ᐊᐸᔅᑕᓚᒃ 20:7 - ᐅᔅᑭ ᑎᔅᑌᒥᓐᑦ

⁷ ᓂᔥᑕᒻ ᐁ ᑭᔑᑳᒃ ᒫᑲ ᐁ ᑕᐗᔅᑌᒃ, ᐃᔅᐱ ᑭᔅᑭᓄᐊᒪᐗᑲᓇᒃ ᑳ ᐯᒋ ᒫᐗᒋᐃᑐᒋᒃ ᑭᒋ ᐸᑴᓈᒋᒃ ᐊᓚᑯᓇᐗ, ᐹᓪ ᑭ ᑲᑫᔅᑭᒣᐤ ᐋᔕᔾ ᐁ ᐊᔦᔅᑲᐎᓯᑦ ᑭᒋ ᑭᑐᑌᑦ ᐊᑎ ᐗᐸᓂᓕᑫ; ᑮ ᐊᔭᒥᐤ ᒫᑲ ᐱᓕᔥ ᐁ ᐋᐱᑕ ᑎᐱᔅᑳᓕᒃ᙮

ᐊᐸᔅᑕᓚᒃ 20:7 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 16:9

ᐃᔅᐱ ᒫᑲ ᒋᓴᔅ ᑳ ᐙᓂᔥᑳᑦ ᐎᐸᒡ ᓃᔥᑕᒻ ᐁ ᑭᔑᑳᒃ ᐊᓂᒪ ᐁ ᑕᐙᔅᑌᒃ, ᓃᔥᑕᒻ ᑮ ᓄᑯᓰᔅᑕᐌᐤ ᒣᕆ ᒫᒃᑕᓕᓇ, ᐊᓂᐃ ᑳ ᑮ ᐅᒋ ᐗᓚᐎᐌᐱᓈᑦ ᓂᔂᔅ ᒪᒋ ᐊᒑᑾ᙮

ᐅᐸᓓᑭᔅ ᓘᒃ 22:19

ᑮ ᐅᑎᓀᐤ ᒫᑲ ᐊᓚᑯᓇᐗ, ᑮ ᓇᓇᔅᑯᒧ ᒫᑲ, ᓀᔥᑕ ᑮ ᐱᑯᓀᐤ, ᐁᑯ ᒫᓛᑦ, ᐁ ᐃᑗᑦ, ᐁᐗᑯ ᐅᒪ ᓂᔭᐤ ᑳ ᒥᓕᐙᓂᐗᒃ ᑭᓚᐗᐤ ᐅᒋ: ᐅᒪ ᑐᑕᒧᒃ ᐁ ᑭᔅᑭᓯᑐᑕᐎᔦᒃ᙮

ᐅᐸᓓᑭᔅ ᓘᒃ 24:35

ᑮ ᐎᑕᒶᒃ ᒫᑲ ᐊᓂᐃ ᑫᒀᓇ ᑳ ᐃᑭᓂᓕᑭ ᒣᔅᑲᓈᒃ, ᓀᔥᑕ ᐁ ᑮ ᐃᔑ ᑭᔅᑫᓕᒫᒋᒃ ᐁ ᐱᑯᓈᓕᒋ ᐊᓚᑯᓇᐗ᙮

ᐅᐸᓓᑭᔅ ᒑᓐ 20:1

ᓃᔥᑕᒻ ᐁ ᑭᔑᑳᒃ ᐊᓂᒪ ᐁ ᑕᐙᔅᑌᒃ ᐎᐸᒡ ᐯᒋ ᐃᑐᑌᐤ ᒣᕆ ᒫᒃᑕᓖᓐ ᒋᐹᔨᑲᒥᑯᒃ ᐙᐸᒣᐤ ᒫᑲ ᐊᓯᓂᔭ ᐁ ᑮ ᐅᑎᓈᑲᓂᐎᓕᒋ ᒋᐹᔨᑲᒥᑯᒃ ᐅᒋ᙮

ᐅᐸᓓᑭᔅ ᒑᓐ 20:19

ᐁᐗᑯ ᑫᔮᐸᒡ ᐁ ᑭᔑᑳᒃ ᐁ ᐅᑖᑯᔑᒃ, ᓃᔥᑕᒻ ᐁ ᑭᔑᑳᒃ ᐊᓂᒪ ᐁ ᑕᐙᔅᑌᒃ, ᐃᔥᒀᑌᒪ ᐁ ᑭᐸᐃᑳᑌᑭ ᐃᑕ ᑭᔅᑭᓄᐊᒪᐙᑲᓇᒃ ᐁ ᑮ ᒫᐗᒋᐃᑐᒋᒃ ᐁ ᑯᔅᑖᒋᒃ ᒎᐗ, ᑭᐺᒋ ᐃᑐᑌᐤ ᒋᓴᔅ, ᓀᔥᑕ ᑮ ᓂᐸᐎᐤ ᑌᑖᐎᒡ, ᐃᑌᐤ ᒫᑲ, ᑳᔭᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ᙮

ᐅᐸᓓᑭᔅ ᒑᓐ 20:26

ᐁᑯ ᑳ ᔮᓈᓀᐤ ᑭᔑᑳᓕᒃ, ᐅ ᑭᔅᑭᓄᐊᒪᐙᑲᓇ ᒥᓇ ᐱᒋ ᐁ ᐃᑖᓕᒋ, ᓀᔥᑕ ᑕᒪᔅ ᐁ ᐎᒉᐙᑦ: ᐁᑯ ᐱᐁᒋ ᐃᑐᑌᑦ ᒋᓴᔅ, ᐃᔥᒀᑌᒪ ᐁ ᑭᐸᐃᑳᑌᓕᑭ, ᑮ ᓂᐸᐎᐤ ᒫᑲ ᑌᑖᐎᒡ ᓀᔥᑕ ᑮ ᐃᑗᐤ, ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ᙮

ᐊᐸᔅᑕᓚᒃ 16:10

ᐸᑎᒪ ᒫᑲ ᑳ ᑮ ᐗᐸᑕᒃ ᐃᔑᓇᒧᐎᓂᓕᐤ, ᑣᔦᒃ ᓂ ᑮ ᑲᑴ ᐃᑐᑖᓈᓐ ᒫᓯᑐᓂᔭᐃᒃ, ᐁ ᑫᒋᓇᐅᔮᒃ ᐅᑎᐯᓕᒋᑫᐤ ᐁ ᑮ ᑌᑄᔑᔭᒥᑦ ᑭᒋ ᑲᑫᔅᑭᒪᑭᒋᒃ ᒥᓗᐋᒋᒧᐎᓂᓕᐤ᙮

ᐊᐸᔅᑕᓚᒃ 2:42

ᑮ ᐋᔨᒋ ᑲᓇᐌᓕᑕᒬᐗᒃ ᒫᑲ ᐅ ᑭᔅᑭᓄᐊᒫᑫᐎᓂᓕᐤ ᐊᓂᐃ ᐊᐸᔅᑕᓚ, ᓀᔥᑕ ᐁ ᐎᒉᐙᒋᒃ ᓀᔥᑕ ᐁ ᐸᑴᓈᒋᒃ ᐊᓚᑯᓇᐗ, ᓀᔥᑕ ᐁ ᐋᔭᒥᐋᒋᒃ᙮

ᐊᐸᔅᑕᓚᒃ 2:46

ᑕᑣᐤ ᑳᔑᑳᑭ ᒫᑲ ᑖᐱᔅᑯᒡ ᑮ ᐃᑖᐗᒃ ᐁ ᐯᔭᑯ ᒥᑐᓀᓕᒋᑲᓂᒋᒃ ᐱᒋ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᐁ ᐸᑴᓈᒋᒃ ᐋᓚᑯᓇᐗ ᐊᑭᓀ ᐙᔅᑲᔨᑲᓂᒃ, ᑮ ᒥᒋᐗᒃ ᐅ ᒥᒋᒥᒥᐙᐗ ᐁ ᒥᓜᓕᒧᒋᒃ ᓀᔥᑕ ᐁ ᑲᔮᒣᓕᑕᑭᒃ ᐅᑌᐃᐙᒃ,

ᐊᐸᔅᑕᓚᒃ 20:11

ᐃᔅᐱ ᒫᑲ ᒥᓇ ᑳ ᑮ ᐯᒋ ᑯᔅᐹᑕᐎᑦ, ᓀᔥᑕ ᐁ ᑮ ᐸᑴᓈᑦ ᐋᓚᑯᓇᐗ, ᐁ ᑮ ᒥᒋᓱᑦ ᒫᑲ, ᓀᔥᑕ ᑭᓉᔥ ᐁ ᑮ ᐊᔭᒥᑦ, ᐱᓕᔥ ᐁ ᐊᑎ ᐯᑖᐸᓂᓕᒃ ᐁᑯ ᑫᑐᑌᑦ᙮

ᐊᐸᔅᑕᓚᒃ 20:31

ᐁᐗᑯ ᐅᒋ ᐊᔕᐙᐱᒃ, ᑭᔅᑭᓯᒃ ᒫᑲ, ᓂᔅᑐ ᐱᐳᓋ ᐃᔥᐱᔥ ᐁᑳ ᐁ ᐅᒋ ᑭᐱᒋᔮᓐ ᐁ ᔮᒀᒥᒪᒃ ᒥᓯᐌ ᑕᑐ ᐊᐌᓇ ᐁ ᑎᐱᔅᑲᒃ ᓀᔥᑕ ᐁ ᑭᔑᑳᒃ ᐁ ᐅᒋᑲᐙᐱᔮᓐ᙮

ᐊᐸᔅᑕᓚᒃ 20:5

ᐅᑯ ᐁ ᓂᑳᓄᑌᒋᒃ, ᓂ ᑮ ᐯᐃᑯᓈᓇᒃ ᐊᓐᑕ ᑦᕈᐊᓯᒃ᙮

ᐊᐸᔅᑕᓚᒃ 20:9

ᐊᓐᑕ ᒫᑲ ᐸᔅᐹᐱᐎᓂᒃ ᑮ ᐊᐱᐤ ᐯᔭᒃ ᐆᔥᑭᓂᑭᐤ ᔫᑎᑲᔅ ᐁ ᐃᔑᓂᑳᓱᑦ, ᐁ ᑮ ᑲᐎᑯᔑᑦ: ᐹᓪ ᒫᑲ ᑭᓉᔥ ᐁ ᑮ ᐊᔭᒥᑦ, ᑮ ᐊᑎ ᑭᐸᒋᐸᓕᐤ ᐁ ᓂᐹᑦ, ᓀᔥᑕ ᓂᔅᑡᐤ ᐁ ᐋᓂᔅᑲᐙᓕᒃ ᐙᔅᑳᔨᑲᓂᓕᐤ ᑮ ᐅᒋ ᐸᑭᔑᓐ, ᑮ ᓂᐱᐤ ᒫᑲ ᐁ ᐅᐱᓈᑲᓂᐎᑦ᙮

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᓂᔥᑕᒻ ᑯᕆᓐᑎᐊᓇ 10:16

ᐊᓂᒪ ᒥᓨᑭᒥᐌᐎ ᒥᓂᒀᑲᓐ ᑳ ᒥᓦᑭᑕᒪᒃ, ᓇᒪ ᓈ ᐁ ᐅᑎᓂᑳᑌᓕᒃ ᐅᒥᑯᒻ ᙭? ᐊᓇ ᐊᓚᑯᓇᐤ ᑳ ᐸᑴᓇᒃ, ᓇᒪ ᓈ ᐁ ᐅᑎᓂᑳᑌᓕᒃ ᐎᔭᐤ ᙭?

ᓂᔥᑕᒻ ᑯᕆᓐᑎᐊᓇ 15:10

ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮

ᓂᔥᑕᒻ ᑯᕆᓐᑎᐊᓇ 16:2

ᓃᔥᑕᒻ ᐁ ᑭᔑᑳᒃ ᐯᔭᑾᐤ ᐁ ᐊᑎ ᐙᔅᑌᒃ, ᐁᑯᔑ ᒥᓯᐌ ᑕᑐ ᐁ ᐃᑕᔑᔨᒃ ᑲᑕ ᐸᑳᓐ ᐊᔅᑕᐤ ᑳ ᐃᔑ ᒥᓗᑐᑖᑯᑦ ᑭᒋᒪᓂᑐᐗ, ᐁᑳ ᑭᒋ ᒫᒪᐎ ᒥᓕᐌᐎᓂᑳᓂᐗᒃ ᐃᔅᐱ ᑕᑯᔑᓂᔮᓀ᙮

ᓂᔓ ᑎᒧᑎ 4:2

ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᑭᔅᑫᓕᑖᑯᑖᑫᐎᓐ 1:10

ᐊᒑᑯᒃ ᓂ ᑮ ᐃᑖᓐ ᐅᑎᐯᓕᒋᑫᐤ ᐅ ᑭᔑᑳᒥᒃ, ᓀᔥᑕ ᓂᔅᐱᔅᑾᓂᒃ ᓂ ᑮ ᐯᑌᓐ ᑭᒋ ᐯᑖᑯᓯᐎᓐ, ᑖᐱᔅᑯᒡ ᐳᑖᒋᑲᓐ,