑲᓂᐎᒋᒃ ᑭᒋ ᐋᔭᒋᒃ ᐊᔓᑕᒫᑫᐎᓂᓕᐤ ᑭᒋ ᐋᔮᒋᒃ ᐊᓂᐁᓕᐤ ᑳᑭᑫ ᑎᐯᓕᒋᑲᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᓂᔥᑕᒻ ᐱᑕᕐ 1:4

ᑭᒋ ᐅ ᑎᐯᓕᒋᑲᓂᔭᒃ ᐁᑳ ᑫ ᓂᔑᐗᓈᑕᒃ, ᐁᑳ ᑳ ᐎᓕᐹᒃ, ᐁᑳ ᓀᔥᑕ ᑳ ᐊᑎ ᐌᐱᐸᓕᒃ, ᐁ ᐊᔅᑖᒫᑲᐎᔦᒃ ᑭᒋᑭᔑᑯᒃ,

ᓂᔥᑕᒻ ᐱᑕᕐ 2:25

ᐌᓴ ᑭ ᑮ ᓇᔅᐱᑕᐙᐗᐗᒃ ᒫᓂᔥᒑᓂᔕᒃ ᐁ ᐗᓂᔑᑭᒃ; ᒫᑲ ᐊᓄᒡ ᑮ ᑭᐌᑐᑕᐗᐗᐤ ᑭᑦ ᐊᒑᑯᐗᐗᒃ ᐅ ᒫᓂᔥᒑᓂᔑᐎᓕᓕᒥᐙᐗ ᓀᔥᑕ ᐅ ᑭᒋᐋᔭᒥᐁᐎᑭᒫᒥᐗᐗ᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᓂᔥᑕᒻ ᒑᓐ 1:9

ᑮᔥᐱᓐ ᐎᑕᒪᑴ ᑭ ᒪᒋᑐᑕᒧᐎᓂᓇᐗ, ᐎᓚ ᑖᐺᐎᐤ ᓀᔥᑕ ᒀᔭᔅᑭᑎᐤ ᑭᒋ ᐌᐯᓕᑕᒫᑕᒃ ᑭ ᒪᒋᑐᑕᒧᐎᓂᓇᐗ, ᓀᔥᑕ ᑭᒋ ᐹᔦᑭᐃᑕᒃ ᒥᓯᐌ ᒪᒑᑎᓯᐎᓂᒃ ᐅᒋ᙮

ᓂᔥᑕᒻ ᒑᓐ 2:12

ᑭ ᒪᓯᓇᐊᒫᑎᓇᐗᐤ ᐊᐱᔅᑕᐙᔑᔑᑐᒃ, ᐁ ᐌᐯᓕᒋᑳᑌᑭ ᑭ ᒪᒋᑐᑕᒧᐎᓂᐙᐗ ᐎᓚ ᐅᑦ ᐃᔑᓂᑳᓱᐎᓐ ᐅᒋ᙮

ᓂᔥᑕᒻ ᒑᓐ 3:8

ᐊᓇ ᑳ ᒪᒋᑐᑕᒃ ᒪᒋᒪᓂᑐᒃ ᐅᒋᐤ; ᐌᓴ ᒪᒋᒪᓂᑐ ᓃᔥᑕᒻ ᐅᒋ ᑮ ᐯᒋ ᒪᒋᑐᑕᒻ᙮ ᐁᐗᑯ ᐌᒋ ᑮ ᓄᑯᐋᑲᓂᐎᓕᒋ ᑭᒋᒪᓂᑐ ᐅᑯᓯᓴ, ᑭᒋ ᓂᔑᐗᓈᒋᑕᐙᓕᒋ ᒪᒋᒪᓂᑐᐗ ᐅᑦ ᐊᑑᔅᑫᐎᓂᓕᐗ᙮

ᓂᔥᑕᒻ ᒑᓐ 5:19

ᑭ ᑭᔅᑫᓕᑌᓈᓇᐤ ᒫᑲ ᐁ ᑎᐯᓕᒥᑕᒃ ᑭᒋᒪᓂᑐ, ᓀᔥᑕ ᒥᓯᐌ ᐊᔅᑭ ᐁ ᐱᒥᑎᒃ ᒪᒑᑎᓯᐎᓂᒃ᙮

ᒎᑦ 1:1

ᒎᑦ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᓀᔥᑕ ᐎᒋᔖᓇ ᒉᒻᔅ, ᐁ ᒪᓯᓇᐊᒪᐙᑦ ᐊᓂᐃ ᑳ ᐸᓓᑭᐃᑯᓕᒋ ᑭᒋᒪᓂᑐᐗ ᐌᐅᑕᐎᒪᐎᓕᒋ, ᓀᔥᑕ ᑳ ᑲᓇᐌᓕᒫᑲᓂᐎᓕᒋ ᒋᓴᔅ ᙭ᑎᒃ, ᓀᔥᑕ ᑳ ᓇᑐᒫᑲᓂᐎᓕᒋ᙮

ᑭᔅᑫᓕᑖᑯᑖᑫᐎᓐ 21:27

ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮