ᐊᐸᔅᑕᓚᒃ 2:39 - ᐅᔅᑭ ᑎᔅᑌᒥᓐᑦ

³⁹ ᐌᓴ ᑭᓚᐙᐤ ᑭ ᒥᓕᑲᐎᓈᐗᐤ ᐊᓂᒪ ᐊᔓᑕᒫᑫᐎᓐ, ᓀᔥᑕ ᑭᑦ ᐊᐙᔑᒥᔑᐗᐗᒃ, ᓀᔥᑕ ᒥᓯᐌ ᐊᓂᑭ ᐙᓚᐤ ᑳ ᐃᑖᒋᒃ, ᐱᓕᔥ ᑕᑐ ᐊᓂᑭ ᑫ ᓇᑐᒥᑯᒋᒃ ᐅᑎᐯᓕᒋᑫᐗ ᑭ ᑭᒋᒪᓂᑐᒥᓇᐗ᙮

ᐊᐸᔅᑕᓚᒃ 2:39 ပူးပေါင်းရင်းမြစ်များ

ᐊᐸᔅᑕᓚᒃ 10:45

ᐊᓂᑭ ᒫᑲ ᑳ ᑭᔅᑭᓄᐗᒋᔣᑲᓂᐎᒋᒃ ᑳ ᑖᐺᑕᑭᒃ ᑮ ᒫᒪᔅᑲᑕᒶᒃ, ᒥᓯᐌ ᐊᓂᑭ ᑳ ᐯᒋ ᐎᒋᐙᒋᒃ ᐱᑕᕋ, ᐊᓂᑭ ᒉᓐᑖᐃᓚᒃ ᐊᓯᒋ ᐁ ᑮ ᓯᑭᓇᒫᒋᒃ ᐊᓂᒪ ᒥᓕᐌᐎᓐ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 14:27

ᐃᔅᐱ ᒫᑲ ᑳ ᑕᑯᔑᑭᒃ, ᓀᔥᑕ ᑳ ᒫᒪᐎ ᒫᐗᒋᐋᒋᒃ ᒫᒪᐎᐋᔭᒥᐋᐗ ᑮ ᑎᐹᑐᑕᒶᒃ ᒥᓯᐌ ᑭᒋᒪᓂᑐᐗ ᑳ ᑮ ᑐᑕᒫᑯᒋᒃ, ᓀᔥᑕ ᑳ ᐃᔑ ᐋᐸᐊᒪᐙᑦ ᑖᐯᔦᓕᑕᒧᐎᓂ ᐃᔥᒀᑌᒥᓕᐤ ᐊᓂᐃ ᒉᓐᑖᐃᓚ᙮

ᐊᐸᔅᑕᓚᒃ 15:14

ᓯᒥᔭᓐ ᑮ ᐙᐎᑕᒪᒻ ᑭᒋᒪᓂᑐ ᓃᔥᑕᒻ ᑳ ᐃᔑ ᒫᐗᑎᑖᑦ ᐊᓂᐃ ᒉᓐᑖᐃᓚ, ᐁᐗᒀᓂᐃ ᑭᒋ ᐅᒋ ᐅᑎᓈᑦ ᐃᓕᓕᐗ ᐅᑦ ᐃᔑᓂᑳᓱᐎᓐ ᐅᒋ᙮

ᐊᐸᔅᑕᓚᒃ 15:3

ᓀᔥᑕ ᐁ ᑮ ᐎᒋᐃᑯᒋᒃ ᒫᒪᐎᐋᔭᒥᐋᐗ ᐁ ᐊᑎ ᐃᑐᑌᒋᒃ, ᑮ ᔕᐳᔥᑲᒶᒃ ᐱᓂᓯᔭ ᓀᔥᑕ ᓵᒣᕆᔭ, ᐁ ᐙᐎᑕᒫᑫᒋᒃ ᐅ ᑴᔅᑳᑎᓯᐎᓂᓕᐤ ᐊᓂᐃ ᒉᓐᑖᐃᓚ, ᑮ ᐃᑐᑕᐌᐗᒃ ᒫᑲ ᓈᔅᐱᒡ ᑭᒋ ᒥᓨᑕᒥᓕᒋ ᒥᓯᐌ ᑳ ᐎᒋᔖᓂᑐᓕᒋ᙮

ᐊᐸᔅᑕᓚᒃ 15:8

ᑭᒋᒪᓂᑐ ᒫᑲ ᑳ ᑭᔅᑫᓕᑕᒃ ᒥᑌᐊ, ᑮ ᑎᐹᒋᒣᐤ, ᐁ ᒥᓛᑦ ᑳ ᐸᓓᑭᓯᓕᒋ ᐊᒑᑾ ᑖᐱᔅᑯᒡ ᑭᓚᓈᓇᐤ ᑳ ᑮ ᑐᑖᑕᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:29

ᐌᓴ ᐅ ᒥᓕᐌᐎᓇ ᓀᔥᑕ ᐅ ᓇᑐᒥᐌᐎᓐ ᑭᒋᒪᓂᑐ ᓇᒪᐎᓚ ᑴᔅᑭᐸᓕᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:30

ᓀᔥᑕ ᒫᑲ ᐊᓂᐃ ᑳ ᑮ ᓂᑳᓂᑭᔅᑭᓇᐌᔦᓕᒫᑦ, ᐅᐅ ᓀᔥᑕ ᑮ ᓇᑐᒣᐤ: ᐊᓂᐃ ᓀᔥᑕ ᑳ ᑮ ᓇᑐᒫᑦ, ᐁᐗᒀᓂᐃ ᓀᔥᑕ ᑳ ᑮ ᒀᔭᔅᑭᑖᑎᓯᐋᑦ; ᓀᔥᑕ ᐊᓂᐃ ᑳ ᑮ ᒀᔭᔅᑭᑖᑎᓯᐋᑦ, ᐁᐗᒀᓂᐃ ᓀᔥᑕ ᑳ ᑮ ᑭᔅᑎᓕᑖᑯᐋᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:24

ᑭᓚᓈᓇᐤ ᐅᑎ, ᑳ ᑮ ᓇᑐᒥᑕᒃ, ᓇᒪᐎᓚ ᐊᓂᐃ ᒎᐗ ᐅᒋ ᐱᑯ, ᒫᑲ ᐊᓯᒋ ᐊᓂᐃ ᒉᓐᑖᐃᓚ ᐅᒋ ᓀᔥᑕ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:4

ᐊᓂᑭ ᑳ ᐃᔅᕃᐃᓚᐃᑎᐎᒋᒃ; ᑳ ᑮ ᒥᓛᑲᓂᐎᒋᒃ ᐅᑦ ᐊᐙᔑᒥᔑᒥᑯᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᐊᓂᐃ ᓇᔅᑯᒥᑐᐎᓇ, ᓀᔥᑕ ᐁ ᒥᓕᐙᓂᐗᓂᓕᒃ ᐅᓚᔓᐌᐎᓂᓕᐤ, ᓀᔥᑕ ᐁ ᐊᑐᔅᑲᐙᑲᓂᐎᑦ ᑭᒋᒪᓂᑐ, ᓀᔥᑕ ᐊᔓᑕᒫᑫᐎᓇ;

ᓂᔥᑕᒻ ᑯᕆᓐᑎᐊᓇ 7:14

ᐌᓴ ᐁᑳ ᑳ ᑖᐺᔦᓕᑕᒃ ᐊᓇ ᑳ ᐎᐎᑦ ᐸᔦᑭᐃᑯ ᐎᐗ, ᓀᔥᑕ ᐁᑳ ᑳ ᑖᐺᔦᓕᑕᒃ ᐊᓇ ᑳ ᐅ ᓈᐯᒥᑦ ᐹᔦᑭᐃᑯ ᐅ ᓈᐯᒪ: ᑮᔥᐱᓐ ᐁᑳ ᐅᒪ ᐃᑭᒃ, ᑭᑦ ᐊᐙᔑᒥᔑᐗᐗᒃ ᑲᑕ ᐎᓕᐱᓯᐸᓇᒃ; ᐊᓄᒡ ᒫᑲ ᐸᓓᑭᓯᐗᒃ᙮

ᐃᐱᓯᔭᓇ 1:18

ᐁ ᐅᔥᑭᔑᑯᒪᑲᒃ ᑭ ᓂᓯᑐᑕᒧᐎᓂᐗᐤ ᐁ ᐙᔅᑌᓂᑳᑌᒃ; ᑭᒋ ᑭᔅᑫᓕᑕᒣᒃ ᑫᒀᓐ ᑳ ᐊᐯᓕᒧᓈᓂᐗᒃ ᐁ ᓇᑐᑫᑦ, ᓀᔥᑕ ᐁ ᐃᔑ ᐌᓗᒋ ᑭᔅᑌᓕᑖᑾᓂᓕᒃ ᐅ ᑎᐱᓚᐌᐎᓯᐎᓐ ᑫ ᐋᔮᓕᒋ ᐅᐸᓓᑭᓴ;

ᐃᐱᓯᔭᓇ 2:12

ᐁᑯᔅᐱ ᒫᑲ ᓇᒪᐎᓚ ᑭ ᑮ ᓴᑭ ᐋᔭᐗᐤ ᙭, ᐁ ᑮ ᐋᔭᒡ ᐃᓕᓕᐎᔦᒃ ᐃᔅᕃᐃᓪ ᑎᐯᓕᒋᑫᐎᓐ ᐅᒋ, ᓀᔥᑕ ᐁ ᑮ ᒫᓐᑌᐎᔦᒃ ᐊᔓᑕᒫᑫᐎᓂ ᓇᔅᑯᒥᑐᐎᓇ ᐅᒋ, ᐁᑳ ᐁ ᑮ ᐅᑦ ᐊᔅᐯᓕᒧᐎᓂᔦᒃ, ᓀᔥᑕ ᐁᑳ ᐁ ᑮ ᐅ ᑭᒋᒪᓂᑐᒥᔦᒃ ᐅᑕ ᐊᔅᑮᒃ᙮

ᐃᐱᓯᔭᓇ 4:4

ᐯᔭᑾᓐ ᒥᔭᐤ, ᓀᔥᑕ ᐯᔭᑯ ᐊᒑᒃ, ᑖᐱᔅᑯᒡ ᐁ ᐃᔑ ᓇᑐᒥᑲᐎᔦᒃ ᑭᒋ ᐯᔭᑯ ᐊᔅᐯᓕᒧᔦᒃ ᑭ ᓇᑐᒥᑯᓯᐎᓂᐙᒃ;

ᓂᔓ ᑌᓴᓗᓂᔭᓇ 1:11

ᐁᐗᑯ ᐅᒋ ᒧᔕᒃ ᑭᑦ ᐋᔭᒥᐁᔅᑕᒫᑎᓈᓐ, ᑭ ᑭᒋᒪᓂᑐᒥᓇᐤ ᑭᒋ ᑌᐸᑫᓕᒥᑖᒃ ᐅᒪ ᓇᑐᑫᐎᓂᒃ, ᓀᔥᑕ ᑭᒋ ᑎᐱᑐᑕᒫᑖᒃ ᒥᓯᐌ ᐁ ᐃᔑ ᒥᓨᔑᑭ, ᓀᔥᑕ ᑖᐺᔦᓕᑕᒧᐎᓂ ᐊᑑᔅᑫᐎᓐ ᑲᔅᑭᐅᐎᓂᒃ;

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᐦᐃᑉᕉᐗ 3:1

ᐁᐗᑯ ᒫᑲ ᐅᒋ, ᑳ ᐸᓓᑭᓯᔦᒃ ᓂᒋᔖᓂᑐᒃ, ᑳ ᐎᒋᐃᐌᔦᒃ ᑭᒋᑭᔑᑳᐎ ᓂᑐᑫᐎᓐ, ᓈᓈᑲᑕᐌᓕᒥᒃ ᐊᓇ ᐊᐸᔅᑕᓪ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐤ ᑭᑦ ᐃᑣᓱᐎᓂᓈᒃ, ᙭ ᒋᓴᔅ;

ᐦᐃᑉᕉᐗ 9:15

ᐁᐗᑯ ᐅᒋ ᐎᓚ ᐁᐗᒀᓇ ᑳ ᐋᔭᒥᐁᔅᑕᒫᑫᑦ ᐅᔥᑭ ᓇᔅᑯᒥᑐᐎᓂᒃ, ᓂᐱᐎᓂᓕᐤ ᐁ ᐅᒋ ᑎᐸᐊᒃ ᐊᓂᐃ ᐗᓂᑐᑕᒧᐎᓇ ᑳ ᑮ ᑐᒋᑳᑌᑭ ᒣᒀᒡ ᓃᔥᑕᒻ ᓇᔅᑯᒥᑐᐎᓐ ᑳ ᑮ ᐃᑕᑾᒃ, ᐊᓂᑭ ᑳ ᓇᑐᒫᑲᓂᐎᒋᒃ ᑭᒋ ᐋᔭᒋᒃ ᐊᔓᑕᒫᑫᐎᓂᓕᐤ ᑭᒋ ᐋᔮᒋᒃ ᐊᓂᐁᓕᐤ ᑳᑭᑫ ᑎᐯᓕᒋᑲᓂᓕᐤ᙮

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᓂᔓ ᐱᑕᕐ 1:10

ᐁᐗᑯ ᒫᑲ ᐅᒋ ᐊᐙᓯᑌ, ᓂᒋᔖᓂᑐᒃ, ᑭᓯᓴᐎᓯᒃ ᑭᒋ ᑫᒋᓈᔦᓕᑖᑯᑖᔦᒃ ᑭ ᓇᑐᒥᑯᓯᐎᓂᐗᐤ ᓀᔥᑕ ᑭ ᐙᐌᓛᐸᒥᑯᓯᐎᓂᐗᐤ: ᐌᓴ ᑮᔥᐱᓐ ᐅᐅ ᑐᑕᒣᑴ ᓇᒪᐎᔅᑳᑦ ᑭ ᑳ ᐸᑭᔑᓂᓇᐗᐤ:

ᓂᔓ ᐱᑕᕐ 1:3

ᑳ ᐃᑕᔅᑌᓕᒃ ᐅ ᒪᓂᑐᐎ ᑲᔥᑭᐅᐎᓐ, ᑳ ᑮ ᐃᔑ ᒥᓕᑯᐗᒃ ᒥᓯᐌ ᑫᒀᓇ ᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ ᑳ ᑎᐯᓕᑖᑾᑭ, ᐅ ᑭᔅᑫᓕᑕᒧᐎᓂᒃ ᐅᒋ ᐊᓇ ᑳ ᑮ ᓇᑐᒥᑕᒃ ᑭᔅᑌᓕᑖᑯᓯᐎᓂᒃ ᓀᔥᑕ ᒥᓨᑎᓯᐎᓂᒃ:

ᑭᔅᑫᓕᑖᑯᑖᑫᐎᓐ 17:14

ᐅᑯ ᑲᑕ ᓇᑐᐸᓖᔅᑕᐌᐗᒃ ᒫᓂᔥᒑᓂᔑᔕ, ᑲᑕ ᔖᑯᒋᐃᑯᐗᒃ ᒫᑲ ᒫᓂᔥᒑᓂᔑᔕ; ᐌᓴ ᐎᓚ ᑎᐯᓕᒣᐤ ᐅᑎᐯᓕᒋᑫᐗ, ᓀᔥᑕ ᐅ ᑭᒋᐅᑭᒫᒥᐙᐗ ᑭᒋᐅᑭᒫᐗᒃ:

ᑭᔅᑫᓕᑖᑯᑖᑫᐎᓐ 19:9

ᓂ ᑮ ᐃᑎᒃ ᒫᑲ, ᒪᓯᓇᐊ, ᔕᐌᓕᑖᑯᓯᐗᒃ ᐊᓂᑭ ᑳ ᐃᔑ ᓇᑐᒫᑲᓂᐎᒋᑳ ᐅ ᐎᑭᑑᐎ ᓂᐯᑴᐎᓂᒃ ᒫᓂᔥᒑᓂᔑᔥ᙮ ᓂ ᑮ ᐃᑎᒃ ᒫᑲ, ᐅᐅ ᐁᐗᒀᓂᐃ ᐅ ᑖᐺ ᐃᑗᐎᓇ ᑭᒋᒪᓂᑐ᙮