ᐊᐸᔅᑕᓚᒃ 14:5 - ᐅᔅᑭ ᑎᔅᑌᒥᓐᑦ

⁵ ᐃᔅᐱ ᒫᑲ ᐗ ᒪᑯᓈᒋᒃ, ᑖᐱᔅᑯᒡ ᒉᓐᑖᐃᓚᒃ ᓀᔥᑕ ᒎᐗᒃ, ᐊᓯᒋ ᐅ ᑎᐯᓕᒋᑫᐎᓕᓕᒥᐙᐗ, ᑭᒋ ᒪᒋ ᑐᑕᐙᒋᒃ, ᓀᔥᑕ ᑭᒋ ᐱᒧᓯᓈᑕᐙᒋᒃ,

ᐊᐸᔅᑕᓚᒃ 14:5 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 5:44

ᒫᑲ ᓂᓚ ᑭᑦ ᐃᑎᓇᐗᐤ, ᓵᑭᐃᑯᒃ ᐊᓂᑭ ᑳ ᐸᒀᑎᑖᑾᒃ, ᒥᓦᑭᒥᑯᒃ ᐊᓂᑭ ᑳ ᒪᒐᑭᒥᑖᑾᒃ, ᒥᓗᑐᑖᑯᒃ ᐊᓂᑭ ᑳ ᐗᑳᑎᑖᑾᒃ, ᓀᔥᑕ ᐋᔭᒥᐁᔅᑕᒫᑯᒃ ᐊᓂᑭ ᑳ ᓇᓀᑳᒋᐃᑖᑾᒃ ᓀᔥᑕ ᑲᒀᑕᑭᐃᑖᑾᒃ;

ᐅᐸᓓᑭᔅ ᓘᒃ 6:28

ᒥᓦᑭᒥᑯᒃ ᐊᓂᑭ ᑳ ᒥᒐᑭᒥᑖᑾᒃ, ᓀᔥᑕ ᐋᔭᒥᐁᔅᑕᒫᑯᒃ ᐊᓂᑭ ᑳ ᐊᔅᐱᐃᑖᑾᒃ᙮

ᐊᐸᔅᑕᓚᒃ 13:45

ᐃᔅᐱ ᒫᑲ ᒎᐗᒃ ᐎᐋᐸᒫᒋᒃ ᑳ ᒫᐗᒋᐃᑑᓕᒋ ᐃᓕᓕᐗ, ᑮ ᓵᑲᔅᑭᓀᐗᒃ ᐅᑌᓕᑕᒧᐃᓂᓕᐤ, ᓀᔥᑕ ᐁ ᒪᒋ ᐋᓕᒧᑕᑭᒃ ᐊᓂᐃ ᑫᒀᓇ ᑳ ᑎᐹᑐᑕᒥᓕᒋ ᐹᓚ, ᐁ ᐋᓉᑖᑫᒋᒃ ᓀᔥᑕ ᐁ ᐹᔅᑖᒧᒋᒃ᙮

ᐊᐸᔅᑕᓚᒃ 13:50

ᒎᐗᒃ ᒫᑲ ᑮ ᔑᑭᐁᐗᒃ ᑳ ᐋᔭᒥᐁᐙᑎᓯᓕᒋ ᓀᔥᑕ ᑳ ᑭᔅᑌᓕᑕᑯᓯᓕᒋ ᐃᔅᑴᐗ, ᓀᔥᑕ ᑭᒋ ᐃᓕᓕᐗ ᐃᑖᐎᓂᒃ ᑳ ᐃᑖᓕᒋ, ᑳ ᑮ ᐅᒋ ᑲᒀᑕᑭᐋᒋᒃ ᐊᓂᐃ ᐹᓚ ᓀᔥᑕ ᐸᕐᓇᐸᓴ, ᓀᔥᑕ ᐅᑦ ᐊᔅᑭᐙᒃ ᑮ ᐅᒋ ᑭᒋᑎᔕᐌᐗᒃ᙮

ᐊᐸᔅᑕᓚᒃ 14:19

ᐁᑯᑕ ᒫᑲ ᑌᑯᔑᑭᒃ ᐊᑎᑦ ᒎᐗᒃ ᑳ ᐅᑐᑌᒋᒃ ᐊᓐᑎᐊᑭᒃ ᓀᔥᑕ ᐋᐃᑯᓂᐊᒥᒃ, ᑮ ᔕᑯᒋᒣᐗᒃ ᐃᓕᓕᐗ, ᓀᔥᑕ, ᐁ ᑮ ᐱᒧᓯᓈᑕᐙᒋᒃ ᐹᓚ, ᑭ ᐗᓚᐎ ᑖᐹᑌᐗᒃ ᐃᑖᐎᓂᒃ ᐅᒋ, ᓂᐱᐤ ᐁ ᑮ ᐃᑌᓕᒫᒋᒃ᙮

ᐊᐸᔅᑕᓚᒃ 14:2

ᒫᑲ ᐊᓂᑭ ᒎᐗᒃ ᐁᑳ ᑳ ᑖᐺᑕᑭᒃ ᑮ ᒥᑯᔅᑳᒋᐁᐗᒃ ᒉᓐᑖᐃᓚ, ᓀᔥᑕ ᑮ ᑐᑕᐌᐗᒃ ᑭᒋ ᒪᒋ ᒫᒥᑐᓀᓕᒫᒋᒃ ᐊᓂᐃ ᑳ ᐎᒋᔖᓂᑐᓕᑭ᙮

ᐊᐸᔅᑕᓚᒃ 14:4

ᒫᑲ ᑳ ᒥᒉᑎᒋᒃ ᐃᓕᓕᐗᒃ ᐃᑖᐎᓂᒃ ᑳ ᐃᑖᒋᒃ ᑮ ᓂᔓᑣᑐᐗᒃ; ᐋᑎᑦ ᒫᑲ ᑮ ᐎᒋᐁᐗᒃ ᐊᓂᐃ ᒎᐗ, ᐋᑎᑦ ᓀᔥᑕ ᐊᓂᐃ ᐊᐸᔅᑕᓚ᙮

ᐊᐸᔅᑕᓚᒃ 17:5

ᒫᑲ ᒎᐗᒃ ᐁᑳ ᑳ ᑖᐺᑕᑭᒃ, ᐁ ᐅᑌᓕᑕᑭᒃ, ᑮ ᐅᑎᓀᐗᒃ ᐊᑎᑦ ᑳ ᑭᔥᑴᐊᑎᓯᓕᒋ ᐃᓕᓕᐗ ᓇᐗᒡ ᑳ ᒪᒉᓕᑕᑯᓯᓕᒋ, ᓀᔥᑕ ᒫᒪᐤ ᑮ ᒫᐗᒋᐁᐗᒃ ᐊᐌᓕᐗ, ᑮ ᒥᑯᔅᑲᒋᑖᐗᒃ ᒫᑲ ᒥᓯᐌ ᐃᑖᐎᓂᓕᐤ, ᓀᔥᑕ ᑮ ᐎ ᓂᔑᐗᓈᒋᑕᐗᒃ ᐎᑭᓕᐤ ᒉᓴᓐ, ᑮ ᓇᓈᑐᓇᐌᐗᒃ ᒫᑲ ᐁ ᐎ ᐯᒋ ᐗᓚᐎᑕᑕᐙᒋᒃ ᐃᓕᓕᐗ᙮

ᓂᔓ ᑯᕆᓐᑎᐊᓇ 11:26

ᒥᒉᑡᐤ ᓂ ᑮ ᐸᐸᒧᑖᓐ, ᓂ ᑮ ᐅᒋ ᓈᓂᓵᓂᓰᓐ ᓂᐱᐊ, ᓂ ᑮ ᐅᒋ ᓈᓂᓵᓂᓰᓐ ᐅᒪᔅᑲᑗᐗᒃ, ᓂ ᑮ ᐅᒋ ᓈᓂᓴᓂᓰᓐ ᑎᐱᓚᐌ ᓂ ᐎᑕᔅᑭᒫᑲᓇᒃ, ᓂ ᑮ ᐅᒋ ᓈᓂᓵᓂᓰᓐ ᐋᔭᒡ ᐃᓕᓕᐗᒃ, ᓂ ᑮ ᓈᓂᓵᓂᓰᓐ ᐃᑖᐎᓂᒃ, ᓂ ᑮ ᓈᓂᓵᓂᓰᓐ ᐸᑾᑕᔅᑮᒃ, ᓂ ᑮ ᓈᓂᓵᓂᓰᓐ ᑭᒋᑲᒦᒃ, ᓂ ᑮ ᓈᓂᓵᓂᓰᓐ ᐃᑕ ᐁ ᐃᑖᒋᒃ ᓇᔅᐹᒡ ᐎᒋᔖᓂᒪᐗᒃ;

ᓂᔥᑕᒻ ᑌᓴᓗᓂᔭᓇ 2:14

ᐌᓴ ᑭᓚᐗᐤ, ᓂᒋᔖᓂᑐᒃ, ᑭ ᑮ ᓄᔅᐱᓈᑎᒪᐗ ᑭᒋᒪᓂᑐ ᐅ ᒫᒪᐎᐋᔭᒥᐋᒪ ᑳ ᐃᑖᓕᒋ ᒎᑎᐊᐃᒃ ᑳ ᑖᐺᔦᓕᒫᓕᒋ ᙭ ᒋᓴᓴ: ᐌᓴ ᑭᓚᐗᐤ ᓀᔥᑕ ᑖᐱᔅᑯᒡ ᑭ ᑮ ᐙᐎᓴᑫᓕᑕᒥᐃᑯᐗᐗᒃ ᑎᐱᓇᐌ ᑮ ᐎᑕᔅᑭᒫᑲᓂᐗᐗᒃ, ᑖᐱᔅᑯᒡ ᐎᓚᐗᐤ ᑳ ᑮ ᐃᑐᑖᑯᒋᒃ ᒎᐗ,

ᓂᔥᑕᒻ ᑌᓴᓗᓂᔭᓇ 2:16

ᐁ ᑭᑕᐊᒪᐎᔭᒥᒋᒃ ᑭᒋ ᐋᔭᒥᐊᑭᒋᒃ ᒉᓐᑖᐃᓚᒃ ᑭᒋ ᐱᒫᒋᐋᑲᓂᐎᒋᒃ, ᑭᒋ ᑌᐱᐸᓕᑖᒋᒃ ᐅ ᒪᒋᑐᑕᒧᐎᓂᐗᐤ ᒧᔕᒃ: ᐌᓴ ᐋᑯᓚᐌᓯᐎᓂᓕᐤ ᒥᑐᓂ ᐅᑎᑎᑯᐗᒃ᙮

ᓂᔥᑕᒻ ᑌᓴᓗᓂᔭᓇ 2:2

ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮

ᓂᔓ ᑎᒧᑎ 3:11

ᓂ ᑲᒀᑕᑭᐃᑯᓯᐎᓇ, ᓂᑦ ᐊᓕᒥᓯᐎᓇ ᑳ ᑮ ᐅᑎᑎᑯᔮᓐ ᐊᓐᑕ ᐋᓐᑎᐊᑭᒃ, ᓀᔥᑕ ᐋᐃᑯᓂᔭᒥᒃ, ᓀᔥᑕ ᓕᔅᑦᕋᐃᒃ: ᑫᑯ ᑲᒀᑕᑭᐃᑯᓯᐎᓇ ᐁ ᑮ ᓇᔭᑕᒫᓐ: ᒫᑲ ᒥᓯᐌ ᐁᐗᒀᓂᐃ ᐅᒋ ᐅᑎᐯᓕᒋᑫᐤ ᓂ ᑮ ᐎᑾᒋᐃᒃ᙮