ᐊᐸᔅᑕᓚᒃ 19:8 - ᐅᔅᑭ ᑎᔅᑌᒥᓐᑦ

⁸ ᑮ ᐱᑐᑫᐤ ᒫᑲ ᐋᔭᒥᐁᐎᑲᒥᑯᒃ, ᓀᔥᑕ ᑮ ᓱᑫᓕᒧᐎᐊᔭᒥᐤ ᓂᔅᑐ ᐱᓯᒶ ᐃᔥᐱᔥ, ᐁ ᐗᐎᑕᒪᑫᑦ, ᓀᔥᑕ ᐁ ᔑᑭᒥᐌᑦ ᐊᓂᐃ ᑫᒀᓇ ᐅᒋ ᑳ ᐃᑕᑾᓂᓕᑭ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 19:8 ပူးပေါင်းရင်းမြစ်များ

ᐊᐸᔅᑕᓚᒃ 1:3

ᐊᓂᐃ ᓀᔥᑕ ᑳ ᑮ ᓄᑯᓰᔅᑕᐙᑦ ᐁ ᐱᒫᑎᓰᑦ ᑳ ᐄᔥᑾ ᐎᓴᑫᓕᑕᒃ, ᒥᒉᑦ ᑫᒋᓈᔦᓕᑕᒧᐎᓇ ᐅᒋ, ᐁ ᑮ ᐙᐸᒥᑯᑦ ᓀᒥᑕᓇᐤ ᑭᔑᑳᐗ, ᓀᔥᑕ ᐁ ᐋᓕᒧᑕᒃ ᐊᓂᐃ ᑳ ᑎᐯᓕᑖᑾᓂᓕᑭ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᒃ᙮

ᐊᐸᔅᑕᓚᒃ 13:14

ᐃᔅᐱ ᒫᑲ ᑳ ᑭᑐᑌᒋᒃ ᐸᕐᑲᐃᒃ ᐅᒋ, ᑮ ᐯᒋ ᐃᑐᑌᐗᒃ ᐋᓐᑎᐊᑭᒃ ᐱᓯᑎᐊᐃᒃ ᑳ ᐃᑕᒀᒃ, ᓀᔥᑕ ᑮ ᐱᑐᑫᐗᒃ ᐋᔭᒥᐁᐎᑳᒥᑯᒃ ᐁ ᐋᔭᒥᐁᑭᔑᑳᓕᒃ, ᑮ ᓇᐊᐱᐗᒃ ᒫᑲ᙮

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐊᐸᔅᑕᓚᒃ 14:1

ᑮ ᐃᑭᓐ ᒫᑲ ᐊᓐᑕ ᐋᐃᑯᓂᐊᒥᒃ, ᑖᐱᔅᑯᒡ ᐁ ᑮ ᐱᑐᑫᒋᒃ ᒎᐗ ᐅᑦ ᐋᔭᒥᐁᐎᑲᒥᑯᓕᒃ ᓀᔥᑕ ᐁ ᑮ ᐃᔑ ᐊᔭᒥᒋᒃ, ᓈᔅᐱᒡ ᒥᒉᑦ ᑳ ᒪᐗᒋᐃᑐᓕᒋ, ᑖᐱᔅᑯᒡ ᒎᐗ ᓀᔥᑕ ᒃᕆᑲ ᑳ ᐅᒋ ᑖᐺᑕᒥᓕᒋ᙮

ᐊᐸᔅᑕᓚᒃ 17:17

ᐁᐗᑯ ᐅᒋ ᑮ ᐋᔭᒥᐁᐤ ᐊᓂᐃ ᒎᐗ ᐱᒋ ᐊᔭᒥᐁᐎᑲᒥᑯᒃ, ᓀᔥᑕ ᐊᓂᐃ ᑳ ᐊᔭᒥᐁᐙᑎᓯᓕᒋ ᐃᓕᓕᐗ, ᓀᔥᑕ ᐱᒋ ᐊᓐᑕ ᑳ ᐃᔑ ᐊᑖᒥᑐᓇᓂᐗᒃ ᑕᑣᐤ ᑳᔑᑳᓕᒃ ᐊᓂᐃ ᐊᓐᑕ ᑳ ᓇᑭᔥᑳᑯᑦ᙮

ᐊᐸᔅᑕᓚᒃ 18:19

ᑮ ᐯᒋ ᐃᑐᑌᐤ ᒫᑲ ᐃᐱᓴᓯᒃ, ᓀᔥᑕ ᐁᑯᑕ ᑮ ᓇᑲᑌᐤ: ᒫᑲ ᐎᓚ ᐱᑯ ᑮ ᐱᑐᑫᐤ ᐋᔭᒥᐁᐎᑲᒥᑯᒃ, ᓀᔥᑕ ᑮ ᐎᒋᐊᔮᒥᒣᐤ ᐊᓂᐃ ᒎᐗ᙮

ᐊᐸᔅᑕᓚᒃ 18:26

ᑮ ᒫᒋ ᓱᑭᑌᐁᐎ ᐋᔭᒥᐤ ᒫᑲ ᐋᔭᒥᐁᐎᑲᒥᑯᒃ: ᐊᓇ ᐃᔅᐱ ᐊᓂᐃ ᐊᑶᓚ ᓀᔥᑕ ᑉᕆᓯᓚ ᑳ ᑮ ᐯᑖᑯᑦ, ᑮ ᐅᑎᓂᑯ, ᓀᔥᑕ ᐊᐙᓯᑌ ᐯᔭᑕᒃ ᑮ ᑭᔅᑭᓄᐊᒫᑯ ᑭᒋᒪᓂᑐ ᐅᑦ ᐃᔑᑣᐎᓂᓕᐤ᙮

ᐊᐸᔅᑕᓚᒃ 18:4

ᑮ ᐋᔭᒥᐤ ᒫᑲ ᐊᓐᑕ ᐋᔭᒥᐁᐎᑲᒥᑯᒃ ᑕᑣᐤ ᐁ ᐋᔭᒥᐁᑭᔑᑲᓕᒃ, ᓀᔥᑕ ᑮ ᔑᑭᒣᐤ ᒎᐗ ᓀᔥᑕ ᒃᕆᑲ᙮

ᐊᐸᔅᑕᓚᒃ 19:10

ᐅᒪ ᒫᑲ ᑮ ᑐᒋᑲᑌᐤ ᓂᔓ ᐱᐳᓋ ᐃᔥᐱᔥ; ᐁᐗᑯ ᐅᒋ ᒥᓯᐌ ᑳ ᑖᔑᑫᒋᒃ ᐁᔕᐃᒃ ᑮ ᐯᑕᒬᐗᒃ ᐅᑦ ᐋᔭᒥᐎᓂᓕᐤ ᐅᑎᐯᓕᒋᑫᐗ ᒋᓴᔅ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ᙮

ᐊᐸᔅᑕᓚᒃ 19:7

ᒥᓯᐌ ᒫᑲ ᐅᑯ ᐃᓕᓕᐗᒃ ᓈᓐᑕᐤ ᓂᔓᔕᑉ ᑮ ᐃᑕᔑᐗᒃ᙮

ᐊᐸᔅᑕᓚᒃ 19:9

ᒫᑲ ᐃᔅᐱ ᐊᑎᑦ ᑳ ᒫᔥᑳᐎᑌᐁᒋᒃ ᓀᔥᑕ ᐁᑳ ᑳ ᑖᐺᑕᑭᒃ, ᒫᑲ ᑳ ᒪᒋ ᐊᓕᒧᑕᑭᒃ ᐅᒣᓕᐤ ᐃᔑᑣᐎᓂᓕᐤ ᐅᑎᔥᑲᐤ ᑳ ᒥᒉᑎᓕᒋ ᐃᓕᓕᐗ, ᑮ ᓇᑲᑌᐤ, ᓀᔥᑕ ᑮ ᐸᑳᓂᐁᐤ ᐊᓂᐃ ᑭᔅᑭᓄᐊᒪᐗᑲᓇ, ᐁ ᑭᔅᑭᓄᐊᒫᑫᑦ ᑕᑡᐤ ᐁ ᑭᔑᑳᓕᒃ ᐅ ᑭᔅᑭᓄᐊᒫᑫᐎᑳᒥᑯᓕᒃ ᑕᐃᕋᓇᓴ᙮

ᐊᐸᔅᑕᓚᒃ 20:31

ᐁᐗᑯ ᐅᒋ ᐊᔕᐙᐱᒃ, ᑭᔅᑭᓯᒃ ᒫᑲ, ᓂᔅᑐ ᐱᐳᓋ ᐃᔥᐱᔥ ᐁᑳ ᐁ ᐅᒋ ᑭᐱᒋᔮᓐ ᐁ ᔮᒀᒥᒪᒃ ᒥᓯᐌ ᑕᑐ ᐊᐌᓇ ᐁ ᑎᐱᔅᑲᒃ ᓀᔥᑕ ᐁ ᑭᔑᑳᒃ ᐁ ᐅᒋᑲᐙᐱᔮᓐ᙮

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᒎᑦ 1:3

ᓯᐋᑭᐃᑕᑾᒃ, ᐃᔅᐱ ᓈᔅᐱᒡ ᒥᐋᒥᑐᓀᓕᑕᒫᓐ ᑭᒋ ᒪᓯᓇᐊᒫᑕᑾᒃ ᐁ ᐋᓕᒧᑕᒫᓐ ᒫᒪᐎ ᐱᒫᒋᐃᐌᐎᓐ, ᑮ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ ᑭᒋ ᔑᑭᒥᑕᑾᒃ ᐁᓕᑯᒃ ᑭᒋ ᐎ ᑲᑴ ᑲᓇᐁᓕᑕᒣᒃ ᐊᓂᒪ ᑖᐺᔦᓕᑕᒧᐎᓐ ᐯᔭᑾᐤ ᑳ ᑮ ᐸᑭᑎᓇᒪᐙᑲᓂᐎᒋᒃ ᐅᐸᓓᑭᓴᒃ᙮