ᐊᐸᔅᑕᓚᒃ 22:5 - ᐅᔅᑭ ᑎᔅᑌᒥᓐᑦ

⁵ ᑖᐱᔅᑯᒡ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᓂᑦ ᐃᑖᒋᒥᒃ, ᐊᓯᒋ ᓀᔥᑕ ᒥᓯᐌ ᐊᓂᑭ ᑳ ᓂᑳᓀᓕᑖᑯᓯᒋᒃ: ᐎᓚᐗᐤ ᓀᔥᑕ ᓂ ᑮ ᒥᓕᑾᒃ ᒪᓯᓇᐊᒫᑐᐎᓇ ᐁ ᐃᔑ ᒪᓯᓇᐊᒫᒋᒃ ᐊᓂᑭ ᑳ ᐎᒋᔖᓂᑐᒋᒃ, ᓀᔥᑕ ᐊᓐᑕ ᑕᒫᔅᑲᔅ ᓂ ᑮ ᐃᑐᑖᓐ, ᑭᒋ ᐯᔑᐗᑭᒃ ᐊᓂᑭ ᐁᑯᑕ ᑳ ᒫᒫᒋᑯᐱᓱᒋᒃ ᒋᕉᓴᓚᒥᒃ ᐃᔑ ᑭᒋ ᑲᒀᑕᑭᐋᑲᓂᐎᒋᒃ᙮

ᐊᐸᔅᑕᓚᒃ 22:5 ပူးပေါင်းရင်းမြစ်များ

ᐅᐸᓓᑭᔅ ᓘᒃ 22:66

ᐎᐸᒡ ᒫᑲ ᐎᐋᐸᓂᓕᒃ, ᐃᓕᓕᐗᒃ ᐅ ᓂᑳᓀᓕᑖᑯᓯᒥᐙᐗ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗᒃ, ᓀᔥᑕ ᐅᒪᓯᓇᐃᑫᐗᒃ, ᑮ ᐯᒋ ᒫᒪᐎ ᐃᑐᑌᐗᒃ, ᓀᔥᑕ ᑮ ᐃᑐᑕᐁᐗᒃ ᐃᑕ ᐁ ᐃᔑ ᑎᐹᔅᑯᓂᑫᒋᒃ, ᐁ ᐃᑗᒋᒃ,

ᐊᐸᔅᑕᓚᒃ 1:15

ᒣᒀᒡ ᒫᑲ ᐊᓂᐃ ᑭᔑᑳᐗ ᐱᑕᕐ ᑮ ᓂᐸᐎᐤ ᑌᑖᐎᒡ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ (ᐁ ᐃᑕᑎᓂᓕᑭ ᐅᑦ ᐃᔑᓂᑳᓱᐎᓂᐗᐗ ᓈᓐᑕᐤ ᒥᑖᑐᒥᑕᓇᐤ ᓂᔑᑎᓇᐤ ᓀᔥᑕ):

ᐊᐸᔅᑕᓚᒃ 13:26

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑳ ᐅᑦ ᐊᐙᔑᒥᔑᒥᑖᒃ ᐊᓇ ᐁᑉᕃᐋᒻ, ᓀᔥᑕᐱᑯ ᐊᐌᓇ ᐁ ᐃᑕᔑᔦᒃ ᑳ ᓇᓂᒋᔅᑕᐙᑴ ᑭᒋᒪᓂᑐᐗ, ᑭᓚᐗᐤ ᐃᓴ ᑭᑦ ᐃᔑᑎᔕᐊᒪᑲᐎᓇᐗᐤ ᐅᒪ ᐱᒫᒋᐃᐌᐎᓂ ᐋᔭᒥᐎᓐ᙮

ᐊᐸᔅᑕᓚᒃ 2:29

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᐁᑯᔑ ᐸᑭᑎᓂᒃ ᐯᔭᑕᒃ ᑭᒋ ᐋᔭᒥᐃᑕᑾᒃ ᐊᓇ ᑌᐱᑦ ᐅᒋ, ᐋᔕᔾ ᑖᐱᔅᑯᒡ ᐁ ᑮ ᓂᐱᑦ ᓀᔥᑕ ᐁ ᑮ ᓇᐃᑲᐙᑲᓂᐎᑦ, ᐅ ᒋᐸᐃᔨᑲᒥᒃ ᒫᑲ ᐅᑕ ᐁ ᐃᑕᑾᒃ ᑳ ᐃᑖᔭᒃ ᐱᓕᔥ ᐊᓄᒡ ᑳ ᑭᔑᑳᒃ᙮

ᐊᐸᔅᑕᓚᒃ 22:1

ᐃᓕᓕᑐᒃ, ᓂᒋᔖᓂᑐᒃ, ᓀᔥᑕ ᐅᑖᐎᒫᑐᒃ, ᓇᑐᑕᒧᒃ, ᓂᑦ ᐋᔭᒥᔅᑕᒫᓱᐎᓐ, ᐊᓄᒡ ᑫ ᐋᔭᒥᐃᑕᑾᒃ᙮

ᐊᐸᔅᑕᓚᒃ 23:1

ᐹᓪ ᒫᑲ, ᐁ ᐊᔑᑳᐸᒫᑦ ᑳ ᒪᐗᒋᐃᑐᓕᑭ, ᑮ ᐃᑗᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂ ᑮ ᐱᒫᑎᓰᔅᑕᐗᐤ ᑭᒋᒪᓂᑐ ᒥᑐᓂ ᒥᓗ ᒥᑐᓀᓕᒋᑲᓂᒃ ᐱᓕᔥ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 23:6

ᒫᑲ ᐃᔅᐱ ᐹᓪ ᐯᓯᔅᑫᓕᑕᒃ ᐋᑎᑦ ᐁ ᓵᑦᔪᓯᐎᓕᒋ, ᓀᔥᑕ ᑯᑕᑭᔭ ᐁ ᐹᕋᓯᐎᓕᒋ, ᑮ ᑌᐺᐤ ᐊᓐᑕ ᐁ ᐃᔑ ᒪᐗᒋᐃᑐᓕᒋ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂᓚ ᓂ ᐹᕋᓯᐎᓐ, ᐁ ᐅᑯᓯᓯᒥᑦ ᓀᔥᑕ ᐹᕋᓯ: ᐅᑦ ᐊᔅᐯᓕᒧᐎᓂᐗᐤ ᓀᔥᑕ ᐅ ᐗᓂᔥᑲᐎᓂᐗᐤ ᐊᓂᑭ ᑳ ᓂᐱᒋᒃ ᐅᒋ ᓂ ᑎᐹᔅᑯᓂᑳᐎᓐ᙮

ᐊᐸᔅᑕᓚᒃ 26:10

ᐁᐗᑯ ᓀᔥᑕ ᑳ ᑮ ᑐᑕᒫᓐ ᒋᕉᓴᓚᒥᒃ: ᒥᒉᑦ ᒫᑲ ᐅᐸᓓᑭᓴᒃ ᓂ ᑮ ᑭᐸᐙᐗᒃ ᑭᐸᐅᑐᐎᑲᒥᑯᒃ, ᑲᔥᑭᐅᐎᓂᓕᐤ ᐁ ᑮ ᒥᓕᒋᒃ ᑭᒋ ᓵᓵᑭᐎᓕᐌᐎᓕᓕᐗᒃ; ᐃᔅᐱ ᒫᑲ ᑳ ᓂᐸᐋᑲᓂᐎᒋᒃ ᓂ ᑮ ᓇᔅᑯᒧᓐ ᑭᒋ ᓂᐸᐋᑲᓂᐎᒋᒃ᙮

ᐊᐸᔅᑕᓚᒃ 26:11

ᓀᔥᑕ ᒥᓯᐌ ᑕᑐ ᐋᔭᒥᐁᐎᑲᒥᑯᒃ ᒥᒉᑡᐤ ᓂ ᑮ ᑲᒀᑕᑭᐋᐗᒃ, ᓀᔥᑕ ᓂ ᑮ ᔖᑯᒋᒫᐗᒃ ᑭᒋ ᐸᐹᔅᑕᒧᒋᒃ; ᓀᔥᑕ ᓈᔅᐱᒡ ᐁ ᐋᑯᓚᐌᓯᔅᑕᐗᑭᒃ, ᓂ ᑮ ᑲᒀᑕᑭᐋᐗᒃ ᐙᐙᒡ ᐹᐱᑐᔥ ᐃᑖᐎᓂᒃ᙮

ᐊᐸᔅᑕᓚᒃ 26:12

ᒣᒀᒡ ᒫᑲ ᑳ ᐊᑎ ᐃᑐᑌᔮᓐ ᑎᒫᔅᑲᓯᒃ ᐁ ᑮ ᒥᓕᒋᒃ ᑲᔥᑭᐅᐎᓂᓕᐤ ᓀᔥᑕ ᐃᑕᔓᐌᐎᓂᓕᐤ ᑭᒋ ᓵᓵᑭᐎᓕᐌᐎᓕᓕᐗᒃ,

ᐊᐸᔅᑕᓚᒃ 28:17

ᑮ ᐃᑭᓐ ᒫᑲ, ᑳ ᐳᓂᐸᓕᑭ ᓂᔅᑐ ᑭᔑᑳᐗ ᐹᓪ ᑮ ᒫᒪᐎ ᓇᑐᒣᐤ ᑳ ᓂᑳᓀᓕᑖᑯᓯᓕᒋ ᒎᐗ: ᐃᔅᐱ ᒫᑲ ᑳ ᒫᒪᐎ ᐯᒋ ᐃᑐᑌᓕᒋ, ᑮ ᐃᑌᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᐋᑕ ᐁᑳ ᑫᒀᓐ ᐁ ᑮ ᐗᓂᑐᑕᐗᑭᒃ ᐃᓕᓕᐗᒃ, ᓀᔥᑕᐱᑯ ᐅᑦ ᐃᑖᑎᓯᐎᓂᐙᐗ ᑯᑖᐎᓈᐗᒃ, ᐁᓕᐌᒃ ᒫᑲ ᓂ ᑮ ᐸᑭᑎᓂᑳᐎᓐ ᐁ ᑭᐸᐙᑲᓂᔮᓐ ᐅᒋᒋᐙᒃ ᕈᒥᐎᓕᓕᐗᒃ᙮

ᐊᐸᔅᑕᓚᒃ 28:21

ᑮ ᐃᑌᐗᒃ ᒫᑲ, ᓇᒪᐎᓚ ᓂ ᑮ ᐯᒋ ᒪᓯᓇᐊᒫᑳᐎᓈᓐ ᒎᑎᐊᐃᒃ ᐅᒋ ᐁ ᑎᐹᒋᒥᑳᐎᔭᓐ, ᓇᒪ ᓀᔥᑕ ᐊᓂᑭ ᐎᒋᔖᓂᒫᐗᒃ ᑳ ᑮ ᐯᒋ ᐃᑐᑌᒋᒃ ᑮ ᐙᐸᑎᓕᐌᐗᒃ ᓀᔥᑕᐱᑯ ᑮ ᐋᓕᒧᑕᒶᒃ ᐙᔦᔥ ᐁ ᑮ ᒪᒋ ᐋᔨᑎᔭᓐ᙮

ᐊᐸᔅᑕᓚᒃ 3:17

ᐁᑯ ᒫᑲ, ᓂᒋᔖᓂᑐᒃ, ᓂ ᑭᔅᑫᓕᑌᓐ ᐁᑳ ᑮ ᑭᔅᑫᓕᑕᒣᒃ ᐌᒋ ᑮ ᑐᑕᒣᒃ, ᑖᐱᔅᑯᒡ ᓀᔥᑕ ᑳ ᑮ ᑐᑕᑭᒃ ᑭᑦ ᐅᑭᒪᒥᐙᐗᒃ᙮

ᐊᐸᔅᑕᓚᒃ 4:5

ᑮ ᐃᑭᓐ ᒫᑲ ᐎᐋᐸᒃ, ᐅᑦ ᐅᑭᒫᒥᐙᐗ, ᓀᔥᑕ ᑳ ᓂᑳᓀᓕᑖᑯᓯᒋᒃ, ᓀᔥᑕ ᐅ ᒪᓯᓇᐃᑫᐎᓕᓕᒥᐙᐗ,

ᐊᐸᔅᑕᓚᒃ 5:21

ᐃᔅᐱ ᒫᑲ ᐅᒪ ᑳ ᐯᑕᑭᒃ, ᑮ ᐱᑐᑫᐗᒃ ᑭᒋᐊᔭᒥᐁᐎᑲᒥᑯᒃ ᐎᐸᒡ ᐁ ᑭᑭᔐᐸᔮᓕᒃ, ᓀᔥᑕ ᑮ ᑭᔅᑭᓄᐊᒪᑫᐗᒃ᙮ ᒫᑲ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐤ ᑮ ᐯᒋ ᑕᑯᔑᓐ, ᓀᔥᑕ ᐊᓂᐃ ᑳ ᐎᒉᐎᑯᑦ, ᓀᔥᑕ ᑮ ᒫᒪᐎ ᓇᑐᒣᐤ ᐅᓚᔓᐌᐗ, ᓀᔥᑕ ᒥᓯᐌ ᑳ ᑭᔅᑌᓕᑕᑯᓯᓕᒋ ᐃᔅᕃᐃᓪ ᐅᑦ ᐊᐙᔑᒥᔕ ᐅᒋ, ᑮ ᐃᔑᑎᔓᐅᐌᐗᒃ ᑭᐸᐅᑑᐎᑲᒥᑯᒃ ᒫᑲ ᑭᒋ ᐯᔑᒥᒋ᙮

ᐊᐸᔅᑕᓚᒃ 9:14

ᓀᔥᑕ ᐅᑕ ᐊᔮᐤ ᑲᔥᑭᐅᐎᓂᓕᐤ ᑭᒋ ᓵᓵᑭᐎᓕᐌᐎᓕᓕᐗ ᐅᒋ, ᑭᒋ ᒫᒫᒋᑯᐱᑖᑦ ᒥᓯᐌ ᑳ ᑌᑄᑕᒥᓕᒋ ᑭᑦ ᐃᔑᓂᑳᓵᐎᓂᓕᐤ᙮

ᑲᓓᔕᐊᓇ 1:13

ᐌᓴ ᑭ ᑮ ᐯᑌᓇᐗᐤ ᐌᔅᑲᒡ ᑳ ᑮ ᐋᔨᑎᔮᓐ ᒎᐗᒃ ᐅᑦ ᐋᔭᒥᐋᐎᓂᐙᒃ, ᑳ ᑮ ᐃᔑ ᐋᓕᐙᒃ ᑲᒀᑕᑭᐃᒪᒃ ᐅᑦ ᐋᔭᒥᐋᒪ ᑭᒋᒪᓂᑐ, ᓀᔥᑕ ᑳ ᑮ ᐃᔑ ᓂᔑᐗᓈᒋᐃᒪᒃ:

ᐱᓕᐱᔭᓇ 3:6

ᐁ ᐋᓕᒧᒋᑳᑌᒃ ᓱᑫᓕᑕᒧᐎᓐ, ᐁ ᑲᒀᑕᑭᐊᑭᒃ ᒪᒪᐎᐋᔭᒥᐊᐗᒃ; ᐁ ᐋᓕᒧᒋᑳᑌᒃ ᒀᔭᔅᑭᑖᑎᓯᐎᓐ ᐅᓚᔓᐌᐎᓂᒃ ᑳ ᐃᑕᑾᒃ, ᓂ ᑮ ᒀᔭᔅᑭᑌᓕᑖᑯᓯᓐ᙮

ᓂᔥᑕᒻ ᑎᒧᑎ 4:14

ᐁᑳᐎᓚ ᐋᒋᔅᑕᐌᓕᑕ ᐊᓂᒪ ᒥᓕᐌᐎᓐ ᑳ ᐱᒋᔅᑳᑯᔭᓐ, ᑳ ᑮ ᒥᓕᑲᐎᔭᓐ ᑭᔅᑭᐙᐃᑫᐎᓐ ᐅᒋ, ᓀᔥᑕ ᐁ ᑮ ᐃᑖᔅᑖᓂᐗᓂᓕᑭ ᐅᒋᒋᐙᐗ ᒫᒪᐎ ᑳ ᓂᑳᓀᓕᑖᑯᓯᒋᒃ᙮