ᐊᐸᔅᑕᓚᒃ 2:47 - ᐅᔅᑭ ᑎᔅᑌᒥᓐᑦ

⁴⁷ ᐁ ᒫᒥᒋᒫᒋᒃ ᑭᒋᒪᓂᑐᐗ, ᓀᔥᑕ ᐁ ᐎ ᐙᑯᒥᑯᒋᒃ ᒥᓯᐌ ᐃᓕᓕᐗ᙮ ᐅᑎᐯᓕᒋᑫᐤ ᒫᑲ ᑕᑣᐤ ᐁ ᑭᔑᑳᒃ ᑮ ᑕᑯᐁᐤ ᒫᒪᐎᐋᔭᒥᐋᐗ ᐊᓂᐃ ᑫ ᐱᒪᒋᐋᑲᓂᐎᓕᒋ᙮

ᐊᐸᔅᑕᓚᒃ 2:47 ပူးပေါင်းရင်းမြစ်များ

ᐅᐸᓓᑭᔅ ᓘᒃ 19:48

ᓇᒪᐎᓚ ᒫᑲ ᑮ ᒥᔅᑲᒶᒃ ᑫᒀᓕᐤ ᑫ ᑐᑕᑭᒃ: ᐌᓴ ᒥᓯᐌ ᐃᓕᓕᐗᒃ ᓈᔅᐱᒡ ᑮ ᑯᔥᒀᐙᒋ ᓇᑐᑕᐌᐗᒃ᙮

ᐅᐸᓓᑭᔅ ᓘᒃ 2:52

ᒋᓴᔅ ᒫᑲ ᐋᒋᐱᑯ ᑮ ᑲᑫᑕᐌᓕᑕᒻ, ᓀᔥᑕ ᑮ ᐊᑎ ᐅᐱᑭᐤ, ᐋᒋᐱᑯ ᒫᑲ ᑮ ᓵᑭᐃᑯ ᑭᒋᒪᓂᑐᐗ ᓀᔥᑕ ᐃᓕᓕᐗ᙮

ᐊᐸᔅᑕᓚᒃ 11:21

ᐅᑎᐯᓕᒋᑫᐤ ᐅᒋᒋᓕᐤ ᒫᑲ ᑮ ᐎᒋᐃᑯᐗᒃ: ᓈᔅᐱᒡ ᒥᒉᑦ ᒫᑲ ᑮ ᑖᐺᑕᒶᒃ, ᓀᔥᑕ ᑮ ᑴᔅᑲᑎᓯᔅᑕᐌᐗᒃ ᐅᑎᐯᓕᒋᑫᐗ᙮

ᐊᐸᔅᑕᓚᒃ 11:24

ᐌᓴ ᑮ ᒥᓗ ᐃᓕᓕᐎᐤ, ᓀᔥᑕ ᑮ ᓵᑲᔅᑭᓀᔅᑳᑯ ᐸᓓᑭ ᐊᒑᑾ ᓀᔥᑕ ᑖᐺᔦᓕᑕᒧᐎᓂᓕᐤ: ᒥᒉᑦ ᒫᑲ ᐃᓕᓕᐗ ᑮ ᑕᑯᑕᒪᐙᑲᓂᐎᐤ ᐅᑎᐯᓕᒋᑫᐤ᙮

ᐊᐸᔅᑕᓚᒃ 13:48

ᐃᔅᐱ ᒫᑲ ᒉᓐᑖᐃᓚᒃ ᐅᒪ ᐱᐁᑕᑭᒃ ᑭ ᓯᑭᓓᓯᐗᒃ, ᓀᔥᑕ ᑭ ᑭᔅᑌᓕᑕᒶᒃ ᐅᑎᐯᓕᒋᑫᐗ ᐅᑦ ᐊᔭᒥᐎᓂᓕᐤ: ᒥᓯᐌ ᒫᑲ ᑳ ᑮ ᐃᑕᑭᒥᒋᒃ ᑳᑭᑫ ᐱᒫᑎᓯᐃᓂᒃ ᐃᔑ, ᑮ ᑖᐺᑕᒶᒃ᙮

ᐊᐸᔅᑕᓚᒃ 14:1

ᑮ ᐃᑭᓐ ᒫᑲ ᐊᓐᑕ ᐋᐃᑯᓂᐊᒥᒃ, ᑖᐱᔅᑯᒡ ᐁ ᑮ ᐱᑐᑫᒋᒃ ᒎᐗ ᐅᑦ ᐋᔭᒥᐁᐎᑲᒥᑯᓕᒃ ᓀᔥᑕ ᐁ ᑮ ᐃᔑ ᐊᔭᒥᒋᒃ, ᓈᔅᐱᒡ ᒥᒉᑦ ᑳ ᒪᐗᒋᐃᑐᓕᒋ, ᑖᐱᔅᑯᒡ ᒎᐗ ᓀᔥᑕ ᒃᕆᑲ ᑳ ᐅᒋ ᑖᐺᑕᒥᓕᒋ᙮

ᐊᐸᔅᑕᓚᒃ 14:21

ᐃᔅᐱ ᒫᑲ ᑳ ᑮ ᐙᐎᑕᑭᒃ ᒥᓗᐋᒋᒧᐎᓂᓕᐤ ᐊᓂᒪ ᐃᑖᐎᓂᒃ, ᓀᔥᑕ ᒥᒉᑦ ᐁ ᑮ ᑭᔅᑭᓄᐊᒪᐙᒋᒃ, ᑮ ᑭᐌᐗᒃ ᒥᓇ ᓕᔅᑕᕋᐃᒃ ᐃᔑ, ᓀᔥᑕ ᐋᐃᑯᓂᐊᒥᒃ ᓀᔥᑕ ᐋᓐᑎᐊᑭᒃ,

ᐊᐸᔅᑕᓚᒃ 16:5

ᐁᑯ ᒫᑲ ᒫᒪᐎᐋᔭᒥᐊᐗᒃ ᑳ ᒫᔥᑲᐎᐋᑲᓂᐎᒋᒃ ᑖᐺᔦᓕᑕᒧᐎᓂᒃ, ᓀᔥᑕ ᑮ ᓚᑭᐅᐗᒃ ᐁ ᐃᑕᓯᒋᒃ ᑕᑡᐤ ᐁ ᑭᔑᑳᓕᒃ᙮

ᐊᐸᔅᑕᓚᒃ 17:12

ᐁᐗᑯ ᐅᒋ ᒥᒉᑦ ᑮ ᑖᐺᑕᒶᒃ; ᑳ ᑭᔅᑌᓕᑕᑯᓯᒋᒃ ᐃᔅᑴᐗᒃ ᑳ ᒃᕆᑭᐎᒋᒃ, ᓀᔥᑕ ᐃᓕᓕᐗᒃ ᐅᒋ, ᓇᒪ ᐎᓚ ᒐᑾᐙᔑᔥ᙮

ᐊᐸᔅᑕᓚᒃ 2:39

ᐌᓴ ᑭᓚᐙᐤ ᑭ ᒥᓕᑲᐎᓈᐗᐤ ᐊᓂᒪ ᐊᔓᑕᒫᑫᐎᓐ, ᓀᔥᑕ ᑭᑦ ᐊᐙᔑᒥᔑᐗᐗᒃ, ᓀᔥᑕ ᒥᓯᐌ ᐊᓂᑭ ᐙᓚᐤ ᑳ ᐃᑖᒋᒃ, ᐱᓕᔥ ᑕᑐ ᐊᓂᑭ ᑫ ᓇᑐᒥᑯᒋᒃ ᐅᑎᐯᓕᒋᑫᐗ ᑭ ᑭᒋᒪᓂᑐᒥᓇᐗ᙮

ᐊᐸᔅᑕᓚᒃ 2:41

ᐁᑯ ᒥᓯᐌ ᐊᓂᑭ ᑳ ᐱᔑᒋᐋᒋᒃ ᓯᑭᓓᓯᐎᓂᒃ ᑮ ᓯᑲᐊᑕᐙᑲᓂᐎᐗᒃ; ᐊᓂᒪ ᐁ ᑭᔑᑳᒃ ᒫᑲ ᑮ ᓚᑭᐳᐗᒃ ᐊᓂᑭ ᐅᑕᔭᒥᐋᐙᒃ ᓈᓐᑕᐤ ᓂᔅᑡᐤ ᑭᒋᒥᑖᑐᒥᑕᓇᐤ ᐊᒑᑯᔕ᙮

ᐊᐸᔅᑕᓚᒃ 4:21

ᐃᔅᐱ ᒫᑲ ᐊᐙᓯᑌ ᑳ ᔮᑳᒥᐋᒋᒃ, ᑮ ᐸᑭᑎᓀᐗᒃ, ᐁᑳ ᑫᒀᓕᐤ ᐁ ᒥᔅᑲᑭᒃ ᑫ ᑮ ᐅᒋ ᓇᓀᑳᒋᐋᒋᒃ ᐊᓂᐃ ᐃᓕᓕᐗ ᐅᒋ, ᐌᓴ ᒥᓯᐌ ᐃᓕᓕᐗᒃ ᑮ ᑭᔅᑖᒋᒣᐗᒃ ᑭᒋᒪᓂᑐᐗ ᐊᓂᐁᓕᐤ ᑳ ᑮ ᑐᒋᑳᑌᓕᒃ ᐅᒋ᙮

ᐊᐸᔅᑕᓚᒃ 4:33

ᓀᔥᑕ ᑭᒋ ᓱᑳᑎᓯᐎᓇᒃ ᐊᐸᔅᑕᓚᒃ ᑮ ᑎᐹᑐᑕᒬᐗᒃ ᐅ ᐗᓂᔥᑳᐎᓂᓕᐤ ᑳ ᐅᑎᐯᓕᒋᑫᐗ ᒋᓴᓴ: ᑮ ᑭᒋ ᔕᐌᓕᑖᑯᓯᐗᒃ ᒫᑲ ᒥᓯᐌ ᐁ ᐃᑕᓯᒋᒃ᙮

ᐊᐸᔅᑕᓚᒃ 4:4

ᑫᔮᐸᒡ ᒫᑲ ᒥᒉᑦ ᐊᓂᑭ ᑳ ᐯᑕᑭᒃ ᐋᔭᒥᐎᓂᓕᐤ ᑭ ᑖᐺᑕᒶᒃ; ᓀᔥᑕ ᐊᓂᑭ ᐃᓕᓕᐗᒃ ᓈᓐᑕᐤ ᓂᔭᓚᐗᐤ ᑭᒋᒥᑖᑐᒥᑕᓇᐤ ᑮ ᐃᑕᔑᐗᒃ᙮

ᐊᐸᔅᑕᓚᒃ 6:1

ᒣᒀᒡ ᒫᑲ ᐊᓂᐃ ᑭᔑᑳᐗ, ᐃᔅᐱ ᐊᓂᑭ ᑭᔅᑭᓄᐊᒪᐙᑲᓇᒃ ᑳ ᑮ ᒥᒉᑎᒋᒃ, ᐊᓂᑭ ᒃᕆᓯᔮᓇᒃ ᑮ ᒥᑕᐎᒣᐗᒃ ᐊᓂᐃ ᐦᐃᑉᕉᐊ, ᐌᓴ ᑳ ᑭᐙᑎᓯᓕᒋ ᐅᑦ ᐃᔅᑴᒥᐙᐗ ᓇᒪ ᐅᒋ ᐱᓯᔅᑫᓕᒫᑲᓂᐎᓕᐗ ᐃᔅᐱ ᑳ ᐅᒋᔅᑕᒫᑫᓈᓂᐗᓂᓕᒃ ᑕᑡᐤ ᑳᔑᑳᓕᑭ᙮

ᐊᐸᔅᑕᓚᒃ 6:7

ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮

ᐊᐸᔅᑕᓚᒃ 9:31

ᐁᑯ ᐁ ᐋᔮᒋᒃ ᐊᓜᐱᐎᓂᓕᐤ ᒫᒪᐎᐊᔭᒥᐋᐗᒃ ᒥᓯᐌ ᒎᑎᐊᐃᒃ ᓀᔥᑕ ᑳᓚᓕᒃ ᓀᔥᑕ ᓵᒣᕆᔭᐃᒃ, ᓀᔥᑕ ᑮ ᑭᔅᑭᓄᐊᒪᐗᑲᓂᐎᐗᒃ; ᐁ ᐱᒧᑌᒋᒃ ᒫᑲ ᐅᑎᐯᓕᒋᑫᐗ ᐅ ᓇᓂᒌᔅᑖᑯᓯᐎᓂᓕᒃ, ᓀᔥᑕ ᐸᓓᑭ ᐊᒑᑾ ᐅ ᑳᑭᒋᐃᐌᐎᓂᓕᒃ, ᑮ ᐊᑎ ᒥᒉᑎᐗᒃ᙮

ᐊᐸᔅᑕᓚᒃ 9:35

ᒥᓯᐌ ᒫᑲ ᑳ ᑕᔑᑫᒋᒃ ᐊᓐᑕ ᓕᑕᐃᒃ, ᓀᔥᑕ ᓭᕋᓂᒃ ᑮ ᐙᐸᒣᐗᒃ, ᓀᔥᑕ ᑮ ᑴᔅᑭᔅᑕᐌᐗᒃ ᐅᑎᐯᓕᒋᑫᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:18

ᐌᓴ ᐊᓇ ᐅᐅ ᑫᒀᓇ ᑳ ᐅᒋ ᐊᑑᔅᑲᐙᑦ ᙭ᑕ, ᒥᓜᓕᒥᑯ ᑭᒋᒪᓂᑐᐗ, ᓀᔥᑕ ᓇᐁᓕᒥᑯ ᐃᓕᓕᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:30

ᓀᔥᑕ ᒫᑲ ᐊᓂᐃ ᑳ ᑮ ᓂᑳᓂᑭᔅᑭᓇᐌᔦᓕᒫᑦ, ᐅᐅ ᓀᔥᑕ ᑮ ᓇᑐᒣᐤ: ᐊᓂᐃ ᓀᔥᑕ ᑳ ᑮ ᓇᑐᒫᑦ, ᐁᐗᒀᓂᐃ ᓀᔥᑕ ᑳ ᑮ ᒀᔭᔅᑭᑖᑎᓯᐋᑦ; ᓀᔥᑕ ᐊᓂᐃ ᑳ ᑮ ᒀᔭᔅᑭᑖᑎᓯᐋᑦ, ᐁᐗᒀᓂᐃ ᓀᔥᑕ ᑳ ᑮ ᑭᔅᑎᓕᑖᑯᐋᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:27

ᐋᐃᓭᔭ ᓀᔥᑕ ᑌᐺᐤ ᐃᔅᕃᐃᓪ ᐅᒋ, ᐋᑕ ᐃᔑ ᒥᒉᑎᒋᒃ ᐊᓂᑭ ᐃᔅᕃᐃᓪ ᐅᑦ ᐊᐙᔑᒥᔕ ᐁ ᐃᔑ ᒥᒉᑎᒃ ᓓᑲᐤ ᑭᒋᑲᒥᒃ, ᐁᓕᐌᒃ ᐋᑎᑦ ᐱᑯ ᑲᑕ ᐱᒫᒋᐊᐗᒃ:

ᓂᔥᑕᒻ ᑯᕆᓐᑎᐊᓇ 1:18

ᐌᓴ ᐁ ᑲᑫᔅᑭᒥᐙᓂᐗᒃ ᐊᓂᒪ ᐋᔑᑌᐋᑎᒃ ᑭᔥᑴᐄᓐ ᐃᑌᓕᑕᒶᒃ ᐊᓂᑭ ᑳ ᓂᔑᐗᓈᑎᓯᒋᒃ; ᒫᑲ ᑭᓚᓈᓇᐤ ᑳ ᐱᒫᒋᐃᑲᐎᔭᒃ ᑭᒋᒪᓂᑐ ᐅ ᑲᔥᑭᐅᐎᓐ ᑭᑦ ᐃᑌᓕᑌᓈᓇᐤ᙮