ᐊᐸᔅᑕᓚᒃ 2:40 - ᐅᔅᑭ ᑎᔅᑌᒥᓐᑦ

⁴⁰ ᒥᒉᑦ ᒫᑲ ᑯᑕᑭᔭ ᐋᔭᒥᐎᓇ ᐅᒋ ᑮ ᑎᐸᒋᒧᔅᑕᐌᐤ, ᓀᔥᑕ ᑮ ᔑᑭᒣᐤ, ᐁ ᐃᑗᑦ, ᐱᒫᒋᐃᑎᓱᒃ ᐅᑯ ᐅᒋ ᐊᓄᒡ ᑳ ᐋᓂᔅᑫ ᐱᒫᑎᓯᒋᒃ ᑳ ᑲᑫᐹᑎᓯᒋᒃ᙮

ᐊᐸᔅᑕᓚᒃ 2:40 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:34

ᐅ ᐋᔮᓂᔅᑫ ᑭᓀᐱᑯᐎᔦᒃ, ᑖᓐᑌ ᑫ ᑮ ᐅᒋ ᐋᔭᒥᐁᒃ ᒥᓗ ᑫᒀᓇ, ᐁ ᒪᒋᑣᔦᒃ? ᐌᓴ ᐁ ᐃᔑ ᓵᑲᔅᑭᓀᒃ ᒥᑌᐃ ᐁᑯ ᐁ ᐃᔑ ᐋᔭᒥᒪᑲᒃ ᒥᑐᓐ᙮

ᐅᐸᓓᑭᔅ ᒫᑎᐤ 16:4

ᒪᒋ ᓀᔥᑕ ᐱᔑᒀᑎᓯᐎ ᐃᓕᓕᐗᒃ ᓈᓇᑕᐌᓕᑕᒶᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ; ᒫᑲ ᓇᒪᐎᓚ ᑲᑕ ᒥᓛᐗᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ, ᐱᑯ ᐊᓇ ᐅᑭᔅᑭᐙᐃᑫᐤ ᒍᓇ ᐅ ᑭᔅᑭᓄᐙᒋ ᐙᐸᑎᓕᐌᐎᓐ᙮ ᐁᑯ ᒫᑲ ᓀᑲᑖᑦ, ᑮ ᑭᑐᑌᐤ ᒫᑲ᙮

ᐅᐸᓓᑭᔅ ᒫᑎᐤ 17:17

ᐁᑯ ᒋᓴᔅ ᓀᔥᑴᐗᔑᐃᐌᑦ ᐁ ᐃᑗᑦ, ᐅ ᐁᑳ ᐌᑖᐺᑕᒧᐎᓂᔦᒃ ᓀᔥᑕ ᓀᔦᑕᐙᑎᓯᔦᒃ ᑳ ᐋᓂᔅᑫᐱᒫᑎᓯᔦᒃ, ᑖᓀᓕᑯᒃ ᑫ ᐎᒉᐎᑕᑾᒃ? ᑖᓀᓕᑯᒃ ᑫ ᐯᐃᑕᑾᒃ! ᐯᑐᐎᓐ ᓂᓚ᙮

ᐅᐸᓓᑭᔅ ᒫᑎᐤ 23:33

ᑭᓚᐗᐤ ᒥᔑᑭᓀᐱᑭᑐᒃ, ᑭᓚᐗᐤ ᐋᔮᓂᔅᑫ ᑫᓀᐱᑯᐎᔦᒃ, ᑖᓂ ᑫ ᐃᔑ ᒥᔮᔥᑲᒣᒃ ᓂᔑᐗᓈᒋᒥᐌᐎᓐ ᒪᒋ ᐃᔥᑯᑌᒃ?

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐅᐸᓓᑭᔅ ᓘᒃ 16:28

ᐌᓴ ᓂᔮᓚᓕᐗᒃ ᓂᒋᔖᓇᒃ; ᑭᒋ ᐃᑖᒋᒧᔅᑕᐙᑦ, ᐁᑳ ᐎᓚᐗᐤ ᐊᓯᒋ ᐅᑕ ᑭᒋ ᐯᒋ ᐃᑐᑌᒋᒃ ᐃᑕ ᐁ ᐙᐎᓴᑫᓕᒋᑳᑌᒃ᙮

ᐅᐸᓓᑭᔅ ᓘᒃ 21:36

ᐁᐗᑯ ᐅᒋ ᒫᑲ ᐊᔕᐙᐱᒃ ᓀᔥᑕ ᐋᔭᒥᐋᒃ ᒧᔕᒃ, ᑭᒋ ᐃᑕᑭᒥᑳᐎᔦᒃ ᐁ ᑌᐸᑫᓕᑖᑯᓯᔦᒃ ᐁᑳ ᑭᒋ ᐅᑎᑎᑯᔦᒃ ᒥᓯᐌ ᐅᐅ ᑫᒀᓇ ᑫ ᐃᑭᑭ, ᓀᔥᑕ ᑭᒋ ᐅᑎᔥᑲᐎᑳᐸᐎᔅᑕᐌᒃ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᒑᓐ 21:25

ᓀᔥᑕ ᑫᔮᐸᒡ ᐃᑕᑾᓋ ᒥᒉᑦ ᑯᑕᑭᔭ ᑫᒀᓇ ᒋᓴᔅ ᑳ ᑮ ᑐᑕᒃ, ᐁᐗᒀᓂᐃ, ᑮᔥᐱᓐ ᒥᓯᐌ ᑮ ᒪᓯᓇᐃᑳᑌᓕᐙᑯᐸᓀ, ᒫᔅᑯᒡ ᓇᒪᐎᓚ ᐅᑕ ᐊᔅᑮᒃ ᑲᑕ ᑮ ᑌᐸᔅᑌᐸᓇ ᒪᓯᓇᐃᑲᓇ ᑫ ᒪᓯᓇᐃᑳᑌᐙᑯᐸᓀ᙮ ᐁᒣᓐ᙮

ᐊᐸᔅᑕᓚᒃ 10:42

ᓂ ᑮ ᐅᓚᔓᐗᑎᑯᓈᓐ ᒫᑲ ᑭᒋ ᑲᑫᔅᑭᒪᑭᒋᒃ ᐃᓕᓕᐗᒃ, ᓀᔥᑕ ᑭᒋ ᑎᐹᑐᑕᒫᒃ ᐎᓚ ᐁᐗᑯ ᑳ ᑮ ᐊᐌᓛᐸᒥᑯᑦ ᑭᒋᒪᓂᑐᐗ ᑭᒋ ᑎᐸᔅᑯᓈᑦ ᑳ ᐱᒪᑎᓯᓕᑭ ᓀᔥᑕ ᑳ ᓂᐱᓕᒋ᙮

ᐊᐸᔅᑕᓚᒃ 15:32

ᒎᑕᔅ ᒫᑲ ᓀᔥᑕ ᓵᐃᓚᔅ ᐁ ᐅᑭᔅᑭᐙᐃᑫᐎᒋᒃ ᐎᓚᐗᐤ ᓀᔥᑕ, ᑮ ᑲᑫᔅᑭᒣᐗᒃ ᑳ ᐎᒋᔕᓂᑐᓕᒋ ᒥᒉᑦ ᐋᔭᒥᐎᓇ ᐅᒋ, ᓀᔥᑕ ᑮ ᐊᔨᒋᐁᐗᒃ᙮

ᐊᐸᔅᑕᓚᒃ 20:11

ᐃᔅᐱ ᒫᑲ ᒥᓇ ᑳ ᑮ ᐯᒋ ᑯᔅᐹᑕᐎᑦ, ᓀᔥᑕ ᐁ ᑮ ᐸᑴᓈᑦ ᐋᓚᑯᓇᐗ, ᐁ ᑮ ᒥᒋᓱᑦ ᒫᑲ, ᓀᔥᑕ ᑭᓉᔥ ᐁ ᑮ ᐊᔭᒥᑦ, ᐱᓕᔥ ᐁ ᐊᑎ ᐯᑖᐸᓂᓕᒃ ᐁᑯ ᑫᑐᑌᑦ᙮

ᐊᐸᔅᑕᓚᒃ 20:2

ᐃᔅᐱ ᒫᑲ ᑳ ᑮ ᐹᐹᐃᑐᑌᑦ ᒥᓯᐌ ᐊᓐᑕ, ᓀᔥᑕ ᒥᔅᑕᐃ ᐁ ᑮ ᑲᑫᔅᑭᒫᑦ, ᑮ ᐯᒋ ᐃᑐᑌᐤ ᐊᓐᑕ ᒃᕆᓯᒃ,

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐊᐸᔅᑕᓚᒃ 20:9

ᐊᓐᑕ ᒫᑲ ᐸᔅᐹᐱᐎᓂᒃ ᑮ ᐊᐱᐤ ᐯᔭᒃ ᐆᔥᑭᓂᑭᐤ ᔫᑎᑲᔅ ᐁ ᐃᔑᓂᑳᓱᑦ, ᐁ ᑮ ᑲᐎᑯᔑᑦ: ᐹᓪ ᒫᑲ ᑭᓉᔥ ᐁ ᑮ ᐊᔭᒥᑦ, ᑮ ᐊᑎ ᑭᐸᒋᐸᓕᐤ ᐁ ᓂᐹᑦ, ᓀᔥᑕ ᓂᔅᑡᐤ ᐁ ᐋᓂᔅᑲᐙᓕᒃ ᐙᔅᑳᔨᑲᓂᓕᐤ ᑮ ᐅᒋ ᐸᑭᔑᓐ, ᑮ ᓂᐱᐤ ᒫᑲ ᐁ ᐅᐱᓈᑲᓂᐎᑦ᙮

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᐊᐸᔅᑕᓚᒃ 4:36

ᒍᓯᔅ ᒫᑲ, ᐊᓇ ᐊᐸᔅᑕᓚᒃ ᐸᕐᓇᐸᔅ ᑳ ᑮ ᐃᔑ ᐊᔅᐱᓂᑲᑖᒋᒃ (ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᐅᑯᓯᓯᒥᑯ ᒥᓜᓕᒧᐃᐌᐎᓂᓕᐤ,) ᐁ ᓕᐹᐃᑎᐎᑦ, ᓵᑉᕋᓯᒃ ᐁ ᐅᒋᑦ,

ᓂᔓ ᑯᕆᓐᑎᐊᓇ 5:20

ᐊᓄᒡ ᒫᑲ ᓂᑦ ᐋᐎᓈᓐ ᐅᑦ ᐃᔑᑎᔕᐙᑲᓇ ᙭, ᑖᐱᔅᑯᒡ ᑭᒋᒪᓂᑐ ᐁ ᓇᑕᐌᓕᑕᒫᑖᒃ ᓂᓚᓈᓐ ᐅᒋ: ᑭ ᐸᑯᓭᓕᒥᑎᓇᐗᐤ ᙭ ᐅᒋ, ᑭᒋ ᐅᑐᑌᒥᒣᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 6:17

ᐁᐗᑯ ᐅᒋ ᐯᒋ ᐙᓚᐎᒃ ᐃᑕ ᐁ ᐃᑖᒋᒃ, ᓀᔥᑕ ᐸᑳᓂᐃᑎᓱᒃ, ᐃᑗᐤ ᐅᑎᐯᓕᒋᑫᐤ, ᐁᑳᐎᓚ ᓀᔥᑕ ᓵᒥᓇᒧᒃ ᐊᓂᒪ ᑳ ᐎᓕᐹᒃ; ᑭ ᑳ ᐅᑎᓂᑎᓇᐗᐤ ᒫᑲ,

ᑲᓓᔕᐊᓇ 5:3

ᐌᓴ ᒥᓇ ᓂ ᐎᑕᒪᐗᐤ ᒥᓯᐌ ᑕᑐ ᐃᓕᓕᐤ ᑳ ᑭᔅᑭᓄᐙᒋᔣᑲᓂᐎᑦ, ᒪᓯᓇᐃᑫᐤ ᒥᑐᓂ ᑭᒋ ᑎᐱᑐᑕᒃ ᐅᓚᔓᐌᐎᓂᓕᐤ᙮

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᐱᓕᐱᔭᓇ 2:15

ᑭᒋ ᒥᓨᑎᓯᔦᒃ ᓀᔥᑕ ᑳᔮᒣᐎᓯᔦᒃ, ᐁ ᐅᑯᓯᓯᒥᑖᒃ ᑭᒋᒪᓂᑐ, ᐁᑳ ᐁ ᒪᒉᓕᒥᑲᐎᔦᒃ, ᒣᑴᔭᔥ ᑳ ᐙᑭᑳᑎᓯᒋᒃ ᓀᔥᑕ ᑳ ᔑᐱᑕᑭᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐃᑕ ᐁ ᐃᑖᒋᒃ ᐁ ᐙᓯᓱᔭᒃ ᑖᐱᔅᑯᒡ ᐅᐙᓭᔮᓯᐗᒃ ᐊᔅᑮᒃ:

ᓂᔥᑕᒻ ᑌᓴᓗᓂᔭᓇ 2:11

ᑖᐱᔅᑯᒡ ᐁ ᐃᔑ ᑭᔅᑫᓕᑕᒣᒃ, ᑳ ᑮ ᐃᔑ ᑲᑫᔅᑭᒥᑖᒃ ᓀᔥᑕ ᑲᑭᒋᐃᑖᒃ ᓀᔥᑕ ᐃᑕᔓᒥᑖᒃ ᒥᓯᐌ ᐁ ᐃᑕᔑᔦᒃ, ᑖᐱᔅᑯᒡ ᐅᑖᐎᒫᐤ ᑳ ᐃᑐᑕᐙᑦ ᐅᑦ ᐊᐙᔑᒥᔕ:

ᓂᔥᑕᒻ ᑎᒧᑎ 4:16

ᔮᒀᒥᓯᔅᑕᒫᓱ, ᓀᔥᑕ ᑭ ᑭᔅᑭᓄᐊᒫᑫᐎᓐ: ᑕᑭ ᓄᒋᑖ: ᐌᓴ ᐅᒪ ᐁ ᑐᑕᒪᓐ ᑖᐱᔅᑯᒡ ᑭ ᑳ ᐱᒫᒋᐃᑎᓱᓐ ᐊᓂᑭ ᓀᔥᑕ ᑳ ᓇᑐᑖᔅᑭᒃ᙮

ᓂᔥᑕᒻ ᐱᑕᕐ 5:12

ᓯᓪᐯᓇᔅ ᐅᒋ ᑳ ᒀᔭᔅᑯᑐᑖᑖᒃ ᑭᒋᔖᓂᐗᐤ, ᐁ ᐃᑌᓕᑕᒫᓐ, ᐋᐱᔑᔥ ᓂ ᑮ ᒪᓯᓇᐃᑳᓐ, ᐁ ᔑᑭᒥᐌᔮᓐ ᓀᔥᑕ ᐁ ᐋᓕᒧᑕᒫᓐ ᐁᐗᑯ ᐅᒪ ᑖᐺ ᑭᒋᒪᓂᑐ ᐅ ᔕᐌᓕᒋᑫᐎᓐ ᐃᑕ ᑳ ᓂᐸᐎᔦᒃ᙮