ᐊᐸᔅᑕᓚᒃ 13:6 - ᐅᔅᑭ ᑎᔅᑌᒥᓐᑦ

⁶ ᐃᔅᐱ ᒫᑲ ᑳ ᑮ ᔕᐴᔥᑲᑭᒃ ᐊᓂᒪ ᒥᓂᔅᑎᒃ ᐯᐸᓯᒃ ᐃᔅᑯ, ᑮ ᒥᔅᑲᐌᐗᒃ ᐯᔭᒃ ᒥᑌᐗ, ᑭᓛᔅᑭᐎ ᐅᑭᔅᑭᐗᐃᑫᐗ, ᐁ ᒎᐎᓕᒋ, ᐹᕐᒌᓴᔅ ᑳ ᐃᔑᓂᑲᓱᓕᒋ;

ᐊᐸᔅᑕᓚᒃ 13:6 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:17

ᒋᓴᔅ ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᑭ ᔕᐌᓕᑖᑯᓯᓐ ᓵᐃᒪᓐ ᐹᕐᒍᓇ: ᐌᓴ ᐎᔮᔅ ᓀᔥᑕ ᒥᑯ ᓇᒪᐎᓚ ᐅᒪ ᑭ ᑮ ᐅᒋ ᐙᐸᑎᓕᑯᓐ, ᒫᑲ ᓄᑖᐎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒫᑎᐤ 7:15

ᔮᒀᒥᔅᑖᑯᒃ ᓇᔅᐹᒡ ᐅᑭᔅᑭᐙᐃᑫᐗᒃ ᑳ ᐯᒋ ᓈᑎᑖᑾᒃ ᒫᓂᔥᒑᓂᔑᒃ ᑳ ᐃᔑᐅᒋᒃ, ᐊᑖᒥᒃ ᒫᑲ ᒪᐃᑲᓇᐗᒃ ᑳ ᐅᑳᔑᑭᒥᒋᒃ᙮

ᐅᐸᓓᑭᔅ ᒫᕐᒃ 10:46

ᑮ ᑕᑯᔑᓋᒃ ᒫᑲ ᒉᕆᑯᐃᒃ: ᐁ ᐊᑎ ᐗᓚᐐᑦ ᒫᑲ ᒉᕆᑯᐃᒃ ᐅᒋ ᐊᓯᒋ ᐅ ᑭᔅᑭᓄᐊᒪᐗᑲᓇ, ᓀᔥᑕ ᓈᔅᐱᒡ ᒥᒉᑦ ᐃᓕᓕᐗ, ᐁᑳ ᑳ ᐙᐱᑦ ᐹᕐᑎᒥᔭᔅ, ᑕᐃᒥᔭᔅ ᐅᑯᓯᓴ, ᑮ ᐊᐱᐤ ᐅᐱᒣᔅᑲᓈᒃ ᐁ ᐸᑯᔑᑣᑦ᙮

ᐊᐸᔅᑕᓚᒃ 13:13

ᐁᑯ ᐃᔅᐱ ᐹᓪ ᓀᔥᑕ ᐅ ᐎᒉᐙᑲᓇ ᑳ ᓇᑲᑕᑭᒃ ᐯᐸᔅ, ᑭ ᐯᒋ ᐃᑐᑌᐗᒃ ᐊᓐᑕ ᐸᕐᑲ ᐸᒻᐱᓕᐊᐃᒃ: ᒑᓐ ᒫᑲ ᐁ ᓇᑲᑖᑦ ᑮ ᑭᐌᐤ ᒋᕉᓴᓚᒥᒃ᙮

ᐊᐸᔅᑕᓚᒃ 13:8

ᐃᓕᒪᔅ ᒫᑲ ᑳ ᒥᑌᐎᓖᓖᐎᑦ (ᐌᓴ ᐁᐗᒀᓂᒪ ᐁ ᐃᔑᓂᑳᑎᑦ ᐁ ᓈᐃᒧᓈᓂᐗᒃ) ᑮ ᓈᔅᑯᔥᑖᐌᐤ, ᐁ ᓇᑕᐌᓕᑕᒃ ᑭᒋ ᑴᔅᑭᓈᑦ ᐊᓂᐃ ᐅᑭᒫᐗ ᑖᐺᔦᓕᑕᒧᐎᓂᓕᐤ ᐅᒋ᙮

ᓂᔓ ᑯᕆᓐᑎᐊᓇ 11:13

ᐌᓴ ᐁᐗᑯ ᑐᐎ ᑭᓛᔅᑭᐎ ᐊᐸᔅᑕᓚᒃ, ᐙᔦᔑᐃᐌᐎ ᐅᑕᑐᔅᑫᐗᒃ, ᐁ ᑴᔅᑭᓈᑯᐃᑎᓱᒋᒃ ᑳ ᐃᔑᓈᑯᓯᓕᒋ ᐅᑦ ᐊᐸᔅᑕᓕᒪ ᙭᙮

ᓂᔓ ᑎᒧᑎ 3:8

ᑖᐱᔅᑯᒡ ᒫᑲ ᒑᓃᔅ ᓀᔥᑕ ᒑᒻᑉᕇᔅ ᑳ ᑮ ᐃᔑ ᓇᔅᑯᔅᑕᐙᒋᒃ ᒧᓯᓴ, ᐁᑯ ᑖᐱᔅᑯᒡ ᐅᑯ ᐁ ᐃᔑ ᓇᔅᑯᔅᑕᑭᒃ ᑖᐺᐎᓂᓕᐤ; ᐃᓕᓕᐗᒃ ᐁ ᒪᒋ ᒥᑐᓀᓕᒋᑲᓂᒋᒃ, ᐁᑳ ᐙᔦᔥ ᐁ ᐃᑖᐸᑎᓯᒋᒃ ᐊᓂᒪ ᑖᐺᔦᓕᑕᒧᐎᓐ ᐅᒋ᙮

ᓂᔥᑕᒻ ᒑᓐ 4:1

ᓯᐋᑭᐃᑕᑾᒃ, ᐁᑳᐎᓚ ᒥᓯᐌ ᑕᑐ ᐊᒑᒃ ᑖᐺᑖᒃ, ᒫᑲ ᑲᑴᒋᐃᑯᒃ ᐊᒑᑾᒃ ᑮᔥᐱᓐ ᑭᒋᒪᓂᑐᒃ ᐅᒋᐙᑴ; ᐌᓴ ᒥᒉᑦ ᓇᔅᐹᒡ ᐅᑭᔅᑭᐙᐃᑫᐗᒃ ᐊᔅᑮᒃ ᑮ ᐃᑐᑌᐗᒃ᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮