41 ᑮ ᐸᐹᒥᔕᐳᔥᑲᒻ ᒫᑲ ᓯᕆᐊ ᓀᔥᑕ ᓯᓕᓯᐊ, ᐁ ᐋᔨᒋᐋᑦ ᒫᒪᐎᐋᔭᒥᐋᐗ᙮
ᑮ ᐸᐹᑎᐹᒋᒫᑲᓂᐎᐤ ᒫᑲ ᒥᓯᐌ ᓯᕆᔭᐃᒃ: ᑮ ᐯᑐᐌᐗᒃ ᒫᑲ ᒥᓯᐌ ᑮ ᐋᑯᓯᓕᒋ ᐃᓕᓕᐗ ᓇᓈᑲᐤ ᑳ ᐃᑖᔅᐱᓀᓕᒋ ᓀᔥᑕ ᐃᔑ ᐙᐎᓴᑫᓕᑕᒥᓕᒋ, ᐊᓂᐃ ᓀᔥᑕ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᐊᓂᐃ ᓀᔥᑕ ᑳ ᑮᔥᑴᓕᒋ, ᐊᓂᐃ ᓀᔥᑕ ᑳ ᓇᓇᒫᔅᐱᓀᓕᒋ; ᑮ ᒥᓇᐙᒋᐁᐤ ᒫᑲ᙮
ᑮ ᒪᓯᓇᐊᒪᐌᐗᒃ ᒫᑲ ᐎᓚᐊᐤ ᐅᒋ ᐅᒪ ᐃᔑ; ᐊᓂᑭ ᐊᐸᔅᑕᓚᒃ, ᓀᔥᑕ ᑳ ᓂᑳᓀᓕᑖᑯᓯᒋᒃ ᓀᔥᑕ ᑳ ᐎᒋᔕᓂᑐᒋᒃ, ᐃᔑᑎᔕᐊᒫᑫᐗᒃ ᐁ ᐊᑕᒥᔅᑲᐙᒋᒃ ᐊᓂᐃ ᑳ ᐎᒋᔕᓂᑐᓕᒋ ᑳ ᒉᓐᑕᐃᓕᐎᓕᒋ ᐋᓐᑎᐊᑭᒃ ᑳ ᐃᑖᓕᒋ, ᓀᔥᑕ ᓯᕆᐊᐃᒃ, ᓀᔥᑕ ᓯᓕᓯᐊᐃᒃ;
ᒎᑕᔅ ᒫᑲ ᓀᔥᑕ ᓵᐃᓚᔅ ᐁ ᐅᑭᔅᑭᐙᐃᑫᐎᒋᒃ ᐎᓚᐗᐤ ᓀᔥᑕ, ᑮ ᑲᑫᔅᑭᒣᐗᒃ ᑳ ᐎᒋᔕᓂᑐᓕᒋ ᒥᒉᑦ ᐋᔭᒥᐎᓇ ᐅᒋ, ᓀᔥᑕ ᑮ ᐊᔨᒋᐁᐗᒃ᙮
ᐹᓪ ᒫᑲ ᐹᑎᒪ ᐅᒪ ᑫᔮᐸᒡ ᑭᓉᔥ ᓇᐗᒡ ᐊᓐᑕ ᑮ ᑕᔑᑫᐤ, ᐁᑯ ᒫᑲ ᑳ ᓇᑲᑖᑦ ᐊᓂᐃ ᑳ ᐎᒋᔕᓂᑐᓕᒋ, ᓀᔥᑕ ᑮ ᐃᑖᔑᐤ ᐊᓐᑕ ᓰᕆᐊᐃᒃ, ᑮ ᐎᒉᐎᑯ ᒫᑲ ᐊᓂᐃ ᑉᕆᓯᓚ ᓀᔥᑕ ᐋᑶᓚ; ᐁ ᑮ ᑳᔥᑭᐹᑕᒃ ᐅᔅᑎᒀᓐ ᐊᓐᑕ ᓯᓐᒃᕆᐊᐃᒃ: ᐌᓴ ᑮ ᑭᔅᑭᒧ᙮
ᐃᔅᐱ ᒫᑲ ᑳ ᑮ ᐙᐸᑕᒫᒃ ᓴᐃᑉᕋᔅ, ᓇᒪᑎᓂᔉ ᐃᑌᑫ ᓂ ᑮ ᓇᑲᑕᐁᓈᓐ, ᐊᓐᑕ ᓯᕆᔭ ᒫᑲ ᓂ ᑮ ᐃᑖᔑᓈᓐ, ᓀᔥᑕ ᐊᓐᑕ ᑖᐃᕐ ᓂ ᑮ ᑲᐹᓈᓐ: ᐌᓴ ᐁᑯᑕ ᑫ ᑲᐸᑌᓈᓱᓈᓂᐗᒃ ᓈᐱᒀᓂᒃ ᐅᒋ᙮
ᐁᑯ ᒫᑲ ᐋᑎᑦ ᑮ ᐸᓯᑯᐗᒃ ᐊᓂᒪ ᐋᔭᒥᐁᐎᑲᒥᒃ ᐅᒋ, ᑳ ᐃᔑᓂᑳᑌᒃ ᐅᑦ ᐋᔭᒥᐁᐎᑲᒥᑯᐗᐤ ᐊᓂᑭ ᓕᐸᕐᑕᐃᓇᒃ; ᓀᔥᑕ ᓴᐃᕆᓂᐊᓇᒃ, ᓀᔥᑕ ᐊᓕᒃᓵᓐᑦᕋᐃᓇᒃ, ᓀᔥᑕ ᐊᓂᑭ ᓯᓕᓯᔭᐃᒃ ᐅᒋ ᓀᔥᑕ ᐁᔕᐃᒃ, ᐁ ᐊᔮᔑᑌᒫᒋᒃ ᔅᑎᐱᓇ᙮
ᐹᑎᒫ ᒫᑲ ᓂ ᑮ ᐯᒋ ᐃᑐᑖᓐ ᐊᓐᑕ ᓯᕆᔭᐃᒃ ᓀᔥᑕ ᓯᓕᓯᔭᐃᒃ:
