27 ᐌᓴ ᓇᒪᐎᓚ ᓂ ᑮ ᔖᑴᓕᒧᓐ ᑭᒋ ᐎᑕᒪᑕᑾᒃ ᒥᓯᐌ ᑭᒋᒪᓂᑐ ᐅᑦ ᐃᑌᓕᑕᒪᐎᓐ᙮
ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮
ᒫᑲ ᐹᕋᓯᔭᒃ ᓀᔥᑕ ᐅᓚᔓᐌᐎᓕᓕᐗᒃ ᑮ ᐋᑕᐌᓕᑕᒬᐗᒃ ᑭᒋᒪᓂᑐᐗ ᐅ ᑲᑫᔅᑭᒥᐁᐎᓂᓕᐤ ᑳ ᐃᔑ ᑲᑫᔅᑭᒥᑯᓕᒋ, ᐁᑳ ᐁ ᐅᒋ ᓯᑲᐊᑖᑯᒋᒃ᙮
ᐊᓄᒡ ᐅᒋ ᓇᒪᐎᓚ ᐊᑑᔅᑫᓛᑲᓇᒃ ᑭᑦ ᐃᔑᓂᑳᑎᑎᓇᐗᐤ; ᐌᓴ ᐊᑑᔅᑫᓛᑲᓐ ᓇᒪᐎᓚ ᑭᔅᑫᓕᑕᒻ ᑫᒀᓕᐤ ᐅᑦ ᐅᑭᒫᒪ ᐁᑐᑕᒥᓕᒋ: ᒫᑲ ᓂᑐᑌᒪᐤ ᑭ ᑮ ᐃᔑᓂᑳᑎᑎᓇᐗᐤ, ᐌᓴ ᒥᓯᐌ ᑫᒀᓇ ᑳ ᑮ ᐯᑕᒫᓐ ᓄᑖᐎ ᐅᒋ, ᑭ ᑮ ᑭᔅᑫᓕᑕᒥᐃᑎᓇᐗᐤ᙮
ᐌᓴ ᑌᐱᑦ, ᐃᔅᐱ ᑳ ᑮ ᐳᓂ ᐋᑐᔅᑲᐙᑦ ᐊᓂᐃ ᑳ ᑮ ᐎᒋ ᐱᒪᑎᓯᒫᑦ ᑭᒋᒪᓂᑐ ᐅᑦ ᐃᑌᓕᑕᒧᐎᓐ ᐅᒋ, ᑮ ᑳᐎᑯᔑᐤ, ᓀᔥᑕ ᐁ ᑮ ᐎᒋᔑᓄᒫᑦ ᐅᑖᐎᔭ, ᑮ ᐗᐸᑕᒻ ᒫᑲ ᓂᔑᐗᓈᑎᓯᐎᓂᓕᐤ:
ᐎᓚ ᐁ ᑮ ᐸᑭᑎᓈᑲᓂᐎᑦ ᑭᒋᒪᓂᑐ ᐅᑦ ᐅᓚᔓᐌᐎᓐ ᓀᔥᑕ ᐅ ᓂᑳᓂ ᑭᔅᑫᓕᑕᒧᐎᓐ ᐅᒋ, ᑭ ᑮ ᐅᑎᓈᐗᐤ, ᓀᔥᑕ ᒪᒑᑎᓯᐎ ᒥᒋᒋᒃ ᑭ ᑮ ᐅᒋ ᒋᔅᑖᔅᑾᐗᐗᐤ ᓀᔥᑕ ᑭ ᑮ ᓂᐸᐋᐗᐤ:
ᓀᔥᑕ ᐁᑳ ᐁ ᑮ ᓇᑲᓇᒪᑕᑾᒃ ᑫᒀᓐ ᑫ ᒥᓗ ᑐᑕᑯᔦᑭᐸᓐ, ᒫᑲ ᑭ ᑮ ᐙᐸᑎᓕᑎᓇᐗᐤ, ᓀᔥᑕ ᑭ ᑮ ᑭᔅᑭᓄᐊᒪᑎᓇᐗᐤ ᒧᔓᔐ, ᓀᔥᑕ ᐊᑭᓀ ᐙᔅᑲᔨᑲᓂᒃ᙮
ᒥᓯᐌ ᑫᒀᓇ ᑭ ᑮ ᐙᐸᑎᓕᑎᓈᐗᐤ, ᐊᓂᒪ ᐁ ᐋᐸᑎᓯᔦᒃ ᐅᒋ ᑭ ᑳ ᐅᑎᓇᒪᐗᑖᐙᐗᒃ ᐊᓂᑭ ᑳ ᓕᓚᒥᓯᒋᒃ, ᓀᔥᑕ ᑭᒋ ᑭᔅᑭᓯᑐᑕᒬᒃ ᐅᑦ ᐋᔭᒥᐎᓇ ᐅᑎᐯᓕᒋᑫᐤ ᒋᓴᔅ, ᑖᓂ ᑳ ᐃᔑ ᐃᑗᑦ, ᐊᐙᓯᑌ ᔕᐌᓕᑕᑯᓯᓇᓂᐗᓐ ᐁ ᒥᓕᐙᓂᐗᒃ ᐃᔥᐱᔥ ᐁ ᐅᑎᓂᑳᓂᐗᒃ᙮
ᐌᓴ ᓂ ᑮ ᒥᓕᒃ ᐅᑎᐯᓕᒋᑫᐤ ᐊᓂᒪ ᑳ ᑮ ᐸᑭᑎᓇᒫᑕᑾᒃ; ᐅᑎᐯᓕᒋᑫᐤ ᒋᓴᔅ ᐊᓂᐁᓕᐤ ᐁ ᑎᐱᔅᑳᓕᒃ ᐃᔅᐱ ᑳ ᐙᔦᔑᐸᑭᑎᓈᑲᓂᐎᑦ, ᑮ ᐅᑎᓀᐤ ᐊᓚᑯᓇᐗ:
ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮
ᐅᒪ ᐅᒋ ᓈ ᑭ ᐸᒀᑖᑲᓂᐗᐤ ᓈ ᑭᑦ ᐃᑌᓕᒥᓇᐗᐤ ᐁ ᐎᑕᒫᑕᑾᒃ ᑖᐺᐎᓐ?
ᐊᓇ ᓀᔥᑕ ᑳ ᑮ ᐅᒋ ᐋᔮᔭᒃ ᑎᐱᓚᐌᐎᓯᐎᓐ, ᐁ ᓂᑳᓂᑭᔅᑭᓇᐌᓕᒥᑲᐎᔭᒃ ᐁ ᐃᔑ ᑫᒋᓀᓕᑕᒃ ᐊᓇ ᑳ ᐋᔨᑐᑕᒃ ᒥᓯᐌ ᑫᒀᓇ ᐁ ᐃᔑ ᑲᑫᔅᑭᒥᐌᒪᑲᓂᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ:
ᒫᑲ ᑳ ᑮ ᐃᑌᓕᒥᔭᒥᑦ ᑭᒋᒪᓂᑐ ᑭᒋ ᐸᑭᑎᓇᒫᑲᐎᔮᒃ ᒥᓗᐋᒋᒧᐎᓐ, ᐁᑯ ᐁ ᐃᔑ ᐋᔭᒥᔮᒃ; ᓇᒪᐎᓚ ᐁ ᐎ ᓇᐃᓚᐌᐊᑭᒋᒃ ᐃᓕᓕᐗᒃ, ᒫᑲ ᑭᒋᒪᓂᑐ ᑳ ᑲᑴᒋᑖᑦ ᓂᑌᐃᓈᓇ᙮
