ᐊᐸᔅᑕᓚᒃ 19:33 - ᐅᔅᑭ ᑎᔅᑌᒥᓐᑦ

³³ ᑮ ᐗᓚᐎᑖᐯᐗᒃ ᒫᑲ ᐊᓕᒃᓵᓐᑕᕋ ᒫᒪᐤ ᑳ ᐃᑖᓕᒋ ᐃᓕᓕᐗ ᐅᒋ, ᐊᓂᑭ ᒎᐗᒃ ᐁ ᓇᑭᓈᒋᒃ ᓃᑳᓐ ᐃᔑ᙮ ᐊᓕᒃᓵᓐᑕᕐ ᒫᑲ ᑮ ᐗᐗᔅᑖᐃᑫᐤ ᐅᒋᒋ ᐅᒋ, ᓀᔥᑕ ᑲᑕ ᑮ ᐊᔭᒥᐁᐸᓐ ᐃᓕᓕᐗ᙮

ᐊᐸᔅᑕᓚᒃ 19:33 ပူးပေါင်းရင်းမြစ်များ

ᐅᐸᓓᑭᔅ ᓘᒃ 1:22

ᐃᔅᐱ ᒫᑲ ᐱᐁᒋ ᐗᓚᐎᑦ ᓇᒪᐎᓚ ᑮ ᑲᔥᑭᑕᐤ ᑭᒋ ᐋᔭᒥᐋᑦ: ᑮ ᐊᑎ ᓂᓯᑕᐌᓕᑕᒶᒃ ᒫᑲ ᐁ ᑮ ᐃᔑᓇᒮᓕᒋ ᑭᒋ ᐋᔭᒥᐁᐎᑲᒥᑯᒃ; ᐌᓴ ᑮ ᐙᔅᑎᓇᒪᐌᐤ, ᓇᒪ ᓀᔥᑕ ᐅᒋ ᐋᔭᒥᐤ᙮

ᐊᐸᔅᑕᓚᒃ 12:17

ᐎᓚ ᒫᑲ, ᐁ ᐙᐙᔅᑎᓇᒪᐗᑦ ᐅᒋᒋ ᐅᒋ ᐁᑳ ᑭᒋ ᑭᑐᓕᒋ, ᑮ ᐙᐎᑕᒪᐌᐤ ᑖᓂ ᑳ ᐃᔑ ᐙᓚᐎᑕᐃᑯᑦ ᐅᑎᐯᓕᒋᑫᐗ ᑭᐹᐊᑐᐎᑲᒥᑯᒃ ᐅᒋ᙮ ᑮ ᐃᑌᐤ ᒫᑲ, ᑭᑐᑌᒃ, ᐙᐸᑎᓕᒃ ᒉᒻᔅ ᐅᐅ ᑫᒀᓇ, ᓀᔥᑕ ᐊᓂᑭ ᑭᒋᔖᓂᓇᐗᒃ᙮ ᑮ ᑭᑐᑌᐤ ᒫᑲ, ᓀᔥᑕ ᐱᑐᔥ ᐃᑕ ᑮ ᐃᑐᑌᐤ᙮

ᐊᐸᔅᑕᓚᒃ 13:16

ᐁᑯ ᒫᑲ ᐹᓪ ᑳ ᐹᓯᑯᑦ, ᓀᔥᑕ ᐁ ᐗᐙᔅᑕᐃᑫᑦ ᐅᒋᒋ ᐅᒋ, ᑮ ᐃᑌᐤ, ᑭᓚᐗᐤ ᐃᔅᕃᐃᓪ ᐃᓕᓕᑐᒃ, ᓀᔥᑕ ᑭᓚᐗᐤ ᑳ ᓇᓂᒋᔅᑕᐌᒃ ᑭᒋᒪᓂᑐ, ᓈᑐᑕᒧᒃ᙮

ᐊᐸᔅᑕᓚᒃ 19:34

ᒫᑲ ᐃᔅᐱ ᑳ ᑭᔅᑫᓕᑕᑭᒃ ᐁ ᒎᐎᓕᒋ, ᒥᓯᐌ ᒫᒪᐤ ᑮ ᑌᐺᐗᒃ, ᓈᓐᑕᐤ ᓂᔓ ᑎᐹᔨᑳᓇ ᐱᓯᒧᑳᓂᒃ ᐃᔥᐱᔥ, ᐁ ᑌᐺᒋᒃ, ᑭᔅᑎᓯᐤ ᑖᐃᐊᓇ ᑳ ᑎᐯᓕᒫᑦ ᐃᐱᓯᐊᓇ!

ᐊᐸᔅᑕᓚᒃ 21:40

ᐃᔅᐱ ᒫᑲ ᑳ ᑮ ᓇᔅᑯᒥᑯᑦ, ᐹᓪ ᑮ ᓂᐸᐎᐤ ᓵᑲᒋᐌᓈᓂᒃ, ᓀᔥᑕ ᑮ ᐙᔅᑎᒋᒉᓄᔅᑕᐌᐤ ᐃᓕᓕᐗ, ᐃᔅᐱ ᒫᑲ ᒥᑐᓂ ᑫᐱᑐᐌᓕᒋ, ᐦᐃᐹᕉ ᐃᔑᑭᔗᐎᓂᒃ ᑮ ᐋᔭᒥᐁᐤ, ᐁ ᐃᑗᑦ᙮

ᐊᐸᔅᑕᓚᒃ 24:10

ᐁᑯ ᐹᓪ, ᐃᔅᐱ ᑳ ᑮ ᐃᑎᑯᑦ ᐅᑎᐯᓕᒋᑫᐗ ᑭᒋ ᐋᔭᒥᑦ, ᑮ ᓇᔥᑴᐗᔑᐃᐌᐤ: ᐁ ᑭᔅᑫᓕᑕᒫᓐ ᐋᔕᔾ ᒥᒉᑦ ᐱᐳᓋ ᐁ ᑮ ᑎᐹᔅᑯᓇᒋᒃ ᐅᑯ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐊᐙᓯᑌ ᓂ ᒥᓜᓕᑌᓐ ᐁ ᓇᔥᑴᐗᔑᑕᒫᓱᔮᓐ:

ᐱᓕᐱᔭᓇ 1:7

ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮

ᓂᔥᑕᒻ ᑎᒧᑎ 1:20

ᐅᑯ ᐋᑎᑦ ᐁᐗᒀᓂᑭ ᐦᐊᐃᒥᓂᔭᔅ ᓀᔥᑕ ᐋᓕᒃᓵᓐᑕᕐ; ᑳ ᑮ ᐸᑭᑎᓇᒪᐗᒃ ᓭᑖᓐ, ᑭᒋ ᐎ ᑲᑴ ᑭᔅᑫᓕᑕᑭᒃ ᐁᑳ ᑭᒋ ᐹᔅᑕᒧᒋᒃ᙮

ᓂᔓ ᑎᒧᑎ 4:14

ᐋᓕᒃᓵᓐᑕᕐ ᐅᓵᐙᐱᔅᑯᑫᐎᐋᐎᔅᑐᔭᓐ ᒥᔅᑕᐃ ᓂ ᑮ ᒪᒋᑐᑖᒃ: ᐅᑎᐯᓕᒋᑫᐤ ᑲᑕ ᐎ ᑎᐸᐊᒪᐌᐤ ᑳ ᐃᔑ ᐊᑑᔅᑫᓕᒋ: