ᐊᐸᔅᑕᓚᒃ 18:15 - ᐅᔅᑭ ᑎᔅᑌᒥᓐᑦ

¹⁵ ᒫᑲ ᑮᔥᐱᓐ ᐱᑯ ᑲᑴᒋᑫᒧᓇᓂᐗᒃ ᐋᔭᒥᐎᓇ ᐅᒋ ᓀᔥᑕ ᐃᔑᓂᑳᓱᐎᓇ, ᓀᔥᑕ ᑭᑦ ᐅᓚᔓᐌᐎᓂᐗᐤ ᐅᒋ, ᑭᓚᐗᐤ ᑲᓇᐙᐸᑕᒧᒃ ᐊᓂᒪ; ᐌᓴ ᓇᒪᐎᓚ ᓂᓚ ᓂ ᑳ ᑎᐹᔅᑯᓀᐤ ᐊᓂᐃ ᑐᐎ ᑫᒀᓇ᙮

ᐊᐸᔅᑕᓚᒃ 18:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 27:24

ᐃᔅᐱ ᐹᐃᓚᑦ ᐎᐋᐸᑕᒃ ᐁᑳ ᐁ ᑮ ᔖᑯᒋᒫᑦ, ᐁ ᒫᒋ ᐹᔑᑯᓚᐌᓯᓕᒋ ᒫᑲ, ᑮ ᐅᑎᓇᒻ ᓂᐱᓕᐤ, ᑮ ᑭᓯᐯᑭᓇᒻ ᒫᑲ ᐅᒋᒋᔭ ᐁ ᐙᐸᒥᑯᑦ ᒥᔮᒪᐎᒥᒉᑎᓕᒋ ᐃᓕᓕᐗ, ᐁ ᐃᑗᑦ, ᓇᒪᐎᓚ ᓂᓚ ᓂ ᐎ ᓯᑭᓇᒸᓐ ᐅᒥᑯ ᐊᐗ ᑳ ᒀᔭᔅᑭᑎᑦ ᐃᓕᓕᐤ; ᑲᓇᐙᐸᑕᒧᒃ ᑭᓚᐗᐤ᙮

ᐅᐸᓓᑭᔅ ᒫᑎᐤ 27:4

ᐁ ᐃᑗᑦ, ᓂ ᑮ ᒪᒋᑐᑌᓐ, ᐁ ᑮ ᐙᔑᔦᐸᑭᑎᓇᒫᓐ ᐊᓂᒪ ᐸᓓᑭ ᒥᑯ᙮ ᑮ ᐃᑗᐗᒃ ᒫᑲ, ᑖᓂ ᒫᑲ ᑫ ᑐᑕᒫᒃ ᓂᓚᓈᓐ? ᑭᓚ ᐁᐗᑯ ᑲᓇᐙᐸᑕ᙮

ᐅᐸᓓᑭᔅ ᒑᓐ 18:31

ᐁᑯ ᐹᐃᓚᑦ ᐁᑖᑦ, ᐅᑎᓂᒃ ᑭᓚᐗᐤ, ᓀᔥᑕ ᑎᐹᔅᑯᓂᒃ ᐁ ᐃᑕᔅᑌᒃ ᑭᑦ ᐅᓚᔓᐌᐎᓂᐙᒃ᙮ ᐁᐗᑯ ᐌᒋ ᒎᐗᒃ ᐃᑖᒋᒃ, ᓇᒪᐎᓚ ᐅᓚᔓᐌᓕᑖᑾᓐ ᓂᓚᓈᓐ ᑭᒋ ᓂᐸᐊᑭᑦ ᐊᐌᓇ:

ᐊᐸᔅᑕᓚᒃ 18:13

ᐁ ᐃᑗᒋᒃ, ᐊᐗ ᐃᓕᓕᐤ ᔑᑭᒣᐤ ᐃᓕᓕᐗ ᑭᒋ ᐋᔭᒥᐁᔅᑕᐙᓕᒋ ᑭᒋᒪᓂᑐᐗ ᐱᑐᔥ ᑳ ᐃᑕᔅᑌᒃ ᐅᓚᔓᐌᐎᓂᒃ᙮

ᐊᐸᔅᑕᓚᒃ 23:29

ᐊᓇ ᑳ ᐱᓯᔅᑫᓕᒪᒃ ᐁ ᒫᒥᔑᒫᑲᓂᐎᑦ ᑲᑴᒋᑫᒧᐎᓇ ᐅᒋ ᐅᑦ ᐅᓚᔓᐌᐎᓂᐙᒃ, ᒫᑲ ᐁᑳ ᐁ ᒫᒥᔑᒫᑲᓂᐎᑦ ᑫᒀᓕᐤ ᑳ ᐅᒋ ᐃᑌᓕᑖᑯᓯᑦ ᑭᒋ ᓂᐸᐋᑲᓂᐎᑦ ᓀᔥᑕᐱᑯ ᑭᒋ ᒫᒫᒋᑯᐱᑖᑲᓀᐎᑦ᙮

ᐊᐸᔅᑕᓚᒃ 25:11

ᐌᓴ ᑮᔥᐱᓐ ᑳ ᐗᓂᑐᑕᒧᐙᓂ ᓂᔥᑕᐱᑯ ᑳ ᑐᑕᒧᐙᓂ ᑫᒀᓐ ᑳ ᐅᒋ ᐃᑌᓕᑖᑯᓯᔮᓐ ᑭᑕ ᓂᐱᔮᓐ, ᓇᒪᐎᓚ ᓂᑦ ᐋᓉᑌᓐ ᑭᒋ ᓂᐱᔮᓐ: ᒫᑲ ᑮᔥᐱᓐ ᐁᑳ ᐁᑕᑾᓄᐙᑴ ᐊᓂᐃ ᑫᒀᓇ ᑳ ᐅᒋ ᒫᒥᔑᒥᒋᒃ, ᓇᒪᐎᓚ ᐊᐌᓇ ᓂ ᑳ ᐸᑭᑌᓂᒃ ᐅᒋᒋᐙᒃ᙮ ᓂ ᓇᑕᐌᓕᒪᐤ ᓯᓴᕐ ᑭᒋ ᑎᐹᔅᑯᓂᑦ᙮

ᐊᐸᔅᑕᓚᒃ 25:19

ᒫᑲ ᑮ ᒫᒥᔑᒣᐗᒃ ᑫᒀᓇ ᐅᒋ ᑳ ᐃᑕᑾᓂᓕᑭ ᑎᐱᓚᐌ ᐅᑦ ᐋᔭᒥᐋᐎᓂᐙᒃ, ᓀᔥᑕ ᐊᐌᓇ ᒋᓴᔅ ᐅᒋ, ᑳ ᑮ ᓂᐱᑦ, ᒫᑲ ᐱᒫᑎᓯᐤ ᐁ ᐃᑗᓕᒋ ᐹᓚ᙮

ᐊᐸᔅᑕᓚᒃ 26:3

ᒫᑲ ᐅᓵᒻ ᐁ ᑭᔅᑫᓕᒥᑖᓐ ᐁ ᓇᐃᑭᔅᑫᓕᑕᒪᓐ ᒥᓯᐌ ᐅᑦ ᐋᔨᑎᐎᓂᐙᐗ ᓀᔥᑕ ᐅ ᑲᑴᒋᑫᒧᐎᓂᐙᐗ ᒎᐗᒃ: ᐁᐗᑯ ᐌᒋ ᐸᑯᓭᓕᒥᑖᓐ ᔑᐱᓚᐌᓯᐎᓂᒃ ᑭᒋ ᓇᑐᑖᐎᔭᓐ᙮

ᓂᔥᑕᒻ ᑎᒧᑎ 1:4

ᐁᑳ ᓀᔥᑕ ᑭᒋ ᐱᓯᔅᑫᓕᑕᑭᒃ ᑭᓛᔅᑭᐙᒋᒧᐎᓇ ᓀᔥᑕ ᐁᑳ ᐎᔅᑳᑦ ᑳ ᐳᓂᐸᓕᑭ ᐊᔮᓂᔅᑫᐋᔭᒥᐎᓇ, ᑳ ᐅᒋ ᐅᒋᐸᓕᑭ ᑲᑴᒋᒥᑐᐎᓇ ᐊᐙᓯᑌ ᐃᔥᐱᔥ ᒪᓂᑐᐎ ᑭᔅᑭᓄᐊᒫᑫᐎᓐ ᑖᐺᔦᓕᑕᒧᐎᓂᒃ ᑳ ᐃᑕᑾᒃ᙮

ᓂᔥᑕᒻ ᑎᒧᑎ 6:4

ᑭᔅᑌᓕᒧ, ᐁᑳ ᑫᒀᓐ ᐁ ᑭᔅᑫᓕᑕᒃ, ᒫᑲ ᐁ ᑭᔥᑴᓕᑕᒃ ᑲᑴᒋᑫᒧᐎᓇ ᓀᔥᑕ ᐋᔭᒥᐎᓂ ᐋᔑᑌᒥᑐᐎᓇ, ᐃᑕ ᑳ ᐅᒋᐸᓕᒃ ᐅᑌᓕᒥᑐᐎᓐ, ᒀᓗᑐᑖᑐᐎᓐ, ᒪᒋ ᐋᔭᒥᐃᑐᐎᓐ, ᒪᒋ ᐃᑌᓕᒥᑐᐎᓇ,

ᓂᔓ ᑎᒧᑎ 2:23

ᒫᑲ ᑲᑫᐹᑎᓯᐎ ᓀᔥᑕ ᐁᑳᑭᔅᑫᓕᑖᑯᓯᐎ ᑲᑫᒋᑫᒧᐎᓇ ᐋᑕᐌᓕᑕ, ᐁ ᑭᔅᑫᓕᑕᒪᓐ ᐁ ᓂᑕᐎᑭᑖᒪᑲᑭ ᒀᓗᑐᑖᑐᐎᓇ;

ᑕᐃᑕᔅ 3:9

ᒫᑲ ᐁᑳ ᐱᓯᔅᑫᓕᑕ ᑲᑫᐹᑎᓯᐎ ᑲᑴᒋᑫᒧᐎᓇ, ᓀᔥᑕ ᐋᔮᓂᔅᑫᐋᔭᒥᐎᓇ, ᓀᔥᑕ ᑾᓗᑐᑖᑫᐎᓇ ᓀᔥᑕ ᐋᔑᑌᒥᐌᐎᓇ ᐅᓚᔓᐌᐎᓐ ᐅᒋ; ᐌᓴ ᓇᒪᐎᓚ ᐙᔦᔥ ᐃᑖᐸᑕᓋ ᓀᔥᑕ ᐸᑾᓐᑕᐤ ᐃᑌᓕᑖᑾᓋ᙮