ᐊᐸᔅᑕᓚᒃ 18:12 - ᐅᔅᑭ ᑎᔅᑌᒥᓐᑦ

¹² ᐃᔅᐱ ᒫᑲ ᑳᓕᐅ ᑳ ᑎᐯᓕᑕᒃ ᐊᑳᐃᐊᐃᓕᐤ, ᐊᓂᑭ ᒎᐗᒃ ᑮ ᒫᒪᐎ ᐸᓯᑯᔅᑕᐌᐗᒃ ᐹᓚ, ᑮ ᐯᔑᐌᐗᒃ ᒫᑲ ᐊᓐᑕ ᑎᐸᔅᑯᓂᑫᐎ ᐊᐱᐎᓂᒃ,

ᐊᐸᔅᑕᓚᒃ 18:12 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 27:19

ᒣᒀᒡ ᐁ ᐊᐱᑦ ᑎᐹᔅᑯᓂᑫᐎ ᐊᐱᐎᓂᒃ, ᐎᐗ ᑮ ᐯᒋᑎᔕᐅᐌᓕᐗ, ᐁ ᐃᑎᑯᑦ, ᐁᑳᐎᓚ ᐙᔦᔥ ᑐᑕᐤ ᐊᓇ ᑳ ᑾᔭᔅᑭᑎᑦ ᐃᓕᓕᐤ; ᐌᓴ ᓂ ᑮ ᒥᑯᔅᑳᒋᐃᑯᓐ ᒥᒉᑦ ᑫᒀᓇ ᐊᓄᒡ ᑳ ᑭᔑᑳᒃ ᐸᐙᒧᐎᓂᒃ ᐎᓚ ᐅᒋ᙮

ᐅᐸᓓᑭᔅ ᒑᓐ 19:13

ᐃᔅᐱ ᒫᑲ ᐹᐃᓚᑦ ᐱᐁᑕᒃ ᐊᓂᐁᓕᐤ ᐃᑗᐎᓂᓕᐤ, ᑮ ᐯᒋ ᐗᓚᐎᑕᐁᐤ ᒋᓴᓴ, ᓀᔥᑕ ᑮ ᓇᐊᐱᐤ ᑎᐹᔅᑯᓂᑫᐎ ᐊᐱᐎᓂᒃ, ᐃᑕ ᐁ ᐃᔑᓂᑳᑌᓕᒃ ᐊᓯᓂᐎ ᐊᔅᐱᔑᒧᓂᑳᓐ, ᒫᑲ ᐦᐃᑉᕉ ᐃᔑᑭᔗᐎᓂᒃ, ᑳᐸᑕ᙮

ᐊᐸᔅᑕᓚᒃ 13:12

ᐁᑯ ᒫᑲ ᐊᓇ ᐅᑭᒪᐤ, ᐃᔅᐱ ᐎᐋᐸᑕᒃ ᐊᓂᐁᓕᐤ ᑳ ᑮ ᑐᒋᑲᑌᓕᒃ, ᑮ ᑖᐺᑕᒻ, ᐁ ᒫᒪᔅᑲᑕᒸᑦ ᐅ ᑭᔅᑭᓄᐊᒫᑫᐎᓂᓕᐤ ᐊᑎᐯᓕᒋᑫᐗ᙮

ᐊᐸᔅᑕᓚᒃ 13:50

ᒎᐗᒃ ᒫᑲ ᑮ ᔑᑭᐁᐗᒃ ᑳ ᐋᔭᒥᐁᐙᑎᓯᓕᒋ ᓀᔥᑕ ᑳ ᑭᔅᑌᓕᑕᑯᓯᓕᒋ ᐃᔅᑴᐗ, ᓀᔥᑕ ᑭᒋ ᐃᓕᓕᐗ ᐃᑖᐎᓂᒃ ᑳ ᐃᑖᓕᒋ, ᑳ ᑮ ᐅᒋ ᑲᒀᑕᑭᐋᒋᒃ ᐊᓂᐃ ᐹᓚ ᓀᔥᑕ ᐸᕐᓇᐸᓴ, ᓀᔥᑕ ᐅᑦ ᐊᔅᑭᐙᒃ ᑮ ᐅᒋ ᑭᒋᑎᔕᐌᐗᒃ᙮

ᐊᐸᔅᑕᓚᒃ 13:7

ᐊᓇ ᑳ ᑮ ᐎᒉᐙᑦ ᐊᓂᐃ ᑳ ᑎᐯᓕᑕᒥᓕᒋ ᐊᓂᐁᓕᐤ ᐊᔅᑭᓕᐤ, ᓴᕐᒋᐊᔅ ᐹᓚᔅ, ᐁ ᑲᑫᑕᐌᓕᑕᒃ ᐃᓕᓕᐤ: ᐊᓇ ᑳ ᑮ ᓇᑐᒫᑦ ᐊᓂᐃ ᐹᕐᓇᐸᔅ ᓀᔥᑕ ᓵᓪ, ᑮ ᓇᑕᐌᓕᑕᒻ ᒫᑲ ᑭᒋ ᐯᑕᒸᑦ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ᙮

ᐊᐸᔅᑕᓚᒃ 13:8

ᐃᓕᒪᔅ ᒫᑲ ᑳ ᒥᑌᐎᓖᓖᐎᑦ (ᐌᓴ ᐁᐗᒀᓂᒪ ᐁ ᐃᔑᓂᑳᑎᑦ ᐁ ᓈᐃᒧᓈᓂᐗᒃ) ᑮ ᓈᔅᑯᔥᑖᐌᐤ, ᐁ ᓇᑕᐌᓕᑕᒃ ᑭᒋ ᑴᔅᑭᓈᑦ ᐊᓂᐃ ᐅᑭᒫᐗ ᑖᐺᔦᓕᑕᒧᐎᓂᓕᐤ ᐅᒋ᙮

ᐊᐸᔅᑕᓚᒃ 14:19

ᐁᑯᑕ ᒫᑲ ᑌᑯᔑᑭᒃ ᐊᑎᑦ ᒎᐗᒃ ᑳ ᐅᑐᑌᒋᒃ ᐊᓐᑎᐊᑭᒃ ᓀᔥᑕ ᐋᐃᑯᓂᐊᒥᒃ, ᑮ ᔕᑯᒋᒣᐗᒃ ᐃᓕᓕᐗ, ᓀᔥᑕ, ᐁ ᑮ ᐱᒧᓯᓈᑕᐙᒋᒃ ᐹᓚ, ᑭ ᐗᓚᐎ ᑖᐹᑌᐗᒃ ᐃᑖᐎᓂᒃ ᐅᒋ, ᓂᐱᐤ ᐁ ᑮ ᐃᑌᓕᒫᒋᒃ᙮

ᐊᐸᔅᑕᓚᒃ 14:2

ᒫᑲ ᐊᓂᑭ ᒎᐗᒃ ᐁᑳ ᑳ ᑖᐺᑕᑭᒃ ᑮ ᒥᑯᔅᑳᒋᐁᐗᒃ ᒉᓐᑖᐃᓚ, ᓀᔥᑕ ᑮ ᑐᑕᐌᐗᒃ ᑭᒋ ᒪᒋ ᒫᒥᑐᓀᓕᒫᒋᒃ ᐊᓂᐃ ᑳ ᐎᒋᔖᓂᑐᓕᑭ᙮

ᐊᐸᔅᑕᓚᒃ 17:13

ᒫᑲ ᐃᔅᐱ ᐊᓂᑭ ᒎᐗᒃ ᐊᓐᑕ ᑌᓴᓗᓈᐃᑲ ᑳ ᐃᑖᒋᒃ ᑳ ᑭᔅᑫᓕᑕᑭᒃ ᑭᒋᒪᓂᑐ ᐅᑦ ᐋᔭᒥᐎᓐ ᐁ ᑮ ᐙᐎᑕᒥᓕᒋ ᐹᓚ ᐊᓐᑕ ᐱᕆᐊᐃᒃ, ᐎᓚᐗᐤ ᐊᓯᒋ ᐊᓐᑕ ᑮ ᐯᒋ ᐃᑐᑌᐗᒃ, ᓀᔥᑕ ᑮ ᒥᑯᔅᑳᒋᐁᐗᒃ ᐃᓕᓕᐗ᙮

ᐊᐸᔅᑕᓚᒃ 17:5

ᒫᑲ ᒎᐗᒃ ᐁᑳ ᑳ ᑖᐺᑕᑭᒃ, ᐁ ᐅᑌᓕᑕᑭᒃ, ᑮ ᐅᑎᓀᐗᒃ ᐊᑎᑦ ᑳ ᑭᔥᑴᐊᑎᓯᓕᒋ ᐃᓕᓕᐗ ᓇᐗᒡ ᑳ ᒪᒉᓕᑕᑯᓯᓕᒋ, ᓀᔥᑕ ᒫᒪᐤ ᑮ ᒫᐗᒋᐁᐗᒃ ᐊᐌᓕᐗ, ᑮ ᒥᑯᔅᑲᒋᑖᐗᒃ ᒫᑲ ᒥᓯᐌ ᐃᑖᐎᓂᓕᐤ, ᓀᔥᑕ ᑮ ᐎ ᓂᔑᐗᓈᒋᑕᐗᒃ ᐎᑭᓕᐤ ᒉᓴᓐ, ᑮ ᓇᓈᑐᓇᐌᐗᒃ ᒫᑲ ᐁ ᐎ ᐯᒋ ᐗᓚᐎᑕᑕᐙᒋᒃ ᐃᓕᓕᐗ᙮

ᐊᐸᔅᑕᓚᒃ 18:11

ᐁᑯᑕ ᒫᑲ ᐁᑖᑦ ᐯᔭᑯ ᐱᐳᓐ ᓀᔥᑕ ᓂᑯᑣᓱ ᐱᓯᒶ, ᐁ ᑭᔅᑭᓄᐊᒫᑫᐙᑦ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᐃᑕ ᐁ ᐃᑕᓕᒋ᙮

ᐊᐸᔅᑕᓚᒃ 18:27

ᐃᔅᐱ ᒫᑲ ᑳ ᐃᑌᓕᑕᒃ ᑭᒋ ᐃᑐᑌᑦ ᐊᓐᑕ ᐊᑳᐃᐊᐃᒃ, ᐊᓂᑭ ᑳ ᐎᒋᔖᓂᑐᒋᒃ ᑮ ᒪᓯᓇᐃᑫᐗᒃ ᐁ ᔑᑭᒫᒋᒃ ᐊᓂᐃ ᑭᔅᑭᓄᐊᒪᐗᑲᓇ ᑭᒋ ᐅᑎᓈᓕᒋ: ᐊᓇ ᐃᔅᐱ ᑳ ᑕᑯᔑᒃ ᒥᔅᑕᐃ ᑮ ᐎᒋᐁᐤ ᐊᓂᐃ ᑳ ᑮ ᑕᐺᑕᒥᓕᒋ ᔕᐌᓕᒋᑫᐎᓂᓕᐤ ᐅᒋ:

ᐊᐸᔅᑕᓚᒃ 19:21

ᐹᑎᒪ ᐅᐅ ᑫᒀᓇ ᑳ ᑮ ᑐᒋᑲᑌᑭ, ᐹᓪ ᑮ ᐃᑌᓕᑕᒻ ᐅᑦ ᐊᒑᑯᒃ, ᐃᔅᐱ ᑳ ᑮ ᔖᐳᔥᑲᒃ ᒫᓯᑐᓂᐊ ᓀᔥᑕ ᐊᑳᐃᐊ ᑭᒋ ᐃᑐᑌᑦ ᒋᕉᓴᓚᒥᒃ, ᐁ ᐃᑗᑦ, ᐹᑎᒪ ᐊᓐᑕ ᑮ ᐃᑐᑌᔮᓀ, ᓂ ᑳ ᐎ ᐙᐸᑌᓐ ᕈᒻ ᐊᓯᒋ᙮

ᐊᐸᔅᑕᓚᒃ 25:10

ᐁᑯ ᐁᑗᑦ ᐹᓪ, ᓂᑦ ᐅᑎᔥᑲᐎᑳᐸᐎᔅᑕᒸᓐ ᓯᓴᕐ ᐅ ᑎᐹᔅᑯᓂᑫᐎ ᐊᐱᐎᓐ, ᐃᑕ ᑫ ᑮ ᑎᐹᔅᑯᓂᑳᐎᔮᐸᓐ: ᒎᐗᒃ ᓇᒪᐎᓚ ᐙᔦᔥ ᓂ ᑮ ᐗᓂᑐᑕᐙᐗᒃ, ᒥᑐᓂ ᓀᔥᑕ ᐁ ᐃᔑ ᑭᔅᑫᓕᑕᒪᓐ ᑭᓚ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:26

ᐌᓴ ᑮ ᐃᔑ ᒥᓜᓕᑕᒶᒃ ᐊᓂᑭ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ ᑭᒋ ᒫᒪᐎ ᒥᓕᐌᐎᓂᑫᒋᒃ ᐊᓂᐃ ᑭᑎᒫᑭᓯᐎ ᐅᐸᓓᑭᓯᐗ ᒋᕉᓴᓚᒥᒃ ᑳ ᐃᑖᓕᒋ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:5

ᐊᓯᒋ ᓀᔥᑕ ᐊᑕᒥᔅᑳᑯᒃ ᒫᒪᐎᐋᔭᒥᐊᐗᒃ ᐎᑭᓕᒃ ᑳ ᐃᑖᒋᒃ᙮ ᐊᑕᒥᔅᑳᒃ ᑳ ᓵᑭᐊᒃ ᐃᐱᓂᑕᔅ, ᐊᓇ ᑳ ᓂᑳᓂᒥᓂᔑᐎᑦ ᐊᓐᑕ ᐊᑳᔭᐃᒃ ᙭ᑎᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 16:15

ᑭ ᓇᑕᐌᓕᑕᒫᑎᓇᐗᐤ, ᓂᒋᔖᓂᑐᒃ, ᑭ ᑭᔅᑫᓕᑌᓇᐗᐤ ᔅᑎᐸᓇᔅ ᑳ ᑐᑕᑫᑦ, ᐁᐗᒀᓂᑭ ᓂᑳᓐ ᑳ ᒥᓂᔑᐎᒋᒃ ᐊᑳᔭᐃᒃ, ᓀᔥᑕ ᐁ ᑮ ᐸᑭᑎᓂᑎᓱᒋᒃ ᑭᒋ ᐸᒦᔅᑕᐙᒋᒃ ᐅᐸᓓᑭᓴ,

ᓂᔓ ᑯᕆᓐᑎᐊᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭ ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓯᒋ ᓀᔥᑕ ᒥᓯᐌ ᐊᓂᐃ ᐅᐸᓓᑭᓴ ᑳ ᐃᑖᓂᒋ ᒥᓯᐌ ᐊᑳᔭᐃᒃ:

ᓂᔓ ᑯᕆᓐᑎᐊᓇ 11:10

ᑖᐱᔅᑯᒡ ᐁ ᐃᔑ ᐱᒋᔅᑳᑯᐗᒃ ᙭ ᐅ ᑖᐺᐎᓐ, ᓇᒪᐎᓚ ᐊᐌᓇ ᐃᓕᓕᐤ ᓂ ᑳ ᑭᐱᒋᐃᒃ ᐅᒪ ᐁ ᐃᔑ ᒫᒪᑖᑯᒧᔮᓐ ᐊᑳᔭ ᐊᔅᑮᒃ᙮

ᓂᔓ ᑯᕆᓐᑎᐊᓇ 11:26

ᒥᒉᑡᐤ ᓂ ᑮ ᐸᐸᒧᑖᓐ, ᓂ ᑮ ᐅᒋ ᓈᓂᓵᓂᓰᓐ ᓂᐱᐊ, ᓂ ᑮ ᐅᒋ ᓈᓂᓵᓂᓰᓐ ᐅᒪᔅᑲᑗᐗᒃ, ᓂ ᑮ ᐅᒋ ᓈᓂᓴᓂᓰᓐ ᑎᐱᓚᐌ ᓂ ᐎᑕᔅᑭᒫᑲᓇᒃ, ᓂ ᑮ ᐅᒋ ᓈᓂᓵᓂᓰᓐ ᐋᔭᒡ ᐃᓕᓕᐗᒃ, ᓂ ᑮ ᓈᓂᓵᓂᓰᓐ ᐃᑖᐎᓂᒃ, ᓂ ᑮ ᓈᓂᓵᓂᓰᓐ ᐸᑾᑕᔅᑮᒃ, ᓂ ᑮ ᓈᓂᓵᓂᓰᓐ ᑭᒋᑲᒦᒃ, ᓂ ᑮ ᓈᓂᓵᓂᓰᓐ ᐃᑕ ᐁ ᐃᑖᒋᒃ ᓇᔅᐹᒡ ᐎᒋᔖᓂᒪᐗᒃ;

ᓂᔓ ᑯᕆᓐᑎᐊᓇ 9:2

ᐌᓴ ᓂ ᑭᔅᑫᓕᑌᓐ ᐁ ᐃᔑ ᓂᑳᒪᔅᑌᒃ ᑭ ᒥᑐᓀᓕᒋᑲᓂᐗᐤ, ᑳ ᐅᒋ ᒫᒪᑖᑯᒥᑕᑾᒃ ᐁ ᑎᐹᒋᒧᔅᑕᐗᑭᒃ ᐊᓂᑭ ᑳ ᐃᑖᒋᒃ ᒫᓯᑐᓂᔭᐃᒃ, ᐊᑳᔭ ᐁ ᑮ ᐋᔦᔅᑲᐎᓯᒪᑲᒃ ᐱᐴᓄᒃ; ᓀᔥᑕ ᑭ ᓱᑫᓕᑕᒧᐎᓂᐗᐤ ᓈᔅᐱᒡ ᒥᒉᑦ ᑮ ᔑᑭᐃᑯᐗᒃ᙮

ᓂᔥᑕᒻ ᑌᓴᓗᓂᔭᓇ 2:14

ᐌᓴ ᑭᓚᐗᐤ, ᓂᒋᔖᓂᑐᒃ, ᑭ ᑮ ᓄᔅᐱᓈᑎᒪᐗ ᑭᒋᒪᓂᑐ ᐅ ᒫᒪᐎᐋᔭᒥᐋᒪ ᑳ ᐃᑖᓕᒋ ᒎᑎᐊᐃᒃ ᑳ ᑖᐺᔦᓕᒫᓕᒋ ᙭ ᒋᓴᓴ: ᐌᓴ ᑭᓚᐗᐤ ᓀᔥᑕ ᑖᐱᔅᑯᒡ ᑭ ᑮ ᐙᐎᓴᑫᓕᑕᒥᐃᑯᐗᐗᒃ ᑎᐱᓇᐌ ᑮ ᐎᑕᔅᑭᒫᑲᓂᐗᐗᒃ, ᑖᐱᔅᑯᒡ ᐎᓚᐗᐤ ᑳ ᑮ ᐃᑐᑖᑯᒋᒃ ᒎᐗ,

ᓂᔥᑕᒻ ᑌᓴᓗᓂᔭᓇ 2:16

ᐁ ᑭᑕᐊᒪᐎᔭᒥᒋᒃ ᑭᒋ ᐋᔭᒥᐊᑭᒋᒃ ᒉᓐᑖᐃᓚᒃ ᑭᒋ ᐱᒫᒋᐋᑲᓂᐎᒋᒃ, ᑭᒋ ᑌᐱᐸᓕᑖᒋᒃ ᐅ ᒪᒋᑐᑕᒧᐎᓂᐗᐤ ᒧᔕᒃ: ᐌᓴ ᐋᑯᓚᐌᓯᐎᓂᓕᐤ ᒥᑐᓂ ᐅᑎᑎᑯᐗᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:6

ᒫᑲ ᑭ ᑮ ᑕᐌᓕᒪᐗᐗᒃ ᐅᑭᑎᒫᑭᓴᒃ᙮ ᓇᒪ ᓈ ᑭᑦ ᐋᓕᒥᐃᑯᐙᐊᒃ ᑳ ᒥᔕᑭᓯᒋᒃ ᐃᓕᓕᐗᒃ, ᓀᔥᑕ ᑭᑦ ᐃᑐᑕᐃᑯᐗᐗᒃ ᐅᑎᔥᑲᐤ ᑎᐸᔅᑯᓂᑫᐎ ᐊᐱᐎᓂᒃ?