7 ᐁᑯᑕ ᒫᑲ ᐎᐋᐎᑕᑭᒃ ᒥᓗᐋᒋᒧᐎᓂᓕᐤ᙮
ᐁᑯ ᐊᓂᑭ ᑳ ᑮ ᐗᓴᓶᑎᔕᐙᑲᓂᐎᒋᒃ ᐊᓂᒪ ᑲᒀᑕᑭᐃᐌᐎᓐ ᑳ ᑮ ᐃᑭᒃ ᐊᓇ ᔅᑎᐱᓐ ᐅᒋ, ᑮ ᐃᑐᑌᐗᒃ ᐱᓇᐃᓯᐃᒃ ᐃᔅᑯ, ᓀᔥᑕ ᓵᐃᑉᕋᓯᒃ, ᓀᔥᑕ ᐋᓐᑎᐊᑭᒃ, ᐁᑳ ᐊᐌᓕᐗ ᐁ ᑲᑫᔅᑭᒫᒋᒃ ᐋᔭᒥᐎᓂᓕᐤ ᐱᑯ ᐊᓂᐃ ᒎᐗ᙮
ᐁ ᐃᑗᒋᒃ ᒫᑲ, ᐅᑭᒫᑐᒃ, ᑖᓀᑭ ᐌᒋ ᑐᑕᒣᒃ ᐅᐅ ᑫᒀᓇ? ᓂᓚᓈᓐ ᓀᔥᑕ ᓂᑦ ᐃᓕᓕᐎᓈᓐ ᐁ ᐃᔑᓈᑯᓯᔮᒃ ᑖᐱᔅᑯᒡ ᑭᓚᐙᐤ, ᑭ ᑲᑫᔅᑭᒥᑎᓈᓐ ᒫᑲ, ᑭᒋ ᑮ ᓇᑲᑕᒣᒃ ᐅᐅ ᐸᑾᓐᑕᐤ ᑫᒀᓇ, ᑭᒋ ᑴᔅᑭᔅᑕᐌᒃ ᑳ ᐱᒫᑎᓯᑦ ᑭᒋᒪᓂᑐ, ᑳ ᑮ ᐅᔑᑖᑦ ᑭᒋᑭᔑᑯᓕᐤ, ᓀᔥᑕ ᐊᔅᑭᓕᐤ, ᓀᔥᑕ ᑭᒋᑲᒥᓕᐤ, ᓀᔥᑕ ᒥᓯᐌ ᑫᒀᓇ ᐊᓐᑕ ᑳ ᐃᑕᑾᓂᓕᑭ;
ᐃᔅᐱ ᒫᑲ ᑳ ᑮ ᐙᐎᑕᑭᒃ ᒥᓗᐋᒋᒧᐎᓂᓕᐤ ᐊᓂᒪ ᐃᑖᐎᓂᒃ, ᓀᔥᑕ ᒥᒉᑦ ᐁ ᑮ ᑭᔅᑭᓄᐊᒪᐙᒋᒃ, ᑮ ᑭᐌᐗᒃ ᒥᓇ ᓕᔅᑕᕋᐃᒃ ᐃᔑ, ᓀᔥᑕ ᐋᐃᑯᓂᐊᒥᒃ ᓀᔥᑕ ᐋᓐᑎᐊᑭᒃ,
ᐸᑎᒪ ᒫᑲ ᑳ ᑮ ᐗᐸᑕᒃ ᐃᔑᓇᒧᐎᓂᓕᐤ, ᑣᔦᒃ ᓂ ᑮ ᑲᑴ ᐃᑐᑖᓈᓐ ᒫᓯᑐᓂᔭᐃᒃ, ᐁ ᑫᒋᓇᐅᔮᒃ ᐅᑎᐯᓕᒋᑫᐤ ᐁ ᑮ ᑌᑄᔑᔭᒥᑦ ᑭᒋ ᑲᑫᔅᑭᒪᑭᒋᒃ ᒥᓗᐋᒋᒧᐎᓂᓕᐤ᙮
ᐹᓪ ᒫᑲ, ᑖᐱᔅᑯᒡ ᒧᔕᒃ ᑳ ᐃᔑ ᑐᑕᒃ, ᑮ ᐱᑐᑲᐌᐤ, ᓀᔥᑕ ᓂᔅᑐ ᐋᔭᒥᐁᑭᔑᑳᐗ ᑮ ᐎᒋᐋᔭᒥᒣᐤ ᑭᒋᒪᓯᓇᐃᑫᐎᓂᒃ ᐅᒋ,
ᐁᑯ ᒫᑲ ᐊᓂᑭ ᑳ ᑮ ᐗᓴᓶᑎᔕᐙᑲᓂᐎᒋᒃ, ᒥᓯᐌ ᑮ ᐸᐹᐃᑐᑌᐙᒃ ᐁ ᐙᐎᑕᑭᒃ ᐋᔭᒥᐎᓂᓕᐤ᙮
ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮
ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮
