ᐊᐸᔅᑕᓚᒃ 19:26 - ᐅᔅᑭ ᑎᔅᑌᒥᓐᑦ

²⁶ ᓀᔥᑕ ᒫᑲ, ᑭ ᐙᐸᑌᓈᐗᐤ ᓀᔥᑕ ᑭ ᐯᑌᓈᐗᐤ, ᓇᒪᐎᓚ ᐱᑯ ᐃᐱᓴᓯᒃ, ᒫᑲ ᑫᑳᑦ ᒥᓯᐌ ᐁ ᐃᔅᐱᔖᒃ ᐁᔕᐃᒃ, ᐊᐗ ᐹᓪ ᑮ ᔖᑯᒋᒣᐤ ᓀᔥᑕ ᑮ ᑴᔅᑭᓀᐤ ᒥᒉᑦ ᐃᓕᓕᐗ, ᐁ ᐃᑗᑦ, ᓇᒪᔦᐤ ᒪᓂᑐᐗᒃ ᐊᓂᑭ ᑳ ᐅᔑᐊᑲᓂᐎᒋᒃ ᒥᒋᒋᔭ ᐅᒋ:

ᐊᐸᔅᑕᓚᒃ 19:26 ပူးပေါင်းရင်းမြစ်များ

ᐊᐸᔅᑕᓚᒃ 14:15

ᐁ ᐃᑗᒋᒃ ᒫᑲ, ᐅᑭᒫᑐᒃ, ᑖᓀᑭ ᐌᒋ ᑐᑕᒣᒃ ᐅᐅ ᑫᒀᓇ? ᓂᓚᓈᓐ ᓀᔥᑕ ᓂᑦ ᐃᓕᓕᐎᓈᓐ ᐁ ᐃᔑᓈᑯᓯᔮᒃ ᑖᐱᔅᑯᒡ ᑭᓚᐙᐤ, ᑭ ᑲᑫᔅᑭᒥᑎᓈᓐ ᒫᑲ, ᑭᒋ ᑮ ᓇᑲᑕᒣᒃ ᐅᐅ ᐸᑾᓐᑕᐤ ᑫᒀᓇ, ᑭᒋ ᑴᔅᑭᔅᑕᐌᒃ ᑳ ᐱᒫᑎᓯᑦ ᑭᒋᒪᓂᑐ, ᑳ ᑮ ᐅᔑᑖᑦ ᑭᒋᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑕᑾᓂᓕᑭ;

ᐊᐸᔅᑕᓚᒃ 17:29

ᐁᐗᑯ ᐅᒋ ᒫᑲ ᐁ ᐋᐎᔭᒃ ᐅ ᓂᑕᐎᑭᐋᑲᓇ ᑭᒋᒪᓂᑐ, ᓇᒪᐎᓚ ᑭ ᑳ ᐃᑌᓕᑌᑖᓇᐤ ᐊᓇ ᑭᒋᒪᓂᑐ ᐁ ᐃᔑᓈᑯᓯᑦ ᑖᐱᔅᑯᒡ ᐅᓴᐎᔓᓕᐋᓈᐱᔉ ᓀᔥᑕᐱᑯ ᔔᓕᐋᓈᐱᔉ ᓀᔥᑕᐱᑯ ᐊᓯᓂ, ᑳ ᒪᒪᑖᐎ ᒫᒫᒋᔑᑲᑌᒃ ᓀᔥᑕ ᐁ ᐃᑌᓕᑕᒃ ᐃᓕᓕᐤ᙮

ᐊᐸᔅᑕᓚᒃ 18:19

ᑮ ᐯᒋ ᐃᑐᑌᐤ ᒫᑲ ᐃᐱᓴᓯᒃ, ᓀᔥᑕ ᐁᑯᑕ ᑮ ᓇᑲᑌᐤ: ᒫᑲ ᐎᓚ ᐱᑯ ᑮ ᐱᑐᑫᐤ ᐋᔭᒥᐁᐎᑲᒥᑯᒃ, ᓀᔥᑕ ᑮ ᐎᒋᐊᔮᒥᒣᐤ ᐊᓂᐃ ᒎᐗ᙮

ᐊᐸᔅᑕᓚᒃ 19:1

ᑮ ᐃᑭᓐ ᒫᑲ, ᒣᒀᒡ ᐊᐳᓚᔅ ᑳ ᐃᑖᑦ ᑯᕆᓐᑎᒃ, ᐹᓪ ᐋᔕᔾ ᐁ ᑮ ᔕᐳᔥᑲᒃ ᓐᑎᒥᒃ ᐃᑌᑫ ᐊᓂᐁᓕᐤ ᐊᔅᑭᓕᐤ, ᑮ ᐯᒋ ᐃᑐᑌᐤ ᐃᐱᓴᓯᒃ: ᐁ ᒥᔅᑲᐙᑦ ᒫᑲ ᐊᑎᑦ ᑭᔅᑭᓄᐊᒪᐗᑲᓇ,

ᐊᐸᔅᑕᓚᒃ 19:10

ᐅᒪ ᒫᑲ ᑮ ᑐᒋᑲᑌᐤ ᓂᔓ ᐱᐳᓋ ᐃᔥᐱᔥ; ᐁᐗᑯ ᐅᒋ ᒥᓯᐌ ᑳ ᑖᔑᑫᒋᒃ ᐁᔕᐃᒃ ᑮ ᐯᑕᒬᐗᒃ ᐅᑦ ᐋᔭᒥᐎᓂᓕᐤ ᐅᑎᐯᓕᒋᑫᐗ ᒋᓴᔅ, ᑖᐱᔅᑯᒡ ᒎᐗᒃ ᓀᔥᑕ ᒃᕆᑲᒃ᙮

ᐊᐸᔅᑕᓚᒃ 19:25

ᐊᓂᐃ ᑳ ᑮ ᒫᒪᐎ ᓇᑐᒫᑦ ᐊᓯᒋ ᐊᓂᐃ ᐊᑐᔅᑫᐎᓕᓕᐗ ᑖᐱᔅᑯᒡ ᑳ ᐃᔑ ᐃᑖᐸᑎᓯᓕᒋ, ᐁ ᑮ ᐃᑗᑦ ᒫᑲ, ᐅᑭᒫᑐᒃ, ᑮ ᑭᔅᑫᓕᑌᓈᐙᐤ ᐅᒪ ᐊᑐᔅᑫᐎᓐ ᐅᒋ ᑭᑦ ᐊᔮᓈᓇᐤ ᑭ ᒥᔕᑭᓯᐎᓂᓇᐗ᙮

ᓂᔥᑕᒻ ᑯᕆᓐᑎᐊᓇ 12:2

ᑭ ᑭᔅᑫᓕᑌᓇᐗᐤ ᐁ ᑮ ᒉᓐᑖᐃᓕᐎᔦᒃ, ᐁ ᐗᓂᐎᓕᑲᐎᔦᒃ ᑭᒋ ᐊᑑᔅᑲᐌᑾᒃ ᐅᑯ ᐁᑳ ᑳ ᓂᑕᐌᒋᒃ ᒪᓂᑐᑳᓇᒃ, ᑖᐱᔅᑯᒡ ᑳ ᑮ ᐃᔑ ᑭᔅᑭᓄᑕᐃᑲᐎᔦᒃ᙮

ᓂᔥᑕᒻ ᑯᕆᓐᑎᐊᓇ 8:4

ᒫᑲ ᐁ ᒥᒋᓈᓂᐗᒃ ᐊᓂᐃ ᑳ ᑮ ᐸᑭᑎᓇᒫᒋᒃ ᐁ ᓵᓴᑭᐎᓕᐌᔅᑕᐙᑲᓂᐎᒋᒃ ᒪᓂᑐᑳᓇᒃ ᑭ ᑭᔅᑫᓕᑌᓈᓇᐤ ᒫᓂᑐᑳᓐ ᐁᑳ ᐙᔦᔥ ᐁ ᐃᑌᓕᑖᑯᓯᑦ ᐅᑕ ᐊᔅᑮᒃ, ᓀᔥᑕ ᐁᑳ ᐙᐙᒡ ᐁ ᐃᑖᑦ ᑯᑕᑳ ᑭᒋᒪᓇᑐ, ᐱᑯ ᐯᔭᒃ᙮

ᑲᓓᔕᐊᓇ 4:8

ᐁᓕᐌᒃ ᒫᑲ, ᐃᔅᐱ ᐁᑳ ᑳ ᑮ ᑭᔅᑫᓕᒣᒃ ᑭᒋᒪᓂᑐ, ᑭ ᑮ ᐊᑐᔅᑫᔅᑕᐗᐗᐗᒃ ᐊᓂᑭ ᐅᒋᑕᐤ ᐁᑳ ᑳ ᒪᓂᑐᐎᒋᒃ᙮

ᓂᔥᑕᒻ ᑌᓴᓗᓂᔭᓇ 1:9

ᐌᓴ ᐎᓚᐗᐤ ᑫᒋᐙᒃ ᓂ ᐙᐸᑎᓕᑯᓈᓇᒃ ᑳ ᑮ ᐃᔑ ᐱᑐᑳᑖᒃ, ᓀᔥᑕ ᐁ ᑮ ᐃᔑ ᑴᔅᑭᑳᐸᐎᔅᑕᐌᒃ ᑭᒋᒪᓂᑐ ᐁ ᓇᑲᑌᑾᒃ ᒪᓂᑐᑳᓇᒃ, ᑭᒋ ᐊᑑᔅᑫᔅᑕᐌᒃ ᐯᒫᑎᓰᑦ ᑖᐺ ᑭᒋᒪᓂᑐ;

ᑭᔅᑫᓕᑖᑯᑖᑫᐎᓐ 9:20

ᒥᓯᐌ ᒫᑲ ᐃᓕᓕᐗᒃ ᐁᑳ ᑳ ᑮ ᓂᐹᐃᑯᒋᒃ ᐅᐅ ᐋᑯᐃᑖᔅᐱᓀᐎᓇ, ᐁᓕᐌᒃ ᒫᑲ ᑫᔮᐸᒡ ᓇᒪᐎᓚ ᑮ ᒥᒋᓚᐌᔦᓕᑕᒶᒃ ᑳ ᑭ ᐊᔨᐊᑑᔅᑫᒋᒃ ᐅᒋᒋᐙᒃ, ᐁᑳ ᑭᒋ ᓇᐙᑭᔅᑕᐙᒋᒃ ᒪᒋᒪᓂᑐᐗ, ᓀᔥᑕ ᐅᓵᐎᔔᓕᐋᓇᐱᔉ, ᒪᓂᑐᑳᓇ, ᓀᔥᑕ ᔔᓕᐊᓈᐱᔉ, ᓀᔥᑕ ᐅᓵᐙᐱᔉ, ᓀᔥᑕ ᐊᓯᓂ, ᓀᔥᑕ ᒥᔅᑎᒃ, ᐊᓂᐃ ᐁᑳ ᑳ ᐙᐱᓕᒋ, ᓀᔥᑕ ᐅᓯᑌᓕᒋ, ᓀᔥᑕ ᐱᒧᑌᓕᒋ,