ᐊᐸᔅᑕᓚᒃ 23:1 - ᐅᔅᑭ ᑎᔅᑌᒥᓐᑦ

¹ ᐹᓪ ᒫᑲ, ᐁ ᐊᔑᑳᐸᒫᑦ ᑳ ᒪᐗᒋᐃᑐᓕᑭ, ᑮ ᐃᑗᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂ ᑮ ᐱᒫᑎᓰᔅᑕᐗᐤ ᑭᒋᒪᓂᑐ ᒥᑐᓂ ᒥᓗ ᒥᑐᓀᓕᒋᑲᓂᒃ ᐱᓕᔥ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 23:1 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 5:22

ᒫᑲ ᓂᓚ ᑭᑦ ᐃᑎᓇᐗᐤ, ᐊᐌᓇ ᔐᔥᒀᑦ ᑫ ᑭᓯᐙᓰᔅᑕᐙᑴ ᐎᒋᔕᓇ, ᑲᑕ ᓈᓂᓵᓂᓯᐤ ᑭᒋ ᑎᐹᔅᑯᓈᑲᓂᐎᑦ: ᐊᐌᓇ ᒫᑲ ᑫ ᐊᑖᑴ ᐎᒋᔖᓇ, ᕃᑲ, ᑲᑕ ᓈᓂᓵᓂᓯᐤ ᑭᒋ ᐃᑐᑕᐋᑲᓂᐎᑦ ᐁᑖᔅᑕᒪᐱᓕᒋ ᐅᑎᐹᔅᑯᓂᑫᐗ: ᒫᑲ ᐊᐌᓇ ᑫ ᐃᑖᑴ, ᑭᓚ ᑭᔥᑴᑳᓐ, ᑲᑕ ᓈᓂᓵᓂᓯᐤ ᑭᒋ ᐌᐱᓇᑲᓂᐎᑦ ᒪᒋᐃᔥᑯᑌᒃ᙮

ᐊᐸᔅᑕᓚᒃ 22:1

ᐃᓕᓕᑐᒃ, ᓂᒋᔖᓂᑐᒃ, ᓀᔥᑕ ᐅᑖᐎᒫᑐᒃ, ᓇᑐᑕᒧᒃ, ᓂᑦ ᐋᔭᒥᔅᑕᒫᓱᐎᓐ, ᐊᓄᒡ ᑫ ᐋᔭᒥᐃᑕᑾᒃ᙮

ᐊᐸᔅᑕᓚᒃ 22:30

ᐎᐋᐸᒃ, ᑭᒋ ᑫᒋᓈᔦᓕᑕᒃ ᐊᓂᐃ ᑫᒀᓇ ᑳ ᐅᒋ ᒫᒥᔑᒥᑯᓕᑭ ᒎᐗ, ᑮ ᐋᐸᐌᐤ ᐅ ᒫᒫᒋᑯᐱᓱᐎᓂᓕᒃ ᐅᒋ, ᓀᔥᑕ ᑮ ᐃᑕᔓᐌᐤ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᒥᓯᐌ ᐁ ᐃᑕᓯᓕᒋ ᐅᑲᑫᔅᑭᒥᐌᐗ ᑭᒋ ᐯᒋ ᐃᑐᑌᓕᒋ, ᑮ ᐯᔑᐌᐤ ᒫᑲ ᐹᓚ, ᓀᔥᑕ ᑮ ᐃᑕᓓᐤ ᐁ ᑖᔅᑕᒪᐱᓕᒋ᙮

ᐊᐸᔅᑕᓚᒃ 22:5

ᑖᐱᔅᑯᒡ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᓂᑦ ᐃᑖᒋᒥᒃ, ᐊᓯᒋ ᓀᔥᑕ ᒥᓯᐌ ᐊᓂᑭ ᑳ ᓂᑳᓀᓕᑖᑯᓯᒋᒃ: ᐎᓚᐗᐤ ᓀᔥᑕ ᓂ ᑮ ᒥᓕᑾᒃ ᒪᓯᓇᐊᒫᑐᐎᓇ ᐁ ᐃᔑ ᒪᓯᓇᐊᒫᒋᒃ ᐊᓂᑭ ᑳ ᐎᒋᔖᓂᑐᒋᒃ, ᓀᔥᑕ ᐊᓐᑕ ᑕᒫᔅᑲᔅ ᓂ ᑮ ᐃᑐᑖᓐ, ᑭᒋ ᐯᔑᐗᑭᒃ ᐊᓂᑭ ᐁᑯᑕ ᑳ ᒫᒫᒋᑯᐱᓱᒋᒃ ᒋᕉᓴᓚᒥᒃ ᐃᔑ ᑭᒋ ᑲᒀᑕᑭᐋᑲᓂᐎᒋᒃ᙮

ᐊᐸᔅᑕᓚᒃ 23:15

ᐁᐗᑯ ᐅᒋ ᒫᑲ ᑭᓚᐗᐤ ᐊᓯᒋ ᐅᑲᑫᔅᑭᒥᐌᐗᒃ ᐎᑕᒫᒃ ᑭᒋ ᓇᑐᐸᓕᐎᑭᒪᐤ ᑭᒋ ᐯᑣᑎᑖᒃ ᐙᐸᑫ, ᒫᓇ ᐱᑯ ᐊᐙᓯᑌ ᑫᔮᐸᒡ ᐁ ᐎ ᑲᑴᒋ ᑭᔅᑫᓕᑕᒬᒃ ᐅᑦ ᐋᔨᑎᐎᓇ: ᓂᓚᓈᓐ ᒫᑲ, ᐎᔅᑳᑦ ᑭᔑᐙᒃ ᐯᒋ ᐃᑐᑌᑌ, ᓂᑦ ᐋᔦᔅᑳᐎᓯᓈᓐ ᑭᒋ ᓂᐸᐊᑭᑦ᙮

ᐊᐸᔅᑕᓚᒃ 23:20

ᑮ ᐃᑗᐤ ᒫᑲ, ᒎᐗᒃ ᑮ ᓇᔅᑯᒥᑐᐗᒃ ᑭᒋ ᐸᑯᓭᓕᒥᔅᑭᒃ ᑭᒋ ᐯᔑᐗᑦ ᐹᓪ ᐙᐸᑫ ᐃᑕ ᐁ ᐃᔑ ᒪᐗᒋᐃᑐᒋᒃ, ᒫᓇ ᐱᑯ ᐊᐙᓯᑌ ᑫᔮᐸᒡ ᑭᒋ ᑲᑴᒋ ᑭᔅᑫᓕᑕᒸᒋᒃ ᐅᑦ ᐋᔨᑎᐎᓂᓕᐗ᙮

ᐊᐸᔅᑕᓚᒃ 23:28

ᐃᔅᐱ ᒫᑲ ᐙ ᑭᔅᑫᓕᑕᒫᐸᓐ ᐊᓂᒪ ᑳ ᐅᒋ ᒪᒥᔑᒫᒋᒃ, ᓂ ᑮ ᐯᔑᐗᐤ ᐃᑕ ᐁ ᐃᔑ ᒪᐗᒋᐃᑐᓕᒋ:

ᐊᐸᔅᑕᓚᒃ 23:6

ᒫᑲ ᐃᔅᐱ ᐹᓪ ᐯᓯᔅᑫᓕᑕᒃ ᐋᑎᑦ ᐁ ᓵᑦᔪᓯᐎᓕᒋ, ᓀᔥᑕ ᑯᑕᑭᔭ ᐁ ᐹᕋᓯᐎᓕᒋ, ᑮ ᑌᐺᐤ ᐊᓐᑕ ᐁ ᐃᔑ ᒪᐗᒋᐃᑐᓕᒋ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂᓚ ᓂ ᐹᕋᓯᐎᓐ, ᐁ ᐅᑯᓯᓯᒥᑦ ᓀᔥᑕ ᐹᕋᓯ: ᐅᑦ ᐊᔅᐯᓕᒧᐎᓂᐗᐤ ᓀᔥᑕ ᐅ ᐗᓂᔥᑲᐎᓂᐗᐤ ᐊᓂᑭ ᑳ ᓂᐱᒋᒃ ᐅᒋ ᓂ ᑎᐹᔅᑯᓂᑳᐎᓐ᙮

ᐊᐸᔅᑕᓚᒃ 24:16

ᐅᑕ ᒫᑲ ᓂᑦ ᐅᒋ ᓈᑲᑕᐌᓕᒥᑎᓱᓐ ᒧᔕᒃ ᑭᒋ ᐅ ᒥᑐᓀᓕᒋᑲᓂᔮᓐ ᐁᑳ ᑭᒋ ᓈᔦᑕᐎᑐᑕᐗᒃ ᑭᒋᒪᓂᑐ, ᓀᔥᑕ ᐃᓕᓕᐗᒃ᙮

ᐊᐸᔅᑕᓚᒃ 6:15

ᒥᓯᐌ ᒫᑲ ᑳ ᐊᐱᒋᒃ ᐊᓐᑕ ᐅᓚᔓᐌᐎᑲᒥᑯᒃ, ᓲᑲ ᐁ ᑲᓇᐗᐸᒫᒋᒃ ᑮ ᐙᐸᑕᒬᐗᒃ ᐅᑖᔅᑕᒥᑯᓕᐤ ᐁ ᐃᔑᓈᑾᓂᓕᒃ ᑖᐱᔅᑯᒡ ᐁᓐᒐᓪ ᐅᑖᔅᑕᒥᒃ᙮

ᓂᔥᑕᒻ ᑯᕆᓐᑎᐊᓇ 4:4

ᐌᓴ ᓂᓚ ᑫᒋᐙᒃ ᓇᒪᐎᓚ ᑫᒀᓐ ᓂ ᑭᔅᑫᓕᑌᓐ; ᐁᓕᐌᒃ ᒫᑲ ᓇᒪᐎᓚ ᐅᒪ ᓂᑦ ᐅᒋ ᒀᔭᔅᑭᑖᑎᓯᐃᑲᐎᓐ: ᒫᑲ ᐊᓇ ᑳ ᑎᐹᔅᑯᓂᑦ ᐁᐗᒀᓇ ᐅᑎᐯᓕᒋᑫᐤ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᓂᔓ ᑎᒧᑎ 1:3

ᓂ ᓇᓈᔅᑯᒪᐤ ᑭᒋᒪᓂᑐ, ᑳ ᐊᑐᔅᑫᔅᑕᐗᒃ ᓂ ᑳᔮᔑ ᓄᑖᐎᔭᒃ ᐅᒋ, ᐸᓓᑭ ᒥᑐᓀᓕᒋᑲᓂᒃ, ᐁᑳ ᐁ ᐳᓂᔮᓐ, ᐁ ᑭᔅᑭᓯᑐᑖᑖᓐ ᓂᑦ ᐋᔭᒥᐋᐎᓂᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ;

ᐦᐃᑉᕉᐗ 13:18

ᐋᔭᒥᐁᔅᑕᒫᑯᒃ: ᐌᓴ ᓂ ᐸᑯᓯᓕᒧᓈᓐ ᐁ ᒥᓗ ᒥᑐᓀᓕᒋᑲᓂᔮᒃ, ᒥᓯᐌ ᐃᔑ ᐁ ᐃᑌᓕᒧᔮᒃ ᒀᔭᔉ ᑭᒋ ᐃᔑ ᐱᒫᑎᓯᔮᒃ᙮

ᓂᔥᑕᒻ ᐱᑕᕐ 3:16

ᐁ ᒥᓗ ᒥᑐᓀᓕᒋᑲᓂᔦᒃ; ᐁ ᒪᒋ ᐋᓕᒧᒥᑖᑾᒃ, ᑖᐱᔅᑰᒡ ᐅᒪᒋᑐᑕᒧᔅᑲᒃ, ᑭᒋ ᓇᓀᐯᐎᓯᒋᒃ ᐊᓂᑭ ᑳ ᑭᓛᔅᑭᐎ ᒪᒥᔑᑐᑕᑭᒃ ᑭ ᒥᓗ ᐃᔑᐱᒫᑎᓯᐎᓂᐗᐤ ᙭ᑎᒃ᙮