ᐊᐸᔅᑕᓚᒃ 15:5 - ᐅᔅᑭ ᑎᔅᑌᒥᓐᑦ

⁵ ᒫᑲ ᑮ ᐸᓯᑯᐗᒃ ᐋᑎᑦ ᑳ ᐎᒉᐗᒋᒃ ᐹᕋᓯᔭ ᑳ ᑖᐺᑕᑭᒃ, ᐁ ᐃᑗᒋᒃ, ᐁ ᓇᑕᐌᓕᑖᑾᒃ ᑭᒋ ᑭᔅᑭᓄᐗᒋᔣᑲᓂᐎᒋᒃ, ᓀᔥᑕ ᑭᒋ ᐃᑕᔓᐙᑎᒋᒃ ᑭᒋ ᑲᓇᐌᓕᑕᒸᒋᒃ ᒧᓯᔅ ᐅᑦ ᐅᓚᔓᐌᐎᓂᓕᐤ᙮

ᐊᐸᔅᑕᓚᒃ 15:5 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 3:7

ᒫᑲ ᐃᔅᐱ ᐎᐋᐸᒫᑦ ᒥᒉᑦ ᐸᕋᓯᔭ ᓀᔥᑕ ᓵᑦᔫᓯᔭ ᐁ ᐯᒋ ᓈᑕᒪᓕᒋ ᐅ ᓯᑲᐋᑖᑫᐎᓐ, ᑮ ᐃᑌᐤ, ᐅ ᐋᔭᓂᔅᑫ ᑭᓀᐱᑯᐎᔦᒃ, ᐊᐌᓇ ᑳ ᐎᑕᒫᑖᒃ ᑭᒋ ᐅᔑᑕᒣᒃ ᐋᑯᓚᐌᓯᐎᓐ ᑫ ᐅᑎᒋᐸᓕᒃ?

ᐊᐸᔅᑕᓚᒃ 15:1

ᐊᑎᑦ ᒫᑲ ᐃᓕᓕᐗᒃ ᑳ ᑮ ᐯᒋ ᐅᑐᑌᒋᒃ ᒎᑎᐊᐃᒃ ᑮ ᑭᔅᑭᓄᐊᒪᐌᐗᒃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑗᐗᒃ, ᑮᔥᐱᓐ ᐁᑳ ᑭᔅᑭᓄᐙᒋᔓᑲᐎᔦᑴ ᑳ ᐃᔑ ᑲᑫᔅᑭᒥᐌᑦ ᒧᓯᔅ, ᓇᒪᐎᓚ ᑭ ᑳ ᑮ ᐱᒫᒋᐅᓈᐙᐤ᙮

ᐊᐸᔅᑕᓚᒃ 15:24

ᐁ ᑮ ᐯᑕᒫᒃ, ᐋᑎᑦ ᑳ ᑮ ᐗᓚᐎᒋᒃ ᓂᓚᓈᓐ ᐅᒋ ᐁ ᑮ ᒥᑯᔅᑳᒋᐃᑖᑾᒃ ᐋᔭᒥᐎᓇ ᐅᒋ, ᐁ ᐎ ᐗᓂᔑᒫᒋᒃ ᑭᑦ ᐊᒑᑯᐙᐗ, ᐁ ᐃᑗᒋᒃ, ᑭ ᑳ ᑭᔅᑭᓄᐗᒋᔓᑲᐎᑖᐗᐤ ᐃᓴ, ᓀᔥᑕ ᑭ ᑳ ᑲᓇᐌᓕᑌᑖᐗᐤ ᐅᓚᔓᐌᐎᓐ: ᐊᓂᑭ ᐁᑳ ᑳ ᑮ ᐃᔑ ᐅᓚᔓᒪᑭᒋᒃ;

ᐊᐸᔅᑕᓚᒃ 21:20

ᐃᔅᐱ ᒫᑲ ᐱᐁᑕᑭᒃ, ᑮ ᑭᔅᑖᒋᒣᐗᒃ ᐅᑎᐯᓕᒋᑫᐗ, ᓀᔥᑕ ᑮ ᐃᑌᐗᒃ, ᑭ ᐙᐸᑌᓐ, ᓂᒋᔖᓂᓈᓐ, ᐁᔅᐱᒋ ᒥᒉᑡᐤ ᒥᑖᑐᒥᑖᓇᐤ ᐁ ᐃᑕᓯᒋᒃ ᒎᐗᒃ ᑳ ᑖᐺᑕᑭᒃ; ᒥᓯᐌ ᐁ ᐃᑕᓯᒋᒃ ᒫᑲ ᒪᔥᑲᐌᓕᑕᒶᒃ ᐅᓚᔓᐌᐎᓂᓕᐤ:

ᐊᐸᔅᑕᓚᒃ 24:14

ᒫᑲ ᐅᒪ ᑭ ᐙᐎᑕᒫᑌᓐ, ᐊᓂᒪ ᐃᔑ ᐎᓚᐗᐤ ᓇᔅᐹᒡ ᐋᔭᒥᐋᐎᓐ ᑳ ᐃᔑᓂᑳᑕᑭᒃ, ᐁᑯ ᐁ ᐃᔑ ᓇᐗᑮᔅᑕᐅᒪᒃ ᐅ ᑭᒋᒪᓂᑐᒥᐙᐗ ᓄᑖᐎᔭᒃ, ᐁ ᑖᐺᑕᒫᓐ ᒥᓯᐌ ᑫᒀᓇ ᑳ ᒪᓯᓇᐃᑳᑌᑭ ᐅᓚᔓᐌᐎᓂᒃ ᓀᔥᑕ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ:

ᐊᐸᔅᑕᓚᒃ 24:5

ᐌᓴ ᓂ ᑮ ᒥᔅᑲᐙᓈᓐ ᐊᐗ ᐃᓕᓕᐤ ᐁ ᒪᒋ ᐃᓕᓕᐎᑦ, ᓀᔥᑕ ᐁ ᔑᑭᒥᐌᑦ ᒫᓓᓕᒋᑫᐎᓂᓕᐤ ᒥᓯᐌ ᐃᑕ ᐁ ᐃᑖᓕᒋ ᒎᐗ ᒥᓯᐌ ᐊᔅᑮᒃ, ᓀᔥᑕ ᑳ ᓂᑳᓄᑕᐙᑦ ᐊᓂᐃ ᓈᓴᕆᓇ:

ᐊᐸᔅᑕᓚᒃ 28:22

ᒫᑲ ᓂ ᓇᑕᐌᓕᑌᓈᓐ ᑭᒋ ᐯᑖᑖᒃ ᑖᓂ ᐁᑌᓕᑕᒪᓐ: ᐌᓴ ᐅᒪ ᐋᔭᒥᐋᐎᓐ ᐁ ᐋᓕᒧᒋᑳᑌᒃ, ᓂ ᑭᔅᑫᓕᑌᓈᓐ ᒥᓯᐌ ᐃᑕ ᐁ ᒪᒋ ᐋᓕᒧᒋᑳᑌᒃ᙮

ᐊᐸᔅᑕᓚᒃ 5:17

ᐁᑯ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐤ ᑮ ᐹᓯᑯ, ᓀᔥᑕ ᒥᓯᐌ ᐊᓂᐃ ᑳ ᐎᒉᐎᑯᑦ, (ᐁᐗᒀᓂᑭ ᐊᓂᑭ ᓵᑦᔪᓯᔭᒃ,) ᓀᔥᑕ ᑮ ᓵᑲᔅᑭᓀᔅᑳᑯᐗᒃ ᑭᓯᐙᓯᐎᓂᓕᐤ,

ᓂᔥᑕᒻ ᑯᕆᓐᑎᐊᓇ 7:18

ᐊᐌᓇ ᓈ ᐃᓕᓕᐤ ᑮ ᓇᑐᒪᐤ ᐁ ᑮ ᑭᔅᑭᓄᐙᒋᔣᑲᓂᐎᑦ? ᐁᑯᔑ ᐁᑳᐎᓚ ᑲᑕ ᐊᑎ ᐁᑳ ᑭᔅᑭᓄᐙᒋᔣᑲᓂᐎᐤ᙮ ᐊᐌᓇ ᓈ ᑮ ᓇᑐᒪᐤ ᐁᑳ ᐁ ᑮ ᑭᔅᑭᓄᐙᒋᔣᑲᓂᐎᑦ? ᐁᑯᔑ ᐁᑳᐎᓚ ᑲᑕ ᑭᔅᑭᓄᐙᒋᔖᑲᓂᐎᐤ᙮

ᑲᓓᔕᐊᓇ 2:11

ᒫᑲ ᐃᔅᐱ ᐱᑕᕐ ᑳ ᐯᒋ ᑕᑯᔑᒃ ᐋᓐᑎᐊᑭᒃ, ᓂ ᑮ ᓇᔅᑯᔅᑕᐗᐤ ᐅᔥᑭᔑᑯᒃ, ᐁ ᑮ ᐃᑌᓕᑖᑯᓯᑦ ᑭᒋ ᐊᑖᒥᒫᑲᓂᐎᑦ᙮

ᑲᓓᔕᐊᓇ 2:14

ᒫᑲ ᐃᔅᐱ ᐎᐋᐸᑕᒫᓐ ᐁᑳ ᒀᔭᔉ ᐁ ᐃᔑ ᐱᒧᑌᒋᒃ, ᑳ ᐃᑕᔅᑌᒃ ᑖᐺᐎᓐ ᒥᓗᐋᒋᒧᐃᓂᒃ, ᓂ ᑮ ᐃᑕᐤ ᐱᑕᕐ, ᐅᑎᔥᑲᐤ ᒥᓯᐌ ᐁ ᐃᑕᓯᒋᒃ, ᑮᔥᐱᓐ ᑭᓚ ᐁ ᒎᐎᔭᓐ, ᐃᔑ ᐱᒫᑎᓯᔭᓐ ᑖᐱᔅᑯᒡ ᒉᓐᑖᐃᓚᒃ, ᓇᒪᐎᓚ ᒫᑲ ᑖᐱᔅᑯᒡ ᒎᐗᒃ; ᑕᓀᑭ ᐌᒋ ᔖᑯᒋᐊᒋᒃ ᒉᓐᑖᐃᓚᒃ ᑭᒋ ᐃᔑ ᐱᒫᑎᓯᒋᒃ ᑖᐱᔅᑯᒡ ᒎᐗ?