ᐊᐸᔅᑕᓚᒃ 16:13 - ᐅᔅᑭ ᑎᔅᑌᒥᓐᑦ

¹³ ᐁ ᐋᔭᒥᐁᑭᔑᑳᒃ ᒫᑲ ᓂ ᑮ ᐗᓚᐎᓈᓐ ᐃᑖᐎᓂᒃ ᐅᒋ ᓛᓕ ᓯᐱᒃ, ᐃᑕ ᑳ ᐃᔑ ᓂᑕ ᐋᔭᒥᐋᓂᐗᒃ; ᓂ ᑮ ᓇᐊᐱᓇᓐ ᒫᑲ, ᓀᔥᑕ ᓂ ᑮ ᐋᔭᒥᐋᓈᓇᒃ ᐊᓂᑭ ᐃᔅᑴᐗᒃ ᐊᓐᑕ ᑳ ᐯᒋ ᐃᑐᑌᒋᒃ᙮

ᐊᐸᔅᑕᓚᒃ 16:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:2

ᑮ ᒪᐗᓴᑯᓈᑎᑯ ᒫᑲ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᐌᒋ ᑮ ᐳᓯᑦ ᓈᐱᒀᓂᒃ, ᐁᑯᑕ ᒫᑲ ᐁᐱᑦ; ᒥᓯᐌ ᒥᔮᒪᐎᒥᒉᑎᒋᒃ ᐃᓕᓕᐗᒃ ᒫᑲ ᒋᑭᐯᒃ ᑮ ᓂᐸᐎᐗᒃ᙮

ᐅᐸᓓᑭᔅ ᒫᕐᒃ 16:15

ᑮ ᐃᑌᐤ ᒫᑲ, ᒥᓯᐌ ᐁᔅᐱᑕᔅᑲᒥᑳᒃ ᐃᑐᑌᒃ, ᐙᐎᑕᒫᑯᒃ ᒫᑲ ᒥᓯᐌ ᐯᒫᑎᓯᒋᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᓘᒃ 13:10

ᑮ ᑭᔅᑭᓄᐊᒫᑫᐤ ᒫᑲ ᐯᔭᒃ ᐋᔭᒥᐁᐎᑲᒥᑯᒃ ᐁ ᐋᔭᒥᐁᑭᔑᑳᓕᒃ:

ᐅᐸᓓᑭᔅ ᒑᓐ 8:2

ᐎᐸᒡ ᒫᑲ ᐁ ᑭᑭᔐᐹᔮᓕᒃ ᒥᓇ ᑮ ᐯᒋ ᐃᑐᑌᐤ ᑭᒋᐋᔭᒥᐁᐎᑲᒥᑯᒃ, ᑮ ᐯᒋ ᓈᑎᑯ ᒫᑲ ᒥᓯᐌ ᐃᓕᓕᐗ; ᐁᑯ ᓀᐊᐱᑦ, ᓀᔥᑕ ᑫᔅᑭᓄᐊᒪᐙᑦ᙮

ᐊᐸᔅᑕᓚᒃ 13:14

ᐃᔅᐱ ᒫᑲ ᑳ ᑭᑐᑌᒋᒃ ᐸᕐᑲᐃᒃ ᐅᒋ, ᑮ ᐯᒋ ᐃᑐᑌᐗᒃ ᐋᓐᑎᐊᑭᒃ ᐱᓯᑎᐊᐃᒃ ᑳ ᐃᑕᒀᒃ, ᓀᔥᑕ ᑮ ᐱᑐᑫᐗᒃ ᐋᔭᒥᐁᐎᑳᒥᑯᒃ ᐁ ᐋᔭᒥᐁᑭᔑᑳᓕᒃ, ᑮ ᓇᐊᐱᐗᒃ ᒫᑲ᙮

ᐊᐸᔅᑕᓚᒃ 13:42

ᐃᔅᐱ ᒫᑲ ᒎᐗᒃ ᑳ ᐅᒋ ᐗᓚᐎᒋᒃ ᐋᔭᒥᐁᐎᑲᒥᑯᒃ, ᒉᓐᑖᐃᓚᒃ ᑮ ᐸᑯᓭᓕᒣᐗᒃ ᐅᐅ ᐋᔭᒥᐎᓇ ᑭᒋ ᑭ ᑭᔅᑭᓄᐊᒫᒋᒃ ᒥᓇ ᐋᔭᒥᐁᑭᔑᑲᓕᑫ᙮

ᐊᐸᔅᑕᓚᒃ 16:16

ᑮ ᐃᑭᓐ ᒫᑲ, ᐁ ᐊᑎ ᐃᑐᑌᔮᒃ ᑭᒋ ᐋᔭᒥᐋᔭᒃ, ᐯᔭᒃ ᐅᔥᑭᓂᑭᔅᑴᐤ ᐁ ᐎᔭᐎᔅᑳᑯᑦ ᐊᒑᑾ ᑳ ᐅᒋ ᓂᑳᓐ ᐋᑐᑕᒃ ᑫᒀᓇ ᓂ ᑮ ᓇᑭᔥᑳᑯᓈᓐ, ᑳ ᐯᑕᒪᐙᑦ ᐅᑦ ᐅᑭᒫᒪ ᒥᔅᑕᐃ ᐅᑎᓯᐎᓇ ᐁ ᓂᑳᓂ ᐎᑕᒫᑫᑦ:

ᐊᐸᔅᑕᓚᒃ 16:6

ᐁᑯ ᐃᔅᐱ ᑳ ᑮ ᐸᐹᐃᑐᑌᒋᒃ ᑉᕆᒋᐊᐃᒃ ᓀᔥᑕ ᒥᓯᐌ ᐙᔅᑲ ᑳᓓᔑᔭᐃᒃ, ᐁ ᑮ ᑭᑕᐊᒫᑯᒋᒃ ᒫᑲ ᐸᓓᑭ ᐊᒑᑾ ᑭᒋ ᐙᐎᑕᑭᒃ ᐋᔭᒥᐎᓂᓕᐤ ᐊᓐᑕ ᐁᔕᐃᒃ,

ᐊᐸᔅᑕᓚᒃ 17:2

ᐹᓪ ᒫᑲ, ᑖᐱᔅᑯᒡ ᒧᔕᒃ ᑳ ᐃᔑ ᑐᑕᒃ, ᑮ ᐱᑐᑲᐌᐤ, ᓀᔥᑕ ᓂᔅᑐ ᐋᔭᒥᐁᑭᔑᑳᐗ ᑮ ᐎᒋᐋᔭᒥᒣᐤ ᑭᒋᒪᓯᓇᐃᑫᐎᓂᒃ ᐅᒋ,

ᐊᐸᔅᑕᓚᒃ 18:4

ᑮ ᐋᔭᒥᐤ ᒫᑲ ᐊᓐᑕ ᐋᔭᒥᐁᐎᑲᒥᑯᒃ ᑕᑣᐤ ᐁ ᐋᔭᒥᐁᑭᔑᑲᓕᒃ, ᓀᔥᑕ ᑮ ᔑᑭᒣᐤ ᒎᐗ ᓀᔥᑕ ᒃᕆᑲ᙮

ᐊᐸᔅᑕᓚᒃ 20:7

ᓂᔥᑕᒻ ᐁ ᑭᔑᑳᒃ ᒫᑲ ᐁ ᑕᐗᔅᑌᒃ, ᐃᔅᐱ ᑭᔅᑭᓄᐊᒪᐗᑲᓇᒃ ᑳ ᐯᒋ ᒫᐗᒋᐃᑐᒋᒃ ᑭᒋ ᐸᑴᓈᒋᒃ ᐊᓚᑯᓇᐗ, ᐹᓪ ᑭ ᑲᑫᔅᑭᒣᐤ ᐋᔕᔾ ᐁ ᐊᔦᔅᑲᐎᓯᑦ ᑭᒋ ᑭᑐᑌᑦ ᐊᑎ ᐗᐸᓂᓕᑫ; ᑮ ᐊᔭᒥᐤ ᒫᑲ ᐱᓕᔥ ᐁ ᐋᐱᑕ ᑎᐱᔅᑳᓕᒃ᙮

ᐊᐸᔅᑕᓚᒃ 21:5

ᐃᔅᐱ ᒫᑲ ᑳ ᑮ ᑎᐱᐸᓕᑖᔮᒃ ᐊᓂᐃ ᑭᔑᑳᐗ, ᓂ ᑮ ᑭᑐᑖᓈᓐ ᑭᒋ ᐃᑐᑌᔮᒃ ᐃᑕ ᐙ ᐃᑐᑌᔮᒃ; ᒥᓯᐌ ᐁ ᐃᑕᓯᒋᒃ ᒫᑲ ᓂ ᑮ ᐯᔑᐎᓕᑯᓈᓇᒃ, ᐊᓯᒋ ᐎᐎᐙᐗ ᓀᔥᑕ ᐅᑦ ᐊᐙᔑᒥᔑᐙᐗ, ᐹᑎᒪ ᐃᓕᑯᒃ ᐃᑖᐎᓂᒃ ᑳ ᑮ ᐅᒋ ᐗᓚᐎᔮᒃ; ᓀᔥᑕ ᒫᑲ ᐁ ᐅᒋᒋᑾᓂᐱᔮᒃ ᒋᑭᐯᒃ, ᓂ ᑮ ᐋᔭᒥᐋᓈᓐ᙮

ᐊᐸᔅᑕᓚᒃ 9:20

ᑣᔦᒃ ᒫᑲ ᑮ ᑲᑫᔅᑭᒥᐌᐤ ᐱᒋ ᐋᔭᒥᐁᐎᑲᒥᑾ ᐊᓂᐃ ᙭ᑕ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ᙮

ᑲᓓᔕᐊᓇ 3:28

ᓇᒪᐎᓚ ᐃᑖᐤ ᒎ ᓇᒪ ᓀᔥᑕ ᒃᕆᒃ, ᓇᒪᐎᓚ ᐃᑖᐤ ᐊᐗᑳᓐ ᓇᒪ ᓀᔥᑕ ᐅᑎᐯᓕᒥᑎᓱ, ᓇᒪᐎᓚ ᐃᑖᐤ ᓈᐯᐋᔭ ᓇᒪ ᓀᔥᑕ ᐃᔅᑴᐋᔭ: ᐌᓴ ᒥᓯᐌ ᐁ ᐃᑕᔑᔦᒃ ᑭ ᐯᔭᑯᓇᐗᐤ ᙭ ᒋᓴᓯᒃ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮