ᐊᐸᔅᑕᓚᒃ 15:19 - ᐅᔅᑭ ᑎᔅᑌᒥᓐᑦ

¹⁹ ᐁᐗᑯ ᐅᒋ ᐅᒪ ᓂᑦ ᐃᑣᓐ, ᐁᑳ ᑭᒋ ᒥᑯᔅᑳᒋᐊᑯᒃ, ᐊᓂᑭ ᒉᓐᑖᐃᓚᒃ ᐅᒋ ᑳ ᑮ ᑴᔅᑭᔅᑕᐙᒋᒃ ᑭᒋᒪᓂᑐᐗ:

ᐊᐸᔅᑕᓚᒃ 15:19 ပူးပေါင်းရင်းမြစ်များ

ᐊᐸᔅᑕᓚᒃ 15:10

ᐊᓄᒡ ᒫᑲ ᑖᓀᑭ ᐌᒋ ᑲᑴᒋᐁᒃ ᑭᒋᒪᓂᑐ, ᐁ ᐎ ᐳᒋ ᑖᐱᔅᑳᑲᓇᐌᑾᒃ ᐊᓂᑭ ᑭᔅᑫᓄᐊᒪᐗᑲᓇᒃ ᐊᓂᒪ ᐅᒋ, ᐁᑳ ᑯᑖᐎᓇᐗᒃ ᓀᔥᑕ ᑭᓚᓈᓇᐤ ᑳ ᑮ ᐱᒥᐎᑖᔭᒃ?

ᐊᐸᔅᑕᓚᒃ 15:24

ᐁ ᑮ ᐯᑕᒫᒃ, ᐋᑎᑦ ᑳ ᑮ ᐗᓚᐎᒋᒃ ᓂᓚᓈᓐ ᐅᒋ ᐁ ᑮ ᒥᑯᔅᑳᒋᐃᑖᑾᒃ ᐋᔭᒥᐎᓇ ᐅᒋ, ᐁ ᐎ ᐗᓂᔑᒫᒋᒃ ᑭᑦ ᐊᒑᑯᐙᐗ, ᐁ ᐃᑗᒋᒃ, ᑭ ᑳ ᑭᔅᑭᓄᐗᒋᔓᑲᐎᑖᐗᐤ ᐃᓴ, ᓀᔥᑕ ᑭ ᑳ ᑲᓇᐌᓕᑌᑖᐗᐤ ᐅᓚᔓᐌᐎᓐ: ᐊᓂᑭ ᐁᑳ ᑳ ᑮ ᐃᔑ ᐅᓚᔓᒪᑭᒋᒃ;

ᐊᐸᔅᑕᓚᒃ 15:28

ᐌᓴ ᒥᓨᔑᓐ ᑮ ᐃᑌᓕᑕᒻ ᑳ ᐹᓓᑭᓯᑦ ᐊᒑᒃ, ᓀᔥᑕ ᓂᓚᓈᓐ, ᐁᑳ ᐊᐙᓯᑌ ᑭᒋ ᑌᑕᔅᑡᑖᒃ ᐁ ᑯᓯᑾᒃ ᐎᐙᔑᐎᓐ ᐃᔥᐱᔥ ᐅᐅ ᑳ ᓇᑕᐌᓕᑖᑾᑭ ᑫᒀᓇ;

ᐊᐸᔅᑕᓚᒃ 21:21

ᑮ ᐎᑕᒪᐙᑲᓂᐎᐗᒃ ᒫᑲ ᑭᓚ ᐅᒋ ᐁ ᑭᔅᑭᓄᐊᒪᐗᒋᒃ ᒥᓯᐌ ᒎᐗᒃ ᑳ ᐃᑖᒋᒃ ᒣᑴᔭᔥ ᒉᓐᑖᐃᓚ ᑭᒋ ᐌᐱᓈᒋᒃ ᒣᓯᓴ, ᐁ ᐃᑗᔭᓐ ᐁᑳ ᑭᒋ ᑭᔅᑭᓄᐙᒋᔣᒋᒃ ᐅᑦ ᐊᐙᔑᒥᔑᐙᐗ, ᐁᑳ ᓀᔥᑕ ᑭᒋ ᓄᔅᐱᓇᑕᑭᒃ ᐊᓂᐃ ᐋᔨᑎᐎᓇ᙮

ᐊᐸᔅᑕᓚᒃ 21:25

ᐊᓂᑭ ᒉᓐᑖᐃᓚᒃ ᒫᑲ ᐅᒋ ᑳ ᑖᐺᑕᑭᒃ, ᓂ ᑮ ᒥᓯᓇᐁᓈᓐ ᓀᔥᑕ ᓂ ᑮ ᐎᑌᓈᓐ ᐁᑳᐎᓚ ᐊᓂᒣᓕᐤ ᑭᒋ ᓈᑲᒋᑖᒋᒃ, ᐱᑯ ᐁᑳ ᑭᒋ ᐋᐸᒋᑖᒋᒃ ᑫᒀᓕᐤ ᑳ ᑮ ᐸᑭᑎᓇᒫᒥᓕᒋ ᒪᓂᑐᑳᓇ, ᓀᔥᑕ ᒥᑯᓕᐤ, ᓀᔥᑕ ᑳ ᑭᐱᑭᑐᓀᓈᑲᓂᒥᒋ, ᓀᔥᑕ ᐁᑳ ᑭᒋ ᐱᔑᒀᑎᓯᒋᒃ᙮

ᐊᐸᔅᑕᓚᒃ 26:20

ᒫᑲ ᓃᔥᑕᒻ ᓂ ᑮ ᐙᐸᑎᓛᐗᒃ ᐊᓂᑭ ᑎᒫᔅᑲᓯᒃ ᑳ ᐃᑖᒋᒃ ᓀᔥᑕ ᒋᕉᓴᓚᒥᒃ, ᓀᔥᑕ ᒥᓯᐌ ᐙᔅᑲ ᒎᑎᐊᐃᒃ, ᐁᑯ ᓀᔥᑕ ᒉᓐᑖᐃᓚᒃ, ᑭᒋ ᑴᔅᑳᑎᓯᒋᒃ ᓀᔥᑕ ᑭᒋ ᑴᔅᑭᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑐᑕᑭᒃ ᐁ ᐃᔑ ᐊᑑᔅᑫᒪᑲᒃ ᑴᔅᑳᑎᓯᐎᓐ᙮

ᑲᓓᔕᐊᓇ 2:4

ᐌᓴ ᐋᑎᑦ ᑭᓛᔅᑭᐎ ᐎᒋᔖᓂᒪᐗᒃ ᑭᒧᒡ ᐁ ᑮ ᐱᑐᑲᐋᑲᓂᐎᒋᒃ, ᑭᒧᒡ ᑳ ᑮ ᐯᒋ ᐃᑐᑌᒋᒃ ᑭᒋ ᑭᒫᐸᑕᑭᒃ ᓂ ᑎᐯᓕᒥᑎᓯᐎᓂᓈᓐ, ᑳ ᐋᔮᔮᒃ ᙭ ᒋᓴᓯᒃ ᑭᒋ ᐃᔑᐎᓕᔭᒥᒋᒃ ᐊᐗᑳᑎᑯᐎᓂᒃ:

ᓂᔥᑕᒻ ᑌᓴᓗᓂᔭᓇ 1:9

ᐌᓴ ᐎᓚᐗᐤ ᑫᒋᐙᒃ ᓂ ᐙᐸᑎᓕᑯᓈᓇᒃ ᑳ ᑮ ᐃᔑ ᐱᑐᑳᑖᒃ, ᓀᔥᑕ ᐁ ᑮ ᐃᔑ ᑴᔅᑭᑳᐸᐎᔅᑕᐌᒃ ᑭᒋᒪᓂᑐ ᐁ ᓇᑲᑌᑾᒃ ᒪᓂᑐᑳᓇᒃ, ᑭᒋ ᐊᑑᔅᑫᔅᑕᐌᒃ ᐯᒫᑎᓰᑦ ᑖᐺ ᑭᒋᒪᓂᑐ;