ᐊᐸᔅᑕᓚᒃ 21:13 - ᐅᔅᑭ ᑎᔅᑌᒥᓐᑦ

¹³ ᐁᑯ ᐹᓪ ᓀᔥᑴᐗᔑᐃᐌᑦ, ᑫᒀᓐ ᑭᑦ ᐃᑌᓕᑌᓈᐗᐤ ᓈ ᑭᒋ ᒫᑐᔦᒃ ᓀᔥᑕ ᑭᒋ ᐱᑯᐸᓕᑖᔦᒃ ᓂᑌᐃ? ᐌᓴ ᓂᑦ ᐋᔦᔅᑯᓯᓐ ᓇᒪᐎᓚ ᐱᑯ ᑭᒋ ᒫᒪᒋᑯᐱᑎᑲᐎᔮᓐ, ᒫᑲ ᐊᓯᒋ ᑭᒋ ᓂᐱᔮᓐ ᒋᕉᓴᓚᒥᒃ ᐅᑦ ᐃᔑᓂᑳᓱᐎᓐ ᐅᒋ ᐅᑎᐯᓕᒋᑫᐤ ᒋᓴᔅ᙮

ᐊᐸᔅᑕᓚᒃ 21:13 ပူးပေါင်းရင်းမြစ်များ

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐊᐸᔅᑕᓚᒃ 20:37

ᒥᓯᐌ ᒫᑲ ᓲᑲ ᑮ ᒫᑐᐗᒃ, ᑮ ᐸᑭᔑᓋᒃ ᒫᑲ ᐹᓚ ᐅᑾᔮᓕᒃ ᓀᔥᑕ ᑮ ᐅᒉᒣᐗᒃ,

ᐊᐸᔅᑕᓚᒃ 5:41

ᑮ ᑭᑐᑌᐙᒃ ᒫᑲ ᐅᑎᔥᑲᐤ ᐊᓂᐃ ᑳ ᒥᐗᒋᐃᑐᓕᒋ ᐅᒋ, ᐁ ᓯᑭᓓᓯᒋᒃ ᐁ ᑮ ᐃᑕᑭᒥᒋᒃ ᐁ ᑌᐸᑫᓕᑖᑯᓯᒋᒃ ᑭᒋ ᒧᔑᑖᒋᑲ ᓀᐯᐎᓯᐎᓂᓕᐤ ᐅᑦ ᐃᔑᓂᑳᓱᐎᓂᓕᐤ ᐅᒋ,

ᐊᐸᔅᑕᓚᒃ 9:16

ᐌᓴ ᓂ ᑳ ᐙᐸᑎᓛᐤ ᐊᓂᐃ ᑭᒋ ᑫᒀᓇ ᑫ ᐙᐎᓴᑫᓕᑕᒃ ᓂᑦ ᐃᔑᓂᑳᓱᐎᓂᓕᐤ ᐅᒋ᙮

ᓂᔥᑕᒻ ᑯᕆᓐᑎᐊᓇ 15:31

ᓂ ᐎᑌᓐ ᑭ ᒧᒋᑫᓕᑕᒧᐎᓂᐗᐤ ᐅᒋ, ᑳ ᐗᔮᔮᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ ᑕᑡᐤ ᑳᔑᑳᑭ ᓂ ᓂᐱᓐ᙮

ᐱᓕᐱᔭᓇ 2:17

ᐁᐁ, ᑮᔥᐱᓐ ᒫᑲ ᓯᑭᓂᑲᐎᔮᓀ ᐃᑕ ᐁ ᓵᓵᑭᐎᓕᐙᓂᐗᒃ ᓀᔥᑕ ᐁ ᐋᐸᒋᑖᓂᐗᒃ ᑮ ᑖᐺᔦᓕᑕᒧᐎᓂᐗᐤ, ᓂ ᒧᒋᑫᓕᑌᓐ, ᓀᔥᑕ ᐊᓯᒋ ᒥᓯᐌ ᐁ ᐃᑕᔑᔦᒃ ᓂ ᒧᒋᑫᓕᑌᓐ᙮

ᐱᓕᐱᔭᓇ 2:26

ᐌᓴ ᒥᓯᐌ ᐁ ᐃᑕᔑᔦᒃ ᑭ ᑮ ᑭᐗᔐᓕᒥᑎᓇᐗᐤ, ᓀᔥᑕ ᑮ ᓵᑲᔅᑭᓀᔅᑳᑯ ᑯᓯᑾᒪᒋᐅᐎᓂᓕᐤ, ᐁ ᑮ ᐯᑕᒣᒃ ᐁ ᑮ ᐋᑯᓯᑦ᙮

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᓂᔓ ᑎᒧᑎ 1:4

ᓈᔅᐱᒡ ᐁ ᓇᑕᐌᓕᑕᒫᓐ ᑭᒋ ᐙᐸᒥᑖᓐ, ᐁ ᒫᒥᑐᓀᓕᑕᒫᓐ ᐁ ᐃᔑ ᐅᒋᑲᐙᐱᔭᓐ, ᑭᒋ ᓵᑭᓀᔅᑳᑯᔮᓐ ᒥᓚᐙᑕᒧᐎᓐ;

ᓂᔓ ᑎᒧᑎ 4:6

ᐌᓴ ᐋᔕᔾ ᓂᑦ ᐋᔦᔅᑲᐎᓰᓐ ᑭᒋ ᐸᑭᑎᓂᑲᐎᔮᓐ, ᐯᔓᓈᑾᓐ ᒫᑲ ᐃᔥᐱᔥ ᑭᒋ ᑭᑐᑌᔮᓐ᙮

ᓂᔓ ᐱᑕᕐ 1:14

ᐁ ᑭᔅᑫᓕᑕᒫᓐ ᐎᐸᒡ ᑭᒋ ᑫᒋᑾᓇᒫᓐ ᐅᒪ ᓂ ᒥᑭᐙᒻ, ᑖᐱᔅᑯᒡ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐁ ᑮ ᐙᐸᑎᓕᑦ᙮

ᑭᔅᑫᓕᑖᑯᑖᑫᐎᓐ 12:11

ᑮ ᔖᑯᒋᐁᐗᒃ ᒫᑲ ᒫᓂᔥᒑᓂᔑᔕ ᐅ ᒥᑯᓕᐤ ᐅᒋ, ᓀᔥᑕ ᐊᓂᐁᓕᐤ ᐋᔭᒥᐎᓂᓕᐤ ᑳ ᑎᐹᑐᑕᒃ; ᓇᒪᐎᓚ ᒫᑲ ᐅᒋ ᓵᑭᑕᐗᒃ ᐅ ᐱᒫᑎᓯᐎᓂᐙᐗ ᐱᓕᔥ ᓂᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 3:10

ᐁ ᑮ ᑲᓇᐌᓕᑕᒪᓐ ᓂ ᔑᐱᓚᐌᓯᐎᓂ ᐋᔭᒥᐎᓐ, ᓂᓚ ᓀᔥᑕ ᑭ ᑳ ᑲᓇᐌᓕᒥᑎᓐ ᐃᔅᐱ ᐅᑎᒋᐸᓕᑫ ᑭᒋ ᑲᑴᒋᐃᐌᐎᓂᐗᒃ, ᑫ ᐯᒋ ᐱᒥᐸᓕᒃ ᒥᓯᐌ ᐊᔅᑮᒃ, ᑭᒋ ᑲᑴᒋᐃᑯᒋᒃ ᐊᓂᑭ ᐊᔅᑮᒃ ᑳ ᑕᔑᑫᒋᒃ᙮