ᐊᐸᔅᑕᓚᒃ 21:40 - ᐅᔅᑭ ᑎᔅᑌᒥᓐᑦ

⁴⁰ ᐃᔅᐱ ᒫᑲ ᑳ ᑮ ᓇᔅᑯᒥᑯᑦ, ᐹᓪ ᑮ ᓂᐸᐎᐤ ᓵᑲᒋᐌᓈᓂᒃ, ᓀᔥᑕ ᑮ ᐙᔅᑎᒋᒉᓄᔅᑕᐌᐤ ᐃᓕᓕᐗ, ᐃᔅᐱ ᒫᑲ ᒥᑐᓂ ᑫᐱᑐᐌᓕᒋ, ᐦᐃᐹᕉ ᐃᔑᑭᔗᐎᓂᒃ ᑮ ᐋᔭᒥᐁᐤ, ᐁ ᐃᑗᑦ᙮

ᐊᐸᔅᑕᓚᒃ 21:40 ပူးပေါင်းရင်းမြစ်များ

ᐅᐸᓓᑭᔅ ᓘᒃ 23:38

ᒪᓯᓇᐃᑫᐎᓐ ᒫᑲ ᑮ ᒪᓯᓇᐃᑳᑌᓕᐤ ᐃᔥᐱᒥᒃ ᐅᔅᑎᒀᓂᒃ, ᒃᕇᒃ ᐃᔑᑭᔗᐎᓂᒃ, ᓀᔥᑕ ᓛᑎᓐ ᐃᔑᑭᔗᐎᓂᒃ, ᓀᔥᑕ ᐦᐃᑉᕉ ᐃᔑᑭᔗᐎᓂᒃ, ᐁᐗᑯ ᐊᐗ ᒎᐗᒃ ᐅ ᑭᒋᐅᑭᒫᒥᐗᐗ᙮

ᐅᐸᓓᑭᔅ ᒑᓐ 19:13

ᐃᔅᐱ ᒫᑲ ᐹᐃᓚᑦ ᐱᐁᑕᒃ ᐊᓂᐁᓕᐤ ᐃᑗᐎᓂᓕᐤ, ᑮ ᐯᒋ ᐗᓚᐎᑕᐁᐤ ᒋᓴᓴ, ᓀᔥᑕ ᑮ ᓇᐊᐱᐤ ᑎᐹᔅᑯᓂᑫᐎ ᐊᐱᐎᓂᒃ, ᐃᑕ ᐁ ᐃᔑᓂᑳᑌᓕᒃ ᐊᓯᓂᐎ ᐊᔅᐱᔑᒧᓂᑳᓐ, ᒫᑲ ᐦᐃᑉᕉ ᐃᔑᑭᔗᐎᓂᒃ, ᑳᐸᑕ᙮

ᐅᐸᓓᑭᔅ ᒑᓐ 19:17

ᐎᓚ ᒫᑲ, ᐁ ᐱᒥᐎᑖᑦ ᐅᑦ ᐋᔑᑌᐋᑎᑯᒻ ᑭ ᐃᑐᑌᐤ ᐅᑕ ᐅᔅᑎᒀᓂᑲᓐ ᐁ ᐃᔑᓂᑳᑌᓕᒃ, ᐦᐃᑉᕉ ᐃᔑᑭᔗᐎᓂᒃ ᑯᓪᑯᑕ ᑳ ᐃᔑᓂᑳᑌᒃ:

ᐅᐸᓓᑭᔅ ᒑᓐ 19:20

ᐅᒣᓕᐤ ᒪᓯᓇᐃᑫᐎᓂᓕᐤ ᒫᑲ ᒥᒉᑦ ᒎᐗᒃ ᑮ ᐋᔭᒥᑖᐗᒃ: ᐌᓴ ᐃᑕ ᒋᓴᔅ ᑳ ᒌᔅᑖᔅᑾᐙᑲᓂᐎᑦ ᑭᔑᐙᒃ ᐃᑖᐎᓂᒃ ᑭ ᐃᑕᑾᓐ: ᑮ ᒪᓯᓇᐃᑳᑌᐤ ᒫᑲ ᐦᐃᑉᕉ ᐃᔑᑭᔗᐎᓂᒃ, ᓀᔥᑕ ᒃᕆᒃ ᐃᔑᑭᔗᐎᓂᒃ, ᓀᔥᑕ ᓛᑎᓐ ᐃᔑᑭᔙᐎᓂᒃ᙮

ᐅᐸᓓᑭᔅ ᒑᓐ 5:2

ᒋᕉᓴᓚᒥᒃ ᒫᑲ ᐃᑕᑾᓐ ᓵᑲᐃᑲᓂᔥ ᑭᔑᐙᒃ ᒫᓂᔥᒑᓂᔕᒃ ᐅᑦ ᐃᔥᒀᑌᒥᐙᒃ, ᐦᐃᑉᕉ ᐃᔑᑭᔗᐎᓂᒃ ᐯᑌᔅᑕ ᑳ ᐃᔑᓂᑳᑌᒃ, ᓂᔮᓚᓪ ᐱᔅᑭᑣᔅᑳᐃᑲᓂᔕ ᐁᑯᑕ ᐁ ᐃᑕᑾᑭ᙮

ᐊᐸᔅᑕᓚᒃ 1:19

ᑮ ᑭᔅᑫᓕᑕᒶᒃ ᒫᑲ ᒥᓯᐌ ᑳ ᑕᔑᑫᒋᒃ ᒋᕈᓴᓚᒥᒃ; ᑳ ᐅᒋ ᐃᔑᓂᑳᑌᒃ ᐊᓂᒪ ᓂᑕᐎᑭᒋᑲᓐ ᑎᐱᓚᐌ ᐅᑦ ᐃᔑᑭᔗᐎᓂᐙᒃ, ᐊᓭᓪᑕᒪ, ᐁᐗᑯ ᐁ ᐃᑣᓂᐗᒃ, ᒥᑯ ᓂᑕᐎᑭᒋᑲᓐ᙮

ᐊᐸᔅᑕᓚᒃ 12:17

ᐎᓚ ᒫᑲ, ᐁ ᐙᐙᔅᑎᓇᒪᐗᑦ ᐅᒋᒋ ᐅᒋ ᐁᑳ ᑭᒋ ᑭᑐᓕᒋ, ᑮ ᐙᐎᑕᒪᐌᐤ ᑖᓂ ᑳ ᐃᔑ ᐙᓚᐎᑕᐃᑯᑦ ᐅᑎᐯᓕᒋᑫᐗ ᑭᐹᐊᑐᐎᑲᒥᑯᒃ ᐅᒋ᙮ ᑮ ᐃᑌᐤ ᒫᑲ, ᑭᑐᑌᒃ, ᐙᐸᑎᓕᒃ ᒉᒻᔅ ᐅᐅ ᑫᒀᓇ, ᓀᔥᑕ ᐊᓂᑭ ᑭᒋᔖᓂᓇᐗᒃ᙮ ᑮ ᑭᑐᑌᐤ ᒫᑲ, ᓀᔥᑕ ᐱᑐᔥ ᐃᑕ ᑮ ᐃᑐᑌᐤ᙮

ᐊᐸᔅᑕᓚᒃ 13:16

ᐁᑯ ᒫᑲ ᐹᓪ ᑳ ᐹᓯᑯᑦ, ᓀᔥᑕ ᐁ ᐗᐙᔅᑕᐃᑫᑦ ᐅᒋᒋ ᐅᒋ, ᑮ ᐃᑌᐤ, ᑭᓚᐗᐤ ᐃᔅᕃᐃᓪ ᐃᓕᓕᑐᒃ, ᓀᔥᑕ ᑭᓚᐗᐤ ᑳ ᓇᓂᒋᔅᑕᐌᒃ ᑭᒋᒪᓂᑐ, ᓈᑐᑕᒧᒃ᙮

ᐊᐸᔅᑕᓚᒃ 19:33

ᑮ ᐗᓚᐎᑖᐯᐗᒃ ᒫᑲ ᐊᓕᒃᓵᓐᑕᕋ ᒫᒪᐤ ᑳ ᐃᑖᓕᒋ ᐃᓕᓕᐗ ᐅᒋ, ᐊᓂᑭ ᒎᐗᒃ ᐁ ᓇᑭᓈᒋᒃ ᓃᑳᓐ ᐃᔑ᙮ ᐊᓕᒃᓵᓐᑕᕐ ᒫᑲ ᑮ ᐗᐗᔅᑖᐃᑫᐤ ᐅᒋᒋ ᐅᒋ, ᓀᔥᑕ ᑲᑕ ᑮ ᐊᔭᒥᐁᐸᓐ ᐃᓕᓕᐗ᙮

ᐊᐸᔅᑕᓚᒃ 21:35

ᐃᔅᐱ ᒫᑲ ᐱᐁᒋ ᓵᑲᒋᐌᑦ, ᑮ ᐃᑭᓄᑯᐸᓐ, ᐁ ᑮ ᐱᒥᐎᓕᑯᑦ ᐅᓇᑐᐸᓕᐗ ᑳ ᐃᔅᐱᒋ ᐋᑯᓚᐌᓯᓕᒋ ᐃᓕᓕᐗ᙮

ᐊᐸᔅᑕᓚᒃ 22:2

(ᐃᔅᐱ ᒫᑲ ᐱᐁᑕᑭᒃ ᐦᐃᑉᕉ ᐃᔑᑭᔗᐎᓂᒃ ᐁ ᐋᔭᒥᐃᑯᒋᒃ, ᐊᐙᓯᑌ ᑮ ᑭᐱᑐᐌᐗᒃ: ᐃᑗᐤ ᒫᑲ,)

ᐊᐸᔅᑕᓚᒃ 26:14

ᐃᔅᐱ ᒫᑲ ᒥᓯᐌ ᐁ ᐃᑕᔑᔮᒃ ᑳ ᐸᑭᔑᓈᒃ ᒧᔅᑕᔅᑲᒥᒃ, ᓂ ᑮ ᐯᑌᓐ ᐯᑖᑯᓯᐎᓐ ᐁ ᐋᔭᒥᐃᑯᔮᓐ, ᓀᔥᑕ ᐁ ᐃᑗᒪᑲᒃ ᐦᐃᑉᕉ ᐃᔑᑭᔗᐎᓂᒃ, ᓵᓪ, ᓵᓪ, ᑖᓀᑭ ᐌᒋ ᑲᒀᑕᑭᐃᔭᓐ; ᐋᓕᒪᓐ ᐃᓴ ᑭᒋ ᑕᑭᔥᑳᑕᒪᓐ ᐊᓂᐃ ᑳ ᑭᓂᑳᑭ᙮

ᐊᐸᔅᑕᓚᒃ 6:1

ᒣᒀᒡ ᒫᑲ ᐊᓂᐃ ᑭᔑᑳᐗ, ᐃᔅᐱ ᐊᓂᑭ ᑭᔅᑭᓄᐊᒪᐙᑲᓇᒃ ᑳ ᑮ ᒥᒉᑎᒋᒃ, ᐊᓂᑭ ᒃᕆᓯᔮᓇᒃ ᑮ ᒥᑕᐎᒣᐗᒃ ᐊᓂᐃ ᐦᐃᑉᕉᐊ, ᐌᓴ ᑳ ᑭᐙᑎᓯᓕᒋ ᐅᑦ ᐃᔅᑴᒥᐙᐗ ᓇᒪ ᐅᒋ ᐱᓯᔅᑫᓕᒫᑲᓂᐎᓕᐗ ᐃᔅᐱ ᑳ ᐅᒋᔅᑕᒫᑫᓈᓂᐗᓂᓕᒃ ᑕᑡᐤ ᑳᔑᑳᓕᑭ᙮

ᑭᔅᑫᓕᑖᑯᑖᑫᐎᓐ 16:16

ᑮ ᒪᐗᒋᐁᐤ ᒫᑲ ᐯᔭᑾᓄᒃ, ᐦᐃᑉᕉ ᐃᔑᑭᔗᐎᓂᒃ ᐋᕐᒪᑫᑕᓐ ᑳ ᐃᔑᓂᑳᑌᒃ᙮

ᑭᔅᑫᓕᑖᑯᑖᑫᐎᓐ 9:11

ᑮ ᐋᔭᐌᐗᒃ ᒫᑲ ᑭᒋᐅᑭᒪᐗ ᐁ ᑎᐯᓕᒥᑯᒋᒃ ᐊᓂᐃ ᐁᓐᒐᓚ ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᑳ ᐅᒋᓕᒋ, ᑳ ᐃᔑᓂᑳᓱᓕᒋ ᐦᐃᑉᕉ ᐃᔑ ᑭᔗᐎᓂᒃ ᐊᐹᑕᓐ, ᒫᑲ ᒃᕆᒃ ᐃᔑᑭᔗᐎᓂᒃ ᐊᐸᓕᔭᓐ ᐃᔑᓂᑳᓱᓕᐗ᙮