ᐊᐸᔅᑕᓚᒃ 24:14 - ᐅᔅᑭ ᑎᔅᑌᒥᓐᑦ

¹⁴ ᒫᑲ ᐅᒪ ᑭ ᐙᐎᑕᒫᑌᓐ, ᐊᓂᒪ ᐃᔑ ᐎᓚᐗᐤ ᓇᔅᐹᒡ ᐋᔭᒥᐋᐎᓐ ᑳ ᐃᔑᓂᑳᑕᑭᒃ, ᐁᑯ ᐁ ᐃᔑ ᓇᐗᑮᔅᑕᐅᒪᒃ ᐅ ᑭᒋᒪᓂᑐᒥᐙᐗ ᓄᑖᐎᔭᒃ, ᐁ ᑖᐺᑕᒫᓐ ᒥᓯᐌ ᑫᒀᓇ ᑳ ᒪᓯᓇᐃᑳᑌᑭ ᐅᓚᔓᐌᐎᓂᒃ ᓀᔥᑕ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ:

ᐊᐸᔅᑕᓚᒃ 24:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:32

ᐊᐌᓇ ᒫᑲ ᑫ ᑎᐹᒋᒥᑴ ᐃᑕ ᐁ ᐃᑖᓕᒋ ᐃᓕᓕᐗ, ᐁᐗᒀᓇ ᓀᔥᑕ ᑫ ᑎᐹᒋᒪᒃ ᐅᑎᔥᑲᐤ ᓄᑖᐎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒫᑎᐤ 22:40

ᐅᑕ ᐅᐅ ᓂᔓ ᑲᑫᔅᑴᐎᓇ ᐊᑯᑌᐗ ᒥᓯᐌ ᐅᓚᔓᐌᐎᓐ ᓀᔥᑕ ᑳ ᐃᑗᒋᒃ ᐅᑭᔅᑭᐙᐃᑫᐗᒃ᙮

ᐅᐸᓓᑭᔅ ᒫᑎᐤ 7:12

ᐁᐗᑯ ᐅᒋ ᒫᑲ ᒥᓯᐌ ᑫᒀᓇ ᐁ ᐃᔑ ᓇᑕᐌᓕᒣᑾᒃ ᐃᓕᓕᐗᒃ ᑭᒋ ᑐᑕᑖᑾᒃ, ᐁᑯ ᓀᔥᑕ ᑐᑖᑯᒃ: ᐌᓴ ᐁᐗᑯ ᐅᒪ ᐅᓚᔓᐌᐎᓐ ᓀᔥᑕ ᑳ ᐯᒋ ᐃᑗᒋᒃ ᐅᑭᔅᑭᐙᐃᑫᐗᒃ᙮

ᐅᐸᓓᑭᔅ ᓘᒃ 1:70

ᒬᒋ ᑳ ᑮ ᐃᑗᑦ ᐅ ᑐᓂᓕᒃ ᐅᒋ ᐅ ᐸᓓᑭ ᑭᔅᑭᐙᐃᑫᒪ ᑳ ᑮ ᐃᑖᓕᒋ ᐊᔅᐱᓐ ᑳ ᐯᒋ ᐊᔅᑭᐗᒃ;

ᐅᐸᓓᑭᔅ ᓘᒃ 16:16

ᐅᓚᔓᐌᐎᓐ ᓀᔥᑕ ᐅᑭᔅᑭᐙᐃᑫᐗᒃ ᑮ ᐃᑖᐗᒃ ᐱᓕᔥ ᒑᓐ: ᐊᔅᐱᓐ ᐁᑯᔅᐱ ᒫᑲ ᑭᒋᒪᓂᑐ ᐅᑦ ᐅᑭᒫᐎᐎᓐ ᐙᐎᒋᑳᑌᓕᐤ, ᒥᓯᐌ ᑕᑐ ᐊᐌᓇ ᒫᑲ ᐎᑳ ᑲᑴ ᐱᑐᑫᐤ᙮

ᐅᐸᓓᑭᔅ ᓘᒃ 16:29

ᐁᑉᕃᐋᒻ ᐃᑌᐤ, ᐋᔭᐌᐗᒃ ᒧᓯᓴ ᓀᔥᑕ ᐅᑭᔅᑭᐙᐃᑴᐊ: ᑳᔮᒻ ᐊᓂᐃ ᑲᑕ ᓇᑐᑕᐌᐗᒃ᙮

ᐅᐸᓓᑭᔅ ᓘᒃ 24:27

ᐁ ᑭᑐᐌᑦ ᒫᑲ ᒧᓯᔅ ᐅᒋ, ᓀᔥᑕ ᒥᓯᐌ ᐅᑭᔅᑭᐙᐃᑫᐗᒃ, ᑮ ᑭᔅᑫᓕᑕᒥᐁᐤ ᒥᓯᐌ ᑭᒋ ᒪᓯᓇᐃᑫᐎᓂᒃ ᐊᓂᐃ ᑫᒀᓇ ᑳ ᐃᔑ ᐃᑖᒋᒫᑲᓂᐎᑦ᙮

ᐅᐸᓓᑭᔅ ᓘᒃ 24:44

ᑮ ᐃᑌᐤ ᒫᑲ, ᐅᐅ ᐁᐗᒀᓂᐃ ᐋᔭᒥᐎᓇ ᑳ ᐃᑎᑖᑾᒃ ᒣᒀᒡ ᑫᔮᐸᒡ ᐁ ᐎᒉᐎᑕᑾᒃ, ᒥᓯᐌ ᑫᒀᓇ ᑭᒋ ᑎᐱᐸᓕᑭ ᑳ ᒪᓯᓇᐃᑳᑌᑭ ᒧᓯᔅ ᐅᑦ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗᐤ ᐅ ᒪᓯᓇᐃᑲᓂᐗᒃ, ᓀᔥᑕ ᓂᑲᒧᐎᓂ ᒪᓯᓇᐃᑲᓂᒃ ᓂᓚ ᐁ ᐋᔨᑖᒋᒥᑲᐎᔮᓐ᙮

ᐅᐸᓓᑭᔅ ᒑᓐ 1:45

ᐱᓕᑉ ᒥᔅᑲᐌᐤ ᓇᑕᓂᔭᓚ, ᓀᔥᑕ ᐃᑌᐤ, ᓂ ᑮ ᒥᔅᑲᐙᓈᓐ ᐊᓇ ᑳ ᐋᓕᒧᒥᑯᑦ ᒧᓯᓴ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗ, ᒋᓴᔅ ᓈᓴᕋᑎᒃ ᑳ ᐅᒌᑦ, ᒍᓯᑉ ᐅᑯᓯᓴ᙮

ᐊᐸᔅᑕᓚᒃ 10:43

ᐎᓚ ᑎᐹᒋᒥᑯ ᒥᓯᐌ ᐅᑭᔅᑭᐗᐃᑫᐗ, ᐎᓚ ᐅᑦ ᐃᔑᓂᑳᓱᐎᓐ ᐅᒋ ᐱᑯ ᐊᐌᓇ ᑫ ᑖᐺᔦᓕᒫᑴ ᑲᑕ ᒥᓛᑲᓂᐎᐤ ᐊᔐᓇᒫᑫᐎᓐ ᒪᒋᑣᐎᓇ ᐅᒋ᙮

ᐊᐸᔅᑕᓚᒃ 13:15

ᐃᔅᐱ ᒫᑲ ᑳ ᐳᓂ ᐋᔭᒥᑖᓂᐗᒃ ᐅᓚᔓᐌᐎᓐ ᓀᔥᑕ ᐅᑭᔅᑭᐗᐃᑫᐗ, ᐊᓂᑭ ᑳ ᑎᐯᓕᑕᑭᒃ ᐋᔭᒥᐁᐎᑲᒥᑯᓕᐤ ᑮ ᐃᔑᑎᔕᐊᒪᐌᐗᒃ, ᐁ ᐃᑖᒋᒃ, ᑭᓚᐗᐤ ᐃᓕᓕᑐᒃ ᓀᔥᑕ ᓂᒋᔖᓂᓈᓇᒃ, ᑮᔥᐱᓐ ᐊᔮᔦᒃ ᑲᑫᔅᑭᒥᐌᐎ ᐋᔭᒥᐎᓐ ᐃᓕᓕᐗᒃ ᑭᒋ ᐃᑌᑾᒃ, ᐁᑯᔑ ᐃᑗᒃ᙮

ᐊᐸᔅᑕᓚᒃ 15:5

ᒫᑲ ᑮ ᐸᓯᑯᐗᒃ ᐋᑎᑦ ᑳ ᐎᒉᐗᒋᒃ ᐹᕋᓯᔭ ᑳ ᑖᐺᑕᑭᒃ, ᐁ ᐃᑗᒋᒃ, ᐁ ᓇᑕᐌᓕᑖᑾᒃ ᑭᒋ ᑭᔅᑭᓄᐗᒋᔣᑲᓂᐎᒋᒃ, ᓀᔥᑕ ᑭᒋ ᐃᑕᔓᐙᑎᒋᒃ ᑭᒋ ᑲᓇᐌᓕᑕᒸᒋᒃ ᒧᓯᔅ ᐅᑦ ᐅᓚᔓᐌᐎᓂᓕᐤ᙮

ᐊᐸᔅᑕᓚᒃ 19:23

ᐁᑯᔅᐱ ᒫᑲ ᒣᒀᒡ ᓈᔅᐱᒡ ᑮ ᒫᒋ ᐋᔑᑌᒥᑐᓈᓂᐗᓐ ᐊᓂᒪ ᐃᔑᑣᐎᓐ ᐅᒋ᙮

ᐊᐸᔅᑕᓚᒃ 19:9

ᒫᑲ ᐃᔅᐱ ᐊᑎᑦ ᑳ ᒫᔥᑳᐎᑌᐁᒋᒃ ᓀᔥᑕ ᐁᑳ ᑳ ᑖᐺᑕᑭᒃ, ᒫᑲ ᑳ ᒪᒋ ᐊᓕᒧᑕᑭᒃ ᐅᒣᓕᐤ ᐃᔑᑣᐎᓂᓕᐤ ᐅᑎᔥᑲᐤ ᑳ ᒥᒉᑎᓕᒋ ᐃᓕᓕᐗ, ᑮ ᓇᑲᑌᐤ, ᓀᔥᑕ ᑮ ᐸᑳᓂᐁᐤ ᐊᓂᐃ ᑭᔅᑭᓄᐊᒪᐗᑲᓇ, ᐁ ᑭᔅᑭᓄᐊᒫᑫᑦ ᑕᑡᐤ ᐁ ᑭᔑᑳᓕᒃ ᐅ ᑭᔅᑭᓄᐊᒫᑫᐎᑳᒥᑯᓕᒃ ᑕᐃᕋᓇᓴ᙮

ᐊᐸᔅᑕᓚᒃ 22:14

ᑮ ᐃᑗᐤ ᒫᑲ, ᐊᓇ ᐅ ᑭᒋᒪᓂᑐᒥᐙᐗ ᑯᑖᐎᓈᐗᒃ ᑭ ᑮ ᐙᐌᓛᐸᒥᒃ, ᑭᒋ ᑭᔅᑫᓕᑕᒶᑦ ᐅᑦ ᐃᑌᓕᑕᒧᐎᓐ, ᓀᔥᑕ ᑭᒋ ᐙᐸᒪᑦ ᐊᓇ ᐅᒀᔭᔅᑭᑎᐤ, ᓀᔥᑕ ᑭᒋ ᐯᑕᒶᑦ ᐅ ᐯᑖᑯᓯᐎᓐ ᐅᑐᓂᒃ᙮

ᐊᐸᔅᑕᓚᒃ 24:22

ᐃᔅᐱ ᒫᑲ ᐱᓕᒃᔅ ᐱᐁᑕᒃ ᐅᐅ ᑫᒀᓇ, ᐊᐙᓯᑌ ᒀᔭᔉ ᐁ ᑭᔅᑫᓕᑕᒃ ᐊᓂᒣᓕᐤ, ᑮ ᑭᐱᒋᐁᐤ, ᑮ ᐃᑗᐤ ᒫᑲ, ᐃᔅᐱ ᓂᓯᔭᔅ ᑭᒋ ᓇᑐᐸᓕᐎᑭᒪᐤ ᑕᑯᔑᑫ, ᒥᑐᓂ ᓂ ᑳ ᑭᔅᑫᓕᑌᓐ ᒬᒋ ᐁ ᐃᑎᔭᓐ᙮

ᐊᐸᔅᑕᓚᒃ 24:5

ᐌᓴ ᓂ ᑮ ᒥᔅᑲᐙᓈᓐ ᐊᐗ ᐃᓕᓕᐤ ᐁ ᒪᒋ ᐃᓕᓕᐎᑦ, ᓀᔥᑕ ᐁ ᔑᑭᒥᐌᑦ ᒫᓓᓕᒋᑫᐎᓂᓕᐤ ᒥᓯᐌ ᐃᑕ ᐁ ᐃᑖᓕᒋ ᒎᐗ ᒥᓯᐌ ᐊᔅᑮᒃ, ᓀᔥᑕ ᑳ ᓂᑳᓄᑕᐙᑦ ᐊᓂᐃ ᓈᓴᕆᓇ:

ᐊᐸᔅᑕᓚᒃ 25:8

ᒣᒀᒡ ᒫᑲ ᑳ ᓇᔥᑴᐗᔑᑕᒫᓱᑦ, ᓇᒪᐎᓚ ᐅᑦ ᐅᓚᔓᐌᐎᓂᐗᐤ ᒎᐗᒃ, ᓇᒪ ᓀᔥᑕ ᑭᒋᐋᔭᒥᐁᐎᑲᒥᒃ, ᓇᒪ ᓀᔥᑕ ᓯᓴᕐ ᐅᒋ, ᐙᔦᔥ ᓂ ᑮ ᐙᓂᑐᑌᓐ᙮

ᐊᐸᔅᑕᓚᒃ 26:22

ᐁ ᑮ ᐎᒋᐃᑦ ᒫᑲ ᑭᒋᒪᓂᑐ, ᐱᓕᔥ ᐊᓄᒡ ᐁ ᑭᔑᑳᒃ ᓂᑦ ᐃᑎᓐ, ᐁ ᑎᐹᒋᒧᔅᑕᐗᑭᒃ ᑳ ᐋᐱᔅᑌᓕᑖᑯᓯᒋᒃ ᓀᔥᑕ ᑳ ᑭᔅᑌᓕᑖᑯᓯᒋᒃ, ᐁᑳ ᐱᑐᔥ ᑫᒀᓐ ᐁ ᐃᑗᔮᓐ ᐱᑯ ᐊᓂᐃ ᑳ ᑮ ᐃᑗᒋᒃ ᐅᑭᔅᑭᐙᐃᑫᐗᒃ ᓀᔥᑕ ᒧᓯᔅ ᑭᒋ ᐅᑎᒋᐸᓕᑭ:

ᐊᐸᔅᑕᓚᒃ 26:27

ᑭᒋᐅᑭᒪᐤ ᐋᒃᕆᐸ, ᑭ ᑖᐺᑕᐙᐗᒃ ᓈ ᐅᑭᔅᑭᐙᐃᑫᐗᒃ? ᓂ ᑭᔅᑫᓕᑌᓐ ᐁ ᑖᐺᑕᒪᓐ᙮

ᐊᐸᔅᑕᓚᒃ 26:4

ᓂᑦ ᐃᔑ ᐱᒫᑎᓯᐎᓐ ᐊᔅᐱᓐ ᑳ ᐯᒋ ᐅᔥᑭᓂᑭᔮᓐ ᒣᒀᒡ ᓃᔥᑕᒻ ᑳ ᐎᒉᐗᑭᒃ ᓂ ᐎᑕᔅᑭᒫᑲᓇᒃ ᒋᕉᓴᓚᒥᒃ, ᑭᔅᑫᓕᑕᒶᒃ ᒥᓯᐌ ᒎᐗᒃ;

ᐊᐸᔅᑕᓚᒃ 26:6

ᐊᓄᒡ ᒫᑲ ᓂ ᓂᐹᐎᓐ ᓀᔥᑕ ᓂᑦ ᐅᒋ ᑎᐹᔅᑯᓂᑳᐎᓐ ᐁ ᐊᔅᐯᓕᒧᑐᑕᒫᓐ ᐊᓂᒪ ᐊᔓᑕᒫᑫᐎᓐ ᑭᒋᒪᓂᑐ ᑳ ᑮ ᐊᔓᑕᒪᐙᑦ ᑯᑖᐎᓇᐗ:

ᐊᐸᔅᑕᓚᒃ 28:22

ᒫᑲ ᓂ ᓇᑕᐌᓕᑌᓈᓐ ᑭᒋ ᐯᑖᑖᒃ ᑖᓂ ᐁᑌᓕᑕᒪᓐ: ᐌᓴ ᐅᒪ ᐋᔭᒥᐋᐎᓐ ᐁ ᐋᓕᒧᒋᑳᑌᒃ, ᓂ ᑭᔅᑫᓕᑌᓈᓐ ᒥᓯᐌ ᐃᑕ ᐁ ᒪᒋ ᐋᓕᒧᒋᑳᑌᒃ᙮

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᐊᐸᔅᑕᓚᒃ 3:13

ᐅ ᑭᒋᒪᓂᑐᒪ ᐃᑉᕃᐊᒻ, ᐋᐃᓴᒃ, ᓀᔥᑕ ᒉᑲᑉ, ᐅ ᑭᒋᒪᓂᑐᒥᐗᐗ ᑯᑖᐎᓇᐗᒃ, ᑮ ᑭᔅᑌᓕᑖᑯᐁᐤ ᐅᑯᓯᓴ ᒋᓴᓴ: ᐊᓇ ᑳ ᑮ ᐙᔦᔑᐸᑭᑎᓀᒃ, ᓀᔥᑕ ᑳ ᑮ ᐋᓉᑕᐌᒃ ᐁ ᐅᑎᔥᑲᐎᑳᐸᐎᔅᑕᐌᒃ ᐹᐃᓚᑦ, ᐃᔅᐱ ᑳ ᑫᔅᑎᓈᑌᓕᑕᒃ ᑭᒋ ᐸᑭᑎᓈᑦ᙮

ᐊᐸᔅᑕᓚᒃ 5:30

ᐅ ᑭᒋᒪᓂᑐᒥᐗᐗ ᐊᓂᑭ ᑯᑖᐎᓇᐗᒃ ᑮ ᐗᓂᔥᑳᓀᐤ ᒋᓴᓴ, ᑳ ᑮ ᓂᐸᐁᒃ ᓀᔥᑕ ᒥᔅᑎᑯᒃ ᑳ ᑮ ᐊᑰᓓᒃ᙮

ᐊᐸᔅᑕᓚᒃ 7:32

ᐁ ᐃᑗᑦ, ᓂᓚ ᐁᐗᑯ ᐅ ᑭᒋᒪᓂᑐᒥᐗᐗ ᑯᑖᐎᔭᒃ, ᐅ ᑭᒋᒪᓂᑐᒪ ᐁᑉᕃᐊᒻ, ᐅ ᑭᒋᒪᓂᑐᒪ ᐋᐃᓯᒃ ᒫᑲ, ᓀᔥᑕ ᐅ ᑭᒋᒪᓂᑐᒪ ᒉᑲᑉ᙮ ᐁᑯ ᒧᓯᔅ ᑳ ᓇᓂᑭᐸᓕᑦ, ᓇᒪᐎᓚ ᒫᑲ ᑮ ᑲᓇᐙᐱᐤ᙮

ᐊᐸᔅᑕᓚᒃ 9:2

ᓀᔥᑕ ᑮ ᓇᑐᑕᒪᐌᐤ ᒪᓯᓇᐊᒫᑐᐎᓇ ᐁ ᐎ ᐃᑐᑌᑦ ᑕᒫᔅᑲᓯᒃ ᐅᑦ ᐋᔭᒥᐁᐎᑲᒥᑯᐙᒃ ᑮᔥᐱᓐ ᑮ ᒥᔅᑲᐙᑦ ᐊᐌᓕᐗ ᐊᓂᒪ ᐁ ᐃᔑᑣᓕᒋ, ᑮᔥᐱᓐ ᓈᐯᐎᓕᒋ ᓀᔥᑕᐱᑯ ᐃᔅᑴᐎᓕᒋ, ᑭᒋ ᑮ ᐯᔑᐙᑦ ᐁ ᒫᒫᒋᑯᐱᓱᓕᒋ ᐊᓐᑕ ᒋᕉᓴᓚᒥᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:9

ᐌᓴ ᑭᒋᒪᓂᑐ ᓂ ᑭᔅᑫᓕᒥᒃ, ᐊᓇ ᓂᑦ ᐊᒐᑯᒃ ᑳ ᐅᒋ ᐊᑖᔅᑲᐗᒃ ᐅ ᒥᓗᐋᒋᒧᐎᓂᓕᒃ ᐅᑯᓯᓴ, ᐁᑳ ᐁ ᐳᓂᔮᓐ ᒧᔕᒃ ᐁ ᐋᔭᒥᐁᔅᑕᒫᑕᑾᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:21

ᐊᓄᒡ ᐁᑯ ᐅ ᒀᔭᔅᑭᑖᑎᓯᐎᓐ ᑭᒋᒪᓂᑐ ᑭᔅᑫᓕᑖᑾᓂᓕᐤ ᐅᓚᔓᐌᐎᓐ ᐁᑳ ᐁ ᐃᑕᑾᒃ ᐁ ᐃᑖᒋᒧᒥᑲᒃ ᐅᓚᔓᐌᐎᓐ ᓀᔥᑕ ᐅᑭᔅᑭᐙᐃᑫᐗᒃ;

ᓂᔥᑕᒻ ᑯᕆᓐᑎᐊᓇ 11:19

ᐌᓴ ᓇᓈᓂᔑᐃᓱᐎᓇ ᐅᒋᑕᐤ ᑲᑕ ᐃᑕᑾᓋ ᐃᑕ ᐁ ᐃᑖᔦᒃ, ᐊᓂᑭ ᑳ ᓇᐁᓕᑖᑯᓯᒋᒃ ᑭᒋ ᑭᔅᑫᓕᑖᑯᓯᒋᒃ ᐃᑕ ᐁ ᐃᑖᔦᒃ᙮

ᑲᓓᔕᐊᓇ 5:20

ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ, ᑯᓵᐱᒋᑫᐎᓐ, ᐸᒀᔑᐌᐎᓐ, ᑭᑳᒥᑐᐎᓐ, ᑲᑴᓕᑕᒧᐎᓇ, ᐋᑯᓚᐌᓯᐎᓐ, ᒀᓗᑕᑐᐎᓐ, ᐸᑳᓂᐃᓱᐎᓇ, ᓇᓈᓂᔑᐃᓱᐎᓇ,

ᓂᔓ ᑎᒧᑎ 1:3

ᓂ ᓇᓈᔅᑯᒪᐤ ᑭᒋᒪᓂᑐ, ᑳ ᐊᑐᔅᑫᔅᑕᐗᒃ ᓂ ᑳᔮᔑ ᓄᑖᐎᔭᒃ ᐅᒋ, ᐸᓓᑭ ᒥᑐᓀᓕᒋᑲᓂᒃ, ᐁᑳ ᐁ ᐳᓂᔮᓐ, ᐁ ᑭᔅᑭᓯᑐᑖᑖᓐ ᓂᑦ ᐋᔭᒥᐋᐎᓂᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ;

ᑕᐃᑕᔅ 3:10

ᐃᓕᓕᐤ ᑳ ᐋᓉᑕᒧᔅᑭᑦ, ᐯᔭᑾᐤ ᓀᔥᑕ ᓂᔡᐤ ᑮ ᓇᑭᒪᑌ, ᑭ ᑳ ᐌᐱᓇᐤ;

ᓂᔥᑕᒻ ᐱᑕᕐ 1:11

ᐁ ᓈᓇᑕᐌᓕᑕᑭᒃ ᑫᒀᓐ, ᓀᔥᑕᐱᑯ ᑫᑯ ᐁ ᐃᔑᑭᔑᑳᑭ, ᐅᑦ ᐊᒑᑾ ᙭ ᑳ ᑮ ᐱᒋᔅᑳᑯᓕᒋ ᑫ ᐋᒋᒧᓕᒋ, ᐃᔅᐱ ᓂᑳᓐ ᑳ ᑮ ᐋᓕᒧᑕᒥᓕᑭ ᑫ ᐃᔑ ᐙᐎᓴᑫᓕᑕᒥᓕᔅᐸᓐ ᙭ᑕ, ᓀᔥᑕ ᐊᓂᐁᓕᐤ ᑭᔅᑌᓕᑖᑯᓯᐎᓂᓕᐤ ᑫ ᐹᐸᓕᓕᑭᐸᓐ᙮

ᑭᔅᑫᓕᑖᑯᑖᑫᐎᓐ 19:10

ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮