ᐊᐸᔅᑕᓚᒃ 2:23 - ᐅᔅᑭ ᑎᔅᑌᒥᓐᑦ

²³ ᐎᓚ ᐁ ᑮ ᐸᑭᑎᓈᑲᓂᐎᑦ ᑭᒋᒪᓂᑐ ᐅᑦ ᐅᓚᔓᐌᐎᓐ ᓀᔥᑕ ᐅ ᓂᑳᓂ ᑭᔅᑫᓕᑕᒧᐎᓐ ᐅᒋ, ᑭ ᑮ ᐅᑎᓈᐗᐤ, ᓀᔥᑕ ᒪᒑᑎᓯᐎ ᒥᒋᒋᒃ ᑭ ᑮ ᐅᒋ ᒋᔅᑖᔅᑾᐗᐗᐤ ᓀᔥᑕ ᑭ ᑮ ᓂᐸᐋᐗᐤ:

ᐊᐸᔅᑕᓚᒃ 2:23 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 20:19

ᑲᑕ ᐸᑭᑎᓂᑯ ᒫᑲ ᒉᓐᑖᐃᓚ ᐅᒋᒋᓕᒃ ᑭᒋ ᐋᔭᓵᒋᐃᑯᑦ, ᓀᔥᑕ ᑭᒋ ᐸᐸᓴᔅᑌᐅᑯᑦ, ᓀᔥᑕ ᑭᒋ ᒌᔅᑖᔅᑾᐅᑯᑦ: ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮

ᐅᐸᓓᑭᔅ ᒫᑎᐤ 26:24

ᐃᓕᓕᐎᑯᓯᓵᓐ ᑭᑐᑌᐤ ᐁ ᐃᔑ ᒪᓯᓇᐃᑳᑌᓕᒃ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐋᔦᔑᐸᑭᑎᓈᑦ ᐃᓕᓕᐎᑯᓯᓵᓇ! ᑲᑕ ᑮ ᒥᓨᔑᓂᓕᐸᓐ ᐊᓇ ᐃᓕᓕᐤ ᑮᔥᐱᓐ ᐁᑳ ᑮ ᐅᒋ ᓂᑖᐎᑭᑦ᙮

ᐅᐸᓓᑭᔅ ᒫᑎᐤ 27:35

ᑮ ᒋᔅᑖᔅᑾᐌᐗᒃ ᒫᑲ, ᑮ ᒫᑎᓇᒫᑐᐗᒃ ᒫᑲ ᐅ ᐎᓛᒋᑲᓂᐙᐗ, ᐁ ᒪᐃᑲᓈᑎᑯᑫᒋᒃ: ᑭᒋ ᑎᐱᐸᓕᓕᒃ ᑳ ᐃᑗᑯᐸᓀ ᐅᑭᔅᑭᐙᐃᑫᐤ, ᑮ ᒫᑎᓇᒫᑐᐗᒃ ᓂ ᐎᓛᒋᑲᓇ, ᓂᑦ ᐊᑯᐅᓂᓕᐤ ᒫᑲ ᑮ ᐅᒋ ᒪᐃᑲᓈᑎᑯᑫᐗᒃ᙮

ᐅᐸᓓᑭᔅ ᒫᕐᒃ 15:24

ᐃᔅᐱ ᒫᑲ ᑳ ᑮ ᒋᔅᑖᔅᑾᐙᒋᒃ, ᑮ ᒫᑎᓇᒫᑐᐗᒃ ᐅ ᐎᓦᒋᑲᓇᓕᐗ, ᐁ ᒪᐃᑲᓈᑎᑯᑫᒋᒃ, ᑫᒀᓕᐤ ᒥᓯᐌ ᑕᑐ ᐃᓕᓕᐤ ᑫ ᐅᑎᓇᑭᐸᓐ᙮

ᐅᐸᓓᑭᔅ ᓘᒃ 22:22

ᑖᐺ ᒫᑲ ᐃᓕᓕᐎᑯᓯᓵᓐ ᑭᑐᑌᐤ, ᐁ ᑮ ᐃᔑ ᐅᓓᓕᒋᑳᑌᒃ: ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑫ ᐙᔦᔑᐸᑭᑎᓈᑦ!

ᐅᐸᓓᑭᔅ ᓘᒃ 22:37

ᐌᓴ ᑭᑦ ᐃᑎᓇᐗᐤ, ᐅᒪ ᑳ ᒥᓯᓇᐃᑳᑌᒃ ᑲᑕ ᑎᐱᐸᓕᐤ ᓂᓚ ᐅᒋ, ᑮ ᐃᔑᑕᑭᒫᑲᓂᐎᐤ ᒫᑲ ᐊᓂᐃ ᑳ ᐗᓂᑐᑕᒥᓕᒋ: ᐌᓴ ᐊᓂᐃ ᑫᒀᓇ ᑳ ᐃᑖᒋᒥᑲᐎᔮᓐ ᑲᑕ ᐃᔥᒀᐸᓕᐗ᙮

ᐅᐸᓓᑭᔅ ᓘᒃ 23:33

ᐃᔅᐱ ᒫᑲ ᐌᑎᑕᑭᒃ ᐃᑕ ᑳᓪᐸᕆ ᐁ ᐃᔑᓂᑳᑌᒃ, ᐁᑯᑕ ᑳ ᒌᔅᑖᔅᑾᐙᒋᒃ, ᓀᔥᑕ ᐊᓂᐃ ᒪᒋᑎᔅᑭᐗ: ᐯᔭᒃ ᑭᒋᓂᔉ ᐃᑌᑫ, ᑯᑕᒃ ᒫᑲ ᓇᒪᑎᓂᔉ ᐃᑌᑫ᙮

ᐅᐸᓓᑭᔅ ᓘᒃ 24:20

ᓀᔥᑕ ᑳ ᐃᔑ ᐸᑭᑎᓂᑯᑦ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᑭᑦ ᐅᑭᒫᒥᓇᐗ ᑭᒋ ᓂᔑᐗᓈᒋᒫᑲᓂᐎᑦ ᑭᒋ ᓂᐸᐋᑲᓂᐎᑦ ᓀᔥᑕ ᑳ ᒌᔅᑖᔅᑾᐅᑯᑦ᙮

ᐅᐸᓓᑭᔅ ᒑᓐ 19:18

ᐁᑯᑕ ᒋᐃᔅᑖᔅᒀᐙᒋᒃ, ᐊᓯᒋ ᓀᔥᑕ ᓂᔓ ᑯᑕᑭᔭ, ᐋᓕᑕᐤ ᐯᔭᒃ, ᒋᓴᔅ ᒫᑲ ᑕᔅᑕᐎᒡ᙮

ᐅᐸᓓᑭᔅ ᒑᓐ 19:24

ᐁᐗᑯ ᐌᒋ ᐃᑎᑐᒋᒃ, ᐁᑳᐎᓚ ᑖᑐᐱᑖᑕᐤ, ᒫᑲ ᒪᐃᑲᓈᑎᑯᑫᑕᐤ ᐊᐌᓇ ᑫ ᐋᔮᑦ: ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ, ᑳ ᐃᑗᒪᑲᒃ, ᑮ ᒫᑎᓇᒫᑐᐗᒃ ᓂ ᐎᓛᒋᑲᓇ, ᓀᔥᑕ ᓂᑦ ᐊᑯᐅᓂᓕᐤ ᑮ ᐅᒋ ᒪᐃᑲᓈᑎᑯᑫᐗᒃ ᐊᐌᓇ ᑫ ᐋᔮᑦ᙮ ᐅᐅ ᑫᒀᓇ ᒫᑲ ᑮ ᑐᑕᒶᒃ ᓇᑐᐸᓕᐎᓕᓕᐗᒃ᙮

ᐊᐸᔅᑕᓚᒃ 13:27

ᐌᓴ ᐊᓂᑭ ᑳ ᑕᔑᑫᒋᒃ ᒋᕉᓴᓚᒥᒃ, ᓀᔥᑕ ᐅᑦ ᐅᑭᒫᒥᐙᐗ, ᐁᑳ ᐁ ᑮ ᑭᔅᑫᓕᒫᒋᒃ ᐅᒋ, ᓀᔥᑕᐱᑯ ᐅᑦ ᐃᑗᐎᓂᓕᐗ ᐅᑭᔅᑭᐗᐃᑫᐗ ᑳ ᐋᔭᒥᑖᓂᐗᑭ ᑕᑡᐤ ᐋᔭᒥᐁᑭᔑᑳᓕᑭ, ᐎᓚᐗᐤ ᑮ ᑎᐱᑐᑕᒶᒃ ᐅᐅ ᐁ ᑮ ᓂᔑᐗᓈᒋᒫᒋᒃ᙮

ᐊᐸᔅᑕᓚᒃ 15:18

ᑭᔅᑫᓕᑕᒻ ᑭᒋᒪᓂᑐ ᒥᓯᐌ ᐅᑦ ᐊᑐᔅᑫᐎᓇ, ᒫᐗᒡ ᓃᔥᑕᒻ ᐁ ᐊᔅᑭᐗᒃ ᐅᒋ᙮

ᐊᐸᔅᑕᓚᒃ 2:36

ᐁᐗᑯ ᐅᒋ ᐁᑯᔑ ᒥᓯᐌ ᐃᔅᕃᐃᓪ ᐅᑦ ᐊᐙᔑᒥᔕ ᑫᒋᓈᔥ ᑲᑕ ᑭᔅᑫᓕᑕᒸᒃ, ᑭᒋᒪᓂᑐ ᐁ ᑮ ᑑᑕᐙᑦ ᐊᓂᐃ ᑫᔮᐸᒡ ᒋᓴᓴ, ᐊᓇ ᑳ ᑮ ᒋᔅᑖᔅᑾᐌᒃ, ᑭᒋ ᑎᐯᓕᒋᑫᑦ, ᓀᔥᑕ ᑭᒋ ᙭ᑎᐎᑦ᙮

ᐊᐸᔅᑕᓚᒃ 3:18

ᐊᓂᐃ ᑫᒀᓇ ᒫᑲ, ᑭᒋᒪᓂᑐ ᓂᔮᑲᓇ ᑳ ᑮ ᐗᐸᑎᓕᐌᑦ ᐅᑐᓂᐙᒃ ᐅᒋ ᒥᓯᐌ ᐅᑭᔅᑭᐗᐃᑫᐎᓕᓕᒪ, ᙭ ᑭᒋ ᐎᓴᑫᓕᑕᒃ, ᐎᓚ ᐅᒪ ᐃᔑ ᑮ ᑎᐱᐸᓕᑖᐤ᙮

ᐊᐸᔅᑕᓚᒃ 4:28

ᑭᒋ ᑐᑕᑭᒃ ᐱᑯ ᑫᒀᓐ ᑭᒋᒋ ᓀᔥᑕ ᑭᑦ ᐅᓚᔓᐌᐎᓐ ᓂᔮᑲᓇ ᑳ ᑮ ᐅᒋ ᐃᑌᓕᑕᒪᓐ ᑭᒋ ᑐᒋᑳᑌᒃ᙮

ᐊᐸᔅᑕᓚᒃ 5:28

ᐁ ᐃᑗᑦ, ᓇᒪ ᓈ ᐋᔨᒋ ᑭ ᑮ ᐃᑕᔓᐗᑎᑎᓇᓐ ᐁᑳ ᑭᒋ ᑭᔅᑭᓄᐊᒫᑫᔦᒃ ᐅᒪ ᐃᔑᓂᑳᓱᐎᓂᒃ? ᓀᔥᑕ, ᒫᑎᑲ, ᑭ ᑮ ᓵᑲᔅᑭᓇᑕᓈᐗᐤ ᒋᕉᓴᓚᒻ ᐅᒪ ᑭ ᑭᔅᑭᓄᐊᒪᑫᐎᓂᐙᐤ ᐅᒋ, ᓀᔥᑕ ᐁ ᐃᑌᓕᑕᒣᒃ ᑭᒋ ᐊᑖᒣᓕᒥᔮᒃ, ᐊᐗ ᐃᓕᓕᐤ ᐅᒥᑯᒻ ᐅᒋ᙮

ᐊᐸᔅᑕᓚᒃ 5:30

ᐅ ᑭᒋᒪᓂᑐᒥᐗᐗ ᐊᓂᑭ ᑯᑖᐎᓇᐗᒃ ᑮ ᐗᓂᔥᑳᓀᐤ ᒋᓴᓴ, ᑳ ᑮ ᓂᐸᐁᒃ ᓀᔥᑕ ᒥᔅᑎᑯᒃ ᑳ ᑮ ᐊᑰᓓᒃ᙮

ᐊᐸᔅᑕᓚᒃ 7:52

ᑖᓐ ᐊᓂᐃ ᐅᑭᔅᑭᐗᐃᑫᐗ ᑯᑖᐎᐗᐗᒃ ᐁᑳ ᑳ ᑮ ᑲᒀᑕᑭᐋᒋᒃ? ᓀᔥᑕ ᑮ ᓂᐸᐁᐗᒃ ᐊᓂᐃ ᓂᔮᑲᓇ ᑳ ᑮ ᐙᐸᑎᓕᐌᓕᒋ ᑭᒋ ᑕᑯᔑᓂᓕᒋ ᐊᓇ ᐅᒀᔭᔅᑭᑖᑎᓯᐤ; ᐊᓇ ᐁᑯ ᑭᓚᐗᐤ ᑳ ᑮ ᒫᒥᔑᒣᒃ ᓀᔥᑕ ᓂᐸᐁᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:12

ᐌᓴ ᑳ ᐃᑕᓯᒋᒃ ᑳ ᑮ ᒪᒋᑐᑕᑭᒃ ᐁᑳ ᐅᓚᔓᐌᐎᓂᓕᐤ ᐁ ᐋᔮᒋᒃ ᑲᑕ ᓂᔑᐗᓈᑎᓯᐗᒃ ᐁᑳ ᐅᓚᔓᐌᐎᓂᓕᐤ ᐁ ᐋᔮᒋᒃ: ᑳ ᐃᑕᓯᒋᒃ ᒫᑲ ᐅᓚᔓᐌᐎᓂᒃ ᑳ ᑮ ᒪᒋᑐᑕᑭᒃ ᑲᑕ ᑎᐹᔅᑯᓂᑯᐗᒃ ᐅᓚᔓᐌᐎᓂᓕᐤ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:17

ᐁ ᐃᑕᓯᓇᐃᑳᑌᒃ, ᑭ ᑮ ᐃᔑᐃᑎᓐ ᑭᒋ ᐅᑖᐎᒪᔅᑭᒃ ᒥᒉᑦ ᑳ ᐃᑕᔅᑳᓀᓯᒋᒃ ᐃᓕᓕᐗᒃ, ᐅᑎᔥᑲᐤ ᐊᓂᐃ ᑳ ᑮ ᑖᐺᑕᐙᑦ, ᑭᒋᒪᓂᑐᐗ ᐅᑎ, ᐊᓇ ᑳ ᐱᒫᒋᐋᑦ ᐊᓂᐃ ᑳ ᓂᐱᓕᒋ, ᓀᔥᑕ ᑳ ᐃᔑᓂᑳᑕᒃ ᐊᓂᐃ ᐁᑳ ᑳ ᐃᑕᑾᓂᓕᑭ ᑖᐱᔅᑯᒡ ᐊᓂᐃ ᑳ ᐃᑕᑾᓂᓕᑭ᙮

ᓂᔥᑕᒻ ᑌᓴᓗᓂᔭᓇ 2:15

ᐊᓂᑭ ᑳ ᑮ ᓂᐸᐋᒋᒃ ᐅᑎᐯᓕᒋᑫᐗ ᒋᓴᓴ, ᓀᔥᑕ ᑎᐱᓚᐌ ᐅ ᑭᔅᑭᐙᐃᑫᒥᐗᐗ, ᓀᔥᑕ ᑳ ᑮ ᐗᓚᐎᑎᔕᐎᐅᒥᒋᒃ; ᓇᒪᐎᓚ ᒫᑲ ᓇᐃᓚᐌᐁᐗᒃ ᑭᒋᒪᓂᑐᐗ, ᓀᔥᑕ ᐸᑳᓂᐃᑎᓱᒣᐗᒃ ᒥᓯᐌ ᐃᓕᓕᐗ:

ᓂᔥᑕᒻ ᐱᑕᕐ 1:2

ᑳ ᑮ ᐙᐌᓛᐸᒥᒋᒃ ᑳ ᐃᑕᔅᑌᓕᒃ ᑭᒋᒪᓂᑐ ᐌᐅᑖᐎᒪᐎᑦ ᐅ ᓂᑳᓂ ᑭᔅᑫᓕᑕᒧᐎᓐ, ᐅ ᐸᓓᑭᐃᐌᐎᓐ ᐊᒑᒃ ᐅᒋ, ᓇᓇᐃᑕᒧᐎᓂᒃ ᐃᔑ ᓀᔥᑕ ᐁ ᐊᑭᑲᐎᐌᐱᓂᑳᑌᓕᒃ ᐅᒥᑯ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᓚᑭᑕᒫᑲᐎᓇᐗᐤ᙮

ᓂᔥᑕᒻ ᐱᑕᕐ 1:20

ᐊᓇ ᑖᐺ ᓂᑳᓐ ᑳ ᑮ ᐹᑲᓂᐋᑲᓂᐎᑦ ᐸᒧᔑ ᑮ ᒫᒋ ᐃᑕᑾᒃ ᐊᔅᑭ, ᒫᑲ ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭᓚᐗᐤ ᑳ ᐅᒋ ᓄᑯᐋᑲᓂᐎᑦ;

ᓂᔥᑕᒻ ᐱᑕᕐ 2:8

ᓀᔥᑕ ᐯᓱᔑᓄᐎ ᐊᓯᓂ, ᓀᔥᑕ ᓈᔦᑕᐌᓕᑕᒧᐎ ᑭᔅᑖᐱᔉ ᐊᓂᑭ ᐅᒋ ᑳ ᐱᓱᔅᑲᐊᑭᒃ ᐋᔭᒥᐎᓂᓕᐤ, ᐁ ᔑᐱᑕᑭᒃ; ᐃᑕ ᓀᔥᑕ ᑳ ᑮ ᐃᔑ ᐃᑕᑭᒫᑲᓂᐎᒋᒃ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮