ᐊᐸᔅᑕᓚᒃ 20:28 - ᐅᔅᑭ ᑎᔅᑌᒥᓐᑦ

²⁸ ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐊᐸᔅᑕᓚᒃ 20:28 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:18

ᓀᔥᑕ ᒫᑲ ᑭᑦ ᐃᑎᓐ, ᑭᓚ ᐁᐗᑯ ᐱᑕᕐ; ᐁᑯᑕ ᐅᒪ ᑭᔅᑖᐱᔅᑳᒃ ᓂ ᑳ ᒋᒪᑖᓐ ᓂᑦ ᐋᔭᒥᐁᐎᑲᒥᒃ; ᓇᒪᐎᓚ ᒫᑲ ᑲᑕ ᔖᑯᒋᐃᑯᒪᑲᓐ ᒪᒋ ᐃᔥᑯᑌᐤ ᐃᔥᒀᑌᒪ᙮

ᐅᐸᓓᑭᔅ ᒫᑎᐤ 2:6

ᑭᓚ ᒫᑲ ᐯᑦᓕᔭᒻ, ᒎᑕ ᐅᑦ ᐊᔅᑮᒃ, ᓇᒪᐎᓚ ᑮ ᒫᐗᒋ ᐋᐱᔅᑌᓕᑖᑯᓯᓐ ᐁ ᐃᑕᓯᒋᒃ ᐌᑭᒪᐎᒋᒃ ᒎᑕᐃᒃ: ᐌᓴ ᑭᓚ ᐁᑯᑕ ᑫ ᐅᒌᑦ ᐊᓇ ᑭᒋᐅᑭᒪᐤ ᑫ ᑎᐯᓕᒫᑦ ᓂᑦ ᐃᓕᓕᒪ ᐃᔅᕃᐃᓚ᙮

ᐅᐸᓓᑭᔅ ᒫᕐᒃ 13:9

ᒫᑲ ᔮᒀᒥᓰᒃ ᑭᓚᐗᐤ: ᐌᓴ ᑭ ᑳ ᐸᑭᑎᓂᑯᐙᐗᒃ ᑭᒋ ᑎᐹᔅᑯᓂᑲᐎᔦᒃ; ᓀᔥᑕ ᐋᔭᒥᐁᐎᑲᒥᑯᒃ ᑭ ᑳ ᐅᑕᑕᒪᐅᑳᐎᓇᐗᐤ: ᑭ ᑳ ᐃᑐᑕᐃᑲᐎᓇᐗᐤ ᒫᑲ ᑭᒋ ᐃᑎᔥᑲᐃᔥᑲᐌᑾᒃ ᐅᑭᒫᐗᒃ ᓀᔥᑕ ᑭᒋᐅᑭᒫᐗᒃ ᓂᓚ ᐅᒋ, ᐁᐗᑴᓕᐤ ᑭᒋ ᒫᒥᔑᒥᑯᒋᒃ᙮

ᐅᐸᓓᑭᔅ ᓘᒃ 12:32

ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᓘᒃ 21:34

ᔮᒀᒥᓰᒃ ᒫᑲ ᐁᑳ ᑭᒋ ᒫᑕᑯᔥᑭᑳᑌᑭ ᑭᑌᐃᐙᐗ ᒥᔅᑕᐃ ᐁ ᒥᒋᓱᔦᒃ ᓀᔥᑕ ᐁ ᑭᔥᑴᐯᔦᒃ, ᓀᔥᑕ ᐁ ᐅᑕᒣᓕᑕᒣᒃ ᐅᒪ ᐱᒫᑎᓯᐎᓐ, ᐁᑳ ᐊᓂᒪ ᐁ ᑭᔑᑳᒃ ᑫᑕᑕᐌ ᑭᒋ ᐅᑎᑎᑯᔦᒃ᙮

ᐊᐸᔅᑕᓚᒃ 13:2

ᒣᒀᒡ ᐁ ᐋᑐᔅᑫᔅᑕᐙᒋᒃ ᐅᑎᐯᓕᒋᑫᐗ, ᓀᔥᑕ ᐁ ᓂᑲᓱᒋᒃ, ᑳ ᐸᓓᑭᓯᑦ ᐊᒑᒃ ᑮ ᐃᑗᐤ, ᐹᑲᓇᒪᐎᒃ ᐹᕐᓇᐸᔅ ᓀᔥᑕ ᓵᓪ ᐊᓂᒪ ᐊᑐᔅᑫᐎᓐ ᐅᒋ ᑳ ᑮ ᐃᔑ ᓇᑐᒪᑭᒃ᙮

ᐊᐸᔅᑕᓚᒃ 14:23

ᐃᔅᐱ ᒫᑲ ᑳ ᑮ ᐸᑲᓂᐋᒋᒃ ᐅᓂᑳᓀᓕᑖᑯᓯᐗ ᒥᓯᐌ ᑕᑐ ᐋᔭᒥᐁᐎᑲᒥᑯᒃ ᓀᔥᑕ ᐁ ᑮ ᐋᔭᒥᐋᒋᒃ ᐁ ᓂᑲᓱᒋᒃ, ᑮ ᐸᑭᑎᓇᒪᐌᐗᒃ ᐅᑎᐯᓕᒋᑫᐗ, ᐊᓂᐃ ᑳ ᑖᐺᔦᓕᒫᓕᒋ᙮

ᐊᐸᔅᑕᓚᒃ 20:17

ᒪᐃᓕᑕᓯᒃ ᒫᑲ ᐅᒋ ᑮ ᐃᔓᑎᔕᐅᐌᐤ ᐊᓐᑕ ᐃᐱᓴᓯᒃ, ᓀᔥᑕ ᑮ ᓈᑐᒣᐤ ᑳ ᓂᑳᓀᓕᑖᑯᓸᓕᒋ ᐅᑖᔭᒥᐋᐗ᙮

ᐊᐸᔅᑕᓚᒃ 20:29

ᐌᓴ ᐅᒪ ᓂ ᑭᔅᑫᓕᑌᓐ, ᐹᑎᒪ ᑮ ᑭᑐᑌᔮᓀ ᑭ ᑳ ᐱᑐᑳᑯᐙᐗᒃ ᑳ ᑯᔅᑖᑎᑯᓯᒋᒃ ᒪᐃᑲᓇᒃ, ᐁᑳ ᐁ ᒪᓈᒋᐋᒋᒃ ᒫᓂᔥᒑᓂᔕ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:16

ᐊᑕᒥᔅᑖᑐᒃ ᐁ ᐸᓓᑭ ᐅᒉᒥᑐᔦᒃ᙮ ᙭ ᐅ ᒫᒪᐎᐋᔭᒥᐊᒪ ᑭᑦ ᐊᑕᒥᔅᑳᑯᐗᐗᒃ᙮

ᓂᔥᑕᒻ ᑯᕆᓐᑎᐊᓇ 1:2

ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓂᐃ ᑳ ᐸᓓᑭᐋᑲᓂᐎᓕᒋ ᙭ ᒋᓴᓯᒃ, ᑳ ᑮ ᓇᑐᒫᑲᓂᐎᓕᒋ ᑭᒋ ᐅᐸᓓᑭᓯᐎᓕᒋ, ᐊᓯᒋ ᒥᓯᐌ ᐃᑌ ᑳ ᑌᑆᑕᒸᓕᒋ ᐅᑦ ᐃᔑᓂᑳᓱᐎᓂᓕᐤ ᒋᓴᔅ ᙭ᑕ ᑭ ᑎᐯᓕᒋᑫᒥᓇᐗ, ᐊᓇ ᑳ ᑎᐯᓕᒫᑦ ᐊᓂᐃ ᓀᔥᑕ ᑭᓚᓈᓇᐤ᙮

ᓂᔥᑕᒻ ᑯᕆᓐᑎᐊᓇ 10:32

ᐁᑳᐎᓚ ᓈᔦᑕᐌᓕᑕᒥᐃᑯᒃ ᒎᐗᒃ, ᐁᑳ ᓀᔥᑕ ᒉᓐᑖᐃᓚᒃ, ᐁᑳ ᓀᔥᑕ ᐅ ᒫᒪᐎᐊᔭᒥᐋᒥ ᑭᒋᒪᓂᑐ;

ᓂᔥᑕᒻ ᑯᕆᓐᑎᐊᓇ 11:22

ᑖᓀᑫ! ᓇᒪ ᓈ ᑭᑦ ᐅ ᐎᑭᓇᐗᐤ ᐁᑯᑕ ᑭᒋ ᒥᒋᓱᔦᒃ ᓀᔥᑕ ᒥᓂᑴᔦᒃ? ᓀᔥᑕ ᐱᑯ ᑭᑦ ᐋᑕᐌᓕᑕᒸᓈᐗᐤ ᑭᒋᒪᓂᑐ ᐅᑦ ᐋᔭᒥᐁᐎᑲᒥᒃ, ᓀᔥᑕ ᑭ ᓇᓀᐯᐎᐊᐗᐗᒃ ᐊᓂᑭ ᐁᑳ ᑳ ᐋᔮᒋᒃ? ᑖᓂ ᑫ ᐃᑎᑕᑾᒃ? ᑭ ᑳ ᒫᒪᑖᑯᒥᑎᓇᐗᐤ ᓈ ᐅᒪ ᐁ ᑐᑕᒣᒃ? ᓇᒪᐎᓚ ᑭ ᒫᒪᑖᑯᒥᓇᐗᐤ᙮

ᓂᔥᑕᒻ ᑯᕆᓐᑎᐊᓇ 15:9

ᐌᓴ ᓂ ᒫᐗᒋ ᐋᐱᔅᑎᓕᑖᑯᓯᓐ ᐁ ᐃᑕᓯᒋᒃ ᐊᐸᔅᑕᓚᓪ, ᓇᒪ ᓀᔥᑕ ᓂ ᑌᐸᑫᓕᑖᑯᓯᓐ ᐊᐸᔅᑕᓪ ᑭᒋ ᐃᔑᓂᑳᑎᑲᐎᔮᓐ; ᐌᓴ ᓂ ᑮ ᑲᒀᑕᑭᐃᒪᐗ ᑭᒋᒪᓂᑐ ᐅ ᒫᒪᐎᐋᔭᒥᐋᒪ᙮

ᓂᔥᑕᒻ ᑯᕆᓐᑎᐊᓇ 6:20

ᐌᓴ ᑭ ᑮ ᐅᑎᓂᑲᐎᓇᐗᐤ ᐁ ᑮ ᑎᐸᐅᑲᐎᔦᒃ: ᐁᐗᑯ ᐅᒋ ᑭᔅᑌᓕᒥᒃ ᑭᒋᒪᓂᑐ ᑭᔭᐎᐗᒃ, ᓀᔥᑕ ᑭᑦ ᐊᒑᑯᐙᒃ, ᑳ ᑎᐯᓕᑕᒃ ᑭᒋᒪᓂᑐ᙮

ᑲᓓᔕᐊᓇ 1:13

ᐌᓴ ᑭ ᑮ ᐯᑌᓇᐗᐤ ᐌᔅᑲᒡ ᑳ ᑮ ᐋᔨᑎᔮᓐ ᒎᐗᒃ ᐅᑦ ᐋᔭᒥᐋᐎᓂᐙᒃ, ᑳ ᑮ ᐃᔑ ᐋᓕᐙᒃ ᑲᒀᑕᑭᐃᒪᒃ ᐅᑦ ᐋᔭᒥᐋᒪ ᑭᒋᒪᓂᑐ, ᓀᔥᑕ ᑳ ᑮ ᐃᔑ ᓂᔑᐗᓈᒋᐃᒪᒃ:

ᐃᐱᓯᔭᓇ 1:14

ᐁᐗᑯ ᑫᒋᓇᐅᐎᓐ ᑭᒋ ᐋᔮᔭᒃ ᑭ ᑎᐱᓚᐌᐎᓯᐎᓂᓇᐤ ᐱᓕᔥ ᑎᐸᐊᒫᑫᔅᒋᑳᑌᒃ ᐊᓂᒪ ᐌᑎᓂᑳᑌᒃ ᑎᐯᓕᑕᒧᐎᓐ, ᑫ ᐅᒋ ᒫᒥᒋᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ᙮

ᐃᐱᓯᔭᓇ 1:7

ᐊᓇ ᑳ ᐅᒋ ᐋᔮᔭᒃ ᐱᒫᒋᐃᑯᓯᐎᓐ ᐅᒥᑯ ᐅᒋ, ᐁ ᐌᐯᓕᒋᑳᑌᑭ ᒪᒋᑣᐎᓇ, ᐁ ᐃᔑ ᐌᓗᑕᓂᓕᒃ ᐅ ᔕᐌᓕᒋᑫᐎᓐ;

ᐃᐱᓯᔭᓇ 4:11

ᑮ ᒥᓕᐌᐤ ᒫᑲ ᐋᑎᑦ ᑭᒋ ᐋᐎᓕᒋ ᐊᐸᔅᑕᓚᒃ; ᐋᑎᑦ ᓀᔥᑕ, ᐅᑭᔅᑭᐙᐃᑫᐗᒃ; ᐋᑎᑦ ᓀᔥᑕ ᒥᓗᐋᒋᒧᐎᓕᓕᐗᒃ; ᐋᑎᑦ ᓀᔥᑕ, ᐅᑲᓇᐌᓕᒥᐌᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ;

ᐱᓕᐱᔭᓇ 1:1

ᐹᓪ ᓀᔥᑕ ᑎᒧᑎ, ᐅᑦ ᐊᑑᔅᑫᓛᑲᓂᒪ ᒋᓴᔅ ᙭, ᐁ ᒪᓯᓇᐊᒪᐙᒋᒃ ᒥᓯᐌ ᐅᐸᓓᑭᓴ ᙭ ᒋᓴᓯᒃ, ᑳ ᐃᑖᓕᒋ ᐱᓕᐹᐃᐃᒃ, ᐊᓯᒋ ᑭᒋᐋᔭᒥᐁᐎᑭᒪᐗ ᓀᔥᑕ ᑎᑲᓇ:

ᑯᓚᔑᔭᓇ 1:14

ᐊᓇ ᑳ ᐅᒋ ᐋᔮᔭᒃ ᐱᒫᒋᐃᑯᓯᐎᓐ ᐅᒥᑯ ᐅᒋ, ᐁ ᐌᐯᓕᒋᑳᑌᑭ ᒪᒋᑣᐎᓇ ᐅᑎ᙮

ᑯᓚᔑᔭᓇ 4:17

ᐃᑎᒃ ᒫᑲ ᐊᕐᑭᐸᔅ, ᔮᒀᒥᓰᔅᑕ ᐊᓂᒪ ᐋᔮᒥᐊᐎ ᐊᑑᔅᑫᐎᓐ ᑳ ᑮ ᐅᑎᓇᒪᓐ ᐅᑎᐯᓕᒋᑫᒃ, ᑭᒋ ᑎᐱᑐᑕᒪᓐ᙮

ᓂᔥᑕᒻ ᑎᒧᑎ 3:1

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ: ᑮᔥᐱᓐ ᐊᐌᓇ ᐃᓕᓕᐤ ᓇᑕᐌᓕᑕᑫ ᑭᒋᐋᔭᒥᐁᐎᑭᒪᐤ ᐅᑦ ᐃᑖᐸᑎᓯᐎᓐ, ᓇᑕᐌᓕᑕᒻ ᒥᓗ ᐊᑑᔅᑫᐎᓂᓕᐤ᙮

ᓂᔥᑕᒻ ᑎᒧᑎ 3:2

ᑭᒋᐋᔭᒥᐁᐎᑭᒪᐤ ᒫᑲ ᑫᒋᓈᔥ ᑲᑕ ᒥᓗᐃᑌᓕᑖᑯᓯᐤ, ᐁ ᐅ ᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᑭᓯᓴᐎᓰᑦ, ᐁ ᐯᑳᒡ ᐃᑖᑎᓰᑦ, ᐁ ᒥᓦᑎᓰᑦ ᑭᔐᐙᑐᑕᐙᑦ ᒫᓐᑌᐗ, ᐁ ᑲᔥᑭᑖᑦ ᑭᒋ ᑭᔅᑭᓄᐊᒫᑫᑦ;

ᓂᔥᑕᒻ ᑎᒧᑎ 3:5

ᐌᓴ ᑮᔥᐱᓐ ᐊᐌᓇ ᐁᑳ ᑭᔅᑫᓕᑕᒃ ᑫ ᐃᔑ ᑎᐯᓕᑕᒃ ᑎᐱᓚᐌ ᐎᑭ, ᑖᓂ ᑫ ᐃᔑ ᑲᓇᐌᓕᒥᒫᑦ ᑭᒋᒪᓂᑐ ᐅ ᒫᒪᐎᐋᔭᒥᐋᒪ?

ᓂᔥᑕᒻ ᑎᒧᑎ 4:14

ᐁᑳᐎᓚ ᐋᒋᔅᑕᐌᓕᑕ ᐊᓂᒪ ᒥᓕᐌᐎᓐ ᑳ ᐱᒋᔅᑳᑯᔭᓐ, ᑳ ᑮ ᒥᓕᑲᐎᔭᓐ ᑭᔅᑭᐙᐃᑫᐎᓐ ᐅᒋ, ᓀᔥᑕ ᐁ ᑮ ᐃᑖᔅᑖᓂᐗᓂᓕᑭ ᐅᒋᒋᐙᐗ ᒫᒪᐎ ᑳ ᓂᑳᓀᓕᑖᑯᓯᒋᒃ᙮

ᓂᔥᑕᒻ ᑎᒧᑎ 4:16

ᔮᒀᒥᓯᔅᑕᒫᓱ, ᓀᔥᑕ ᑭ ᑭᔅᑭᓄᐊᒫᑫᐎᓐ: ᑕᑭ ᓄᒋᑖ: ᐌᓴ ᐅᒪ ᐁ ᑐᑕᒪᓐ ᑖᐱᔅᑯᒡ ᑭ ᑳ ᐱᒫᒋᐃᑎᓱᓐ ᐊᓂᑭ ᓀᔥᑕ ᑳ ᓇᑐᑖᔅᑭᒃ᙮

ᓂᔥᑕᒻ ᑎᒧᑎ 5:17

ᐁᑯᔑ ᐊᓂᑭ ᐅᓂᑳᓀᓕᑖᑯᓯᐗᒃ ᑳ ᒥᓗ ᑎᐯᓕᒋᑫᒋᒃ ᓂᔡᐤ ᐃᓕᑯᒃ ᑲᑕ ᐃᔑ ᑭᔅᑌᓕᒪᐗᒃ, ᐅᓵᒻ ᐊᓂᑭ ᑳ ᐊᑑᔅᑫᒋᒃ ᐋᔭᒥᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 12:15

ᐁ ᑭᓯᓴᐎᓯᐎ ᐊᔕᐙᐱᔦᒃ, ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐸᑭᔑᒃ ᐅ ᔕᐌᓕᒋᑫᐎᓂᓕᐤ ᑭᒋᒪᓂᑐᐗ ᐅᒋ; ᐁᑳ ᐁ ᐅᒉᐱᑭᐗᒃ ᐎᓴᑯᐅᐌᐎᓐ ᐁ ᓵᑭᑭᒃ ᑭᒋ ᒥᑯᔥᑳᒋᐃᑯᔦᒃ, ᑫ ᐅᒋ ᐎᓂᐅᒋᒃ ᑳ ᒥᒉᑎᑭᒃ;

ᐦᐃᑉᕉᐗ 13:17

ᓇᓇᐃᑖᑯᒃ ᐊᓂᑭ ᑳ ᑎᐯᓕᒥᑖᑾᒃ, ᓀᔥᑕ ᑕᐸᑌᓕᒥᑎᓱᔅᑖᑯᒃ: ᐌᓴ ᐊᔕᐙᐸᒣᐗᐤ ᑭᑦ ᐊᒑᑯᐙᐗ, ᑖᐱᔅᑯᒡ ᐊᓂᑭ ᑫ ᐃᑖᒋᒧᒋᒃ, ᒥᓚᐙᑕᒧᐎᓂᒃ ᑭᒋ ᐃᔑ ᑐᑕᑭᒃ, ᓇᒪ ᒫᑲ ᒪᒥᔕᒣᓕᑕᒧᐎᓂᒃ: ᐌᓴ ᐊᓂᒪ ᓇᒪᐎᓚ ᓈᓐᑕᐤ ᑭᑦ ᐃᑖᐸᒋᐃᑯᓇᐗᐤ᙮

ᓂᔥᑕᒻ ᐱᑕᕐ 2:25

ᐌᓴ ᑭ ᑮ ᓇᔅᐱᑕᐙᐗᐗᒃ ᒫᓂᔥᒑᓂᔕᒃ ᐁ ᐗᓂᔑᑭᒃ; ᒫᑲ ᐊᓄᒡ ᑮ ᑭᐌᑐᑕᐗᐗᐤ ᑭᑦ ᐊᒑᑯᐗᐗᒃ ᐅ ᒫᓂᔥᒑᓂᔑᐎᓕᓕᒥᐙᐗ ᓀᔥᑕ ᐅ ᑭᒋᐋᔭᒥᐁᐎᑭᒫᒥᐗᐗ᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᓂᔥᑕᒻ ᒑᓐ 1:7

ᒫᑲ ᑮᔥᐱᓐ ᐱᒧᑖᑕᒪᒃ ᐙᔅᑌᐎᓐ, ᑖᐱᔅᑯᒡ ᐁ ᐃᔑ ᐃᑖᑦ ᐙᔅᑌᐎᓂᒃ, ᑭᑦ ᐅᑐᑌᒥᒥᑐᓈᓇᐤ, ᓀᔥᑕ ᐅᑯᓯᓴ ᒋᓴᔅ ᙭ ᐅᒥᑯᒻ ᑭ ᐸᔦᑭᐃᑯᐙᓈᓇᐤ ᒥᓯᐌ ᒪᒋᑣᐎᓂᒃ ᐅᒋ᙮

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;