ᐊᐸᔅᑕᓚᒃ 22:1 - ᐅᔅᑭ ᑎᔅᑌᒥᓐᑦ

¹ ᐃᓕᓕᑐᒃ, ᓂᒋᔖᓂᑐᒃ, ᓀᔥᑕ ᐅᑖᐎᒫᑐᒃ, ᓇᑐᑕᒧᒃ, ᓂᑦ ᐋᔭᒥᔅᑕᒫᓱᐎᓐ, ᐊᓄᒡ ᑫ ᐋᔭᒥᐃᑕᑾᒃ᙮

ᐊᐸᔅᑕᓚᒃ 22:1 ပူးပေါင်းရင်းမြစ်များ

ᐅᐸᓓᑭᔅ ᓘᒃ 12:11

ᐃᔅᐱ ᒫᑲ ᐯᒋ ᐃᑐᑕᐃᑖᑾᐌ ᐋᔭᒥᐁᐎᑲᒥᑯᒃ, ᓀᔥᑕ ᐅᑎᔥᑳᐤ ᐅᑎᐹᔅᑯᓂᑫᐗᒃ ᓀᔥᑕ ᐅᑭᒫᐗᒃ, ᐁᑳᐎᓚ ᒪᒥᑐᓀᓕᑕᒧᒃ ᑖᓂ ᑫ ᐃᔑ ᓀᔥᑕ ᑫᒀᓐ ᑫ ᓇᔥᑴᐗᔑᐃᐌᔦᒃ, ᓀᔥᑕᐱᑯ ᑫᒀᓐ ᑫ ᐃᑗᔦᒃ᙮

ᐅᐸᓓᑭᔅ ᓘᒃ 21:14

ᑮᔖᒡ ᒫᑲ ᐱᑌᓕᑕᒧᒃ ᑭᑌᐃᐙᒃ ᐁᑳ ᓂᔮᑲᓇ ᑭᒋ ᒫᒥᑐᓀᓕᑕᒣᒃ ᑫ ᐃᔑ ᓇᔥᑴᐗᔑᐃᐌᔦᒃ᙮

ᐊᐸᔅᑕᓚᒃ 13:26

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑳ ᐅᑦ ᐊᐙᔑᒥᔑᒥᑖᒃ ᐊᓇ ᐁᑉᕃᐋᒻ, ᓀᔥᑕᐱᑯ ᐊᐌᓇ ᐁ ᐃᑕᔑᔦᒃ ᑳ ᓇᓂᒋᔅᑕᐙᑴ ᑭᒋᒪᓂᑐᐗ, ᑭᓚᐗᐤ ᐃᓴ ᑭᑦ ᐃᔑᑎᔕᐊᒪᑲᐎᓇᐗᐤ ᐅᒪ ᐱᒫᒋᐃᐌᐎᓂ ᐋᔭᒥᐎᓐ᙮

ᐊᐸᔅᑕᓚᒃ 19:33

ᑮ ᐗᓚᐎᑖᐯᐗᒃ ᒫᑲ ᐊᓕᒃᓵᓐᑕᕋ ᒫᒪᐤ ᑳ ᐃᑖᓕᒋ ᐃᓕᓕᐗ ᐅᒋ, ᐊᓂᑭ ᒎᐗᒃ ᐁ ᓇᑭᓈᒋᒃ ᓃᑳᓐ ᐃᔑ᙮ ᐊᓕᒃᓵᓐᑕᕐ ᒫᑲ ᑮ ᐗᐗᔅᑖᐃᑫᐤ ᐅᒋᒋ ᐅᒋ, ᓀᔥᑕ ᑲᑕ ᑮ ᐊᔭᒥᐁᐸᓐ ᐃᓕᓕᐗ᙮

ᐊᐸᔅᑕᓚᒃ 23:1

ᐹᓪ ᒫᑲ, ᐁ ᐊᔑᑳᐸᒫᑦ ᑳ ᒪᐗᒋᐃᑐᓕᑭ, ᑮ ᐃᑗᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂ ᑮ ᐱᒫᑎᓰᔅᑕᐗᐤ ᑭᒋᒪᓂᑐ ᒥᑐᓂ ᒥᓗ ᒥᑐᓀᓕᒋᑲᓂᒃ ᐱᓕᔥ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 23:6

ᒫᑲ ᐃᔅᐱ ᐹᓪ ᐯᓯᔅᑫᓕᑕᒃ ᐋᑎᑦ ᐁ ᓵᑦᔪᓯᐎᓕᒋ, ᓀᔥᑕ ᑯᑕᑭᔭ ᐁ ᐹᕋᓯᐎᓕᒋ, ᑮ ᑌᐺᐤ ᐊᓐᑕ ᐁ ᐃᔑ ᒪᐗᒋᐃᑐᓕᒋ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂᓚ ᓂ ᐹᕋᓯᐎᓐ, ᐁ ᐅᑯᓯᓯᒥᑦ ᓀᔥᑕ ᐹᕋᓯ: ᐅᑦ ᐊᔅᐯᓕᒧᐎᓂᐗᐤ ᓀᔥᑕ ᐅ ᐗᓂᔥᑲᐎᓂᐗᐤ ᐊᓂᑭ ᑳ ᓂᐱᒋᒃ ᐅᒋ ᓂ ᑎᐹᔅᑯᓂᑳᐎᓐ᙮

ᐊᐸᔅᑕᓚᒃ 24:10

ᐁᑯ ᐹᓪ, ᐃᔅᐱ ᑳ ᑮ ᐃᑎᑯᑦ ᐅᑎᐯᓕᒋᑫᐗ ᑭᒋ ᐋᔭᒥᑦ, ᑮ ᓇᔥᑴᐗᔑᐃᐌᐤ: ᐁ ᑭᔅᑫᓕᑕᒫᓐ ᐋᔕᔾ ᒥᒉᑦ ᐱᐳᓋ ᐁ ᑮ ᑎᐹᔅᑯᓇᒋᒃ ᐅᑯ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐊᐙᓯᑌ ᓂ ᒥᓜᓕᑌᓐ ᐁ ᓇᔥᑴᐗᔑᑕᒫᓱᔮᓐ:

ᐊᐸᔅᑕᓚᒃ 25:16

ᑳ ᑮ ᓇᔥᑴᐗᔑᐊᑭᒃ, ᓇᒪᐎᓚ ᐁ ᐃᑌᒋᒃ ᕈᒥᐎᓕᓕᐗᒃ ᑭᒋ ᐸᑭᑎᓈᒋᒃ ᐊᐌᓕᐗ ᑭᒋ ᓂᐹᔨᒥᒋ, ᐸᒧᔑ ᐊᓇ ᑳ ᒫᒥᔑᒫᑲᓂᐎᑦ ᐁ ᐅᑎᔥᑲᐎᑳᐸᐎᔅᑕᐙᑦ ᐊᓂᐃ ᑳ ᒫᒥᔑᒥᑯᑦ, ᓀᔥᑕ ᐁ ᐃᓕᓈᑲᓂᐎᑦ ᑭᒋ ᓇᔥᑴᐗᔑᑕᒫᓱᑦ ᐊᓂᐁᓕᐤ ᒪᒋᑐᑕᒧᐎᓂᓕᐤ ᐅᒋ ᑳ ᐃᔑ ᒫᒥᔑᒫᑲᓂᐎᑦ᙮

ᐊᐸᔅᑕᓚᒃ 25:8

ᒣᒀᒡ ᒫᑲ ᑳ ᓇᔥᑴᐗᔑᑕᒫᓱᑦ, ᓇᒪᐎᓚ ᐅᑦ ᐅᓚᔓᐌᐎᓂᐗᐤ ᒎᐗᒃ, ᓇᒪ ᓀᔥᑕ ᑭᒋᐋᔭᒥᐁᐎᑲᒥᒃ, ᓇᒪ ᓀᔥᑕ ᓯᓴᕐ ᐅᒋ, ᐙᔦᔥ ᓂ ᑮ ᐙᓂᑐᑌᓐ᙮

ᐊᐸᔅᑕᓚᒃ 26:24

ᒣᒀᒡ ᒫᑲ ᐅᒪ ᑳ ᐃᔑ ᐋᔭᒥᔅᑕᒫᓱᑦ, ᐯᔅᑕᔅ ᑮ ᐃᑗᐤ ᐁ ᑭᔗᐌᑦ, ᐹᓪ, ᑭ ᐗᓂᒥᑲᐎᓐ; ᒥᔅᑕᐃ ᑭᔅᑫᓕᑕᒧᐎᓐ ᑭ ᑭᔥᑴᐃᑯᓐ᙮

ᐊᐸᔅᑕᓚᒃ 28:17

ᑮ ᐃᑭᓐ ᒫᑲ, ᑳ ᐳᓂᐸᓕᑭ ᓂᔅᑐ ᑭᔑᑳᐗ ᐹᓪ ᑮ ᒫᒪᐎ ᓇᑐᒣᐤ ᑳ ᓂᑳᓀᓕᑖᑯᓯᓕᒋ ᒎᐗ: ᐃᔅᐱ ᒫᑲ ᑳ ᒫᒪᐎ ᐯᒋ ᐃᑐᑌᓕᒋ, ᑮ ᐃᑌᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᐋᑕ ᐁᑳ ᑫᒀᓐ ᐁ ᑮ ᐗᓂᑐᑕᐗᑭᒃ ᐃᓕᓕᐗᒃ, ᓀᔥᑕᐱᑯ ᐅᑦ ᐃᑖᑎᓯᐎᓂᐙᐗ ᑯᑖᐎᓈᐗᒃ, ᐁᓕᐌᒃ ᒫᑲ ᓂ ᑮ ᐸᑭᑎᓂᑳᐎᓐ ᐁ ᑭᐸᐙᑲᓂᔮᓐ ᐅᒋᒋᐙᒃ ᕈᒥᐎᓕᓕᐗᒃ᙮

ᐊᐸᔅᑕᓚᒃ 7:2

ᑮ ᐃᑗᐤ ᒫᑲ, ᐃᓕᓕᑐᒃ, ᓂᒋᔖᓂᑐᒃ, ᓀᔥᑕ ᐅᑖᐎᒫᑐᒃ, ᓇᑐᑕᒧᒃ; ᑭᒋᒪᓂᑐ ᑳ ᑭᔅᑌᓕᑖᑯᓯᑦ ᑮ ᓄᑯᓯᔅᑕᐌᐤ ᑯᑖᐎᓇᐗ ᐁᑉᕃᐊᒻ, ᐃᔅᐱ ᑳ ᐃᑖᓕᒋ ᒥᓱᐳᑌᒥᐊᐃᒃ, ᐹᒧᔑ ᑳ ᑕᔑᑫᓕᒋ ᑳᕋᓂᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:15

ᑳ ᐙᐸᑎᓕᐌᒋᒃ ᐁ ᐃᑖᐸᑎᓯᒪᑲᓂᓕᒃ ᐅᓚᔓᐌᐎᓂᓕᐤ ᐁ ᒪᓯᓇᐃᑳᑌᓕᒃ ᐅᑌᐃᐙᒃ, ᐅ ᒥᑐᓀᓕᒋᑲᓂᐗᐤ ᐁ ᐃᑖᒋᒧᔅᑖᑯᒋᒃ, ᐅᑦ ᐃᑌᓕᑕᒧᐎᓂᐗᐗ ᒪᒦᔅᑯᒡ ᐁ ᒪᒥᔑᒥᑐᒪᑲᓂᓕᑭ ᓀᔥᑕᐱᑯ ᑳᔮᒣᓕᑕᒥᐃᑐᒪᑲᓂᓕᑭ;

ᓂᔥᑕᒻ ᑯᕆᓐᑎᐊᓇ 9:3

ᐁᐗᑯ ᐅᒪ ᐁ ᐃᔑ ᓇᔥᑴᐗᔑᒪᑭᒃ ᐊᓂᑭ ᑳ ᑲᑴᒋᒥᒋᒃ᙮

ᓂᔓ ᑯᕆᓐᑎᐊᓇ 12:19

ᒥᓇ, ᑭᑦ ᐃᑌᓕᑌᓇᐗᐤ ᓈ ᐁ ᐎ ᒫᒥᓄᒥᑎᓯᔅᑖᑕᑾᒃ? ᐅᑎᔥᑲᐤ ᑭᒋᒪᓂᑐ ᙭ᑎᒃ ᓂᑦ ᐋᔭᒥᓈᓐ: ᒫᑲ ᒥᓯᐌ ᑫᒀᓇ ᓂ ᑐᑌᓈᓐ, ᑫᒋ ᓵᑭᐃᑕᑾᒃ, ᑭᓚᐗᐤ ᑭᒋ ᑭᔅᑭᓄᐊᒫᑲᐎᔦᒃ᙮

ᓂᔓ ᑯᕆᓐᑎᐊᓇ 7:11

ᐌᓴ ᒫᑎᑲ, ᐅᒪ ᑫᒀᓐ, ᐁ ᑮ ᒪᓂᑐᐎ ᒥᒋᓚᐌᓯᔦᒃ, ᑖᓂ ᑳ ᑮ ᐃᔑ ᔮᒀᒥᓯᐃᑯᔦᒃ, ᐁᐁ, ᑖᓂ ᑳ ᑮ ᐃᔑ ᒫᒥᓄᒥᑎᓱᔦᒃ, ᐁᐁ, ᑖᓂ ᑳ ᑮ ᐃᔑ ᐋᑯᓚᐌᓱᔦᒃ, ᐁᐁ, ᑖᓂ ᑳ ᑮ ᐃᔑ ᑯᔅᑖᒋᔦᒃ, ᐁᐁ, ᑖᓂ ᑳ ᑮ ᐃᔑ ᒪᔥᑲᐌᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᓱᑫᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᐋᔅᑯᒋᐃᐌᔦᒃ! ᒥᓯᐌ ᑫᒀᓇ ᑭ ᑮ ᐙᐸᑎᓕᐙᓇᐗᐤ ᐁᑳ ᐁ ᒪᒉᓕᑖᑯᓯᔦᒃ ᐅᒪ ᐅᒋ᙮

ᐱᓕᐱᔭᓇ 1:17

ᐅᑯ ᒫᑲ ᓵᑭᐃᐌᐎᓂᒃ, ᐁ ᑭᔅᑫᓕᑕᑭᒃ ᐁ ᑮ ᐃᑕᓕᑲᐎᐗᒃ ᑭᒋ ᓈᑕᒧᑕᒫᓐ ᒥᓗᐋᒋᒧᐎᓐ᙮

ᐱᓕᐱᔭᓇ 1:7

ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮

ᓂᔓ ᑎᒧᑎ 4:16

ᓂᔥᑕᒻ ᐁ ᑮ ᓇᔥᑴᐗᔑᐃᐌᔮᓐ ᓇᒪᐎᓚ ᐊᐌᓇ ᓂ ᑮ ᐎᒋᑳᐸᐎᔅᑖᒃ, ᒫᑲ ᒥᓯᐌ ᐃᓕᓕᐗᒃ ᓂ ᑮ ᓇᑲᑎᑾᒃ: ᓇᑕᒫ ᐁᑳ ᑭᒋ ᐅᒋ ᒫᒥᔑᒫᑲᓂᐎᒋᒃ᙮

ᓂᔥᑕᒻ ᐱᑕᕐ 3:15

ᒫᑲ ᐸᓓᑫᓕᒥᒃ ᑭᒋᒪᓂᑐ ᑭᑌᐃᐙᒃ: ᒧᔕᒃ ᓀᔥᑕ ᐋᔦᔅᑲᐎᓯᒃ ᑭᒋ ᓇᔥᑴᐗᔑᐁᐤ ᒥᓯᐌ ᑕᑐ ᐃᓕᓕᐤ ᑳ ᑲᑴᒋᒥᑖᒃ ᐌᒋ ᐋᔮᔦᒃ ᐊᓂᒪ ᐊᔅᐯᓕᒧᐎᓐ ᑳ ᐱᒋᔅᑳᑯᔦᒃ ᓗᔅᑳᑎᓯᐎᓂᒃ ᓀᔥᑕ ᓇᓂᒋᐎᓂᒃ: